هل انت محتاج طبيب نفسي

[Noha.M]

انا فكرت برضه ان الولد دة اتقدم لاختها و هيتجوزوا بقتلت اختها عشان غيرانة منها :)

انا اكيد محتاجة دكتور نفسانى عشان يطلعنى من حالة الحزن على ابويا (الله يرحمه ) و مش عارفة اطلع منها من 5 سنين و تقريبا يوميا بحلم بيه ..

بس حالتى النفسية بتبقي وحشة و يومي بيبقي زفت لو مصلتش الفجر ..يمكن دى اكتر حاجة بتريح بالى لما اصحي و الاقي نفسي مصلية الفجر يااااااااااه بتبقي جميلة اوى

[Xpert]

يا شيخ احمد .. انا كده كده محتاج دكتور نفساني طبيعي .. من غير ما اجاوب انا عارف ...
الواحد بقي يشد في شعره كتير .. مقدمه الشعر بيقع .. بامشي اكلم نفسي في الشارع ..
و حاجات تانيه كتير .. كل ده و انا لسه صغير .. 21 سنه ..
من غير ما اجاوب علي السؤال :
انا مجنون رسمي يا جدعـــــان

:D:D:D:D

[Akram]

المجنون اهه اهه :) :) :)
المجنون اهه اهه :) :) :)

ربنا يشفيك يا Xpert ,

الحمد لله مطلعش استنتاجي صحيح ,
اللهم أصلح فساد قلوبنا ,
و أصلح لنا أزواجنا و أولادنا

[محمد المشد]

اعتقد ان الطبيب النفسى لايحتاجة الا اصحاب العقول والقلوب البعيدة عن الله ، وطالما انك قريب من الله فلا حاجة لك لطبيب نفسى
وان كانت القصة الخيالية -فعلا - تدل على ميول عدوانية للانسان تجاة اخية الانسان وشفا الله الجميع من الافكار العدوانية !

[Xpert]

المجنون اهه اهه :) :) :)
المجنون اهه اهه :) :) :)

ربنا يشفيك يا Xpert ,

الحمد لله مطلعش استنتاجي صحيح ,
اللهم أصلح فساد قلوبنا ,
و أصلح لنا أزواجنا و أولادنا

ماشي يا عم حقك :D :D:D:D

[Akram]

انت يا Xpert هتيجي المقابلة الجاية ؟؟؟؟
:) :) :)

[Xpert]

لاء .. اصلي مابطلعش بره بيتنا و خصوصاُ بره محافظتنا .. الواحد هنا دايس علي الشعب .. و واخد حقه تالت متلت .. انما اطلع بره المحافظه ماعرفش اتحرك .. الواحد بيطلع بره بيته بيشوف العجب .. المرمطه و البهدله و مش عارف ايه ...
علي راي المثل .. من خرج من داره ..
:d

بس اشمعني يعني ؟ علشان تقابلوا د/ فرانكنستاين ؟ :d

[Hisham_ElFeky]

انا عايز اطباء نفسيين مش واحد بس

[Xpert]

انا عايز اطباء نفسيين مش واحد بس

ههههههه .. اه .. عاوزين كونسولتو علينا يستلمونا فحت و ردم :D
يابا حتي لو جابولنا كونسلتو من 200 دكتور مش هايجيبوا نتيجه .. و مش هايعرفوا يحددوا العيب فين :D

[aif]

فكرت انها قلتلتها عشان تمشي في الجنازه تاني و تقابل نفس الشخص

تفكير غرييب هههههههههه

يا خوفي منك يا بدران ............