أنا عريس ....وعاوز سيراميك

[ana_3ares]

على فكرة ممكن تشوق للارضيات بورسلين فرز تاني
مش بيبقى فيه عيوب ظاهرة وبيبقى شكله كويس في الارضيات
لكن سيراميك الحمامات و المطابخ والحوائط يستحسن فرز اول

المشكلة عشان تشتري فرز تاني بتبقى محتاج صنايعي نضيف عشان يعرف يداري العيوب وللأسف فالصنايعي ده نادر الوجود ولو لقيتة هتلاقية بيتأخر على ما يسلمك الشقة

[ana_3ares]

ما اانصحش بالبورسلين خليك في السيراميك

الافضل كليوباترا ويليه الجوهرة
ورويال بعدهم

اهم حاجة تختار صنايعي كويس يركبلك والمصنعية في حدود 8 - 10 جنيه للمتر ارضيات

والف مبروك وربنا يتمملك بخير

بص هو أنا لغيت فكرة البوسلين لأن الخصم الي علية قليل لكن السيراميك خصمة عالي

[ana_3ares]

بارك الله لكما وبارك عليكما وجمع بينكما فى خير..

..

بص هو مش بس ربنا جمع بينا في خير هو جمع بينا في الجامعة .وهنكمل لاخر الطريق بس يا رب منلاقيش أخر الطريق لوحة مكتوب عليهاdead end

[ana_3ares]

يا حرااااااااااام :)

انا بصراحة معرفش موضوع السيراميك دة بيتجاب منين بس كويس موضوعك هيبقي

مفيد جدا لخطيبي يا ريت بقا تعمل سلسلة مواضيع عن السيراميك و الرخام والبورسلين بعدين ممكن باة ندخل على العفش و الدهانات

بجد البنات مش بيتخرب بيتها كدة زى الولاد

ربنا معاااااك

بصي متقلقيش أنا ممكن الاقي خطيبك في أي فرع سيراميك الي لفيت عليهم كلهم.
ههههههههههه

[ana_3ares]

الف مبروووووووووووووووووووووووووووووك وعقبال لما تجوز اولادك
كليوباترا من افضل الانواع وليهم معرض كبير فى الفجالة

بص أنا كفاية عليا أجوز نفسي ,أولادي بأة ممكن أمهم تجوزهم
هههههههههه

[Dr_Smart]

معلش يا بيشو xpert اني ماردتش بسرعه

فيه ناس كتير ردوا قالولك ان السيراميك برد وزحاليق ... فعلا عندهم حق

مابالك بقى بالبورسلين ناااعم جدا ممكن تبقى تلعب عليه Skating :)

[ana_3ares]

مبروك مبروك مبروك
كلكم بتباركوا له على ايه
يا ابنى انت صعبان عليا صدقنى
اخلع
لو خايف تطلع عيل ادامهم ولا يهمك
اطلع عيل يوم تعيش راجل طول عمرك
جواز اية وقرف ايه يا عم عيش لك اليومين الحلوين دول
اما موضوع السيراميك فعن تجربة بلاش ابوس رجلك
تلج يا بوى فى الشتا وزحاليق فى الصيف
انا عملت شقتى كلها سيراميك جامبوا المتر بالشىء الفولانى وحياتك انت 180 متر سيراميك قطموا وسطى
وبعد سنة واحده لصقت عليهم باركية المانى وارتحت من 3 سنين يااااااااااااااااااااه لا تتخيل الراحه
شيىء ولا الخيال فى التنظيف والمنظر والنظافة والشياكة
انما سيراميك يغور
وطلع كمان الباركية ارخص منه

صدقني أنا مش عاوز أتجوز بس للأسف بحبها وخايف ملاقيش واحدة أحبها تاني,
بص هو السيراميك لة ميزة جامدة وهو أن أمي تعاير حماتي أن الشقة كلها سيراميك
ههههههههههه
بس والله فكرة وهعمل الصالة كلها باركية

[ana_3ares]

السيراميك بيديك شعور رهيب بانك في مستوقد فول أثناء الصيف ... وفي ثلاجة موز أثناء الشتاء
علي الاقل غرف النوم خليها خشب احسن وممكن تخلي الريسبشنات بقي حسب الظروف والاذواق والأهم ..... رأي المدام

فول وموز ,أنت كنت بتفسح الأولاد في حديقة الحيوان؟ولا اية؟
هههههههههد
وكمان بلاش كلمة مدام خالص بكرها موت,ممكن تقول ولية,الولية راحت والولية جت
هههههههههههههه

[ana_3ares]

يا جماعة الخصومات هتخلص28/3 وهي موجودة في جميع فروع سيراميكا كليوباتارا والسلاب وهي ليست 40% بل 30%+10% على السيراميك و 10%+5%على البوسلين.
الخدعة:أنك عشان تتمتع بالخصم دة لازم تدفع الفلوس كاملة قبل 28/3مش مقدم بس.
خلي بالك:معرض القاهرة جناح كليوباترا فية موديلات جديدة2008 مش هتلاقيها في حتة تانية بس للأسف استلامها بعد شهرين.

[tmz9111]

الف مبروك ورنبا يوفقك
كليوباترا
المصنعية فى حدود
سفل 1.5 إلى 3.5 للمتر
حوائط 7 إلى 11 للمتر
الارضيات 7 إلى 9
الوزرات على حسب الصنايعى ممكن تتحسب من ضمن مقاس الحوائط أو يحسبها منفصلة

[Xpert]

معلش يا بيشو xpert اني ماردتش بسرعه

فيه ناس كتير ردوا قالولك ان السيراميك برد وزحاليق ... فعلا عندهم حق

مابالك بقى بالبورسلين ناااعم جدا ممكن تبقى تلعب عليه Skating :)

ثانك يو سير .... ستيك تو ذا باركيه

علي فكره يا عريس ... احنا بنتناقش في الشقه علشان نديك افكار :D

[ihab]

التخفيض الموجود فى كليوباترا 37 % على السيراميك
و العرض ده اخره 31/3/2008
و مكانه فى شارع البطل احمد عبد العزيز فى المهندسين
و فيه قريب منه معرض السلاب - 21 شارع الاحرار متفرع من شارع البطل احمد عبد العزيز امام المصل و اللقاح ( الشارع الموجود على ناصيته موبيكا )
الميزة فى السلاب انه عارض اكثر من شركة ( الجوهرة - رويال - الفا - كليوباترا - ايديال ستاندرد - ديورافيت - 00000 )