إعـــــــلان

Collapse

.

,
See more
See less

قولولى يا شباب اعمل ايه انا محتار

Collapse
X
 
  • Filter
  • الوقت
  • Show
Clear All
new posts

  • قولولى يا شباب اعمل ايه انا محتار

    دلوقتى انا زيي زى اى شاب كنت بدور على شقة سعرها مناسب عشان اتجوز فيها وطبعا مرتبى الحمد لله كويس بس طبعا ماينفعش اخد شقة ايجار جديد لازم الواحد مرتبه يبقى 5000 جنيه عشان يقدر ياخد شقة ايجار جديد المهم والدى كان معاه مبلغ كده دفعناه مقدم شقة فى العبور تبع شركة اسمها الشركة الوطنية والعمارة تحت الانشاء اسمها العبور سيتى ستايل
    المهم الكلام ده كان فى نوفمبر 2009 وكان المفروض استلم شقتى على المحارة فى اكتوبر 2010 استلام مبدأئى وطبعا ادفع مع الاستلام ده دفعة تانية وكل شهر بادفع قسط 1000 جنيه المهم لا العمارة طلعت ولا صاحب الشركة اللى مضى معانا على الورق له أثر والغريب ان الارض بتاعت العمارة مترخصة عادى ومسجلة فى جهاز مدينة العبور والاوراق اللى معايا كلها سليمة بس مش عارف ايه اللى حصل ؟
    دلوقتى انا مش عارف اصبر سنة كمان اشوف هيعملوا ايه ولا اسحب الفلوس ده ان نفع يعنى حتى لو سحبتها بيقولوا يدونى شيك يستحق بعد 3 شهور والحقيقة الاسعار كلها بقت نار وانا مش عارف اعمل ايه والله احترت خايف اسحب المبلغ وماعرفش الاقى شقة بسعر كويس يعنى المفروض الدولة او الشركات تعمل أسعار حنينة للشباب اللى فى اول الطريق وعايزين يتجوزا انما كله بيبنى عمارات فاخرة ومساحات كبيرة و حتى لو مساحات صغيرة الاقساط بتبقى عالية
    اسف انى طولت عليكم بس انا قلقان بصراحة ومش عارف الشركة دى جادين فى البناء فعلا ولا لأ ؟

  • #2
    طب سألت على الشركة واتأكدت ان الراجل اللى دفعتلة الفلوس دة صاحبها ولا لا ؟
    ومروحتش لية مقر الشركة تسأل على صاحبها فين ؟

    Comment


    • #3
      المشاركة الأصلية كتبت بواسطة engineer_amr مشاهدة المشاركة
      طب سألت على الشركة واتأكدت ان الراجل اللى دفعتلة الفلوس دة صاحبها ولا لا ؟
      ومروحتش لية مقر الشركة تسأل على صاحبها فين ؟
      شكرا على ردك .. انا فعلا رحت مقر الشركة فى شارع مكرم عبيد فى مدينة نصر والموظفين نفسهم مش عارفين يوصلوا ليه وتليفونه مقفول عالطول ولما كنا بنمضى العقد شفنا بطاقته ومكتوب فيها العضو المنتدب للشركة الوطنية للانشاءات

      Comment


      • #4
        مش عارف أنت مستني أيه عشان تتحرك أنت تشوف محامي كويس وتبدأ في الأجراءات القانونية ضد الرجال النصاب دة ولو قدرت تجمع أكبر قدر ممكن من الناس اللي دفعت فلوس وغالباً هتلاقيهم كلهم نفس حالتك جمعهم كلهم وأطلعوا أعملوله محاضر وأقلبوا الدنيا على دماغه يمكن تلحقوه قبل ما يزوغ دة اذا مكانش زوغ أصلاً .
        [CENTER][SIZE=3][/SIZE] [/CENTER]

        Comment


        • #5
          حلك الوحيد

          انك تستشير محامى شاطر هو هيقولك تعمل ايه

          وحاول تاخد الخطوة ديه فاقرب وقت

          Comment


          • #6
            شكرا ياجماعة على ردودكم جزاكم الله خيرا وجعله فى ميزان حسناتكم يارب
            خلاص ربنا يسهل وأشوف محامى كويس .

            Comment

            Working...
            X