إعـــــــلان

Collapse

.

,
See more
See less

السفر للخارج او البقاء في مصر..... دعوه للنقاش الموضوعي الجاد

Collapse
X
 
  • Filter
  • الوقت
  • Show
Clear All
new posts

  • #16
    السلام عليكم و رحمة الله و بركاته






    الموضوع ده بالفعل من المواضيع الهامة جدا للمجتمع المصرى و بالدات لفئة الشباب .


    1- الانفصال الاجتماعي عن الاهل و الاصدقاء و ما يتبعه من عزله
    بالنسبة للانفصال عن الأهل , فلو المقصود بالأهل , الأسرة الصغيرة بتاعتك كزوجة و أولاد , فدول مفيش فيهم مشكلة لأنك ممكن تاخدهم معاك و أنا مانصحش حد أنه يسافر أى مكان مش هيقدر ياخد فيه أسرته معاه و لو قصدك بالأهل , اللى هما الأسرة الكبيرة يعنى عيلتك, فده ضريبة النجاح و الهدف اللى أنت هتحققه فى الغربة و كمان أكيد هتقدر تنزل أجازات ليهم كل فترة و بعدين أهم اتنين فى الناس كلهم هما الوالدين , غير دول, كل الناس دلوقتى مشغولة بنفسها و بهمها و محدش فاضى لحد, أما لو تقصد الأصدقاء , فطبعا الواحد بيحب يفضل مع أصدقاؤه طول العمر , بس دى سنة الحياة و كمان لا ظروف البلد و لا ظروف الناس دلوقتى بتخلى فيه روقان بال زى زمان بين الأصدقاء و دول كمان ممكن تتواصل معاهم بالنت و ممكن تشوفهم فى الأجازات و أكيد المكان اللى أنت هتروحه ممكن تكون فيه صداقات جديدة و الحياة مش هتقف يعنى .

    2- صعوبه ايجاد شريكه حياه نظرا لظروف الغربه
    بالنسبة لشريكة الحياة , دى ممكن تتجوز قبل ماتسافر و فى الحالة دى سهل أنك تلاقى شريكة حياة و حتى لو سافرت من غير ماتتجوز , ممكن ترجع فى أى أجازة و تتجوز, حتى لو أنت مسافر بره دولة أجنبية , ممكن تتجوز واحدة مصرية و مسلمة و محترمة و من بيت محترم , لأن حسب ماشوفت أن اللى أنت هتتجوزها بتبقى بنت ناس كانوا من الأصل مهاجرين زيك و دول بيبقوا منهم اللى عرف يربى بنته كويس و يحفظ فيها الأخلاق الحميدة و دى اللى أنت هتدور عليها و هتلاقيها بسهولة ان شاء الله لأن أهلها دول بيبقوا يتنشأوا على واحد محترم يتجوز بنتهم, و منهم اللى مقدرش يمنع بنته أنها تنخرط فى المجتمع الأجنبى و دول بيبقوا باينين أوى و دى اللى أنت هتبعد عنها .

    3- ضيق المساحه الاجتماعيه بالنسبه للعزاب و المتزوجين سواء, اللهم سوي من دائره محدده من الاصدقاء و المقربين
    الدول العربية فيها موضوع الاجتماعيات ده عادى جدا و أنا كنت بشكل شبه يومى بنتجمع أنا و أصحابى و بنخرج و كنا بنشيش كمان لما كننا فى السعودية,أما الدول الأجنبية, فالحياة تتميز فيها بالجدية مع توفير مساحة جيدة للاجتماعيات اللى سيادتك بتتكلم عنها , لكن مش مطلوب أن الحياة و الوقت كله يبقى عبارة عن اجتماعيات و ضحك و فرفشة , لأن ماحنا هنا فى مصر واخدين الحياة ببساطة و الحياة عندنا حاجة هلهلى خالص و الشغل اللى ماتعمش االنهارة , يتعمل بكرة, مفيش مشكلة, هى الدنيا طارت؟؟؟؟ , و النتيجة , وصلنا لحد فين , أصبحنا و بلا منازع أمة تستهزأ بها الأمم و أمة مالهاش لا وزن و لا سعر للأسف, زى النهاردة و أنا بتفرج على قناة الحياة لما كانت عاملة لقاء مع الصيادين بتوع كفر الشيخ اللى كانوا اتحبسوا فى ليبيا و كان الصياد بيحكى كمية الدل و المهانة اللى بيتعاملها هناك , لما كان بيقول أن العسكرى الليبى بتاع السجن بيقوله هو الصيادين التانيين , اطلعوا يا مصريين نظفوا السجن و لما رفضوا , حبسوهم فى دورات المياه!!!!!! .

    4- الاولاد و تعليمهم و اكتسابهم خبرات مختلفه (بالذات في الدول الاجنبيه), و بعدهم عن الأب (غالبا) و ما يستتبع ذلك من مشاكل
    اللى أنا شوفته كان الاتنين , فيه أسر قدرت تاخد بالها من المشاكل دى و قدروا يحافظوا على أولادهم و فى نفس الوقت أولادهم طلعوا ناجحين جدا فى المجتمعات الغربية اللى هما فيها و فى نفس الوقت ملتزمين أخلاقيا جدا و فى أسر ماهتموش بالموضوع ده و أولادهم ضاعوا و ده بيبقى دور ألم أولا و أخيرا و الأمر هيكون أسهل لو الأم قاعدة فى البيت مابتشتغلش زى الأب, بس اللى أنا أؤكده أنك لو شغال فى احدى الدول الغربية , أكيد هيكون عندك وقت أنك تقضى مع أولادك وقت و لو يوم فى الأسبوع لأن هناك فيه نظام لكل شئ لكن لو شغال فى الخليج أو فى مصر , ممكن ماتلحقش أنك تشوفهم و تقضى معاهم وقت كفاية .

    5- مشكله التعود علي نمط معين من الحياه (غالبا ارقي سواء ماديا او اجتماعيا او ثقافيا)
    الرقى فى مستوى الحياة مش شئ سئ , بالعكس ده شئ كويس , الشطارة أنك لما تسافر بره , و تتعود على مستوى معين من الحياة الكريمة و المرفهة , انك ماترجعش مصر تانى -ده لو كنت هترجع- الا و أنت ضامن مليون فى الميه أنك هتقدر تعيش أنت و أولادك فى مصر فى نفس المستوى, غير كده خليك هناك .

    6- صعوبه و تدهور الأحوال في مصر
    دى حاجة ماعاليهاش اختلاف اطلاقا و فى المستقبل أكيد هتتدهور أكتر لأن سبب التدهور لا زال موجود و لم يتم ازالته .

    7- الغلاء الفاحش و عدم القدره علي توفير حياه كريمه
    ده موجود بالفعل فى مصر .

    الى أنا قصدى أقوله, أن الواحد يدور على مصلحته فين و اجرى عليها و أضع الأمور المعنوية و النفسية زى الأهل و الأحباب و احساس الغربة و تراب مصر و اللمة ساعة الفطار فى رمضان و لا فى العيد جانبا, لأن الأمور المعنوية النفسية دى مابتجيبش فلوس, يافرحتك و انت ملموم مع أهلك و أصحابك ساعة الفطار فى رمضان و لما ابنك و لا بنتك -لا قدر الله - لما يتعب مايكونش معاك فلوس تجيبله أحسن دكتور , ساعتها اللمة دى هتيجى و تقف معاك , بس ماحدش يحط ايده فى جيبه و يديك , لكن كلهم هايخدوك بالحضن و يطبطبوا عليك و يقولولك شد حيلك .

    شكرا و آسف جدا للاطالة و آسف جدا لو رأيى أكيد هيختلف مع آراء ناس كتير هنا فى المنتدى , بس ده رأيى و أنا حر فيه طالما أنه لا يتعدى و لا يحقر من آراء الآخرين اللى ليهم كل احترام و تقدير و اجلال .
    [CENTER][FONT=Comic Sans MS][SIZE=7][COLOR=cyan][B][I]Maserati Quattroporte[/I][/B][/COLOR][/SIZE][/FONT][/CENTER]
    [CENTER][B][FONT=Arial Black][SIZE=3][COLOR=#8b0000]بسم الله الرحمن الرحيم[/COLOR][/SIZE][/FONT][/B][/CENTER]
    [CENTER][B][COLOR=navy]لقد كفر الذين قالوا إن الله هو المسيح ابن مريم وقال المسيح يا بني إسرائيل اعبدوا الله ربي وربكم إنه من يشرك بالله فقد حرم الله عليه الجنة ومأواه النار وما للظالمين من أنصار(72)لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم(73)[/COLOR][/B][/CENTER]
    [CENTER][B][FONT=Arial Black][SIZE=3][COLOR=darkred]صدق الله العظيم[/COLOR][/SIZE][/FONT][/B][/CENTER]

    Comment


    • #17
      من واقع تجربتي الشخصية


      1- الانفصال لى الصداقة ولكنالاجتماعي عن الاهل و الاصدقاء و ما يتبعه من عزله

      لم يمثل تغير كبير جدا لإني في مصر ظروف العمل لا تسمح بالتواصل الدائم مع الأقارب أو الأصدقاء، الكل ملهي في عمله والاعتماد الكلي على الاتصالات الهاتفية

      ثم ليس من الصعب في أن يبدأ المرء في التعرف على أشخاص آخرين قد لا تصل العلاقة بينهم إلى الصداقة ولكنها تسمح بدرجة من المشاركة الاجتماعية

      بالعكس قد يفيد السفر ومقابلة أشخاص جدد في ان يتعرف الإنسان على أنماط بشرية مختلفة ويتعلم ويعلم فيرتقى اجتماعيا بدلا من أن يظل محتفظا بنمط واحد من العلاقات مع معارفه.



      2- صعوبه ايجاد شريكه حياه نظرا لظروف الغربه

      ما أقدرش أفتي في النقطة دي

      3- ضيق المساحه الاجتماعيه بالنسبه للعزاب و المتزوجين سواء, اللهم سوي من دائره محدده من الاصدقاء و المقربين


      طيب وهو العائلات في مصر لسه بتتعارف وتتزاور؟؟
      كل عائلة ولها دائرة محددة برضه من الأقارب والأصدقاء وخلاص على كده


      4- الاولاد و تعليمهم و اكتسابهم خبرات مختلفه (بالذات في الدول الاجنبيه), و بعدهم عن الاب (غالبا) و ما يستتبع ذلك من مشاكل

      مبدئيا مفيش حاجة اسمها أسرة الأب فيها
      مسافر، أنا ضد انفصال رب الأسرة عنها مهما كانت الأسباب، لإن وظيفة رب الأسرة هي رعاية أولاده وليس فقط دفع الفواتير،

      نقطة الأولاد يتربوا بره مصر: لو دول متقدمة يفترض هنا إن فعلا التنشئة والتعليم هيقدم لهم خبرات ومعارف أقيم كثيرا مما هو بمصر، حيث الخبرات المتاحة هي تعلم الفهلوة بكل فروعها

      موضوع اختلاف الأخلاق بالدول الأجنبية: طيب وهو الوضع الأخلاقي في مصر يسمح بتنشئة أخلاقية سليمة؟؟؟ يبقى إذن المسؤلية تقع على عاتق الوالدين وده أصلا دورهم سواء في مصر أو خارجها



      5- مشكله التعود علي نمط معين من الحياه (غالبا ارقي سواء ماديا او اجتماعيا او ثقافيا)

      لا أعتقد إن التعرض لحياة أفضل حتى لو لفترة وجيزة مع التأكد التام من العودة للحياة الأقل يصح أن ينظر إليه كمشكلة، بالعكس له من الفوائد الكثير.


      6- صعوبه و تدهور الاحوال في مصر

      دي القضية الأساسية، واللي مفروض يكون الدافع
      الفعلي للسفر حتى لو توفرت القدرة المالية بمصر، وأختلف مع الرأي القائل إن الإنسان مخلوق ليعمر الأرض، فالغرض من الخلق معروف ومذكور في القرءان وهو لا يتضمن البقاء في أرض ليس بها عدل سوى لمن لديه جاه أو مال

      7- الغلاء الفاحش و عدم القدره علي توفير حياه كريمه

      برضه ما أقدرش أفتى لإن مفهوم الحياة الكريمة يختلف من شخص لآخر

      Comment


      • #18
        [QUOTE=amir;3873149565]السلام عليكم و رحمه الله

        اعضاء نايل موتورز الكرام

        حبيت افتح موضوع للنقاش الجاد و الموضوعي عن موضوع السفر للعمل او الهجره سواء لبلاد عربيه او اجنبيه

        و اتمني ان النقاش يكون هاديء و موضوعي و علي مستوي راق

        و الغرض ان تعدد الاراء و النقاش هيرسم صوره حقيقه امام كل من يفكر في الموضوع

        و احب في البدايه اطرح بعض النقاط للنقاش و طبعا النقاش مفتوح و اهلا و سهلا بكل رأي

        1- الانفصال الاجتماعي عن الاهل و الاصدقاء و ما يتبعه من عزله

        الانسان بينفصل اجتماعيا لما يكون مالوش اي علاقات اجتماعيه بأي حد و ده مستحيل لان في اي مكان هتروحه هتقابل ناس جديده و مش بس مصريين هتقابل ناس من جنسيات تانيه و ده هيفتحلك آفاق جديده في الحياه و هيغير افكار كتير جواك.
        بالنسبه للاهل و الاصدقاء انا لما بنزل اجازه و الله اخواتي بيبقوا راجعين من اشغالهم هلكانين و بيعدوا يقعدوا معايا شويه و لو انا عايش في مصر هنتقابل يمكن مره كل اسبوع غير كده تليفونات لان ضغوط الحياه بقت رهيبه وعموما انت الوحيد اللي ممكن تقدر تحدد انك تتغرب ولا لا.

        2- صعوبه ايجاد شريكه حياه نظرا لظروف الغربه
        زي ما كتير اعضاء قالوا ده نصيبك و ربنا كاتبهولك و هييجيلك في وقته و مكانه

        3- ضيق المساحه الاجتماعيه بالنسبه للعزاب و المتزوجين سواء, اللهم سوي من دائره محدده من الاصدقاء و المقربين
        المصريين ماليين الدنيا في اي حته هتقابل مصريين و كتير اوي طبعا في الحلو و الوحش و انت اللي تقدر تختار تصاحب مين و مين يبقي مجرد معرفه و بس و مين تهرب لما تشوفه و كده يعني.


        4- الاولاد و تعليمهم و اكتسابهم خبرات مختلفه (بالذات في الدول الاجنبيه), و بعدهم عن الاب (غالبا) و ما يستتبع ذلك من مشاكل
        والله شوف في ناس بتربي عيالها علي تقاليدنا و عاداتنا و في ناس بيبقي عنده الصدمه الحضاريه فبيربي عياله زي الاوروبيين و ده بيكون هو اصلا معندوش لا خلفيه دينيه و لا ثقافيه و لا اخلاقيه فاول ما بيشوف الحياه في اوربا بينبهر و بيضيع مع الوقت و لا بيفضل مصري ولا بيبقي اوربي.
        كمان انا عاوز اقولك ان مش شرط ان اللي اتربي بره يبقي اخلاقه مش حلوه بالعكس يعني هنا في سويسرا انت ممكن تعلم ابنك انه مايكذبش و فعلا مش هيكذب لكن في مصر هيكذب هيكذب عشان احنا بنتربي علي الخوف من صغرنا.
        علي فكره انت في اوربا عندك كل اسبوع يومين كاملين اجازه و كل سنه ٥ اسابيع اجازه يعني لو انت شغال في مصر مش هيكون عندك الوقت ده لعيالك
        .


        5- مشكله التعود علي نمط معين من الحياه (غالبا ارقي سواء ماديا او اجتماعيا او ثقافيا)
        هي دي فعلا مشكله كبيره انا نفسي ارجع والله بس معنديش امكانيات تخلي العيال يعيشوا في نفس المستوي.

        6- صعوبه و تدهور الاحوال في مصر
        طبعا الاحوال في مصر من سئ لاسوأ بسرعه رهيبه جدا.

        7- الغلاء الفاحش و عدم القدره علي توفير حياه كريمه

        و ده اهم الاسباب اللي الناس بتتغرب عشانها.

        في الآخر نصيحتي ليك سافر اعملك قرشين و ارجع عيش عيشه حلوه في مصر و طبعا قبل اي خطوه اعمل استخاره و ربنا يكرمك ان شاء الله.
        [CENTER][SIZE=6][B][FONT=Tahoma]وبحبك وحشتيني[/FONT][/B] [/SIZE][/CENTER]

        Comment


        • #19
          - مشكله التعود علي نمط معين من الحياه (غالبا ارقي سواء ماديا او اجتماعيا او ثقافيا)
          الرقى فى مستوى الحياة مش شئ سئ , بالعكس ده شئ كويس , الشطارة أنك لما تسافر بره , و تتعود على مستوى معين من الحياة الكريمة و المرفهة , انك ماترجعش مصر تانى -ده لو كنت هترجع- الا و أنت ضامن مليون فى الميه أنك هتقدر تعيش أنت و أولادك فى مصر فى نفس المستوى, غير كده خليك هناك .

          الأخ Maserati

          أسمحلي أختلف معاك .. المشكله في مصر مش مشكله فلوس لأ .. دي مشكله Culture

          و بعدين اذا كنت فاكر ان الفلوس في مصر هتقدر تريحك من عناء

          1. المطبات و الحفر و النقر اللي في الشارع
          2. عربيات المقطوره و خطورتها
          3. معاك واسطه و لا لأ
          4. رزاله موظفين الحكومه و تناحه أمناء الشرطه
          5. السياس اللي بيطلعوا من تحت الأرض و الشاي و القهوه و الكلام ده
          6. ان برضه بنتك تعيا و ما تلاقيش الرعايه المناسبه الصحيه و فلوسك تقف عاجزه برضه
          7. سخافه المصريين و الحشريه و الدخول في اللي ملهومش فيه و رغي النسوان ( و سواقتهم )
          8. عدم الحفاظ علي المواعيد و كلام من عينه ( وراك الديوان .. يعني الدنيا هتطير و هكذا )
          9. التزوير و الفساد الأداري اللي باين جدا و محدش بيعمل حاجه
          10. السلبيه الطاغيه













          تبقــــــــــــــــــــــــــــــي غلطـــــــــــــــان

          مصر مفيهاش Quality of Life
          علي الوزير و الغفير

          Comment


          • #20
            مستمتع جدا برقي لغه و اسلوب الحوار و اسف علي عدم التدخل في مجريات الحوار لأني معنديش خبره في الموضوع الا وجهه نظري الشخصيه عن فتره طفولتي في مصر و بره

            و ان شاء الله هشارك بيها بس كمان شويه لما الحوار يكبر شويه و مجالاته تتسع

            Comment


            • #21
              لو الحالة الإقتصادية سيئة في مصر
              لو ظروف الحياة صعبة في مصر
              لو التعليم وحش في مصر
              لو الصحة وحشة في مصر

              بس الناس اخلاقهم كويسة و تعاملهم مع بعض كويس..

              يبقى استنى فيها

              Comment


              • #22
                المشاركة الأصلية كتبت بواسطة M.Osman مشاهدة المشاركة
                لو الحالة الإقتصادية سيئة في مصر
                لو ظروف الحياة صعبة في مصر
                لو التعليم وحش في مصر
                لو الصحة وحشة في مصر

                بس الناس اخلاقهم كويسة و تعاملهم مع بعض كويس..

                يبقى استنى فيها
                .....هو ده رأيى من سنين و حتى الآن...كل الفرق ...من سنين كانت الناس تخليك تقعد...دلوقتى بقت المشكلة فيهم...
                [CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
                [SIGPIC][/SIGPIC]
                [URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
                [/CENTER]

                Comment


                • #23
                  المشاركة الأصلية كتبت بواسطة ahmedsamir5edr مشاهدة المشاركة
                  -

                  أسمحلي أختلف معاك .. المشكله في مصر مش مشكله فلوس لأ .. دي مشكله Culture

                  و بعدين اذا كنت فاكر ان الفلوس في مصر هتقدر تريحك من عناء

                  1. المطبات و الحفر و النقر اللي في الشارع
                  2. عربيات المقطوره و خطورتها
                  3. معاك واسطه و لا لأ
                  4. رزاله موظفين الحكومه و تناحه أمناء الشرطه
                  5. السياس اللي بيطلعوا من تحت الأرض و الشاي و القهوه و الكلام ده
                  6. ان برضه بنتك تعيا و ما تلاقيش الرعايه المناسبه الصحيه و فلوسك تقف عاجزه برضه
                  7. سخافه المصريين و الحشريه و الدخول في اللي ملهومش فيه و رغي النسوان ( و سواقتهم )
                  8. عدم الحفاظ علي المواعيد و كلام من عينه ( وراك الديوان .. يعني الدنيا هتطير و هكذا )
                  9. التزوير و الفساد الأداري اللي باين جدا و محدش بيعمل حاجه
                  10. السلبيه الطاغيه

                  تبقــــــــــــــــــــــــــــــي غلطـــــــــــــــان

                  مصر مفيهاش Quality of Life
                  علي الوزير و الغفير
                  معلش احب اضيف
                  11- الناس اللي ماشية تتف و تنف في الشارع زي الحيوانات
                  12- التحرش و المعاكسة في الشارع اللي بقي بيتم بصورة حيوانية..دانا مرة شفت بعيني عيال طالعة من مدرسة ابتدائي بيتحرشوا بواحدة معدية من ادام المدرسة..شابة في العشرينات ولابسة محترم بس مش محجبة و لاقيت يجي 50 عيل لسه طالعين من المدرسة...اللي يقول كلمة سافلة و االي يزق صاحبه عليها واللي يعمل حركة قذرة و يجري...و البنت مش عارفة تعمل ايه...تنطشهم...مش هايسكتوا...تضربهم..اكبرهم عنده 10 سنين..يعني "اطفال"

                  انا الحمدلله مستريح ماديا في مصر و ممكن ماكسبش قد اللي بكسبه هنا لو سافرت...بس حكاية Quality of life هي اللي ممكن تخليني اسيب البلد...و بعدين حكاية الاخلاق هنا و بره دي كانت زمان...يعني انا شايف الاخلاق بره احسن مليون مره...اللي بيقول في اباحية بره...طب وهنا مفيش؟؟!!!! ممكن يكون مفيش في الشارع ستات لابسه قصير بس الانترنت خلي اللي عايز يشوف حاجة يشوفها بمنتهي السهولة...نيجي لنقطة العلاقات بين البنت و الولد..في ناس عايشة في مصر زي ماتكون عايشة في اوروبا...و البركة في المدارس و الجامعات الاجنبية...يعني اللي يعرف يربي ابنه او بنته كويس في مصر هايعرف يربيهم كويس في اي حته تانية...لكن غير كده الاخلاق بره افضل من هنا بكتير....و هاقولها بكل اسف...انا اامن ان مراتي و بنتي يمشوا في شوارع اي عاصمة اوروبية لوحدهم بالليل و مارضاش انهم يمشوا لوحدهم في ميدان التحرير حتي لو في عز الظهر

                  Comment


                  • #24
                    المشاركة الأصلية كتبت بواسطة wael17 مشاهدة المشاركة
                    معلش احب اضيف
                    11- الناس اللي ماشية تتف و تنف في الشارع زي الحيوانات
                    12- التحرش و المعاكسة في الشارع اللي بقي بيتم بصورة حيوانية..دانا مرة شفت بعيني عيال طالعة من مدرسة ابتدائي بيتحرشوا بواحدة معدية من ادام المدرسة..شابة في العشرينات ولابسة محترم بس مش محجبة و لاقيت يجي 50 عيل لسه طالعين من المدرسة...اللي يقول كلمة سافلة و االي يزق صاحبه عليها واللي يعمل حركة قذرة و يجري...و البنت مش عارفة تعمل ايه...تنطشهم...مش هايسكتوا...تضربهم..اكبرهم عنده 10 سنين..يعني "اطفال"

                    انا الحمدلله مستريح ماديا في مصر و ممكن ماكسبش قد اللي بكسبه هنا لو سافرت...بس حكاية Quality of life هي اللي ممكن تخليني اسيب البلد...و بعدين حكاية الاخلاق هنا و بره دي كانت زمان...يعني انا شايف الاخلاق بره احسن مليون مره...اللي بيقول في اباحية بره...طب وهنا مفيش؟؟!!!! ممكن يكون مفيش في الشارع ستات لابسه قصير بس الانترنت خلي اللي عايز يشوف حاجة يشوفها بمنتهي السهولة...نيجي لنقطة العلاقات بين البنت و الولد..في ناس عايشة في مصر زي ماتكون عايشة في اوروبا...و البركة في المدارس و الجامعات الاجنبية...يعني اللي يعرف يربي ابنه او بنته كويس في مصر هايعرف يربيهم كويس في اي حته تانية...لكن غير كده الاخلاق بره افضل من هنا بكتير....و هاقولها بكل اسف...انا اامن ان مراتي و بنتي يمشوا في شوارع اي عاصمة اوروبية لوحدهم بالليل و مارضاش انهم يمشوا لوحدهم في ميدان التحرير حتي لو في عز الظهر




                    أتفق معاك تماما أستاذ وائل
                    و لو حاولنا نعمل قائمه بالسلبيات مش هيكفينا ال data base بتاع المنتدي كله

                    يا سيدي الفاضل يكفي ان بره الحياه بتجبرك تنام الساعه 8 او 9 بالكتيــــــر
                    و الساعه 6 الصبح كله في الشارع
                    انما هنا القهاوي و النوادي و الحاجات اللي المفروض يكون دورها مقتصر علي عطله نهايه الأسبوع .. صارت ركن أساسي في الحياه

                    للأسف احنا بناخد صوره ال Week End عاي أنها العادي و نقول اشمعنا احنا

                    Comment


                    • #25
                      المشاركة الأصلية كتبت بواسطة wael17 مشاهدة المشاركة
                      معلش احب اضيف
                      11- الناس اللي ماشية تتف و تنف في الشارع زي الحيوانات
                      12- التحرش و المعاكسة في الشارع اللي بقي بيتم بصورة حيوانية..دانا مرة شفت بعيني عيال طالعة من مدرسة ابتدائي بيتحرشوا بواحدة معدية من ادام المدرسة..شابة في العشرينات ولابسة محترم بس مش محجبة و لاقيت يجي 50 عيل لسه طالعين من المدرسة...اللي يقول كلمة سافلة و االي يزق صاحبه عليها واللي يعمل حركة قذرة و يجري...و البنت مش عارفة تعمل ايه...تنطشهم...مش هايسكتوا...تضربهم..اكبرهم عنده 10 سنين..يعني "اطفال"

                      انا الحمدلله مستريح ماديا في مصر و ممكن ماكسبش قد اللي بكسبه هنا لو سافرت...بس حكاية Quality of life هي اللي ممكن تخليني اسيب البلد...و بعدين حكاية الاخلاق هنا و بره دي كانت زمان...يعني انا شايف الاخلاق بره احسن مليون مره...اللي بيقول في اباحية بره...طب وهنا مفيش؟؟!!!! ممكن يكون مفيش في الشارع ستات لابسه قصير بس الانترنت خلي اللي عايز يشوف حاجة يشوفها بمنتهي السهولة...نيجي لنقطة العلاقات بين البنت و الولد..في ناس عايشة في مصر زي ماتكون عايشة في اوروبا...و البركة في المدارس و الجامعات الاجنبية...يعني اللي يعرف يربي ابنه او بنته كويس في مصر هايعرف يربيهم كويس في اي حته تانية...لكن غير كده الاخلاق بره افضل من هنا بكتير....و هاقولها بكل اسف...انا اامن ان مراتي و بنتي يمشوا في شوارع اي عاصمة اوروبية لوحدهم بالليل و مارضاش انهم يمشوا لوحدهم في ميدان التحرير حتي لو في عز الظهر
                      انا معاك في اللي حضرتك قولته بس بردو وهنا ببقي مامن ان مراتي تنزل تروح للدكتورة لوحدها او تروح تعمل اي اوراق لوحدها بس المشكلة اللي بتكلم عليها الابناء وكمان موضوع الاباحية زيادة عن اللزوم وهي دي عيشيتهم وتقاليدهم
                      بس لما مثلا يكون عندك بنت عندها 13 سنة ازاي هتجبرها انها تكون هي بس الوحيدة والمسلمة في الفصل بتاعها وممكن في المدرسة كلها ده غير طبعا الاعلانات اللي ممكن تشوفها وانت ماشي في الشارع عادي جدا ان يكون في صورة واحدة topless واكتر من كده كمان ده غير التلفزيون اللي طبعا ماينفعش يتفتح ولا لو حبيت تروح البحر بقي مش هكمل !
                      اصلا بصراحة المعادلة صعبة و اللي مصعب الموضع جدا الحالة اللي وصلت ليها مصر للاسف !
                      ( وكان الانسان اكثر شيء جدلا }

                      Comment


                      • #26
                        معتدش فارقه كتير لو اخدناها من الجانب الاخلاقي يبقي هنا زي بره, مفيش ملايكه هنا يعني بجناحات ولا حاجه زي ما البعض بيتخيل,
                        لو خدناها من جانب اجتماعب انت بره ممكن تعمل صداقات وعلاقات اجتماعيه ناجحه او ممكن تنطوي و ده هنا او خناك سيان يعتمد علي شخصك.
                        بالنسبه للاهل دي نقطه لو انت اهلك محتاجينلك هنا يبقي صعب تسافر و تسيبهم اخوات بنات مثلا او والدتك لوحدهم.
                        بالنسبه لصعوبه الاوضاع لسه الاسوأ قادم في مصر اقتصاديا و اجتماعيا و سياسيا فمن الافضل الرحيل الا لو انت مستقر بوضع جيد و وظيفه و معارف ذوي نفوذ :)
                        الجهل اساس الحكم :toothgrin:
                        و إحنا أسفين يا فلوطة ......

                        Comment


                        • #27
                          الموضوع جامد بس هقرا بعدين
                          في ساعة صفا كدا
                          تصبحوا على خير
                          [CENTER][FONT=Comic Sans MS]


                          [/FONT][/CENTER]

                          Comment


                          • #28
                            المشاركة الأصلية كتبت بواسطة wael17 مشاهدة المشاركة
                            معلش احب اضيف
                            11- الناس اللي ماشية تتف و تنف في الشارع زي الحيوانات
                            12- التحرش و المعاكسة في الشارع اللي بقي بيتم بصورة حيوانية..دانا مرة شفت بعيني عيال طالعة من مدرسة ابتدائي بيتحرشوا بواحدة معدية من ادام المدرسة..شابة في العشرينات ولابسة محترم بس مش محجبة و لاقيت يجي 50 عيل لسه طالعين من المدرسة...اللي يقول كلمة سافلة و االي يزق صاحبه عليها واللي يعمل حركة قذرة و يجري...و البنت مش عارفة تعمل ايه...تنطشهم...مش هايسكتوا...تضربهم..اكبرهم عنده 10 سنين..يعني "اطفال"

                            انا الحمدلله مستريح ماديا في مصر و ممكن ماكسبش قد اللي بكسبه هنا لو سافرت...بس حكاية quality of life هي اللي ممكن تخليني اسيب البلد...و بعدين حكاية الاخلاق هنا و بره دي كانت زمان...يعني انا شايف الاخلاق بره احسن مليون مره...اللي بيقول في اباحية بره...طب وهنا مفيش؟؟!!!! ممكن يكون مفيش في الشارع ستات لابسه قصير بس الانترنت خلي اللي عايز يشوف حاجة يشوفها بمنتهي السهولة...نيجي لنقطة العلاقات بين البنت و الولد..في ناس عايشة في مصر زي ماتكون عايشة في اوروبا...و البركة في المدارس و الجامعات الاجنبية...يعني اللي يعرف يربي ابنه او بنته كويس في مصر هايعرف يربيهم كويس في اي حته تانية...لكن غير كده الاخلاق بره افضل من هنا بكتير....و هاقولها بكل اسف...انا اامن ان مراتي و بنتي يمشوا في شوارع اي عاصمة اوروبية لوحدهم بالليل و مارضاش انهم يمشوا لوحدهم في ميدان التحرير حتي لو في عز الظهر

                            للاسف الشديد بتفق معاك في كل كلمه قلتها

                            انا بنزل الشوارع و بشوف بعيني سفاله تجاه البنات و الستات ليها العجب
                            اه طبعا في شباب ربنا يبارك لهم لو واحده ماشيه لابسه مش تمام مش بيحاولو يبصو حتي (و منهم مش شباب سني ولا حاجه) بس بيحترمو الانثي كأنسانه و بيعاملوها كبني ادمه مش قطعه من اللحم ينهشها بالقول او الفعل او النظر!!!
                            و المسمي مسلمين في بلد يدين بالاسلام و للاسف الشديد العكس تماما في الدول الاوروبيه و الغرب عموما

                            الانثي اللي بتمشي لابسه عريان في عريان حتي (مش هقول بقي محجبه و ساتره نفسها و ماشيه في حالها و في وقت عادي مش متأخر) تمشي براحتها و محدش يتعرض ليها زي ما بنشوف كلنا في الشارع هنا

                            من وجهه نظري التحضر و الرقي بتاع اي مجتمع يقاس بمعاملته للانثي سواء بنت او اخت او خطيبه او زوجه او ام

                            و بره الانثي بتحترم

                            عايزه تفسد عايزه تصلح بتحترم تماما و يحترم قرارها و عقلها و اختيارها سواء كان خبيث او طيب

                            المشاركة الأصلية كتبت بواسطة brown-eyes مشاهدة المشاركة
                            انا معاك في اللي حضرتك قولته بس بردو وهنا ببقي مامن ان مراتي تنزل تروح للدكتورة لوحدها او تروح تعمل اي اوراق لوحدها بس المشكلة اللي بتكلم عليها الابناء وكمان موضوع الاباحية زيادة عن اللزوم وهي دي عيشيتهم وتقاليدهم
                            بس لما مثلا يكون عندك بنت عندها 13 سنة ازاي هتجبرها انها تكون هي بس الوحيدة والمسلمة في الفصل بتاعها وممكن في المدرسة كلها ده غير طبعا الاعلانات اللي ممكن تشوفها وانت ماشي في الشارع عادي جدا ان يكون في صورة واحدة topless واكتر من كده كمان ده غير التلفزيون اللي طبعا ماينفعش يتفتح ولا لو حبيت تروح البحر بقي مش هكمل !
                            اصلا بصراحة المعادلة صعبة و اللي مصعب الموضع جدا الحالة اللي وصلت ليها مصر للاسف !
                            اظن ان في قنوات كيبل للاسره و الاطفال

                            و الفيلم لو فيه مناظر او ايحائات جنسيه او حتي عنف او لغه خارجه بيكون في تحذير عليه و الافلام العائليه موجوده و بيكون ليها رمز

                            اما هنا فلو ساء حظك و اخترت السينما كمتنفس للاسره في يوم اجازه فغالبا هيصيب اذنك و اذن اولادك و مراتك كل ما ساء في قاعه السينما من الفاظ من الحضور في وقاحه يحسدو عليها (وجود اسر و عائلتهم)

                            ده لو كان حظك حلو و مكنش الفيلم تحايل شيطاني علي الرقابه انهم يعرضو لقطات جنسيه كامله فبيطلعو لقطات غايه في القباحه علشان يعوضو الموضوع ده

                            تيجي تغادر قاعه السينما تلاقي الامن بيقولك ممنوع مغادره دار العرض و كأنك مغادر مفاعل ديمونه وقت الحرب مثلا و لازم بطاقتك و بواخه ما بعدها بواخه

                            و لو علي الشواطيء فزي ما فيه شواطيء للعراه في شواطيء عائليه ده غير ان في تهمه موجوده للي بيلبسو عريان بزياده قوي او يعملو فعل فاضح في الطريق العام بمعني ان في خلوتك انت حر انما في الشارع في ظوابط ليك و لغيرك مش زي هنا اعوذ بالله

                            Comment


                            • #29
                              المشاركة الأصلية كتبت بواسطة ahmedsamir5edr مشاهدة المشاركة
                              أتفق معاك تماما أستاذ وائل
                              و لو حاولنا نعمل قائمه بالسلبيات مش هيكفينا ال data base بتاع المنتدي كله

                              يا سيدي الفاضل يكفي ان بره الحياه بتجبرك تنام الساعه 8 او 9 بالكتيــــــر
                              و الساعه 6 الصبح كله في الشارع
                              انما هنا القهاوي و النوادي و الحاجات اللي المفروض يكون دورها مقتصر علي عطله نهايه الأسبوع .. صارت ركن أساسي في الحياه

                              للأسف احنا بناخد صوره ال week end عاي أنها العادي و نقول اشمعنا احنا
                              عند حضرتك حق والله.هنا في سويسرا فيلم السهره بيبدأ الساعه ٨.١٥ و يخلص ١٠.٠٠ عشان الناس تنام بدري و تقوم بدري تروح اشغالها.
                              في اجازتي الاخيره من شهرين تقريبا و الساعه ١٢.٠٠ الظهر مكانش في و لا محل من اللي حوالين البيت فاتح و سألت والدتي قالتلي مبقوش بيفتحوا الا الساعه واحده عشان بيشتغلوا طول الليل. يعني بلد لا ليها ظابط و لا رابط.
                              و من ناحيه الاخلاق مش هتكون اسوأ من اللي في مصر.
                              [CENTER][SIZE=6][B][FONT=Tahoma]وبحبك وحشتيني[/FONT][/B] [/SIZE][/CENTER]

                              Comment


                              • #30
                                و الله الموضوع شيق جدا .............

                                بس أريد ان اوضح بالنسبة للسفر, هي بتختلف من بلد لبلد أخري

                                و في المجمل الغربة صعبة, و بتيقي أصعب جدا جدا جدا لو بدون اولادك اظن لو معاك اولادك مش ح تفرق بل بالعكس
                                الظروف في مصر اصبحت صعبة و ده شيء لا نستطيع ان ننكره بدون الدخول في تفاصيل لانها اصبحت سيئة من جهات كثيرة جدا

                                لو انت شاب لم تتزوج او متخرج جديد اقولك سافر سافر سافر , و اتعب و اتغرب في بداية حياتك أفضل من أن تفعل ذلك بعد الارتباط و تكوين عائلة و بعد ذلك تضطرك الظروف للسفر رغما عندك

                                يجب الوضع في الاعتبار ان الدخل المتوقع في الغربة خلال الظروف الراهنة ليس مثل السابق حيث ان السفر سوف يوفر لك حياة كريمة و سيساهم في ان تكون نفسك و لكن ليست الناحية المادية مجزية جدا جدا مثل السابق
                                فلذلك يجب عدم السفر الا بعد الاختيار و المفاضلة لكي يصبح للغربة ثمن

                                Comment

                                Working...
                                X