فاتورة الميه 300 جنيه

[tabeb]

السلام عليكم
باختصار جاتلي فاتورة الميه 300 جنيه
100 جنيه سكني(6 شقق 2 فقط اللي ساكنين)
200 جنيه تجاري(محلين تحت البيت)
دلوقتي حبيت ادفع السكني قاللي ما ينفعش لازم كله علي بعض
انا غالبا كنت بدفع الاتنين بس لما كانت الفاتورة معقولة
اخدت الكعبين من المحصل وما دفعتش لانه غالبا المحلات كده هتستكتر المبلغ
شوروا عليا اعمل ايه؟

[elsherif_2000]

السكني تتقسم على عدد الشقق بغض النظر ساكن او لا و التجاري تتقسم علي المحلين
واللي مش عاجبة يعمل عداد ميه لوحدة

[Ahmed_lol2007]

إنا جالى 380 جنيه على 3 شقق مع العلم إن الميه مقطوعة عندنا على طول
وأتصلت بالخط الساخن وفهمتهم المشكلة وخدو القراية السابقة للعداد (الايصال اللى قبل أبو 380 جنيه)والقراية اللى فى العداد ذات نفسه ولما قارنهم ببعض قالى لا كدة فى مشكلة متدفعش الفلوس والشهرين هيجولك مع بعض
فانت شوف الحوار دة وكلم 125 وشوف هينتهى على ايه عشان بجد دة استهبال رسمى وربنا معاك
على فكرة أنا كمان من الجيزة من فيصل بالتحديد والمشكلة دى موجودة عندنا فى المنطقة بكترة

[heshamzaky]

لازم حا تدفع و معلش عاوز أوضحلك حاجة الفاتورة بتاعت المياة بتيجى كل شهرين يعنى دة أستهلاك شهرين مش شهر واحد و لما يكون 100 جنية على شهرين لشقتين دة العادى و كويس جدا يعنى 25 جنية تقريبا كل شقة فى الشهر و المشكلة أنك لو أتراكم عليك 3 فواتير ممكن يجو يفكو العداد و تعد حوالى أسبوع لما يركب تانى أنا بصراحة زهقت من السكان و عملت عداد مية لوحدى تماما بمواسير ليا و دة أفضل حل و أحسن حل بدل ما السكان واحد يدفع و التانى ما يدفعش

[omaroof]

دخل ناس كبار فى السن وكبار فى المقام وهوا من كتر الزن عليه حايحترم نفسه لانه حايحس ان سمعته حاتتأثر وروح مره واتنين وكتر الزن عليه لغاية ماهوا يندم على طلبه الزياده

[mahmoodallam]

روح المياه واعمل طلب فحص للعداد
هييجو يفكو العداد يوم ولا اتنين وهيوصلولك مياه عادي من غير عداد لحاد اما يفحصو العداد
لو كان فيه عيب وده بيحصل كتير بيخفضوا المبلغ لحاد 50% في بعض الاحوال
بس ماتتأخرش لانه التخفيض بيكون عن مدة معينة مش فاكرها بس شهريو او تلاتة بس اللي قبل كدا مش هيتخفض