خطبة الشيخ محمد حسان فى الأسماعيليه ..موقف غريب>مصور<

[Ramy_2R]

الموضوع من يوم الجمعه بس كنت مشغول معرفتش اكتبه

يوم الأربعاء قريت على الفيس بوك ان الشيخ محمد حسان حيلقى خطبفى فى الأسماعيليه فى الجامع ال لازق فى العماره السكان فيها
فرحت وقولت يا مرحب أخيرا حنسمع خطبه جديده بدل الخطبه المكرره بتاعت كل مره
صحيت يوم الجمعه الساعه 9 و نص على صوت الاسلكى بتاع الشرطه فى الشارع و صوت تجربه ميكروفون الجامع
ابص من الشباك ....ذهلت من كميه العربيات المصطفه صفوفاً متواليه وتوازيه فى الشوراع و تحت البيت
ابص على النحيه التانيه إذا بى اجد الشرطه محاصره المكان و قفله الشارع الرئيسى الموصل على بيتى

سألت أيه الحكايه .....عرفت ان الناس جت من الفجر تحجز أماكن
كنت عايز انزل اجيب حاجه .....الطرق كلها مقفوله مش عارف اخرج العربيه
طبعا نزلت ملقتش مكان .... و من الحظ النحس الشمس كانت فى أوج قوتها ....
أعداد غفيره بالألاف فى الجامع و خارجه و فى الشارع (بعد قفله ) و فوق الرصيف وعلى الأخضر و اليابس
طلعت فوق السطح أراقب الموقف و أخدت معايا الكاميرا
الشيخ وصل و الناس فى حاله هدوء تام
فجاءه و بمجرد انتشار خبر وصول الشيخ
حاله من الهرج و المرج(معرفش يعنى أيه مرج دى ) سادت المكان تدافع غير طبيعى على سياره الشيخ
دعيت فى سرى ان محدش يتصاب فى الزحمه دى




الشيخ مكنش عارف يخش الجامع من كتر الناس


بعد دخول الشيخ تدافع فظيع على الباب من رحمه ربنا انه عدى على خير




الموقف ال أنا مش عارف صح ولا غلط و لكنى مستسغطهاش أن أول ما الشيخ دخل النا قامت و أعدت تهتف الله أكبر الله أكبر

و بعدين نزلت اعدت فى الشمس لمده تقارب على الساعه و بصراحه الخطبه كانت تستاهل المشقه

جت لحظه خروج الشيخ
فشل فى التنظيم و فى تحديد الميعاد و مكان الخروج
منظر مأساوى







بعد ما الشيخ ركب العربيه ....تجمهر فظيع حوليها العربيه كانت حتخبط فى السور و تطلع فوق الرصيف عشان السواق مش شايف




حولو فى الصوره دى تدوروا على العربيه


و سلوك غريب من الناس ... الناس بتحاول تلمس العربيه و كأن فيها البركه
معرفش ده جهل ولا حب زايد







طب ايه الناس البتصور بالموبيل دى


و أخيرا صوره نهائيه للمنظر بعد الرحيل

[محمد محمد]

يا بختك يا عم .....وكمان المسجد جنب البيت.....لو كنت اعرف قبلها كنت رحت.

[Ramy_2R]

يا بختك يا عم .....وكمان المسجد جنب البيت.....لو كنت اعرف قبلها كنت رحت.

بصراحه كانت تستاهل ان حضرتك تيجى

[Car's Sniper]

حب زايد...مع شوية همجية من الناس ...بس بيعجبنى فى المصريين ان عندهم النزعة الدينية زايدة شوية بغض النظر ان ممكن واحد بعد الخطبة يروحل بيته بعربيته مشغل اغانى هههه

[m_car]

شعب غلبان ومش عارف هو عاوز ايه

بس حاجة حلوة ان الناس تتجمع بالعدد ده علشان خطبة جمعة انما الاجمل لو ينفذوا اللى اتقال جوة الخطبة

[ehab_mansour]

بارك الله فيك وفي الشيخ محمد حسان ونفع الله به وبعلمه

انا كنت من حاضري بعض خطب ودروس الشيخ لما كنت عايش في المنصورة أيام دراستي في الكلية وقبل ظهور قناة الرحمة بكام سنة ولكن للأسف حاليا لا أستطيع ذلك وكان بيكون هناك زحام شديد ولكن ليس بدرجة هذه الأيام وكان الشيخ بيدخل المسجد عادي وبيخرج عادي وممكن جدا تسلم عليه وتسأله في شييء ما ولكن ما يحدث هذه الأيام للأسف بهدله وتخبيط وارهاق شديد للشيخ لولا فضل الله ثم الأخوة حول الشيخ كان زمانه مات في أيديهم من الهرج والمرج اللي بيحصل في الخطب وربنا يهدينا ويرزقنا حسن الخلق
لذلك أتمني من الله من كل حاضري خطب الشيخ أن يرحمو الشيخ ومن معه هداهم الله

[smartchoice]

بارك الله فى الشيخ محمد حسان و فى كل شيوخ الأمة
بس اللى بيحصل ده جهل من الناس و العياذ بالله غاويين يقدسوا أى حد
يا ناس حرام عليكم مفيش حاجة أسمها تقعد تتمسح فى العربية علشان تاخد البركة
ربنا يهدى الجميع
اللهم أغفر للمؤمنين و المؤمنات الأحياء منهم و الأموات و أرفع مقتك و غضبك عنا و قنا عذاب النار

[A7MED_PHARMA]

الشيخ محمد حسان من القلائل الثوابت بدون أهواء
وإلي حصل ده ...
فضلا عن إنه جهل..ده حماس وقتي للأسف
يعني ساعة الحماسة .. تلاقي الناس واقفة طوابير
لو حد قال : إمسك حرامي
تلاقي الناس كلها بتجي علشان تمسك الحرامي
وممكن تلاقي ضمن الناس الي بتجري علشان تمسك الحرامي ..موظف مرتشي أو زاني أو سارق
إنفعالات وقتية

ده رأيي

[mahmoudselim]

في حاجة غلط في المصريين ؟!!!

[د.أحمد السعيد]

المصريين لسه فيهم حب للدين و الخير !!

[alaa99991111]

بارك الله فى الشيخ محمد حسان و فى كل شيوخ الأمة
بس اللى بيحصل ده جهل من الناس و العياذ بالله غاويين يقدسوا أى حد
يا ناس حرام عليكم مفيش حاجة أسمها تقعد تتمسح فى العربية علشان تاخد البركة
ربنا يهدى الجميع
اللهم أغفر للمؤمنين و المؤمنات الأحياء منهم و الأموات و أرفع مقتك و غضبك عنا و قنا عذاب النار

+111111111111111111111

[Dojuar]

لا اعتقد انهم يتبركون الا قليلا منهم

فأتباع أي شيخ غالبا ينتهجوا بنهجه - و الشيخ حسان بعيد كل البعد عن مثل هذه الامور

بالنسبة بقى لاستغراب البعض عن تحول بعض الناس بعد سماع الخطبة - اذكر الحديث الاتي:

- حدثنا يحيى بن يحيى التميمي، وقطن بن نسير، - واللفظ ليحيى - أخبرنا جعفر، بن سليمان عن سعيد بن إياس الجريري، عن أبي عثمان النهدي، عن حنظلة الأسيدي، قال - وكان من كتاب رسول الله صلى الله عليه وسلم قال - لقيني أبو بكر فقال كيف أنت يا حنظلة قال قلت نافق حنظلة قال سبحان الله ما تقول قال قلت نكون عند رسول الله صلى الله عليه وسلم يذكرنا بالنار والجنة حتى كأنا رأى عين فإذا خرجنا من عند رسول الله صلى الله عليه وسلم عافسنا الأزواج والأولاد والضيعات فنسينا كثيرا قال أبو بكر فوالله إنا لنلقى مثل هذا . فانطلقت أنا وأبو بكر حتى دخلنا على رسول الله صلى الله عليه وسلم قلت نافق حنظلة يا رسول الله . فقال رسول الله صلى الله عليه وسلم " وما ذاك " . قلت يا رسول الله نكون عندك تذكرنا بالنار والجنة حتى كأنا رأى عين فإذا خرجنا من عندك عافسنا الأزواج والأولاد والضيعات نسينا كثيرا . فقال رسول الله صلى الله عليه وسلم " والذي نفسي بيده إن لو تدومون على ما تكونون عندي وفي الذكر لصافحتكم الملائكة على فرشكم وفي طرقكم ولكن يا حنظلة ساعة وساعة " . ثلاث مرات ..

[moudy88]

بارك الله في الشيخ محمد حسان ..اعظم شيوخ الامه في الوقت المعاصر

واظن ان اللي حصل ده بسبب اننا كشعب مصري .. شعب عاطفي جدا ..وبيميل للتعبير عن اللي جواه بطريقه زياده حبيتين

وبما اننا منتدى سيارات ومهووسين عربيات ..ياريت نتوقع نوع عربية الشيخ محمد حسان ايه من الصوره ؟؟
صحيح هي مش باين منها الا السقف ..بس انا اظن انها مرسيدس c class موديل الالفينات (2006 مثلا )

او E class موديل 2008
ايه رايكو ؟؟

[Ralliart]

الشعب المصري بيحب يقدس الناس من ايام الفراعنه!!

[mkhalifa73]

...