عايز شقة في أكتوبر

[aamin]

أبحث عن شقة في مدينة 6 أكتوبر بالمواصفات التالية:
- تمليك
- في الحي 8
- واجهة جيدة
- بحري
- الدور 3 أو 4 (على ألا يكون الدور الأخير)
- 3 غرف نوم
فهل من مساعدة أو نصيحة؟
وجزاكم الله خيرًا

[aliabutaleb]

اظن اللي معروض خصوصاً للتمليك في اكتوبر كتييييييير أوي
بس المغالاة في الأسعار عاملة شوية ركود في الشراء
مظنش إن ممكن حد يفيدك أكتر من السماسرة
بس نصيحة متديش لحد فلوس معاينة غير لما يجيب لك حاجة بيتوافر فيها اللي انت عاوزه

[aamin]

شكرا على النصيحة، أنا بقول لو حد في المنتدى عايز يبيع أو ساكن هناك وعنده خبره سيكون الأمر مختلف، فأنا أشعر بقلق شديد عندما أذهب إلى سمسار وأقول له عايز شقة، أرى في عينيه الكثير مما يجعلني أكره هذه الطريقة في الشراء.

[Xpert]

شكرا على النصيحة، أنا بقول لو حد في المنتدى عايز يبيع أو ساكن هناك وعنده خبره سيكون الأمر مختلف، فأنا أشعر بقلق شديد عندما أذهب إلى سمسار وأقول له عايز شقة، أرى في عينيه الكثير مما يجعلني أكره هذه الطريقة في الشراء.

عارف انا النظره دي .. نظره "الاوغاد؟ او نظره "الفريسه" ...

[aliabutaleb]

انا أخيراً فهمت الفولة بتاعة كتير من السماسرة بس بعد ما اشتغلوني كتير
اعلان صغير في اهرام الجمعة بيقول فيها انه عنده كله حاجة ومطلوب كل حاجة
شقق ايجار قديم وجديد وتمليك ومفروش وجميع المساحات وجميع المميزات
يدفعله في الاعلان ده بالكتير 300 جنيه
يجيله كام واحد بقى من الاعلان
مش أقل من 50 طول الاسبوع
ياخد من كل واحد من 30-50 معاينة
ينزله يفرجه على شقتين بالكتير زي الزفت ومش اللي هو بيدور عليه
يعني مفيش واحد طبيعي هايرضى بيهم
ويقول له بكرة هايظهر لي حاجات جديدة
وبكرة يجر بعده ويجر بعده واللي بيدور يا عيني خلاص دفع الفلوس
يبقى يدور عليه بقى
يطلع له صافي مكسب من المشوار ده على الاقل 1500 جنيه كل أسبوع
معاينات بس
وهلم جرا