انقذوا هذه السمكه....... للى بيفهم فى سمك الزينه

[samo9992003]

[IMG][/IMG]
[IMG][/IMG]
[IMG][/IMG]

ياجماعه ياريت اللى بيفهم فى السمك يفهمنى كل حاجه عن السمكه دى
انا باكلها بتاع كده شبه الخرز يعنى احطلها كام واحده فى اليوم
عاوز اعرف سنها وعاوز اعرف دكر ولا نتايه

[النوبي]

دي جولد فيش
دي بتاخد خرزه واحده في اليوم
بس مش عارف هل ينفع تعيش في الزجاجه الصغيره دي ولا لا
ايفو ممكن يعرف
خلي بالك متغيرش الميه مره واحده وخليها علي مراحل علشان السمكه ممكن من تغيير الميه تموت

[Eng_Mostafa_89]

السمكة دى اسمها جولدن فيش او فانتيل
هى بتاكل مرة كل يوم ومرتملهاش اكل كتير وخلى بالك السمك مبيشبعش يعنى مهما هترميلة هياكل ودة هيتعبة بعد كدة
فانتى ارملها حبة صغيرة
هو انا مش عارف احد الاكل اللى حضرتك بتحطة انا اعرف الاكل اللى عامل زى الكور الصغيرة دة وبيكون تيوانى وفى حاجة كدة عملة زى الشيبسي وفى حاجة كدة عملة زى الشعرية بس تخينة شوية

ودى الفروق بين الذكر والانثى منقولة من منتدى اخر
الفروق بالصور

دى اماكن ظهور الحبوب على جسم الذكر



وادى شكلها


ودول اوضح
دى على صفائح الخياشيم


ودى كمان


ودى على اطراف الزعانف


ودى باه الفتحه التناسليه للذكر


ودول للانثى

[samo9992003]

اولا هيا عايشه كده بقالها بتاع عشرين يوم
ثانيا انا بحطلها بتاع عشر خرزات كل يوم
ثالثا بغيرلها الميه كلها مره واحده كل تلات ايام

[tarekzein]

اولا هيا عايشه كده بقالها بتاع عشرين يوم
ثانيا انا بحطلها بتاع عشر خرزات كل يوم
ثالثا بغيرلها الميه كلها مره واحده كل تلات ايام

أولا مبروك عليك الفانتيل

ثانيا كتيير قوى عليها عشر حبات وزى ما قال الساده الزملاء

مهما تحط أكل هتاكله برضه وده غلط عليها

والتنويع فى الأكل مطلوب

بس خد بالك من أهم حاجه عند تبديل الميه

لازم تكون مركونه فى حاجه نضيفه مكشوفه لمده 24 ساعه عشان كل الكلور اللى فى الميه يطير

وآخر حاجه أفتكر أنك بتربى روح

وهتتسئل عنها فى الآخره وعشان كده لازم تعرف كل حاجه عنها

وده لينك موقع من أقوى المواقع فى تربية سمك الزينه

الموضوع بحره كبير جدا

منتدي أسماك الزينه العام - منتدي رابطة محبي الحيوانات

[heshamzaky]

السمكة دى فانتيل زى ما الاخوة قالو تمام بس معلش أنت خانقها فى الكورة الزجاج دى الفانتيل بيكبر بسرعة و انت كدة خانقا بجد حطها على الاقل فى حوض مستطيل و ليس مدور أقلة 40 سنتى و موضوع ذكر أو أنثى مش سهل التفرقة بينهم الا لما السمكة تكبر و تنضج و مفيش علامات خارجية تدل على النوع بيبان ساعت لما تيجى تتجوز من المغازلة و و تفريخها بالمسبة للهاوى مش سهل و لة طريقة معينة و علشان صحتها تبقى كويسة عند بتوع سمك الزينة بيبيعو دود حى مخصوص للسمك أكلها مرة فى الاسبوع دود علشان تكبر و أشترى دوادة حاجة يلاستيك زى القمع مخرمة بيتحط فيها الدود الراجل حا تلاقة عارفها الاكل المجفف كأنك بتأكل واحد على طول لانشون و معلبات الدود غذاء ممتاز ليها و لاى سمك زينة

[samo9992003]

طبعا الف شكر للكل على الردود بس اجيبلها الاكل ده منين فى اسكندريه

[Car's Sniper]

لما كنا بنأكل السمك كتير كان بيقعد ينط برة المية ونلاقيه خرج من الحوض ومات

[heshamzaky]

لما كنا بنأكل السمك كتير كان بيقعد ينط برة المية ونلاقيه خرج من الحوض ومات

الاكل الكثير مالهوش علاقة بأن السمك يقفز خارج الحوض الانواع الى بتقفز خارج الحوض اسماك معينة مثل ال سورد فيش

[sarah5]

تأكلها مرة واحدة يوميا ويفضل في معاد ثابت خرزة او خرزتين علي الاكثر وتغير المياه كل اسبوع وهاتلها بلورة مدورة بيبقي شكلها احلي لو عملت كل ده هتعيش معاك ممكن لحد 3 سنين وبالنسبة للاكل بتاعها بيتجاب من نفس المحل اللي اشتريته منها وبيفضل لمدة سنة

[sarah5]

الاكل الكثير مالهوش علاقة بأن السمك يقفز خارج الحوض الانواع الى بتقفز خارج الحوض اسماك معينة مثل ال سورد فيش

هو الاكل الكتير عموما بيموت السمك الزينة

[heshamzaky]

هو الاكل الكتير عموما بيموت السمك الزينة

دة لو أكلت دود حى كتير قوى قوى ممكن تموت لكن الاكل الجاف مش حا تاكل كتير قوى للدرجة الى تموتها

[tarekzein]

ياجماعه هقول تانى

خدوا كل معلوماتكم من اللينك ده وإدعولى


منتدي أسماك الزينه العام - منتدي رابطة محبي الحيوانات

[heshamzaky]

ياجماعه هقول تانى

خدوا كل معلوماتكم من اللينك ده وإدعولى


منتدي أسماك الزينه العام - منتدي رابطة محبي الحيوانات

تسلم طبعا يا باشا على اللينك بس فى بعض الاحيان العملية مش قراءة نظرية من كتاب و بس لآ لازم تكون مجرب بنفسك الكلام دة و أنا ربيت سمك من زماااااااااااااااااان جدا جدا و لحد دلوقتى و طبعا برضو معلوماتى ليست كاملة فلذلك بشكرك على اللينك

[heshamzaky]

الموضوع دة كان على المنتدى لسمك الزينة http://www.nilemotors.net/Nile/136104-a-10.html و دة كمان http://www.nilemotors.net/Nile/174324-a.html