تم تخفيض رسوم الانتقال من شبكة لاخرى .... يلا اللى عاوز يحول

[akramlail]

اعلن الجهاز القومي لتنظيم الإتصالات عن إصداره لقواعد جديدة لنقل أرقام المشتركين بين شركات المحمول الثلاث يتم تطبيقها بدءاً من الأسبوع القادم، وذلك بهدف إزالة العوائق التي تحد من انتقال المشتركين بأرقامهم بين شركات المحمول، وتسهيل إجراءات النقل للمشتركين مما يزيد من المنافسة بين شركات المحمول ويؤدي إلى تحسين الخدمة.

وأوضح الدكتور عمرو بدوي الرئيس التنفيذي للجهاز القومي لتنظيم الاتصالات أن القواعد الجديدة تشمل تخفيض رسوم نقل المشترك لرقمه من شركة إلى أخرى من 75 جنيهاً إلى 25 جنيهاً ، كما تشمل القواعد إلغاء لشرط إلزام مشترك الفاتورة الشهرية بسداد شهر تأمين للشركة المشترك معها قبل طلب النقل حيث يلتزم المشترك في القواعد الجديدة بسداد ما عليه فقط للشركة المنتقل منها بدون أي تأمين.

منقول

[mazagngi2010]

الكلام ده فى مصلحه اتصالات

[akramlail]

المنافسة هتشتد وهنسمع قريب عن عروض عجيبة وكلة فى مصلحتنا احنا

[AbO_FaRaH]

الكلام ده للكارت كمان...........ولا لنظام الخط بس

[M.Osama]

الواحد فعلا بيفكر في اتصالات بعد ما كنت موبينيل ورحت فودافون - ولو ان فودافون مفيهاش عيوب وزي الفل

[akramlail]

الكلام ده للكارت كمان...........ولا لنظام الخط بس

دة لكل الانظمة حتى البيزنس والشركات

[د.أحمد السعيد]

خبر جميل خلى الناس تشم نفسها و تتخلص من الاستغلال
دا الخط بتاعى من 1997 و كان ب 1500 جنيه و بتحاسب على 20 قرش لشبكتى و 30 للشبكات التانيه و ييجى اى وواحد يشترى خط دلوقتى ب5 جنيه و يكلم بارخص الاسعار و عروض للصبح و كله طبعا علشان الرقم مهم بالنسبه لى ومش عايز اغيره
دى ناس اما تصدق تلاقيك متمسك بالخط و خصوصا الناس القديمه يقولك اصل خطك مينفعش يتحول الى نظام تانى


مش المفروض العميل القديم اولى بالعروض المميزه من الجديد!!


الحمد لله على نعمة التحويل و الحمد لله على رخص مصاريف التحويل

[Ralliart]

كده هحول من فودافون لاتصالات في اقرب فرصه

[hugan]

بعد ايه
لسه واخدين 75 مني من شهر للتحويل من موبينيل لاتصالات
ارزاق

[M.Elsheikh]

التخفيض في رسوم التحويل حيسري من 22 ديسمبر
و الله اعلم

[kono]

الواحد فعلا بيفكر في اتصالات بعد ما كنت موبينيل ورحت فودافون - ولو ان فودافون مفيهاش عيوب وزي الفل

انا قوداقون من 10 سنين تقريبا
كانت زى القل من 2008 بقت اسوا شبكة فى مصر

[factorialx]

أنا موبينيل من 8 سنين
بفكر جديا أحول لإتصالات بس خايف من شبكتهم

أغلب إصحابي إتصالات و عندهم عروض جامده كفاية آخر كل مكالمة يقولك رصيدك

فودافون و عرض ال 1000 رساله و الإنترنت المجاني

أنا شايف موبينيل بقت أسوأ شبكه في العروض و الرصيد بيطير

[ahmedhilmy]

انا فودافون من 2000 من ايام الخط ابو 1200 بس بيني و بينكم شركة مش منافسة خالص و عروض تحس انها و لا ليها لزمة و حتي لو في عرض جديد ينزل في الدنيا كلها و بعدها فين بشهرين لما ييجي فودافون انا فعلا كنت سالت في اتصالات من اسبوعين علشان احول قالولي اجبلهم من فودافون حاجة اسمها لاسم كما هو علي السستم و رقم الحساب و اسدد 75 جنيه و بتاخد من 4 ال 6 ايم للتحويل

[SonaSteel]

بصوا ............ اتصالات تحفة في عروضها وكل حاجة بس الشبكة بتاعتها تعبانة شويه انا معايا اتصالات من ايام الكليه يعني 5 سنين لغاية دلوقتي
بس فعلا في اماكن اتصالات شبكتها واقعه فيها واقعه سودااااااااااا .......... وخصوصا في العبور
حتي في اماكن يكون شعار الشبكة اللي علي التليفون علي اخره .... وتلاقيها مبتجمعش
فاللي عملته دلوقتي جيبت خط تاني فودافون وعده صغيرة وشغال بالاتنين ..... بس الحق يقال انا ببقي مستريح مع فودافون وانا اساسا كان معايا (كليك) اللي اول مانزلت وكنت شاري الخط ب700 جنية ........ بس ما اتصالات نزلت عروضها كانت تحفة