English Courses

[Eng.Ahmed]

حد يعرف اماكن كورسات انجليزى غير الجامعه الامريكيه و ياريت تكون عن تجربه شخصيه

[OlaOsman]

هي مش عن تجربة شخصية، بس انا اسمع ان الأميد إيست ممتازين http://www.amideast.org/

[معاذ الشرباصى]

مبدئيا هو مفيش احسن من الجامعة الامريكية او المركز الثقافى البريطانى

غير كده المعظم, و ليس الكل, اى كلام

هناك بيبقى فيه ناس native speakers , يعنى اللغة بتبقى الام عندهم, فالنطق هيبقى صح, و التعليم بيبقى ممتاز

[Ramy_Tantawi]

الجامعه الامريكيه عن تجربه شخصيه ممتازه .........الاماكن الاخرى اللي هاقولها مش عن تجربه لكن من باب تعميم الفائده يعني هقولها لحضرتك.
1- معهد القوات المسلحه
2-المعهد الثقافي البريطاني
3- مركز برلتز

[Nile_Storm]

انا جربت المركز الثقافي البريطاني ممتاز تحس انك تتعلم الانجليزي من منبعه

[Noha.M]

مافيش شك ال british council

انا كنت بدي فترة فى بيرلتز و مش كل ال instructors هناك كانو كويسين لانهم في

منهم كانو زمايلي و صراحة مستوى اللغة او حتى ال accent كان عادى ..عادى جدا
فحرام يعني ما هنا فلوس و هنا فلوس فاتعلم فى المكان الصح احسن

[Akram]

طبعاً british council مش محتاج كلام.
و انا أخدت في الجامعة الأمريكية , و هما ممتازين.
و أخدت في معهد القوات المسلحة و زي ما قالت onna فيه معلمين ممتازين و فيه تانين أي كلام ,
على فكرة فيه في مكتبة مبارك مكان لتعليم اللغة الإنجليزية وهو تحت اشراف الجامعة الامريكية و بأسعار كويسة .
عنوان المكتبة : 4 ش الطحاوية م ش النيل - الجيزة
و التليفونات هي : 33360293 - 33360291 - 37496928 - 37616098

[Eng.Ahmed]

شكرا على كل الردود