الثقة ..........

[Dr Ahmed]

رسالة وصلتنى بالبريد الالكترونى فيها الكثير من الحكمة والعبرة....

هناك زوجين ربط بينهما الحب والصداقة

فكل منهما يحب الآخر ولا يجد راحته إلا بالقرب منه

إلا أنهما مختلفين تماماً في الطباع

فالرجل (هادئ ولا يغضب في أصعب الظروف)

وعلى العكس زوجته (حادة وتغضب لأقل الأمور)

وذات يوم سافرا معاً في رحلة بحرية

أمضت السفينة عدة أيام في البحر وبعدها ثارت عاصفة كادت أن تودي بالسفينة، فالرياح مضادة والأمواج هائجة ..

امتلأت السفينة بالمياه وانتشر الذعر والخوف بين كل الركاب حتى قائد السفينة لم يخفي على الركاب أنهم في خطر وأن فرصة النجاة تحتاج إلى معجزة من الله،

لم تتمالك الزوجة أعصابها فأخذت تصرخ لا تعلم ماذا تصنع ..

ذهبت مسرعه نحو زوجها لعلها تجد حل للنجاة من هذا الموت وقد كان جميع الركاب في حالة من الهياج ولكنها فوجئت بالزوج كعادته جالساً هادئاً، فازدادت غضباً

و اتّهمتهُ بالبرود واللامبالاه

نظر إليها الزوج وبوجه عابس وعين غاضبة استل خنجره ووضعه على صدرها وقال لها بكل جدية وبصوت حاد:

ألا تخافين من الخنجر؟

نظرت إليه وقالت: لا

فقال لها: لماذا ؟

فقالت: لأنه ممسوك في يد من أثق به واحبه ؟

فابتسم وقال لها: هكذا أنا، كذلك هذه الأمواج الهائجة ممسوكة بيد من أثق به وأحبه فلماذا الخوف إن كان هو المسيطر على كل الأمور ؟

وقفـة ?

فإذا أتعبتك أمواج الحياة ..

وعصفت بك الرياح وصار كل شيء ضدك ..

لا تخف !

فالله يحبك

وهو الذي لديه القدرة على كل ريح عاصفة ..

لا تخف !

هو يعرفك أكثر مما تعرف أنت نفسك ?

ويكشف مستقبلك الذي لا تعلم عنه شيء فهو أعلم السّر وأخفى ..

-إن كنت تحبه فثق به تماماً واترك أمورك له

فهو يحبك ...

[الغزالى]

قمه الثقه

[wassim_nasser]

القصة جميلة وفيها فكرة .. بس مش عارف ليه حاسس انها منقولة من مجلة هو و هى .. نفس الجو و الاسلوب والالفاظ وطريقة الكتابة

[Dr Ahmed]

القصة جميلة وفيها فكرة .. بس مش عارف ليه حاسس انها منقولة من مجلة هو و هى .. نفس الجو و الاسلوب والالفاظ وطريقة الكتابة

غالبا مش هنعرف الكاتب لكن مش مهم لأن فعلا المثل حلو قوى ومقرب المعنى الإيمانى جدا وهو الإيمان بالقدر خيره وشره

[viper911s]

جميل اوووووووووووووووووى
بجد
شكرا ليك

[الريس]

فيها فكرة ... ....

[shadygalal669]

والله دى احسن حاجه

انا الحمد لله سايبها ع الله في كل امورى بعمل اللي عليا و اللي يحصل يحصل بقي و ببقي متأكد ان ده الصح و ده اللي هينفعني و لا عمري زعلت نفسي على اي شئ الحمد لله

دايما عارف ان عقلي صغيييييييييييييييييير جداااااااااااااااااا و مش هستوعب ترتيب ربنا فبريح نفسي و مابزعلش على اي شئ لاني عارف اني هتأكد انه كان في مصلحتي من الاول بس انا اللي عقلي صغير

مهما كنت و مهما وصلت من حكمه و عقل في قراراتك و الله مش هتعرف تعمل لنفسك الخير زي ما ربنا بيخططه الحمد لله على نعمه الثقه بالله ...الحمد لله و الشكر لله

الف شكر ع الموضوع الرائع يا دكتور

[for_ever]

قصة جميلة جدا جددت ايمان الواحد :)

[ramy01011]

قصه جميلة فعلا بس تخيلوا لو حد فينا حد الخنجر قدام مراته هيحصل اية ههههههههههههه

[kar!m]

الثقة بالله موضوع مهم جدا .. و لو اتحقق فينا كل مشاكلنا هتتحل بدون مبالغة .. لما تؤمن بان اللى ربنا اختاره لك و فرضه عليك هو الخير من أكل و شرب و ملبس و عبادات و سلوك و كل حاجة .. و ان اللى ربنا سبحانه و تعالى حرمه عليك و نهاك عنه هو السوء و اللى فيه الشر ليك من أكل و شرب و ملبس و كل حاجة.

الواحد مننا أحيانا بياخد انسان مثل أعلى و قدوة ليه .. و يعمل أى حاجه يقولها له بدون تفكير .. تخيل بأه ربنا سبحانه و تعالى .. و لله المثل الأعلى.

[mrwho1982]

تسلم ايدك يادكتور

[زينة الله]

قصه جميلة فعلا بس تخيلوا لو حد فينا حد الخنجر قدام مراته هيحصل اية ههههههههههههه

هههههههههههههههههههههه والله هذا يرجع الى قدر الثقة بينهما

لكن أغلب الظن هنلاقى أسمه بالبنط العريض فى صفحة الحوادث

الثقة بالله موضوع مهم جدا .. و لو اتحقق فينا كل مشاكلنا هتتحل بدون مبالغة .. لما تؤمن بان اللى ربنا اختاره لك و فرضه عليك هو الخير من أكل و شرب و ملبس و عبادات و سلوك و كل حاجة .. و ان اللى ربنا سبحانه و تعالى حرمه عليك و نهاك عنه هو السوء و اللى فيه الشر ليك من أكل و شرب و ملبس و كل حاجة.

الواحد مننا أحيانا بياخد انسان مثل أعلى و قدوة ليه .. و يعمل أى حاجه يقولها له بدون تفكير .. تخيل بأه ربنا سبحانه و تعالى .. و لله المثل الأعلى.

كلام حضرتك جميل جدا


شكرا يا دكتور أحمد على القصة و العبرة

لكن يجب أيضا عدم الاتكالية فكلما قام الانسان بما عليه من مسئولية و أداء أمانة زادت ثقته بالله تعالى الذى لا يضيع أجر من أحسن عملا ،

إنما جوهر المشكلة فى الاهمال و عدم القيام بما علينا فعندها لا نتعشم بانقاذ الله لنا بل و نشعر بأننا نستحق ما يحل بما من مصائب و نستسلم لها

فنصير ما بين شكوى و جزع و بين جلد للذات بما اقترفت مما يطيل أمد هذا العذاب و لا يشجع على الخروج من هذه الدائرة المظلمة

[الصيداح]

تسلم يدك يا دكتور أحمد
جميلة فعلا

[MISS_MONA]

:b4_388::b4_388::b4_388:
تسلم ايدك يا دكتور فعلا كل حاجة بأيد ربنا مهما تعبنا وحزنا
لو سبناها على ربنا هتبقى الدنيا احسن

[د.أحمد السعيد]

شكرا يا دكتور احمد
و دايما مواضيعك هادفة و فى الصميم
لك منى افضل تحيه و بارك الله فيك و نفعنا بعلمك