هل ستتحول من شركة محمول الى اخرى مع النظام الجديد؟

[tutankhamoun]

أنا اتصالات و لن أغير اتصالات للأسباب الآتية
تساوى جودة الخدمات المقدمة منها مع فودافون و التي أعتبرها من أفضل الشركات في العالم
و السبب الأهم
أرخص شبكة في مصر .............
يبقى تم حل المشكلة
تغطية جيدة + سعر مناسب جدا للخدمة
و طبعا أنا كنت فودافون قبل كدا

[Noha.M]

على فكرة حضرتك هاتحولي بنفس الرقم والكود كمان يا اونا
وبخصوص الشبكة في المعادي
فعلاً المعادي كان فيها بعض المشاكل في التغطية بسبب بعض التعنت في تصاريح إنشاء المحطات واتحل بالفعل كتير أوي منها
وإن شاء الله مخطط إنها تتحل قريب أوي

ان شاء الله

بس لحد ما تتحل المشكلة انا برضه استحالة افكر في شبكة تانية غير فودافووون:)

انا من مؤسسين الشبكة اللى اشتروا الخط ب 1500 و كان الشريحة لونها ازرق كدة و مكتوب عليها مصرفون ...عشرة عمر:)

[aliabutaleb]

ان شاء الله

بس لحد ما تتحل المشكلة انا برضه استحالة افكر في شبكة تانية غير فودافووون:)

انا من مؤسسين الشبكة اللى اشتروا الخط ب 1500 و كان الشريحة لونها ازرق كدة و مكتوب عليها مصرفون ...عشرة عمر:)

وانا كمان :D
كان معايا خط فودافون (سيبته بقالي سنة ونص تقريباً)
وكان برضة من زمان أوي وعليك مصرفون :)

[sab3aawy]

انا مش ناوى اسيب فودافون علشان من ساعة ما اتعاملت مع موبينيل وهى اكثر من ممتازة علشان كدة انا هفضل اتصالات

ما اسخم من سيدى إلا ستى، كلهم فى الهم سواء

[ابو سيف]

رأي ان اكثر شركه هتخسر جااااااااااااااااامد في الموضوع دة هيه موبينيل و دي هتكون خطوة كويسه جدا عشان يرفعوا من مستوى خدمات الشبكه و جودتها شويه هيجبروا على كدة فعلا و الا كل اللى معاه موبينيل هيغير يا اما لأتصلات او فودافون

انا طبعا معنديش موبينيل و معايا فودافون من اول ما بدأت تشتغل لكن كل صحابي اللى معاهم موبينيل قرفانين جدا و بسبب العروض الكتيرة على الاسعار و عدم جودة الشبكه فمحدش فيهم اصلا بيستفيد عشان الشبكه بتكون واقعه و لكن اللى متمسك بيها لحد دلوقتي يا اما عشان الرقم يا اما عشان بعض العروض الخايبه بالتالي لو موضوع الرقم اتحل معظم الناس هتحول منها

[aliabutaleb]

انا مش ناوى اسيب فودافون علشان من ساعة ما اتعاملت مع موبينيل وهى اكثر من ممتازة علشان كدة انا هفضل اتصالات

:D:D:D:D:D:D:D:D:D:D:D:D:D

[sherif80]

انا بصراحة مشترك فى موبينيل من اكتر من 8 سنوات و التغطية و الخدمة ممتازة و الاعطال قليلة جدا لذلك حفضل موبينيل

[MOSTAFA.MANSOUR]

انا فودافون وهحول اتصالات علشان اسعارهم حتى فى الفواتير محترمه وده عن تجربه لمدة شهرين وقفت فودافون وخليته استقبال واستعملت اتصالات بنفس المعدل تقريبا فواتيرى الى كانت من 550:700 بقت من250:400 وتقدروا تجربوا ده ببساطه بالاضافه لملاحظتى فعلا فى تليفون بنتى ان الرصيد ساعات مابيقلش بعد المكالمه وطبعا الاهم التحسن السريع جدا فى الاداء بتاعهم

[Karim_Monir]

طول عمري فودافون ايام الخط بتاع مصر فون وكنت زعلان قوي لما الشريحة القديمة ضاعت
وكتير قوي بيدوني نقاط اخد بيها هدايا وحاجات كدة
رقمي غيرتة مرة قبل الجواز (عشان اهرب من الديون) ها ها
ومرة بعد الجواز لاسباب ماينفعش شرحها
ورقم حاليا مميز ماينفعش يتغير ده ب 700 جنية لوحدة عشان رقم دهبي
ومعايا خط احتياطي برضه فودفون عشان لما احب اقفل البيزنس
ومعايا واحد موبنيل واتصالات كدة لما احب بس اغير الرقم
وكلهم ارقام مميزة وصعب افرط فيها
ما عدا موبنيل افرط في اللي جابوة كمان
اسوء شبكة في مصر

[Powert]

انا موبنيل من اكتر من 10 سنين من ايام اولى ثانوي

ومعايا اتصالات اكتر من ممتازة واحسن واحدة فيهم

ومش ناوي اجيب فودافون لانها مش هتفرق كتير

[Nile_Storm]

انا فودافووووووووووووووووون و م هغيره
رقم ذهبي عميل ذهبي بصراحه يصعب عليا اغيره خاااالص

[mohamed_88sk]

بصراحة أنا موبينيل من حوالي 8 سنين ورقم زهبي كان في بداية الرخص ب 800 جنية بالعافية ..
---90++ 012بصراحة صعب عليا أسيبه بس روحت إتصالات أشوف نفس الرقم بس 011 يعني يكون نفس الرقم بس من شبكتين والأختلاف في كود الشركة بس قالولي لأ بس ياريت لو حد يعرف يتصرفلي أو ليه حد في إتصالات يجبهولي أكون شاكر جدا بصراح حتجنن عليه في أتصالات بس مش عايز أسيب موبينيل دي عشرة عمر
نفسي في ---90++011

[mido777]

انا موبينيل وحفضل موبينيل

الخط اللى معايا من سنة 98 ومحتفظ بيه لغاية دلوقتى وموبينيل مرايحانى جدا جدا
وبتقدر المشتريكين بتوعها مثلا يوم عيد ميلادى بتبعتلى كارت تهنئة و باخد خصم على الفاتوره اسمه خصم التقدير علشان انا بقالى كتير معاهم ده غير تذاكر السينما المجانية ومره حصل معايا مشكلة فى خدمة 8000 اعتذرولى بشياكة جدا وبوكيه ورد على البيت ده غير ساعتان تحدث مجانا لكذا شهر و,,,,,,,,,,و,,,,,,,,

بصراحة خدمة العملاء بتاعتهم مريحانى جدا وحاجة الواحد مفتقدها فى اماكن كتتتتتتتتتتتتتير

[tohamy007]

طيب عندي استفسار ياريت حد يفهمني لو سمحتوا .... انا معايا خط فودافون وبصراحة انا طلع عيني مع الشركة لحد ما جبت الرقم دة ودوخت وجبت وسايط لحد ما وافقوا يدهوني لاني انا اللي اخترت الرقم وهو مكنش نازل عندهم اصلا .. وقالولي دة رقم ماسي ومش بيخرج غير للعملاء اللي بقالهم معانا اكتر من 10 سنين وخطوطهم فواتير ومميزين .... المهم بعد عذاب لمدة شهر تقريبا ربنا وفقني واخدت الرقم وبجد رقم ماسي ماسي فعلا ودفعت مبلغ محترم فيه .... بس السؤال بقى ؟ لو عايز نفس الرقم من شركة اتصالات هل ممكن اخدة بس من غير ما اسيب رقم فودافون ؟ ( يعني احتفظ بالخطين )وانا جربت اول ما اتصالات نزلت وحاولت عالنت اني احجز الرقم نفسة بس اتصالات !! بس قالي الرقم غير متاح

[Mustafa_Farouk]

أنا إتصالات وحفدل إتصالات عشان الشركة دي كويسة جدا وأرخص و أحسن الأسعار، أنا كنت فودافون لمدة 5 سنين والفترة دي كانت الفاتوره بتيجي خيالية ولكن مع إتصالات بأت معقولة جدا. الظاهر اني كنت بتسرء في فودافون ومكنتش واخد بالي عشان كانً مفش غرها وموبينيل .
إتصالات كويسة جدا وبتحاول تقوي نفسها شوية شوية . صحيح بتئتع أحيانا بس مجموع الوقت كله تمام مشاء الله.
أنا على إتصالات options فاتورة مفتوحة