إعـــــــلان

**SHNORY** · 15-12-2010, 07:41 PM

عاوزين 5000 جنيه وعربيه زيرو
واكل وشرب ولبس وسفر علي حساب الشغل
والكلام مش علي كل الناس
بس علي الفئه الي اشرف بيتكلم عليها

**أشرف فتحى** · 15-12-2010, 07:50 PM

المشاركة الأصلية كتبت بواسطة shnory مشاهدة المشاركة

عاوزين 5000 جنيه وعربيه زيرو
واكل وشرب ولبس وسفر علي حساب الشغل
والكلام مش علي كل الناس
بس علي الفئه الي اشرف بيتكلم عليها

فعلا مش كل الناس بدليل اللى جه واشتغل زى ما بيقولوا عايز ياكل عيش وعرف منين يا محمد؟

كل يوم بييجى من الشرقيه..مش من شبرا الخيمه..!!

**أشرف فتحى** · 15-12-2010, 07:53 PM

المشاركة الأصلية كتبت بواسطة m.mostafa80 مشاهدة المشاركة

مش عارف يأشرف عايزين ايه تانى
انا اول شغل ليه هقولها ومش هتكسف منها كانت موظف امن فى احد المصانع وكانت ب 250 ووالدى كان يقولى اقعد وانا هدهوملك
بس انا بصراحه مكنتش عايز امدله ايدى تانى واخد مصروفى اول الشهر
ومنها مسكت المكتب لصاحب الشغل لأنو حس ان موظف امن بالنسبالى لا تناسب قدراتى ولا تناسب وضعى الأجتماعى بس هو عشان لقانى عايز اشتغل خلانى مسكتله فرع مكتبه فى المكان ده
وبعدها فتحت مطعم وربنا مكتبش ليا النجاح وبعد كده اشتغلت سيلز فى شركه لتجاره الأدوات الصحيه المحليه والمستورده وهى شركه كبيره بس مش هقول اسمها عشان ما يبقاش اعلان ههههههههه
ومنها اتعرفت على اصحاب شركات كبيره وبسبب تعاملى مع احد ملاك الشركات الكبيره دى طلبنى للشغل معاه وفضلت فيها 5 سنين لحد ما احد العملا بردو ومن خلال تعاملو معايا بردو طلب منى انى اشتغل معاه والحمد لله وظيفتى دلوقتى مدير حسابات فى احدى شركات من مجموعه شركات لأسم تقيل فى المقاولات وليه اسمه وسمعته مش هقوله بردو هههههه عشان الأعلانات
الخلاصه الشغل بيجيب شغل هتأمر هفضل جنب ماما انيقلها الرز هو صحيح مش عيب لما يساعد ماما بس العيب ان يفضل قاعد فى البيت ويتنك على الشغل اللى بيجيله

كلام سليم جدا......لما تبقى خبره ومعروف انك كويس فى شغلك...بتتطلب فى اماكن تانيه بالأسم ..لكن لو خايب لامؤاخذه ...بيمشوك من شغللك عشان مهياش تكيه تنابله...

المدير بيبقى شايف ومش شايف..يعنى حتى لو عامل نفسه مش واخد باله بيبقى عارف مين شغال ومين بيهجص...ووقت الازمات اول ناس بيطلبهم الناس اللى عارف انهم يسدوا فى المواقف دى...لكن مينفعش يصارحك بده...لتاخد فى نفسك قلم ولا تطلب زياده مرتب....هههههههههههه!!!

**M.Mostafa80** · 15-12-2010, 07:58 PM

هو بس كلمه صغيره للنوعيه دى
طول ما انت قاعد ومستنى الشغلانه اللى اتكلك من كنتاكى كل يوم وتركب تاكسى رايح جاى وتلبس من كونكريت ومن تيد لاموند وتيدلابيدوس يبقى هتفضل قاعد لكن لو نزللت وشقيت شويا ربنا هيكرمك ومن اوسع ابوابه

**gebreel** · 15-12-2010, 07:59 PM

معاك في كللللللللللللل اللي بتقوله يا اشرف باشا

و على فكرة انا دفعة 2010 و الحمد لله اول ماتخرجت هو شهر و كنت راشق في فودافون بالرغم من اني بكره الcall center اصلا بس علشان كفاية كدة على اهلي و كان المرتب بيتصرف بين بنزين و صيانة للعربية قعدت هناك شهر بالتمام و الكمال و كنت بدور في حتت تانية يعني شيفت باليل و تدوير بالنهار

اللي كنت بقوله ان علشان الاقي شغل يبقى لازم اتحرك من نقطة حركة مش من نقطة سكون و الحمد لله بعد الشهر ده اشتغلت في مجالي في شركة محترمة الحمد لله و الدنيا تمام

مع العلم ان في ناس في دفعتي كثير لسة ماشتغلوش

**sayed911** · 15-12-2010, 08:13 PM

طيب سؤال مستفز شوية بقى يا استاذ اشرف وبعد اذنك تتحملني كقشقيق اكبر مني .. الكلام اللي حضرتك قلتوا ده كلو زي الفل ولكن ده على حديثي التخرج ... طيب اللي لسة متخرجش لحد دلوقتي وبيجاهد انه يتخرج ... يروح ينتحر على كده ولا ... ولكن انا اعتقد مثلا انا عايز اشرح لحضرتك الفكرة الموجودة في دماغ غالبية الشباب .... لما مثلا انا طالب في كلية هندسة ... مصروفي في الشهر حوالي 400 جنيه ... ده وانا لسة طالب .. طيب بصلها كده يا استاذ اشرف يعني انا طالب ساكن ببلاش باكل ببلاش وكل يوم فلوسي في جيبي يعني مبدئيا الـ 400 دول اساسيين غير طبعا عملية التقليب المستمرة ... طيب لما انا اتفحت 5 سنين في كلية عايز بقى اطلع الاقي عائد كويس يساع\ني على تكوين نفسي بشكل سريع ومن غير بهدلة انا مع حضرتك ان السن ده هوة سن البهدلة بس هوة ليه متبقاش فرصة عادلة للموظف وصاحب العمل بمثلا عقد اتكار لـ 10 سنين عمل صاحب العمل يعلموا ويضمن انه مش ها يسيبوا بعقد بينهم وهكذا .. ويكون عقد عادل للطرفين ... ولكن انا كنت عايز اوضح لحضرتك فقط انه دائما حديث التخرج مش عارف فين مصلحتوا دائما عايز السهل .. انا مع حضرتك ولكن في بعض الوظائف صدقني بتبقى مجحفة .. او مثلا انا بدور على عمل يكون بيعيشني في نفس المستوى اللي تعودت عليه وده طبعا مستحيل بما اني لسة زي ما حضرتك بتقول ميح ودي وجهة نظر حضرتك وانا مقتنع بيها تماما ..ولكن مشكلتنا اننا بندور على العائد المادي اولا .... انا نفسي انزل تمرين في شركة اوراسكوم ولو حتى ها ادفع فلوس لأن اللي بيعلمهولي ده مش ها الاقي حد يخاطر ويسلم مهندس خريج مسؤولية موقع كامل ... يقوم الشباب اللي لسة بيدور على تمرين من اولها انا ها انزل تمرين مثلا في الرحاب بـ 800 جنيه !! لالالا انا عندي ليك تمرين في المقاولون العرب بـ 850 يقوم التاني يقولوا لا فكك من ده كلوا تعالا انا عندي ليك كذى وهكذا بتلاقي العائد رقم واحد ميعرفش ايه المستوى اللي ها يشتغل فيه ولا ها يشتغل في ايه حتى .. ولكن الله المستعان يا اخي ... وكانت دي كلها وجهة نظر مني انه الشاب بيبقى عايز اللي يحسسوا بأنه فقدوا في مراحل التعليم المختلفة ... ولكن الحمد لله على كل شئ .. وتحياتي لك على الموضوع يا اخي ...

**أحمد كمال** · 15-12-2010, 08:16 PM

لا حول و لا قوة الا بالله

رفص النعمة ده و الله بيقطع الرزق

ايه الجيل المهبب ده

انا من 7 سنين كنت في عرض اي شغلانة و انا خريج حاسبات عين شمس و الله لو حد قال لي 300 و لا 500 اول ما اتخرجت كنت هاوافق ان شالله يا رب يكفوا المواصلات بس

و ابويا قال لي لو اشتغلت ب 200 و لا 300 اشتغل ما يهمكش و هاساعدك و انا رفضت اي مساعدة و قلت له و الله لو شغل ببلاش هانزل..... بس الشهادة لله اول ما اشتغلت اشترى لي بدلة - جنب اللي كانت عندي - لزوم الشغل .... ربنا يكرمه و يخليه ليا .....

انا قعدت 40 يوم ما بين التخرج و الشغل كانوا من اسود اربعين يوم عليا نفسيا و كنت مش طايق نفسي

و اما اول مرتب اتعرض عليا كان اعلى من توقعاتي بشوية و الله العظيم فرحت و حمدت ربنا و شكرته على خيره ....

هي الناس دي فاهمة ايه؟

انت مين اصلا يا حتة حديث تخرج - مش تناكة انا من 7 سنين و نص كنت كده .... بس برضه كنت انا مين اصلا يا حتة حديث تخرج برضه .....

ايه الخبرة و العلم الرهيب الفظيع الشنيع اللي هتقدمه للشركة؟؟؟؟؟؟

انت لازم تتعلم و تقبض ملاليم - او حتى تشتغل بلوشي - عشان تسوى و يبقى لك تمن و بعدها تكبر و تغلى و تمنك يزيد و تحط رجل على رجل و تتنك و تطلب عايز كذا و كذا

و الله العظيم جيل يشل و عايز الحرق و خسارة فيهم المساعدة بلا قرف

انا في الاجازات في الجامعة كنت بادور على اي شغل و اما لقيت شغل مرة ب 350 جنيه ابويا قطع عني المصروف و اشتغلت و كنت فرحان اني باصرف من جيبي على نفسي في الاجازة بدل ما بامد ايدي و يا اخد يا ماخدش

العيال - و مالهمش وصف غير عيال - دي مستعجلة أوي عالنعمة .... و عمرهم ما هيطولوها و الله العظيم ..... المكان مش عاجبه؟ المشوار بعيد؟ المرتب قليل؟ بلا ستميت نيلة يا شيخ

**أحمد كمال** · 15-12-2010, 08:17 PM

لا حول و لا قوة الا بالله

رفص النعمة ده و الله بيقطع الرزق

ايه الجيل المهبب ده

انا من 7 سنين كنت في عرض اي شغلانة و انا خريج حاسبات عين شمس و الله لو حد قال لي 300 و لا 500 اول ما اتخرجت كنت هاوافق ان شالله يا رب يكفوا المواصلات بس

و ابويا قال لي لو اشتغلت ب 200 و لا 300 اشتغل ما يهمكش و هاساعدك و انا رفضت اي مساعدة و قلت له و الله لو شغل ببلاش هانزل..... بس الشهادة لله اول ما اشتغلت اشترى لي بدلة - جنب اللي كانت عندي - لزوم الشغل .... ربنا يكرمه و يخليه ليا .....

انا قعدت 40 يوم ما بين التخرج و الشغل كانوا من اسود اربعين يوم عليا نفسيا و كنت مش طايق نفسي

و اما اول مرتب اتعرض عليا كان اعلى من توقعاتي بشوية و الله العظيم فرحت و حمدت ربنا و شكرته على خيره ....

هي الناس دي فاهمة ايه؟

انت مين اصلا يا حتة حديث تخرج - مش تناكة انا من 7 سنين و نص كنت كده .... بس برضه كنت انا مين اصلا يا حتة حديث تخرج برضه .....

ايه الخبرة و العلم الرهيب الفظيع الشنيع اللي هتقدمه للشركة؟؟؟؟؟؟

انت لازم تتعلم و تقبض ملاليم - او حتى تشتغل بلوشي - عشان تسوى و يبقى لك تمن و بعدها تكبر و تغلى و تمنك يزيد و تحط رجل على رجل و تتنك و تطلب عايز كذا و كذا

و الله العظيم جيل يشل و عايز الحرق و خسارة فيهم المساعدة بلا قرف

انا في الاجازات في الجامعة كنت بادور على اي شغل و اما لقيت شغل مرة ب 350 جنيه ابويا قطع عني المصروف و اشتغلت و كنت فرحان اني باصرف من جيبي على نفسي في الاجازة بدل ما بامد ايدي و يا اخد يا ماخدش

العيال - و مالهمش وصف غير عيال - دي مستعجلة أوي عالنعمة .... و عمرهم ما هيطولوها و الله العظيم ..... المكان مش عاجبه؟ المشوار بعيد؟ المرتب قليل؟ بلا ستميت نيلة يا شيخ

**Medo007** · 15-12-2010, 08:43 PM

المشاركة الأصلية كتبت بواسطة أحمد كمال مشاهدة المشاركة

لا حول و لا قوة الا بالله

رفص النعمة ده و الله بيقطع الرزق

ايه الجيل المهبب ده

انا من 7 سنين كنت في عرض اي شغلانة و انا خريج حاسبات عين شمس و الله لو حد قال لي 300 و لا 500 اول ما اتخرجت كنت هاوافق ان شالله يا رب يكفوا المواصلات بس

و ابويا قال لي لو اشتغلت ب 200 و لا 300 اشتغل ما يهمكش و هاساعدك و انا رفضت اي مساعدة و قلت له و الله لو شغل ببلاش هانزل..... بس الشهادة لله اول ما اشتغلت اشترى لي بدلة - جنب اللي كانت عندي - لزوم الشغل .... ربنا يكرمه و يخليه ليا .....

انا قعدت 40 يوم ما بين التخرج و الشغل كانوا من اسود اربعين يوم عليا نفسيا و كنت مش طايق نفسي

و اما اول مرتب اتعرض عليا كان اعلى من توقعاتي بشوية و الله العظيم فرحت و حمدت ربنا و شكرته على خيره ....

هي الناس دي فاهمة ايه؟

انت مين اصلا يا حتة حديث تخرج - مش تناكة انا من 7 سنين و نص كنت كده .... بس برضه كنت انا مين اصلا يا حتة حديث تخرج برضه .....

ايه الخبرة و العلم الرهيب الفظيع الشنيع اللي هتقدمه للشركة؟؟؟؟؟؟

انت لازم تتعلم و تقبض ملاليم - او حتى تشتغل بلوشي - عشان تسوى و يبقى لك تمن و بعدها تكبر و تغلى و تمنك يزيد و تحط رجل على رجل و تتنك و تطلب عايز كذا و كذا

و الله العظيم جيل يشل و عايز الحرق و خسارة فيهم المساعدة بلا قرف

انا في الاجازات في الجامعة كنت بادور على اي شغل و اما لقيت شغل مرة ب 350 جنيه ابويا قطع عني المصروف و اشتغلت و كنت فرحان اني باصرف من جيبي على نفسي في الاجازة بدل ما بامد ايدي و يا اخد يا ماخدش

العيال - و مالهمش وصف غير عيال - دي مستعجلة أوي عالنعمة .... و عمرهم ما هيطولوها و الله العظيم ..... المكان مش عاجبه؟ المشوار بعيد؟ المرتب قليل؟ بلا ستميت نيلة يا شيخ

انت دفعة كام ياباشا؟
انا حاسبات عين شمس برده

وشكرا للاستاذ اشرف على الموضوع وفعلا لازم الواحد يكافح شوية
وخصوصا لو حاجة حاببها ويشتغل فيها ببلاش عشان يزود خبرته فيها

**JUVENTUS** · 15-12-2010, 08:45 PM

فعلا ناس غريبة حد يجيله فرصة عمل في الزمن ده و يتبتر عليها سبحان الله
حرام الواحد يتفتح له باب رزق و هو ميرضاش بيه

Comment

Comment

Comment

Comment

إعـــــــلان

.

حديث تخرج..!!!!!!!!!!!!!!

حديث تخرج..!!!!!!!!!!!!!!

Comment

Comment

Comment

Comment

Comment

Comment

Comment

Comment

Comment

Comment