استفسار من حد فاهم كويس فى الكهرباء

[MOUSTAFA_SAAD]

السلام عليكم

كنت عامل موضوع هنا بخصوص شحن اللاب توب على العربيه

http://www.nilemotors.net/Nile/191994-a.html

وبعدين الاخ الفاض احمد كمال بيقولىتضرب الامبير فى 220 فولت يديك الوات

وبيانات الشاحن عندى كالتالى

input 100-240 v~1.2a(1.2a 50-60hz
output 19v -4.22a

]دية البيانات اللى مكتوبه على الشاحن بالضبط ولما رحت راديو شاك الموظف قالى ان معادلة حساب الوات غلط وان اللاب ممكن يشتغل 110 او 220 وبكده المفروض تضرب 1.2a فى الفولت اللى بيحتاجه الجهاز وتقريبا هنا 19 فولت

فعل الكلام ده سليم
ياريت اللى يفهم فى الكهرباء كويس يقولى لانه كده ممكن اجيب انفرتر 150 وات يقدى الغرؤض بكفائه تامه ومش محتاج حاجه اكبر واغلى

[amrelsaqqa]

بص يا باشا
انت تضرب الـ input volt في الـ input current

عشان تعرف المحول كام وات بالظبط مع احتساب الفاقد في الطاقة من التحويل لـ 19 فولت
او تضرب الاوت في الاوت يقولك كام وات صافى بس من غير ما تحسب الفاقد في الطاقة نتيجة التحويل ( اللى بيتحول لحرارة )

مينفعش انبوت في اوتبوت او اوتبوت في انبوت


في الحالة عندك انت عايز تعرف الوات الاجمالى كله الى هو بالاضافة للفقد في الطاقة يبقى اضرب الانبوت في الانبوت

بس لأن المحول عندك هنا اوتوماتيك صعب نحسب بياخد كام امبير بالظبط عند كل كام فولت من الـ 100 للـ 240

بس هنفترض انه بياخد 1.2 امبير عند 100 فولت يبقى 110*1.2 = 120 وات
والقدرة الصافية اللى بتروح لللاب = 19*4.22 = 80 وات

ولو على اسوأ تقدير 220*1.2 = 264 وات ( بس صعب اوى يكون الفاقد 264-80 )

يعنى هات انفرتر 300 وات هيبظبطك وانت مطمن خالص ومش هيسخن منك ، ولو انى شايف ان 150 وات هيكفى لأن غالبا الامبير المكتوب بيبقى هو اقصى قيمة للتيار اللى هى عند اقل فولت وهيكون الفقد في الحالة دى 120-80 = 40 وات ( قيمة منطقية )

[MOUSTAFA_SAAD]

شكرا استاذ amrelsaqqa
يعنى انت شايف ان 150 وات كويس جدا
ةخصوصا ان فرق السعر كبير

وكمان تفتكر لن منتجات راديو شاك كويسه ومفيش داعى ادور فى حته تانيه
واكيد المحول ده ينفع يشحن الموبايل

[AlGazar2]

الاب بيحتاج 19 فولت و 4.22 امبير عشان يشتغل و ده الخرج بتاع الشاحن

يعنى الشاحن 80.18 وات

يعنى ال 150 وات هايبقى كويس جدا بس لو حاجة بتخرج فعلا ال 150 وات دول

[wahba87]

ياااه , ده الموضوع طلع كبير على كده

انا كنت شارى ال بتاع ده : Car 12V/ 24V DC to 220V Power + USB 6V Inverter Adapter - eBay (item 400163567010 end time Jan-11-11 02:40:04 PST)

على اساس اشغل blower انضف بيه العربية , و ال blower ده 350 وات !!!

اكيد طبعا مينفعش للاسف

[yoko]

ولو انى شايف ان 150 وات هيكفى لأن غالبا الامبير المكتوب بيبقى هو اقصى قيمة للتيار اللى هى عند اقل فولت وهيكون الفقد في الحالة دى 120-80 = 40 وات ( قيمة منطقية )

تمام كده وعلى فكرة الخرج بتاع المحول ممكن يبقى أو غالبا بيبقى أكبر من الجهاز محتاجة لإن نفس المحول بيستخدم مع معظم أجهزة الشركة
و150 وات كفايه قوي عن تجربة

[amir]

يعني المختصر المفيد ايه لو عايز حاجه تديني كهربا سواء للابتوب او بلاور او اي جهاز كهربي في العربيه؟

[Hussein_Emara]

ياااه , ده الموضوع طلع كبير على كده

انا كنت شارى ال بتاع ده : car 12v/ 24v dc to 220v power + usb 6v inverter adapter - ebay (item 400163567010 end time jan-11-11 02:40:04 pst)

على اساس اشغل blower انضف بيه العربية , و ال blower ده 350 وات !!!

اكيد طبعا مينفعش للاسف

يعني المختصر المفيد ايه لو عايز حاجه تديني كهربا سواء للابتوب او بلاور او اي جهاز كهربي في العربيه؟

بلاش مواتير او غلايات, تذبذب الفولت فيهم بيبهدل الدنيا

خلي الجهتز للاحمال الالكترونية. يعني لابتوب, شاحن موبايل, كدة

[amir]

بلاش مواتير او غلايات, تذبذب الفولت فيهم بيبهدل الدنيا

خلي الجهتز للاحمال الالكترونية. يعني لابتوب, شاحن موبايل, كدة

يعني مش هقدر اشغل المكنسه مثلا او بلاور في العربيه؟

ده لولا الكسوف كنت سألتك علي امكانيه تشغيل سخان ميه عليه برضو

[yoko]

يعني مش هقدر اشغل المكنسه مثلا او بلاور في العربيه؟

ده لولا الكسوف كنت سألتك علي امكانيه تشغيل سخان ميه عليه برضو

مكنسه غلاية إنسى إلا لو حاجة بتاخد من البطاريه عدل
والبلاور على حسب كام واط

[Hussein_Emara]

مكنسه غلاية إنسى إلا لو حاجة بتاخد من البطاريه عدل
والبلاور على حسب كام واط

مشكلة البلاور انة مفبش منة ماركات محترمة, فمافيهوش اي حماية من ال overload و البلاور زية زي اي موتور لو الفولت قل علية, حيحاول يكمل القدرة من التيار و يسحب بقى براحتة, فلو مش ماركة عليها القيمة, بلاش احسن.

[MOUSTAFA_SAAD]

شكرا ليكم يا جماعه