إعـــــــلان

Collapse

.

,
See more
See less

لجميع كارهي اطباء الاسنان, لستم الوحيدين

Collapse
X
 
  • Filter
  • الوقت
  • Show
Clear All
new posts

  • #16
    المشاركة الأصلية كتبت بواسطة funnymickey مشاهدة المشاركة
    عاوز تعرف ليه بنكره دكاتره السنان
    انا اقولك ليه يادكتور
    بجد دمك زي العسل

    انا شخصيا عامل اشتراك مع دكاترة الاسنان

    واكتر حاجة بتخوفني هي العدوي

    عشان كدة جبت ادوات خاصة بي من حوالى سنتين (شاملة الابر بتاعت حشو العصب)

    وكلة كلف اقل من 150 جنية يعني اقل من حشو ضرس عصب

    ياريت كلنا كل واحد يروح لدكتور الاسنان االلى بيرتاحلة ويقله يكتبله اسماء الادوات االى هو بيفضل يستخدمها (غالبا) ويروح يشتريها من اي مكان بيبيع اجهزة ومستلزمات طبية

    لأن عدوى الاسنان مفيهاش هزار
    صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة

    Comment


    • #17
      المشاركة الأصلية كتبت بواسطة نور القمر مشاهدة المشاركة
      اه يا ضرسي
      يعني جايب الفيديو في توقيت انا فيه عندي صراع نفسي بين الشعور الواعي واللاوعي المنبعث من تلافيف الضمير في مقابله نفس الصراع الواعي واللاواعي المنبعث من الخوف من الاطباء
      من كام شهر كان عندي ضرس تاعبني الدكتور قالي حشو عصب ولاني خايفة من حشو العصب اقنعت نفسي واقنعته انه مبقاش تاعبني وحشيت عادي وطبعا بعاني منه وهفضل أأجل أأجل موضوع حشو العصب لغاية ماهيجي يوم وهروح غصبا عني
      حشو العصب مبيتعبش ولا حاجة باذن الله

      فبلاش تعذبي نفسك

      كلها شكة بتاعت حقنة البنج وبعدها بتفقدي الشعور بالضرس تماما

      وترتاحي من المعاناه بتاعت الام الاسنان

      (بالمناسبة انا خبرة في حشو العصب - والكلام عن تجربة )
      صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة.صيام يوم عرفة

      Comment


      • #18
        الله يطمنك
        دكتور احمد سامي هنا قالي كدة بردو واطمنت وقلت هروح اموت العصب
        بس بعد كدة قلت ده دكتور سنان يمكن بيطمني وخلاص عشان مخافش واكمل ههههههههههه

        Comment


        • #19
          المشاركة الأصلية كتبت بواسطة medo2o1o مشاهدة المشاركة
          انا نفسى بكره دكاترة السنان جدا متفهمش ايه القناعة الغريبة اللى عندهم ان كل حاجة مبتوجعش و ان العيان هو اللى بيستعبط
          و نصابين بشياكة يقولك افتح بقك من هنا و تلاقيه يقولك عندك و عندك و عندك و تلاقيك فى زيارة واحدة دافع ارقام فلكية فى زيارة لا تتعدى الساعة

          بس بجد فعلا بخاااااااااااااااااااااف موووووووووت من الحقن- اعور اه لكن متعورش-
          طباخ السم بيدوقه و لازم يدوقه لو عايز يعمل حاجه حلوه
          و بالنسبه لاول فقرات في الكلام انا مش بدافع عن حاجه ولا بثبت حاجه انا الموضوع و ما فيه مفتوح للاعضاء يقولو ارائهم
          اللي عالمه الفيديو شجعتني اعرف من المصريين بقي اخبارهم ايه

          المشاركة الأصلية كتبت بواسطة icehearted girl مشاهدة المشاركة
          طب وكارهي طب الاسنان وطب الانسان يعملوا ايه؟؟
          ولا حاجه يصبرو علي البلاء
          المشاركة الأصلية كتبت بواسطة نور القمر مشاهدة المشاركة
          اه يا ضرسي
          يعني جايب الفيديو في توقيت انا فيه عندي صراع نفسي بين الشعور الواعي واللاوعي المنبعث من تلافيف الضمير في مقابله نفس الصراع الواعي واللاواعي المنبعث من الخوف من الاطباء
          من كام شهر كان عندي ضرس تاعبني الدكتور قالي حشو عصب ولاني خايفة من حشو العصب اقنعت نفسي واقنعته انه مبقاش تاعبني وحشيت عادي وطبعا بعاني منه وهفضل أأجل أأجل موضوع حشو العصب لغاية ماهيجي يوم وهروح غصبا عني
          و دي حلقه من حلقات مسلسل الرعب و الالم بطوله ضرس و سوسه و في الحلقه الاخيره بنكتشف ان الابطال و اللوكيشن و المخرج و المنتج و المشاهدين كمان بيتوفاهم الله

          Comment


          • #20
            المشاركة الأصلية كتبت بواسطة korkor مشاهدة المشاركة
            انا عندى بالفعل فوبيا من دكاتره السنان بقعد بالسنين ( مش اقل من 7-8 سنين ) ضرسى بيوجعنى ومش بروح غير لما بكون بتعذب
            للاسف كمان ولادى الاتنين 7 و 4 سنين اسنانهم وحشه جدا ورعبى الفظيع من دكاتره السنان بقيت لازمه اقاومه علشان بقيت زبون دائم عندهم علشان ولادى , بس حقيقى شغلانه مكسبها هايل
            عارف ان فيما يخص تخصص الاطفال بيكون في تدريس لاجزاء من علم النفس؟!!
            ده في مرحله البكالريوس
            و لو حد كمل بيلاقي ماده علم نفس بحالها "مواضيع محدده طبعا" و بتدرس علي يد اساتذه طب نفسي

            كل ده علشان الحاجات اللي بتقولها دي

            اول زياره لدكتور الاسنان بتكون في منهتي الحساسيه بالنسبه لينا و احنا اطفال
            نتيجتها لو سيئه بتفضل محفوره في الوعي و اللاوعي و كذلك العكس صحيح
            و ممكن الرعب من دكتور الاسنان "او كمان دكتور البشري" يتحول لكافه البلاطي البيضاء
            و كلنا بنبقي عارفيثن ده ماعدا الاباء و الامهات بطبيعه الحال
            و غالبا الزياره الاولي للطبيب بتكون و الطفل في اقصي درجات الالم فاوقات كتير لازم يكون التدخل مؤلم نسبيا في الزياره الاولي

            اما بخصوص المكسب فانت بصيت علي حلقه واحده بس في دايره كبيره و لو شفت الدايره دي اكيد هتعزمني علي الغدا النهارده

            المشاركة الأصلية كتبت بواسطة AshTurbo مشاهدة المشاركة
            مش كل أطباء الأسنان وحشين ياجماعة ودي مهنة زيها زي أي مهنة فيها الكويس وفيها الوحش ... فيها اللي فاهم شغله وفيها الفهلوي ... وفيها القنوع وفيها الطماع .... وفيها اللي بيراعي ربنا وبيراعي ضميره وفيها النصاب لكن نعمم ونقول أطباء الأسنان كلهم وحشين فدة تعميم خاطيء ومؤسف واتمنى من الجميع أنهم قبل ما يكتبوا رد يراعوا شعور أخوانهم أطباء الأسنان المشاركين في المنتدى .
            انا عايز الاعضاء تتكلم عن السيء قبل الكويس
            الموضوع مش دفاع عن اطباء الاسنان
            بالعكس
            دعوي صريحه للنقاش عن السلبيات بس باسلوب محترم
            زي صاحبه الفيديو كده داخله شمال في شمال في اول فتحه شمال برضو
            لكن بجد لذيذ جدا جدا الفيديو كله
            المشاركة الأصلية كتبت بواسطة funnymickey مشاهدة المشاركة
            عاوز تعرف ليه بنكره دكاتره السنان
            انا اقولك ليه يادكتور

            عشان كلنا واحنا صغيرين 90 % مننا عملنا شغل في سناننا
            وما نعانيه من الالام رهيبه واحنا اطفال
            يظل عالقا في العقل الباطن
            وبما ان العقل الباطن مبينساش
            لذلك اول ما حد يقولك دكتور سنان
            تفتكر الالام الرهيبه
            وتلاقي نفسك بتقولك
            حنخف دلوقتي حنخف دلوقتي

            ولاحكي لك معاناتي وانا طفل صغير لعلك تغير من نشاطك الدموي في قتل براءه الاطفال علي المقعد الكهربائي

            مشهد 1

            ....................................

            مشهد 2




            صوره طبق الاصل من دي

            اييييييييييييييييه ده ياعم

            دي حقنه بنج


            --------------------------------------------------------------

            مشهد 3


            عرفت بقي يادكتور امير
            ليه الناس بتكره دكاتره السنان :):)
            بقولك ايه انت رحت لانهي جيش؟؟
            البريطاني ايام الاحتلال للهند؟!!!

            و المشاهد دي كلها تعالي نخرجها في عمل فني انا بحب الاخراج جدا و خلينا نشوف مستقبلنا

            المشاركة الأصلية كتبت بواسطة ain2006 مشاهدة المشاركة
            بجد دمك زي العسل

            انا شخصيا عامل اشتراك مع دكاترة الاسنان

            واكتر حاجة بتخوفني هي العدوي

            عشان كدة جبت ادوات خاصة بي من حوالى سنتين (شاملة الابر بتاعت حشو العصب)

            وكلة كلف اقل من 150 جنية يعني اقل من حشو ضرس عصب

            ياريت كلنا كل واحد يروح لدكتور الاسنان االلى بيرتاحلة ويقله يكتبله اسماء الادوات االى هو بيفضل يستخدمها (غالبا) ويروح يشتريها من اي مكان بيبيع اجهزة ومستلزمات طبية

            لأن عدوى الاسنان مفيهاش هزار
            و كأنك داخل اوضه العمليات تعمل عمليه و عايز تشتري غرفه عمليات علشان العدوي

            التعقيم ده شيء مفروغ منه و في بروتوكولات بتحدد حاجات كتير قبل و بعد عمليه التعقيم ذات نفسها

            و انا بأسم الشعب ادعوك لتجهيز عيادتي بقي مدام عندك استعداد و هاخلي ليك فيها اوضه خاصه

            المشاركة الأصلية كتبت بواسطة ain2006 مشاهدة المشاركة
            حشو العصب مبيتعبش ولا حاجة باذن الله

            فبلاش تعذبي نفسك

            كلها شكة بتاعت حقنة البنج وبعدها بتفقدي الشعور بالضرس تماما

            وترتاحي من المعاناه بتاعت الام الاسنان

            (بالمناسبة انا خبرة في حشو العصب - والكلام عن تجربة )

            كل حاله و لها حساباتها و التعميم بيكون صعب
            في حالات للاسف الشديد بتكون وصلت لمرحله في منهتي التعقيد و التدخل نفسه بيكون صعب علي الطرفين

            Comment


            • #21
              [QUOTE=amir;3873168059]عارف ان فيما يخص تخصص الاطفال بيكون في تدريس لاجزاء من علم النفس؟!!
              ده في مرحله البكالريوس
              و لو حد كمل بيلاقي ماده علم نفس بحالها "مواضيع محدده طبعا" و بتدرس علي يد اساتذه طب نفسي

              كل ده علشان الحاجات اللي بتقولها دي

              اول زياره لدكتور الاسنان بتكون في منهتي الحساسيه بالنسبه لينا و احنا اطفال
              نتيجتها لو سيئه بتفضل محفوره في الوعي و اللاوعي و كذلك العكس صحيح
              و ممكن الرعب من دكتور الاسنان "او كمان دكتور البشري" يتحول لكافه البلاطي البيضاء
              و كلنا بنبقي عارفيثن ده ماعدا الاباء و الامهات بطبيعه الحال
              و غالبا الزياره الاولي للطبيب بتكون و الطفل في اقصي درجات الالم فاوقات كتير لازم يكون التدخل مؤلم نسبيا في الزياره الاولي

              اما بخصوص المكسب فانت بصيت علي حلقه واحده بس في دايره كبيره و لو شفت الدايره دي اكيد هتعزمني علي الغدا النهارده

              والله يادكتور اللى انا شوفته مع دكاتره السنان مع ولادى مينفعش معاه ولا طب نفسى ولا غيره عمر سنانه بايظه وهو عنده 4 سنين بقالى 3 سنين بنعالج فيها واللى نحشيه السنادى حشو عادى نرجع نحشيه السنه اللى بعديها حشو عصب وكع يامعلم المفروض فى ضمان على الشغل على الاقل سنه ويادوبك لسه مخلص معاه السنادى حاشى تقريبا 8 دروس وكلهم جذور , حبيبه بقى مشلكتها مشكله تقريبا اول ما الضروس طلعت مسوسه انا وديتها للدكتوره وهى عندها 3 سنين حشتلها ضرسين بالعافيه والخناق والعياط ولما كبرت شويه السنه دى بكمل معاها مشوار الالم والوجع عند الدكتوره محشى لغايه دلوقتى 5 ضروس وفى ضرس مفتوح منهم ضرسين كانوا معملوين قبل كده والبقيه تاتى انا بقالى 3 شهور كل اسبوع عن دكتوره السنان , لو قلتلك بقى على المصاريف اللى دفعتها انت هتعزمنى على الغذاء والفطار والعشاء كمان .

              ا

              Comment


              • #22
                [QUOTE=korkor;3873168182]
                المشاركة الأصلية كتبت بواسطة amir مشاهدة المشاركة
                والله يادكتور اللى انا شوفته مع دكاتره السنان مع ولادى مينفعش معاه ولا طب نفسى ولا غيره عمر سنانه بايظه وهو عنده 4 سنين بقالى 3 سنين بنعالج فيها واللى نحشيه السنادى حشو عادى نرجع نحشيه السنه اللى بعديها حشو عصب وكع يامعلم المفروض فى ضمان على الشغل على الاقل سنه ويادوبك لسه مخلص معاه السنادى حاشى تقريبا 8 دروس وكلهم جذور , حبيبه بقى مشلكتها مشكله تقريبا اول ما الضروس طلعت مسوسه انا وديتها للدكتوره وهى عندها 3 سنين حشتلها ضرسين بالعافيه والخناق والعياط ولما كبرت شويه السنه دى بكمل معاها مشوار الالم والوجع عند الدكتوره محشى لغايه دلوقتى 5 ضروس وفى ضرس مفتوح منهم ضرسين كانوا معملوين قبل كده والبقيه تاتى انا بقالى 3 شهور كل اسبوع عن دكتوره السنان , لو قلتلك بقى على المصاريف اللى دفعتها انت هتعزمنى على الغذاء والفطار والعشاء كمان .

                ا
                اولا احب اوضح ليك ان لما بنحشي سنه او ضرس احنا بنبدل النسيج الطبيعي للسنه بماده صناعيه
                لكن الجزء الباقي من السنه طبيعي انه يسوس هو كمان لو العنايه مش علي المستوي الكفيل بمواجهه التسوس من جديد
                و مش معني كده انك تطلب ان احنا نشيل السنه كلها و نحط بدالها حشو لاسباب كتير منها ان لحد النهارده ابحاث كتير بتحاول تستحدث مواد تكون عوض عن الاسنان الطبيعيه و معظمها اتجه بعد شبه استحاله الموضوع ده لعلوم الجينات علشان يعملو سنه جديده طبيعيه بدل التالفه !!
                و تكاليف الحاجات دي كلها بتدفعها حضرتك كمريض و حضرتي كطبيب و لسه الامور دي في طور الابحاث و غير متاحه بالاساس

                بص كده علي الرسمه دي

                file://www.ohiodentalclinics.com/cur...ges/mod1_1.gif

                دي نموذج بيوضح العوامل الواجب توافرها علشان السنه تسوس

                سنه - بكتريا - سكريات - و كل ده مع الوقت بينتج عنه التسوس

                و زي ما هو موضح العوامل دي متداخله و متشابكه و منطقه التلاقي ما بينهم هي دي اساس المشكله

                يبقي علشان نمنع حدوث التسوس لازم نقوام و نمنع المسببات

                الحشو بيستبدل الجزء التالف من السنه و حضرتك عليك الباقي

                و ادي صور بتوضح ازاي التسوس بيتقدم علي جبهه القتال (سنه حضرتك او حوالين حشو فيها او تحته حتي!)






                يبقي دلوقتي واضح الخلل منين

                الموضوع ليه حسابات و خطط سواء عاجله ( زي الحشو او علاج العصب او حتي الخلع) او مستقبليه (زي ازاي نعدل العادات و العنايه علشان مفيش حاجه تسوس مستقبلا)

                Comment


                • #23
                  الجميل فى الموضوع ان كل الناس -(%99.99999) على الاقل-بتكره دكاترة الاسنان وبرضه حيفضلوا يروحوا ليهم...

                  Comment


                  • #24
                    بكرههم جدااااااااااااااااااااااااااااااااااا

                    ومره شتمت واحد بابوه بعد ماخلعلي ضرس ووقف يضحك ابن ال......

                    بلاش السيرة ده علشان دول بيجو عالسيرة
                    انا انسان عادي جداا.مسلم . اخطيء .واصيب . مرجعيتي هي القران والسنة وفقه الائمة الاربعة يعني انا ...[B][/B]

                    Comment


                    • #25
                      المشاركة الأصلية كتبت بواسطة mrwho1982 مشاهدة المشاركة
                      بكرههم جدااااااااااااااااااااااااااااااااااا

                      ومره شتمت واحد بابوه بعد ماخلعلي ضرس ووقف يضحك ابن ال......

                      بلاش السيرة ده علشان دول بيجو عالسيرة

                      هاته نظبطهولك في الدكانه

                      Comment


                      • #26
                        انا لا يمكن انسى تجاربي المؤلمه مع دكاترة السنان لاني عملت تقويم 3 سنين ونص من المعاناه والعذاب وسهر الليالي
                        والم السنان غير اي الم ويا سلام لو مركب سلكه كبيره وتلاقي سنانك كلها عايمه في اللثة وبتوجعك

                        وبعد كل ده سابلي فراغ بين ضرسين بيخليني كل ما اكل والاكل يدخل فيه أقول حسبي الله ونعم الوكيل.............

                        Comment


                        • #27
                          المشاركة الأصلية كتبت بواسطة Ralliart مشاهدة المشاركة
                          انا لا يمكن انسى تجاربي المؤلمه مع دكاترة السنان لاني عملت تقويم 3 سنين ونص من المعاناه والعذاب وسهر الليالي
                          والم السنان غير اي الم ويا سلام لو مركب سلكه كبيره وتلاقي سنانك كلها عايمه في اللثة وبتوجعك

                          وبعد كل ده سابلي فراغ بين ضرسين بيخليني كل ما اكل والاكل يدخل فيه أقول حسبي الله ونعم الوكيل.............
                          انا برضو عملت تقويم و عارف

                          بس الموضوع عن دكاتره الاسنان

                          لما نخلص سلخ فروتهم نبقي نعمل موضوع عن اطباء التقويم

                          Comment


                          • #28
                            المشاركة الأصلية كتبت بواسطة ain2006 مشاهدة المشاركة
                            حشو العصب مبيتعبش ولا حاجة باذن الله

                            فبلاش تعذبي نفسك

                            كلها شكة بتاعت حقنة البنج وبعدها بتفقدي الشعور بالضرس تماما

                            وترتاحي من المعاناه بتاعت الام الاسنان

                            (بالمناسبة انا خبرة في حشو العصب - والكلام عن تجربة )
                            معلش ابقى قابلني

                            انا حتى لو كذا حقنة مش بتحوق

                            مش عارف ليه و في المرتين اللي حشيت عصب الدكتور لما مش بيلاقي البنج بيعمل نتيجه

                            فبيجيب قطنة فيها محلول ما و يحشي بيها الضرس عشان العصب يهدي و يستكن

                            فلما اجيلو الزيارة التانية يكون العصب فقد الوعي ويقتلوا براحته

                            الغريب جدا بقى انو ازاي فاتت على رجالة المخابرات وبالذات الموساد طريقة التعذيب ديه

                            بس انا مش بكره دكاترة السنان ... بكره فقط عدم تفهمهم للمرسض احيانا
                            [CENTER]م.أحمد[/CENTER]

                            Comment


                            • #29
                              المشاركة الأصلية كتبت بواسطة amir مشاهدة المشاركة
                              انا برضو عملت تقويم و عارف

                              بس الموضوع عن دكاتره الاسنان

                              لما نخلص سلخ فروتهم نبقي نعمل موضوع عن اطباء التقويم
                              هو في فرق بين دكاترة السنان ودكاترة التقويم؟؟
                              اصل الدكتور ده كان دايس في كله حشو وخلع وتقويم .............
                              وخلعلي اربع ضروس كان بيشد بالكماشه ويحط رجله على الكرسي ويعد يحزق على طريقة توم وجيري
                              والممرضه متشعبطه في دماغي وانا في النص بتألم ومحدش حاسس بيا

                              Comment


                              • #30
                                المشاركة الأصلية كتبت بواسطة dojuar مشاهدة المشاركة
                                معلش ابقى قابلني

                                انا حتى لو كذا حقنة مش بتحوق

                                مش عارف ليه و في المرتين اللي حشيت عصب الدكتور لما مش بيلاقي البنج بيعمل نتيجه

                                فبيجيب قطنة فيها محلول ما و يحشي بيها الضرس عشان العصب يهدي و يستكن

                                فلما اجيلو الزيارة التانية يكون العصب فقد الوعي ويقتلوا براحته

                                الغريب جدا بقى انو ازاي فاتت على رجالة المخابرات وبالذات الموساد طريقة التعذيب ديه

                                بس انا مش بكره دكاترة السنان ... بكره فقط عدم تفهمهم للمرسض احيانا
                                فكره عدم "تحويق " البنج بترجع اساسا لاسباب مختلفه فمش هستفيض في النقطه دي لانها تخصصيه شويه

                                و رجاله المخابرات بخير الحمد لله و دكتور الاسنان يعتبر اخصائي تعذيب لو حب اما الموساد فدول شويه عيال ولا ليهم لازمه

                                المشاركة الأصلية كتبت بواسطة ralliart مشاهدة المشاركة
                                هو في فرق بين دكاترة السنان ودكاترة التقويم؟؟
                                اصل الدكتور ده كان دايس في كله حشو وخلع وتقويم .............
                                وخلعلي اربع ضروس كان بيشد بالكماشه ويحط رجله على الكرسي ويعد يحزق على طريقة توم وجيري :e_braces[1]:
                                والممرضه متشعبطه في دماغي وانا في النص بتألم ومحدش حاسس بيا

                                في فرق يا فندم كالتالي:

                                طبيب الاسنان بيعمل كل حاجه الا التقويم

                                طبيب التقويم بيكون في الاصل دكتور اسنان و حضر ماجستير علي الاقل في التقويم, و عاده ما بيمدش ايده في حاجه الا التقويم نظرا لان مهنه طبيب الاسنان فيها مجهود عضلي كتير و اوقات بيكون متعب و ممل, هل الصايغ اللي بيشكل الدهب هيقبل يمد ايده و يسمكر عربيه؟!!

                                طبعا في دكاتره اسنان بيحاولو يقرو في التقويم و بالممارسه و محاوله التعلم الموضوع ممكن يمشي لكن مأسي و كوارث الموضوع ده في منتهي الخطوره بالنسبه للمريض اهونهم تشوهات في الاسنان و اخطرهم ان الاسنان جدورها تدوب و تقع

                                كان في دكتور اسنان و بيعمل تقويم لبنت عندها 20 سنه, و للاسف نظرا لعدم المامه بكافه جوانب علم التقويم تسبب في ان اسنان البنت دي بالكامل وقعت, و خد بالك بنت عندها 20 سنه سنانها تقع و تركب طقم دي كارثه و كبيره كمان, و للاسف الشديد اهلها لما راحو النقابه يشتكو, خصوصا انه كان واخد منهم مبلغ و قدره, محصلوش حاجه و لولا تدخل دكاتره و محاولات عديده, الدكتور المشار اليه رجع نصف الفلوس فقط !!

                                خد بالك رجع نص الفلوس و مكنش ليه اي علاقه بقي بالبنت دي هتعمل ايه ولا هتتصرف ازاي في مصيبتها دي, لانها فعلا مصيبه لو فكرت تركب تركيب ثابت للاسنان كلها يبقي هتحتاج ما لا يقل عن عدد 6 زرعات جراحيه زائد 28 طربوش بورسلين و الموضوع هيكلف تكلفه عاليه جدا جدا ده لو حتي الدكتور اللي هيشتغل في الحاله دي هيعملها لوجه الله

                                اما الدكتور اللي بتوصف طريقته و اسلوبه ده انت اكيد بتهرج و مزود الموضوع شويه فلفل صح؟

                                Comment

                                Working...
                                X