إزاي الواحد يبقا بارد

[cyborg_ift]

مهى العصبية دى جاية من ظروفك (والحقيقة ليك حق تبقى عصبى) بس سواء كده او كده دى خطوة لازم تفكر فيها وثق فى ربنا انه حيرزقك بحد كويس يعوضك ان شاء الله

مفيش حد يقدر يستحملني ده أنا مش مستحمل نفسي ههههههههه

والله بجد ساعات بقيت أبص لنفسي وأقول تتك القرف هههههههههه

بس إنت غريب أوي شكلك لسه متجوزتش صح ولا أنا غلطان

[ahmed4000]

بس إنت غريب أوي شكلك لسه متجوزتش صح ولا أنا غلطان

ليه غريب؟ انا متجوز والحمد لله

[cyborg_ift]

ليه غريب؟ انا متجوز والحمد لله

ربنا يكرمك وييسر لك الحال

أصل الناس اللي إتجوزت 90% منهم مبينصحوش حد إنه يتجوز

إنت عارف أنا أكتر حاجه نفسي أعملهه دلوقتي إيه ... نفسي أعتمر وأخد البنت معايه إيه رأيك أنا الفكره ديه في دماغي وكان نفسي أحج بس خفت على البنت من الزحام هيه المشكله في الشغل بس ممكن تتدبر

[ahmed4000]

ربنا يكرمك وييسر لك الحال

أصل الناس اللي إتجوزت 90% منهم مبينصحوش حد إنه يتجوز

إنت عارف أنا أكتر حاجه نفسي أعملهه دلوقتي إيه ... نفسي أعتمر وأخد البنت معايه إيه رأيك أنا الفكره ديه في دماغي وكان نفسي أحج بس خفت على البنت من الزحام هيه المشكله في الشغل بس ممكن تتدبر

مانت عارف ياباشا بنشتكى منهم بس اكيد انت وبنتك مدركين ددلوقتى اهمية وجودهم فى البيت

العمرة فكرة جميلة ليك وان شاء الله تريحك

لكن بالنسبة للبنت مش عارف حتفيدها ولا لا هى اعتقد محتاجة تخرج وتتفسح وياريت تحاول دايما ميعديش اسبوع الا لما تخرجها...الاطفال العاديين بيتخنقول لما ميخرجوش اسبوع فمبالك الظروف ويارب تكون اتوفقتلها فى حضانة كويسة

[azmeralda]

متهيألى صعب تعالج الموضوع لوحدك مع الأرادة القوية و العزيمة حاول تقرا كتب فى الموضوع ده كتب شريف عرفة حلوة وممكن طول فترة قراية الكتاب تلاقى نفسك بتحاول تنفذ اللى فيه فعلا وبيفرق فى تضخيم الأمور والنرفزة على حاجات متستاهلش
وانا شخصيا جربت دورة فى التنمية البشرية وافادتنى الى حد ما كان اسمها التواصل مع الآخرين وفعلا اهم حاجة انك حطيت ايدك على ان عندك مشكلة مش احسن ما تقول انا كويس وهم اللى فاهمنى غلط او هم اللى وحشين
بس الخطوة الجاية تحاول تتغير وده مع السن الصغير هيكون اسهل من قدام لكن مش مستحيل وجرب كل يوم فى كذا موقف ولو حتى فشلت يكفيك شرف المحاولة وفعلا اولاد العصبيين عادة بيطلعوا زيهم او فى حالات بيتخنقوا من كتر النرفزة والزعيق وبيقرروا يبقوا العكس
وطبعا اللى مريت بيه مش هين وسبب اساسى فى انك متطيقش اى موقف يعصب وميكونش لك نفس تتعامل او تحاول تتعامل بهدؤ لكن هنا تظهر معادن البشر واكيد هتطلع اقوى ومنتصر على الألم على الاقل عشان تساعد الناس اللى محتاجينلك وملهمش غيرك

"وانما الصبر بالتصبر وانما الحلم بالتحلم"

واول حاجة بقى تحاول تغيرها التريقة هه :)

[cyborg_ift]

مانت عارف ياباشا بنشتكى منهم بس اكيد انت وبنتك مدركين ددلوقتى اهمية وجودهم فى البيت

العمرة فكرة جميلة ليك وان شاء الله تريحك

لكن بالنسبة للبنت مش عارف حتفيدها ولا لا هى اعتقد محتاجة تخرج وتتفسح وياريت تحاول دايما ميعديش اسبوع الا لما تخرجها...الاطفال العاديين بيتخنقول لما ميخرجوش اسبوع فمبالك الظروف ويارب تكون اتوفقتلها فى حضانة كويسة

بخرجهه بس علشان بتبقا لوحدهه بتزهق بسرعه بس لما بتلعب مع الاطفال في الجنينه بتبقا مبسوطه ولما مبتلاقيش بضطر أنا ألعب معاهه لدرجة إني الإسبوع اللي فات ركبت معاهه المراجيح هههههه

أنا وديتهه حضانه كويسه إلى حد ما

[cyborg_ift]

متهيألى صعب تعالج الموضوع لوحدك مع الأرادة القوية و العزيمة حاول تقرا كتب فى الموضوع ده كتب شريف عرفة يا دكتوره حرام عليكي على أخر لزمن همشي ورا كلام واحد من بتوع السيما هههههه حلوة وممكن طول فترة قراية الكتاب تلاقى نفسك بتحاول تنفذ اللى فيه فعلا وبيفرق فى تضخيم الأمور والنرفزة على حاجات متستاهلش
وانا شخصيا جربت دورة فى التنمية البشرية خدت دورات من ديه كتير ومستفدتش منهه وافادتنى الى حد ما كان اسمها التواصل مع الآخرين وفعلا اهم حاجة انك حطيت ايدك على ان عندك مشكلة مش احسن ما تقول انا كويس وهم اللى فاهمنى غلط او هم اللى وحشين لأ ما هما برضه فاهميني غلط
بس الخطوة الجاية تحاول تتغير وده مع السن الصغير هيكون اسهل من قدام لكن مش مستحيل وجرب كل يوم فى كذا موقف ولو حتى فشلت يكفيك شرف المحاولة وفعلا اولاد العصبيين عادة بيطلعوا زيهم او فى حالات بيتخنقوا من كتر النرفزة والزعيق وبيقرروا يبقوا العكس
وطبعا اللى مريت بيه مش هين وسبب اساسى فى انك متطيقش اى موقف يعصب وميكونش لك نفس تتعامل او تحاول تتعامل بهدؤ لكن هنا تظهر معادن البشر أنا معدني المفضل الحديد واكيد هتطلع اقوى ومنتصر على الألم على الاقل عشان تساعد الناس اللى محتاجينلك وملهمش غيرك إنتي مخمومه فيه أوي أنا معنديش غير يارا وبس زي ما بيقولوا في الأرياف مقطوع من سجره

"وانما الصبر بالتصبر وانما الحلم بالتحلم"

واول حاجة بقى تحاول تغيرها التريقة هه :)

والله ديه أصعب حاجه ممكن تتغير فيه وعارف انهه أسوأ حاجه وأكتر حاجه اللي حواليه بيعانوا منهه بس والله قصدي بيبقا خير

[azmeralda]

طب مانا قصدى يارا وهو فى حد اهم من كده!!!!!
هى اللى محتاجة لك وملهاش غيرك ربنا يخليكو لبعض

وبعدين موضوع بيبقى قصدى خير ده فى التريقة (الطريق الى ... مفروش بالنوايا الحسنة ) فى الحد الفاصل بين الهزار اللى بيضحك اللى حواليك ويخفف عنهم يومهم وبين اللى يزعلهم ويقفلهم مش كده ولا ايه

وبرضه اقرا "لماذا من حولك اغبياء " شريف عرفة طبيب اسنان حاصل على جايزة عالمية فى الكاريكاتير وقول رأيك فيه
وكون الدورات منفعتش جايز اللى بيديها نفسه مش قوى او رغبتك فى التغيير وقتها مكنتش قوية وانا مقلتش ان الموضوع سهل

[cyborg_ift]

طب مانا قصدى يارا وهو فى حد اهم من كده!!!!!
هى اللى محتاجة لك وملهاش غيرك ربنا يخليكو لبعض

وبعدين موضوع بيبقى قصدى خير ده فى التريقة (الطريق الى ... مفروش بالنوايا الحسنة ) فى الحد الفاصل بين الهزار اللى بيضحك اللى حواليك ويخفف عنهم يومهم وبين اللى يزعلهم ويقفلهم مش كده ولا ايه

وبرضه اقرا "لماذا من حولك اغبياء " شريف عرفة طبيب اسنان حاصل على جايزة عالمية فى الكاريكاتير وقول رأيك فيه
وكون الدورات منفعتش جايز اللى بيديها نفسه مش قوى او رغبتك فى التغيير وقتها مكنتش قوية وانا مقلتش ان الموضوع سهل

بأمانه إنتي زعلانه مني ... ممكن أكون رديت على موضوع ليكي رد يضايقك ... ممكن تجاوبيني

[azmeralda]

لا مش زعلانة بس ممكن ازعل : )
انا بتكلم فى العموم متقلبهاش دراما

الكتاب بيوريك وجهة نظر الآخرين زى مثلا لو واحد قال لك انا لو رميت حتة خشب بتطلع لفوق
هتقول ده طبعا غبى انا لو رميت حتة خشب بتنزل لتحت
وتكتشف بعدين انه غواص وطبيعى تحت المياه الخشب هيطلع لفوق انت قررت انه لازم ينزل مع الجاذبية لأنك اتعلمت كده واتعودت على كده وعشان كده مستغرب اللى قدامك وشايف انه مش فاهمك
ماشى

[cyborg_ift]

لا مش زعلانة بس ممكن ازعل : )
انا بتكلم فى العموم متقلبهاش دراما

الكتاب بيوريك وجهة نظر الآخرين زى مثلا لو واحد قال لك انا لو رميت حتة خشب بتطلع لفوق
هتقول ده طبعا غبى انا لو رميت حتة خشب بتنزل لتحت
وتكتشف بعدين انه غواص وطبيعى تحت المياه الخشب هيطلع لفوق انت قررت انه لازم ينزل مع الجاذبية لأنك اتعلمت كده واتعودت على كده وعشان كده مستغرب اللى قدامك وشايف انه مش فاهمك
ماشى

لعلمك أنا بحب أعيش في الدور أوي

[mrwho1982]

السلام عليكم اولا

بص انا كنت ومازلت زيك كده لما اكون خارج ومعايا مراتي وابني كنت متعصب ومتنرفز وهاتك ياشتايم

وساعات كانت بتوصل للخناق لاني بشتم وانا سايق وممكن اوقف الشارع وانزل اتخانق مع حد

لحد مامع الوقت اتعودت عالهدوء النفسي ولما ابني او مراتي يخرجو معايا بتعامل كاني لازق شريط بلاستر علي فمي

مراتي تقولي انت ساكت ليه اشغلها الكاسيت عالقران واقولها ماينفعش اتكلم والقران شغال

وعيش

[mrwho1982]

مفيش حد يقدر يستحملني ده أنا مش مستحمل نفسي ههههههههه

والله بجد ساعات بقيت أبص لنفسي وأقول تتك القرف هههههههههه

بس إنت غريب أوي شكلك لسه متجوزتش صح ولا أنا غلطان

هههههههههههههه

مش عايز اقوللك التعليق ده فطسني من الضحك

ربنا يهديك ويحسنلك الحال

انت ابن حلال وتستاهل كل خير

[cyborg_ift]

السلام عليكم اولا

بص انا كنت ومازلت زيك كده لما اكون خارج ومعايا مراتي وابني كنت متعصب ومتنرفز وهاتك ياشتايم

وساعات كانت بتوصل للخناق لاني بشتم وانا سايق وممكن اوقف الشارع وانزل اتخانق مع حد

لحد مامع الوقت اتعودت عالهدوء النفسي ولما ابني او مراتي يخرجو معايا بتعامل كاني لازق شريط بلاستر علي فمي

مراتي تقولي انت ساكت ليه اشغلها الكاسيت عالقران واقولها ماينفعش اتكلم والقران شغال

وعيش

يا عيني على الروقان

[mrwho1982]

طيب اعمل ايه مانا لو اتكلمت هايتعملي مجلس تاديب في البيت