المشاركة الأصلية كتبت بواسطة ahmedkoko
مشاهدة المشاركة
السلام عليكم و رحمة الله و بركاته
هو سيادتك فى سويسرا, أصل سويسرا, ما شاء الله, بلد جميلة و منظمة و ميه ميه.
أصل أنا كنت مولود هناك و كنا عايشين فى 36Zelweg - Uster - Zurich .
بس للأسف , أنا والدى -الله يرحمه- غلط غلطة عمره أنه رجع مصر عشان احنا نتمرمط هنا و أدينى لسه بدفع تمن الغلطة الكبيرة اللى هو عملها و لسه ههاجر كندا عشان أبدأ من الصفر تانى و أنا عندى 33 سنة, حاجة تقرف.
أنا كنت زرت سويسرا و أنا طبيب امتياز, بس ماكنتش بقعد كتير , يعنى بالكتير 10 أيام ولا أسبوعين , بس كانت أيام جميلة , أنا سافرتها مرتين , مرة فى 4-2001 و مرة فى 1-2002 و كنت بنزل فى أوتيل كده فى Niederdorf strasse جمب الHauptbahnhof .
رغم أنه كان أوتيل صغير , بس كان جميل و اتعرفت فيه على ناس من جنسيات كتير زى ألمانيا و فرنسا و ايطاليا و أستراليا و أميركا و ايران و اليابان, كان اسمه Citybackpaker hotel .
ربنا يباركلك و يوفقك هناك و يكرمك , نصيحة و أنت أكيد عارف , اوعى ترجع مصر اطلاقا أبدا, أديك أكيد كنت عايش فى مصر و شايف القرف هنا شكله ايه و أديك برضه عشت فى سويسرا و شايف العيشة هناك ازاى , اوعى مهما كنت غنى و ربنا موسع عليك , انك ترجع مصر , لأنك مهما كنت غنى و هتعيش فى مصر عيشة مرتاحة لكن مش هتقدر تشترى بفلوسك شارع كويس و نظيف تمشى فيه و لا هتقدر تشترى بفلوسك ناس تكلمك باحترام هنا فى مصر .
اوعى ترجع.

Comment