برفانات اصليه.......

[hossam_elwani]

لو حد غاوي نوع معين..يجيب الــ مادة الخام بتاعها من عند بتوع العطور..ويركبها بإيده علشان يضمن الثبات
ولو عاوزين كل اي ماركة عالمية...عندي منها في الصيدلية...وبــ 12 جنيه بس
هههههههههههههههههههههههههههههههههههههههه
المصريين عملوا كل حاجة

قولى يا دكتور ايه حكاية التركيبات بالضبط على الرغم من انى بجيب المادة الخام بدون تخفيف وبيكون مكتوب على العبوة الرئيسية بتاعتها مكتوب صنع فى فرنسا ومع ذلك ما بتقعدش كتير ايه السبب هل كله مضروب ولا ايه ؟؟

[M.Elgergawy]

أنا بستعمل دول هوجو بوص وفهرنهيت

[tifalol]

black xs جامده جدا

[ecybrarian]

تحيا الصناعة الوطنية :-))))

[MRBEBO]

انا وبدور على موضوع البرفانات الاوريجينال لقيت موقع تحفة

اسمه الفراولة

السيت ده متخصص في العطور الاورجينال وفيه دلفري كمان .... والاهم ان كل البرفانات اللي تتخيلوها موجودة فيه والاسعار كمان بالجنيه المصري

عطور ومستحضرات للعناية بالبشرة للرجال بأسعار مخفضة - StrawberryNet

ادخلوا وعيشوا

[adel1414]

الخلاصة ياسيدى الفاضل كالاتى...العطور لاتنقسم الى عطور حلوة وعطور وحشة...وانما فى مجموعات عطرية...فهناك مثلا اكواتك واروماتيك ودة صيفى منعش..وكمان الفوجير والاخشاب والجلود ودى تصبح اكثر للسهرات او مقابلات عمل وهكذا. وهناك العديد من العطوووووووووووور -كانواع تجارية-فى كل عائلة عطرية فممكن ارشحلك عطر على اساس انك بتحب كذا وكذا وكذا...وكمان اغلب عطور الرجال تنتج كماء تزيين اى ثبات من4-6ساعات وهناك القليل جدا الذى يصدر فى هيئة ماء عطر...حتسمع حضرتك عن اللى يقولك باكو ربان او رالف لورين او كريستان ديور او شانيل اوجيرلان-شركتى المفضلة والتى اعتبرها ملكة مملكة العطور-....الخ ...حضرتك لازم تحدد نوعية لبس حضرتك كاجوال اوكلاسيك-تفرق جدا صدقنى-نهارى اوليلى شتوى اوصيفى وكمان افضل عطور -اصلية اصلية اصلية-جربتها وعجبتك لاننى لا اجرب العطور التركيب نهائيا مهما حدث لانها ببساطة تزييف للعطر الاصلى عن طريق فصل مكوناته ووضع كل مكون الشفرة الكيميائية التى تقابلة على سبيل المثال الياسمين الطبيعى والياسمين الصناعى الاتنين ياسمين لكن دا من صنع الله ودة صنع بشرى مقابل ناهيك عن اضرار التركيبات العطرية وحدور لحضرتك على فايل حيفيدك اووى فى الموضوع دة......العطر الاصلى الطبيعى تشعر بانه يتنفس وتتناغم مكوناته بشكل بديع عكس التركيبات والاسبيريهات والكلام دة انا اتكلمت كتيير اوى اعزرنى بس انا عاوز تكون اجابتى محددة وانى الحمد والفضل من عند الله مجرب اكثر من 70عطر اصلى مابين قديم وحديث

[adel1414]

دة عطرى الحالى وتعليقى الوحيد عليه اوووووه بيليسم ماابدعك عطر ...كان سعر ال100مل فى مزايا سان ستيفانو520جنية واخدت كارت خصم 10%

[adel1414]

cartier declaration essence

معرفش تمنها لان حبايبي كتير وبتجيلي هدية من بره

كمان polo explorer تحفه
جايالي هدية هي كمان

كارتيير عطر الرجل المتميز عطر اسطورى من وجهة نظرى وخصوصا ديكليريشن وافضل من كارتيير باشا وسعر الديكليريشن 430 جنيه..البولو اكسبلورر منعشة وجميلة جدا وتناغم المكونات حرفى..انصح حضرتك جدااااا ببولو الازرق لو كنت حبيت الاكسبلورر وكمان سيلفر رومانس من نفس بيت الازياء رالف لورين

[Angel_wolf]

انا هقلكم على الحاجات اللى عندى وجربتها كويس بس الاسعار معرفش والله لانها جيالى من برة مصر

1-D&G pour homme



دة انا مسمية عطر المساء والسهرة مينفعش ستحط غير بليل واكيد ومش وانت خارج مع اصحابك على القهوة

2-Dolce&Gabbana the one.




الراجل التقيل الواثقمن نفسة اوى اوى اوى لحد السنة الجاية


3-armani code for men



دة بقى بتاع الشتا الشتا وبس دة تحس بية اوى مع الحو لما يبرد بيدى احساس هايل اوى



هكمل لما اجى من الجامعة معلش علشان عندى محاضرة

[tkamal]

[mtohg=undefined]http://www.36orr.com/data/products/blak-aks-as-alrgaly_thumb.jpg[/mtohg]



بلاك اكس اس

من اجمل العطور وفواح جدا

سعرة بالرياض حوالى من 120 الى 150 ريال

ياترى سعره كام فى مصر

[fepsceasar]

اواى نفرق بين الأصلى والهاى كوبي، يعنى انا لما روحت السعودية لاقيته بيقولى ده أصلى وده جاى من الامارات والاتنين صعب تميزهم ولا قيت ب 100 ريال فى محل واخوه هو هو ب300 طب ايه الموضوع يا ريت حد يفيدنا ، وكذلك ايه اللى بيميز العطور الصيفى عن الشتوى لأن هتلاقى حاجة زى دانهل ديزير الحمرا ناس تقولك صيفى وناس تقولك شتوى فده على أى أساس يعنى وايه اللى بيميز الاكواتك والأروماتيك عن الحاجات التانية
نفطة كمان يعنى ايه "او زد"
كفاية كده بلاش اشد عليكوا فى الاسئلة وتعبتكوا معايا

[Angel_wolf]

الجزء التانى

1- Black Xs


2- Fahrenheit 32 Dior for men



الاتنين دول بردوا بتعوع بليل والشتا وبجد ليهم تاثير نفسى على الى بيشمهم و هيعجبك اوى لما بتشمهم تحس انهم بيسطلوا جامد

3-azzaro pour homme



ودى بتاعة عموكو الحج الدكتور ابويا ودى ممتازة اوى بالذات لو عندك مثلا اجتماع مع حد او كدة

4-givenchy blue label



5-Versace Man Eau Fraiche by Versace for Men


الاتنين دول بقى بيدوا احساس البرودة والانتعاش

6-gucci-pour-homme



دى بقى ريحة البخور مع خشب حاجة كدة عالية اوى بس للاسف بعد ماجبتها مطلعتش شبابى اوى زى ما انا عايز وكانت غاليو اوى

7- Carolina Herrera Cologne By Carolina Herrera



ودة عطر اخاذ اوى بيشد جامد


و حبة وهكملكم الباقى بس عندى مشروع لازم اسلمة بكرة معلش

[micromoud]

طب العطور الاصلية دى نشتريها منين عشان متكونش مضروبة من اى مكان

[fepsceasar]

يا اخونا حد يجاوب على الأسئلة المحورية دى
اواى نفرق بين الأصلى والهاى كوبي،
ايه اللى بيميز العطور الصيفى عن الشتوى لأن هتلاقى حاجة زى دانهل ديزير الحمرا ناس تقولك صيفى وناس تقولك شتوى فده على أى أساس يعنى
وايه اللى بيميز الاكواتك والأروماتيك عن الحاجات التانية
نفطة كمان يعنى ايه "او زد"

[i_Am_Legend]

يا جماعة عايز اشترى دنهل فريش100 ملل...او ch من كارولينا هيريرا.....اشتري منين وايه الاماكن اللي بتبيع باقل اسعااااااار......وتكون مضمونة انها اصلية مش كوبي اوريجينال....وياريت تقولولي الاسعار؟