حد عنده علاج لرعشه الايد

[abo_anas]

السلام عليكم

انا ملاحظ من فتره بسيطه رعشه خفيفه فى اصابع الايد على فترات متقطعه

فياريت اللى عنده حل يقوله خصوصا اذا كان اكلات معينه مثلا او تمارين معينه

بس ياريت تكون حلول متجربه . مع العلم انى مواعيد نومى متأخره يعنى تقريبا بعد الفجر فهل ممكن يكون ده السبب

[FunnyMickey]

انا عندي الرعشه دي بس بسبب الغده الدرقيه
واما باخد الدوا ببقي كويس
انما معرفش ايه موضوع الفترات المتقطعه دي
ان شاء الله دكاتره المنتدي يفيدوك

[abo_anas]

انا عندي الرعشه دي بس بسبب الغده الدرقيه
واما باخد الدوا ببقي كويس
انما معرفش ايه موضوع الفترات المتقطعه دي
ان شاء الله دكاتره المنتدي يفيدوك

شفاك الله وعافاك

متهيألى الغده الدرقيه ممكن يتدخل فيها جراحه ولا على حسب الحاله

[smartchoice]

لازم تروح لدكتور لأن لحاكية دية ليها أسباب كتير جدا ممكن يكون مشكلة فى الأعصاب
و حاول تقلل شرب الشاى و القهوة و البيبسى و الحاجات دى و ربنا يشفيك

[bassem.naguib]

موضوع رعشة الأيد دي ليها أكتر من سبب .. ومن ضمنها عدم الكفاية في النوم أو النوم في أوقات متأخرة زي ما حضرتك بتعمل .. أو ضعف في الأعصاب ودي بالفيتامينات والمقويات بتروح .

أو زي ما قال الأستاذ "فني ميكي" ممكن تكون الغدة الدرقية .. وأنصحك تعمل تحاليل t3 , t4, tsh للاطمئنان على مستوى هرمون الغدة الدرقية والغدة النخامية ... ويا ريت تعمل التحاليل دي في أقرب وقت .

ملحوظة : أنا مش دكتور .. بس أول أسباب الرعشة هي الغدة الدرقية .. وإن شاء الله متكونش هي بس أعمل التحاليل لمجرد الاطمئنان .

[abo_anas]

لازم تروح لدكتور لأن لحاكية دية ليها أسباب كتير جدا ممكن يكون مشكلة فى الأعصاب
و حاول تقلل شرب الشاى و القهوة و البيبسى و الحاجات دى و ربنا يشفيك

بصراحه دكاتره الاعصاب دول بالذات مابحبش اروحلهم الا اذا كان الامر مهم
ساعات بحس انهم بيدخلوا المريض فى كذا موال . خصوصا ان الرعشه بسيطه انما لو زادت اكيد هروح لدكتور

وشكرا لحضرتك

[abo_anas]

موضوع رعشة الأيد دي ليها أكتر من سبب .. ومن ضمنها عدم الكفاية في النوم أو النوم في أوقات متأخرة زي ما حضرتك بتعمل .. أو ضعف في الأعصاب ودي بالفيتامينات والمقويات بتروح .

أو زي ما قال الأستاذ "فني ميكي" ممكن تكون الغدة الدرقية .. وأنصحك تعمل تحاليل t3 , t4, tsh للاطمئنان على مستوى هرمون الغدة الدرقية والغدة النخامية ... ويا ريت تعمل التحاليل دي في أقرب وقت .

ملحوظة : أنا مش دكتور .. بس أول أسباب الرعشة هي الغدة الدرقية .. وإن شاء الله متكونش هي بس أعمل التحاليل لمجرد الاطمئنان .

هو انا متهيألى انها مش غده لان الحمد لله مافيش اى ارهاق او نهجان عند المشى او عند بذل مجهود.

ياجماعه الله يبارك فيكم

[bassem.naguib]

شفاك الله وعافاك

متهيألى الغده الدرقيه ممكن يتدخل فيها جراحه ولا على حسب الحاله

على حسب الحالة طبعاً .. يعني أنا على سبيل المثال كانت هرمونات الغدة الدرقية وصلت لدرجة كبيرة وكانت تسممية (بمعنى أخر أي سعر حراري يدخل الجسم بيتحرق على طول من غير أي استفادة للجسم) وكنت ساعتها خاسس جداً جداً ..

واللي وصلني للحالة دي بسبب خطأ في نتيجة تحاليل معمل لأني كنت بعاني من الرعشة دي حتى في رجلي وأنا واقف بصلي مش في أيدي بس .. والنتيجة طلعهالي سليمة ومفيش حاجة .. وفضلت الحالة تتطور من غير علاج طبعاً .. لحد ما وصلت الحالة عندي لغدة درقية تسممية وكان يستلزم معاها الجراحة لاستئصالها بالكامل .

أنا مش بخوف حضرتك ولا بعملك رعب .. بس الأحسن تطمن .. وتكون التحاليل في معمل موثوق فيه

لازم تروح لدكتور لأن لحاكية دية ليها أسباب كتير جدا ممكن يكون مشكلة فى الأعصاب
و حاول تقلل شرب الشاى و القهوة و البيبسى و الحاجات دى و ربنا يشفيك

أحتمال كبير برضه .. الشاي والقهوة والبيبسي .. بالإضافة للنوم في أوقات متأخرة .

[ahmedsamir5edr]

أعتقد أي طبيب هيكتبلك فيتامين b12 حقن في العضل
و غالبا دي هتودي الرعشه
و مستنيين رد باقي الدكاتره

و بالمناسبه الرعشه دي عرض و ليس مرض
و بالتالي ليها عشرات الأسباب مثل زياده افرازات الدرقيه او البول السكري ..

[ahmedsamir5edr]

أنا مش عارف الجرعه بتاع ب 12 اد ايه
و لكنها مختلفه من حاله لأخري



ف يا ريت حد يفيدنا .. و لو الرعشه ما رحتش مع ب 12
ساعتها ممكن تستقصي السبب بقي الي أخره
بدل ما تتكلف كتير علي الفاضي

[bassem.naguib]

هو انا متهيألى انها مش غده لان الحمد لله مافيش اى ارهاق او نهجان عند المشى او عند بذل مجهود.

ياجماعه الله يبارك فيكم

أنا لا كان فيه تعب ولا نهجان ولا أي حاجة من دي خالص وكمان كانت الغدة الدرقية في حجمها الطبيعي من غير أي تضخمات، كل اللي كنت بعاني منه نزول الوزن بشكل مش طبيعي وحرقان في المعدة .. وكل الدكاترة كانوا بيبصوا على التحليل اللي مش مظبوط ده ويستبعدوا الغدة ويتعملوا على أساس أنه في حاجة في المعدة مش مظبوطة .. لحد مارحت عن دكتور كبير بتاع جراحة جهاز هضمي وأنا في دماغي حعمل منظار على المعدة .. ولما كشف عليا قالي أنها غدة درقية .. فوريته التحليل ، قالي ماليش دعوة بالتحليل ده الأعراض كلها أعراض غدة تسممية وأعمل تحليل غدة في معمل الفا أو البرج ، وبالفعل طلع كلامه صح .

لو سمحت أسمع كلامي وأعمل التحاليل مش حتخسر حاجة خالص .. بالعكس حتطمن على نفسك .. أيه المانع يعني !!! وإن شاء الله يكون خير

[abo_anas]

أنا لا كان فيه تعب ولا نهجان ولا أي حاجة من دي خالص وكمان كانت الغدة الدرقية في حجمها الطبيعي من غير أي تضخمات، كل اللي كنت بعاني منه نزول الوزن بشكل مش طبيعي وحرقان في المعدة .. وكل الدكاترة كانوا بيبصوا على التحليل اللي مش مظبوط ده ويستبعدوا الغدة ويتعملوا على أساس أنه في حاجة في المعدة مش مظبوطة .. لحد مارحت عن دكتور كبير بتاع جراحة جهاز هضمي وأنا في دماغي حعمل منظار على المعدة .. ولما كشف عليا قالي أنها غدة درقية .. فوريته التحليل ، قالي ماليش دعوة بالتحليل ده الأعراض كلها أعراض غدة تسممية وأعمل تحليل غدة في معمل الفا أو البرج ، وبالفعل طلع كلامه صح .

لو سمحت أسمع كلامي وأعمل التحاليل مش حتخسر حاجة خالص .. بالعكس حتطمن على نفسك .. أيه المانع يعني !!! وإن شاء الله يكون خير

حاضر انا هروح ان شاء الله اعمل التحاليل وشكرا لحضرتك ولجميع الاخوه

[dr.amr]

انت سنك كام سنه

وايه هي الاكلات والمشروبات

وبتشتغل ايه

[gebreel]

متابع لأنها بتجيلي انا كمان

[NaBeLeOn]

هى فعلا عرض و ليس مرض فى حد ذاته و فى اسباب كتير و مختلفة ممكن تعملها
اولا ايه نوع الرعشة .. على مستوى مفصل الرسغ و لا مفاصل الاصابع نفسها (بين عقل الاصابع)
ثانيا ياريت حضرتك تذكر اى اعراض اخرى لاحظتها