موازنة المواطن ... ماذا تعنى وما المطلوب ؟

[زينة الله]

بص هو ده المتوقع من الحكومة

مثلا انت بتقبض 600 جنية طيب انا هاقبضك 1000 جنية

وتاني يوم او في نفس اليوم باليل هيطلع واحد ابن تيت يقول خبر تيت ويكون فحواه

حلوه فحواه دي

المهم هيقول ان الكهرباء غليت والبنزين غلي وبكده ال 400 جنيه اللي اخدتهم زيادة رجعو 500 للحكومة

هو ده المتوقع من الحكومة
وماحدش يقولي انت بتتكلم غلط للاسف دي الحقيقة...مش الحقيقة المرة بتاعة قناة ميلودي

وحسبي الله ونعم الوكيل

ابو عبد الله

بس اللى مش متوقع مع الحكومة إنها تنشر و توزع موازنة المواطن و تطالب بالمشاركة

هو دا الجديد

انا مش حدافع علشان الناس بتقعد تقول بيدافع عن الحكومة وخلاص فى حين انا بدافع عن مبادئ الاقتصاد اللى هى مهنتى الاساسية

مش معنى ان السلع سعرها بيرتفع انها مش مدعمة

يعنى لو تكلفة لتر البنزين مثلا 4 جنيه وهو بيتباع ب 175 قرش وبعدين رفعوا سعره ل2 جنيه هل معنى كده انه مبقاش مدعم؟

تمام كلام حضرتك مضبوط دى مجرد ملاحظة و كمان لأن الكهرباء محتاجة محطات جديدة وصيانة القديمة لتغطية الطلب عليها

و تفادى انهيار الشبكة الموحدة ربنا لا يقدر ، مع تحفظى على توزيع الاستفادة النهائية من أى دعم برضو ما بين المواطنين أو المستثمرين

إحنا بنحاول نفهم و نحلل مع بعض المعلومات المتاحة و نعرف بنعمل إيه و رايحين فين ( و هما اللى قالولنا ههههه)

و ياريت حضرتك تفيدنا بخبرتك كاقتصادى و تصحح لنا معلوماتنا و تفهمنا طريقة إعداد الموازنة مثلا

أنا مسمعتش عنها لسة بس واضح من رائ الاعضاء انها لو جت قدامي مش هافتحها علشان مش هفهم فيها حاجة و لو فهمت
مظنش هشارك براي فيها لأني ببساطة مش بصدق الحكومة

طيب على الأقل حاول تقرأ كلام ناس فاهمين فى الاقتصاد و الموازنات و الكلام دا

و كمان المحاسبين و الاقتصادين و الخبراء فى البلد و اساتذة الجامعة فى كليات التجارة والاقتصاد أكيد هيكونوا فاهمين و كلامهم مفيد

لأن دا واقع عايشينه و ما نقدرش نهرب منه على الأقل نفهم هو فيه أيه

[ahmed4000]

=



لأن دا واقع عايشينه و ما نقدرش نهرب منه على الأقل نفهم هو فيه أيه

ياريت فعلا الناس تكون بتعمل زى حضرتك لكن للاسف المواطن نفسيا لن يتقبل اى تبرير نهائياً من الحكومة
وبجد الحكومة دى محتاجة تجيب اكبر خبراء فى العلاقات العامة فى العالم علشان تصلح صورتها قدام المواطن (وحكاية توزيع الموازنة) جزء من كده لكن للاسف حتفشل لان محدش حيسمع ولو سمع مش حيفهم ولو فهم حيبقى رده ان دى ارقام مضروبة وان الفلوس بتتسرق واننا اغنى بلد فى العالم....الخ

ردا على موضوع توزيع الدعم بين المواطن والمستثمر حرجع حضرتك لموضوع الصناعة المصرية اللى المهندس مزاجنجى عمله وحتلاقى فيه ازاى بره مصر بيدوا الارض ببلاش وبيدعم الطاقة مقابل انك تنتج وتصدر وتشغل ناس...فايه المشكلة انك تدعم الطاقة للمستثمر (فى راى احسن ميت مرة من تدعيم الطاقة اللى بشغل بيها التلفزيون 24 ساعة) على الاقل الطاقة دى بتخلق فرص عمل وبتصدر و...الخ وعلى فكرة لو مدعمتش الكهرباء المستثمر ببساطة شديدة حينقل سعر الكهرباء للمستهلك وحيرفع سعر السلعة ناهيك ان السلعة مش حتبقى منافسة خارجيا

الناس كلها بتطالب بان الارض بتكون ببلاش للى يزرعها أو يبنيها وشوف لما ارض مدينتى اتباعت ب14 مليار جنيه وهى كانت صحراء الناس قطعت الحكومة ولعنت فيها اد ايه (الشعب يعانى من ازدواجية غريبة)

[تامر.محمد]

ياريت فعلا الناس تكون بتعمل زى حضرتك لكن للاسف المواطن نفسيا لن يتقبل اى تبرير نهائياً من الحكومة
وبجد الحكومة دى محتاجة تجيب اكبر خبراء فى العلاقات العامة فى العالم علشان تصلح صورتها قدام المواطن (وحكاية توزيع الموازنة) جزء من كده لكن للاسف حتفشل لان محدش حيسمع ولو سمع مش حيفهم ولو فهم حيبقى رده ان دى ارقام مضروبة وان الفلوس بتتسرق واننا اغنى بلد فى العالم....الخ

هي فعلا جايبة و مش نافع
ليه ؟
لأن الانتخابات اللي فاتت كانت انزه انتخابات في تاريخ مصر على حد قولهم

[ahmed4000]

هي فعلا جايبة و مش نافع
ليه ؟
لأن الانتخابات اللي فاتت كانت انزه انتخابات في تاريخ مصر على حد قولهم

السياسة حاجة والاقتصاد حاجة تانية...يعنى انا ممكن ببساطة اقول احنا فى ازهى عصور الديمقراطية لكن صعب تطلع تقول الاقتصاد بينمو 5% وهو بينمو ب2% بس

[A7MED_PHARMA]

هي نوع من الشياكة الدعائية
يعني محاولة لتحسين الصورة .. وحفظ ماء الوجه
قال يعني لما يقولوا إن الدخل كذا..والمصروف كذا
إحنا نصدق زي المهابيل كده...



يروحوا يشوف البرازيل عملت ايه...بلا نيلا

[زينة الله]

طيب لقيت رابط لموازنة المواطن على موقع وزارة المالية للزملاء اللى يحبوا يطلعوا عليه

http://www.mof.gov.eg/Arabic/%D8%B9%D9%86%D8%A7%D9%88%D9%8A%D9%86%20%D8%B1%D8%A 6%D9%8A%D8%B3%D9%8A%D9%87/PE/Pages/Balancing_citizen2010-2011.aspx

أما هذا الحوار من قناة العربية

ظ…طµط± طھطµط¯ط± ط£ظˆظ„ "ظ…ظˆط§ط²ظ†ط© ظ„ظ„ظ…ظˆط§ط·ظ†" ظ„ط¯ط¹ظ… ظ…ط´ط§ط±ظƒطھظ‡ ظپظٹ طھط±طھظٹط¨ ط£ظˆظ„ظˆظٹط§طھظ‡

وقال وزير المالية في بيان صحفي حصلت العربية نت على نسخة منه "أن موازنة الواطن تعد أحد آليات تدعيم اللامركزية المالية حيث تتيح لكل مواطن التعرف على المخصصات المالية الموجهة للخدمات العامة مثل التعليم والصحة والثقافة والشباب والرياضة وغيرها من الخدمات داخل محافظته أو المركز الذى يعيش فيه وبالتالي تسمح له باقتراح المشروعات التى يراها ذات أولوية في دائرة إقامته وهو نوع من أنواع المشاركة المجتمعية المطلوبة في اتخاذ القرار والذي سينصب في النهاية لخدمة المجتمع وتحديد أولوياته".

ولكن ممدوح الولي يرى "أن هذه المبادرة ليست جديدة كما زعمت وزارة المالية حيث أعلن عنها الوزير السابق مدحت حسنين وكانت أكثر فاعلية، وهي موجودة في معظم دول العالم المتقدم، ولكن المواطن في هذه الدول هو الذي يضع هذه الميزانية وليس الحكومة طبقا لاحتياجاته".

وقال غالي إن موازنة المواطن سوف تصدر سنوياً عقب تصديق مجلس الشعب على الموازنة العامة للدولة في شكل نشرة مختصرة وسوف تتضمن في البداية المصروفات والإيرادات العامة على مستوى الموازنة العامة للدولة ويليها بعد ذلك إصدارات تفصيلية لجانبي الإنفاق والإيرادات العامة على مستوى كل محافظة من محافظات الجمهورية والمراكز التابعة لها".

وأوضح ممدوح الولي "أن الأمر المتعارف عليه في جميع دول العالم أن المواطن هو الذي يضع الموازنة فمثلا هناك بلاد تعتمد اللامركزية في إدارة شؤونها فتأتي المجالس المحلية المعبرة عن المحافظات وتطرح احتياجاتها السنوية ثم يتم رفع هذه الاحتياجات الى المسؤولين، ويتم توفير هذه الاحتياجات حسب ما طرحه المواطنون، لكن ليس الأمر مجرد تعريف المواطن بالموازنة وجعله مجرد متلق".

وأكد ممدوح الولي "أنه من المستحيل أن يضع المواطن المصري أو يشارك في وضع الموازنة لأسباب اقتصادية وسياسية".

وتابع ممدوح الولي "أما عن الأسباب الاقتصادية فمن خلال قراءة في ميزانية العام الحالي 2010 /2011 سنجد أن إجمالي الإنفاق فيها بلغ 490 مليار جنيها مصرياً وجملة الإيرادات 299 مليار جنيه فيصبح العجز 191 مليار جنيها، هذا العجز يجعل الدولة مقيدة في تلبية احتياجات المواطن، أو حتى الموافقة على أي اقتراحات يراها المواطنون ".

وأشار ممدوح الولي الى أنه بعد هذه الموازنة يتبقى للحكومة مبلغ 40 مليار جنيه من جملة الموازنة العامة للدولة يتم صرفها على خمس بنود أساسية هي الأجور ، والدعم السلعي مثل الزيت والسكر بمبلغ 14 مليار جنيه فقط ، أيضا تأتي مصروفات الجيش والشرطة ، والمعاشات والتأمينات ومشروعات البنية الأساسية لتحسين معيشة المواطن والمصروفات السيادية التي لا يمكن أن تؤجلها وزارة المالية ، ومن هنا ما تبقى وهو 40 مليار جنيها لا تفي بتلبية احتياجات المواطن العادية .

وأضاف الولي أن هناك أيضا 173 مليار جنيه هي أقساط وفوائد الديون المحلية والخارجية من جملة الإنفاق في الميزانية أي 35% منها، فماذا يتبقى للمواطن كي يشارك في هذه الميزانية.

[زينة الله]

أما فى الوفد فتناول الموضوع كالتالى :

مع ارتفاع الأسعار غير المسبوق والبطالة، فاجأت وزارة المالية المواطنين بالإعلان عن مبادرة جديدة هى "موازنة المواطن". حيث يفترض أن يشارك المواطن في تحديد موازنة الدولة والرقابة على الحكومة فى حالة الإخفاق.
و"موازنة المواطن" المزعومة عبارة عن نسخة مختصرة من الموازنة العامة للدولة توزع على المواطنين, ومنذ عدة أيام أصدرت الوزارة أول موازنة مبسطة للمواطن، فى كتيب صغير من 9 صفحات ملونة تم توزيعه مجانًا مع جريدة الأهرام، تضمن الكتيب شرح ما هي موازنة المواطن والهدف منها، وأهداف السياسة المالية فى مصر، ومصادر الإيرادات العامة وأوجه الإنفاق مع شرح لبرامج الحماية الاجتماعية ودعم محدودى الدخل وأقساط القروض المستحق سدادها أثناء السنة المالية.

وقال د.يوسف بطرس غالي، وزير المالية: إن هذه الخطوة تساعد على التفاعل بين المواطن والخزانة العامة، بحيث يصبح "على دراية بالقيود التى نواجهها، وكلما فهم بشكل أكبر سيساعدنا فى تحسين إدارتنا للموازنة"، معتبرًا أن زيادة فهم المواطن ستتيح له مزيدًا من المحاسبة والمراقبة للحكومة عبر ممثليه فى البرلمان، وعبر وسائل الإعلام.
وأوضح الوزير أن هذه الموازنة ستتيح للمواطن فرصة اقتراح المشروعات التى يراها ذات أولوية فى دائرة إقامته, لذا نصدر الموازنة علها تكون قناة جديدة للاتصال بين الحكومة والشعب.

وبادرت محافظتي المنوفية وأسيوط فى التعاون مع وزارة المالية فى إعداد أول موازنة للمواطن على المستوى المحلي, والتي شملت إيرادات ومصروفات المحافظة والاعتمادات الموجهة للخدمات على مستوى المراكز وحجم الاستثمارات فى المحافظة.

وردًا على اقتراحات الوزير أكد د.علي العسكري أستاذ المالية بجامعة الإسكندرية، أن أمريكا وانجلترا وفرنسا من أول الدول التى تطبق نظام الرقابة الشعبية وهو ما يطلق عليه "العمل فى ضوء الشمس"، هذا النظام يتيح للمواطن أن يعرف ما له وما عليه، ففي هذه الدول إذا أراد أحد المواطنين الحصول على مستند ما يكون متاحا له دون أي مشاكل، وفى هذه الدول كل مواطن يعلم أوجه إنفاق الضرائب والموازنة العامة بالضبط.

ويضيف العسكري أنه من المفترض أن الشفافية هى أساس العمل الحكومي وغير الحكومي, ومن المفترض أيضًا أن تأتي الرقابة الشعبية من المواطن قبل البرلمان, ونحن نفتقد فى مصر إلى الرقابة الشعبية, فأقصى ما يمكن أن يعرفه المواطن هو إجمالي الموازنة العامة وإجمالي العجز فيها.

وطالب د.علي العسكرى الحكومة بضرورة وجود قنوات فعلية للتواصل بين الشعب والحكومة إذا كانت تبحث عن الشفافية الحقيقية وليس مجرد كلام جرايد.

بدوره وصف د.محمد النجار أستاذ الاقتصاد بجامعة بنها "موازنة المواطن" بأنها "تهريج نعرف جميعًا ما وراءه" لأن بطرس غالي مؤمن بالإقلال فى الإنفاق على المجالات غير الاستثمارية وتقليل الدعم وهو حاليًا يحاول إشراك القطاع الخاص فى الإنفاق على البنية الأساسية.

ويتابع النجار ولأن وزير المالية مؤمن بالرأسمالية المتوحشة فهو يرى أن المعضلة الأساسية فى مصر تتمثل فى عجز الموازنة العامة للدولة, ويرى أن الحل الوحيد لهذه المشكلة هو واحد من اثنين إما زيادة الإيرادت وإما تقليل الإنفاق ولأنه فشل فى تحقيق البند الأول خاصة بعد أن جفت منابع الخصخصة لم يجد أمامه سوى تقليل الإنفاق حتى يرضى عنه صندوق النقد الدولي ولكن هذا الموضوع صعب للغاية ولابد أن يقترب منه بحذر شديد فلا يمكن أن يقلل الأجور ولا يمكن أن يقلل الإنفاق العسكري وبالتالي لم يجد أمامه سوى تقليل الدعم والإنفاق على المجالات الاجتماعية, لذا فهو يريد إشراك المواطن معه فى الموازنة حتى يقنعه بضرورة تقليل الدعم، وكان يجب عليه التغلب على عجز الموازنة بزيادة الإنتاج.

وحذر النجار من أن عام 2012 سوف يشهد ارتفاعا غير مسبوق في الأسعار وبشكل لم يتصوره أحد, لأن ارتفاع الأسعار فى العام المقبل 2011 عام الانتخابات الرئاسية سوف يتم كبته والسيطرة عليه من قِبل الحكومة.

http://www.alwafd.org/%D8%A3%D8%AE%D8%A8%D8%A7%D8%B1-%D9%88%D8%AA%D9%82%D8%A7%D8%B1%D9%8A%D8%B1/%D9%85%D8%AD%D9%84%D9%8A%D8%A9/%D9%85%D9%88%D8%A7%D8%B2%D9%86%D8%A9-%D8%A7%D9%84%D9%85%D9%88%D8%A7%D8%B7%D9%86-%D8%A2%D8%AE%D8%B1-%D8%AA%D9%82%D8%A7%D9%84%D9%8A%D8%B9-%D8%A8%D8%B7%D8%B1%D8%B3-%D8%BA%D8%A7%D9%84%D9%8A

[زينة الله]

ردا على موضوع توزيع الدعم بين المواطن والمستثمر حرجع حضرتك لموضوع الصناعة المصرية اللى المهندس مزاجنجى عمله وحتلاقى فيه ازاى بره مصر بيدوا الارض ببلاش وبيدعم الطاقة مقابل انك تنتج وتصدر وتشغل ناس...فايه المشكلة انك تدعم الطاقة للمستثمر (فى راى احسن ميت مرة من تدعيم الطاقة اللى بشغل بيها التلفزيون 24 ساعة) على الاقل الطاقة دى بتخلق فرص عمل وبتصدر و...الخ وعلى فكرة لو مدعمتش الكهرباء المستثمر ببساطة شديدة حينقل سعر الكهرباء للمستهلك وحيرفع سعر السلعة ناهيك ان السلعة مش حتبقى منافسة خارجيا

الناس كلها بتطالب بان الارض بتكون ببلاش للى يزرعها أو يبنيها وشوف لما ارض مدينتى اتباعت ب14 مليار جنيه وهى كانت صحراء الناس قطعت الحكومة ولعنت فيها اد ايه (الشعب يعانى من ازدواجية غريبة)

بالنسبة للتصدير أو أرض مدينتى أو الأراضى المستصلحة و المخصصة بكميات أكبر مما نص عليها الدستور على ذكر حضرتك له هل مالوش أى سقف يعنى مش تكفى الناس الأول فى بلدها وبعدين نصدر الزائد و خصوصا إنهم بيصدروا باسعار أقل كتير من البيع فى مصر و لكن مع الكميات الكبيرة بيجمع المستثمرين فى جيوبهم عائد كبير لزيادة رأس مالهم الشخصى

أيه منفعة الشعب كدا إنه يبقى مجرد عامل عند جناب المستثمر و ليه ميبقاش مالك متوسط أو صغير حتى

هي نوع من الشياكة الدعائية
يعني محاولة لتحسين الصورة .. وحفظ ماء الوجه
قال يعني لما يقولوا إن الدخل كذا..والمصروف كذا
إحنا نصدق زي المهابيل كده...



يروحوا يشوف البرازيل عملت ايه...بلا نيلا

شياكة دعائية أم تغطية لزيادة مرتقبة فى الأسعار و اننخفاض الخدمات و ........

بس برضو كويس إن الناس تفهم أزاى الموازنة بتتعمل بس المنشور مش كافى للفهم

[MaZaGAngeE]

باختصار . . . . . نصبة جديدة من حكومة علي بابا . . . . و اللي تابع مؤتمر الحزب في قناة المحور و سمع جمال مبارك أو سمع عز أكيد فهم

[Dr Zezo]

بصراحة لم اسمع عن هذا الموضوع اطلاقا لكن كما ذكر السيد ahmed4000

الاقتصاد في مصر ينمو بشكل جيد خلال الفترة الماضية خلافا لدول كثيرة في العالم

لكن هذا النمو غير كاف و موجه لفئة معينة

اي ببساطة مصر ليست متأخرة كما نتصور
و ليست متقدمة كما نتمني و كما يجب

و موضوع مدينتي لا يحتاج الي خبراء في الاقتصاد كي يستوعبوا ما حدث فيه
يكفي لغير المختصين - مثلي - قراءة حكم المحكمة بهذا الشأن ليكون وجهة نظر اخري

وقالت المحكمة في أسباب الحكم "بمقارنة هذا البيع بعدد من البيوع التي تمت في حالات أخرى فان الوضع بدا وكأنه عجب. ففي حالة عقد مشروع مدينتي بدا التصرف في المال العام محاطا بالكتمان لا يعلم أحد من أمره شيئا فتمخض الامر عن بيع لاراضي الدولة بمقابل عيني ضئيل يتم أداؤه خلال 20 عاما يمكن زيادتها الى 25 عاما."

وأضافت أن العقد اشتمل على "شروط مجحفة...بدا مقابل البيع ضئيلا غير متناسب مع قيمة الارض

و الحكومة لا تحتاج الي خبراء لكي تحوز ثقة الشعب
فقط يكفي ان تبدأ الحكومة من اكبر رأس الي اصغر فرد بالتعامل مع الناس علي ان الحكومة هي خادم للامة ليس الا ..
" اولي كلمات سعد زغلول في برلمان 1923 المنتخب شرعيا "
الذي شاهدته بالفعل هو حديث احمد بيه عز في الحزب الوطني

و عندما تحدثت في الامر مع احد الاصدقاء ذكر لي عبارة لخبيرة اقتصاد بريطانية " Joan Robinson"

ينطبق عليها موقف احمد بيه


"The purpose of studying economics is not to acquire a set of ready-made answers to economic questions, but to learn how to avoid being deceived by economists"

[ahmed4000]

هل مالوش أى سقف يعنى مش تكفى الناس الأول فى بلدها وبعدين نصدر الزائد و خصوصا إنهم بيصدروا باسعار أقل كتير من البيع فى مصر و لكن مع الكميات الكبيرة بيجمع المستثمرين فى جيوبهم عائد كبير لزيادة رأس مالهم الشخصى

أيه منفعة الشعب كدا إنه يبقى مجرد عامل عند جناب المستثمر و ليه ميبقاش مالك متوسط أو صغير حتى

وياترى الصين او اليابان او امريكا بيتقال فيهم الكلام ده
هل ياترى حد بيطلع يقول متصدروش الا لما تكفوا السوق المحلى الاول
المصنع فى اى دولة فى العالم لما بيصدر بيفتح الف بيت وراه وبيشغل 100 مورد لسلع وسيطة ونقل وخلافه
يعنى مش صاجب المصنع بس هو اللى بيكسب ولما الناس اللى معاه تكسب حتصرف اكتر وبالتالى حتفتح بيوت ناس تانية وهكذا دايرة وبتدور ايجابا او سلباً

دكتور زيزو فى رايك متر الارض كان يبقى بكام فى مدينتى -ايام مكانت صحرا يعنى سنة 2005- علشان ميبقاش مجحف؟

[Dr Zezo]

دكتور زيزو فى رايك متر الارض كان يبقى بكام فى مدينتى -ايام مكانت صحرا يعنى سنة 2005- علشان ميبقاش مجحف

اعتذر لحضرتك عن الاجابة لجهلي بالامر كله
فليس لدي اي خبرة او مقومات علمية في الامر او حتي المام كافي بالموضوع برمته حتي ابدي رأي فيه

من وكل اليهم الامر و اعطيت لهم كافة الصلاحيات للاطلاع علي كافة الوثائق اللازمة و مدي ملاءمتها للقوانين المنظمة لبيع الاراضي

اصدروا حكما
و الحكم له حيثيات و الرابط بالاعلي به بعض منها

ما رأيك حضرتك فيه ؟

[toptraction]

انا رائي اني كل المشاكل الي الحكومة فيها ومخلينا احنا بكل شرايحنا فيها هي تجميد مبالغ مهولة في مجال العقارات في

بلد لازم كل حاجة تكون مدعومة عشان المرتبات الفلة وانا مش بقول الي بياخد 1000جنية دانا كمان بقول الي بياخد 5000و10000

[ahmed4000]

اعتذر لحضرتك عن الاجابة لجهلي بالامر كله
فليس لدي اي خبرة او مقومات علمية في الامر او حتي المام كافي بالموضوع برمته حتي ابدي رأي فيه

من وكل اليهم الامر و اعطيت لهم كافة الصلاحيات للاطلاع علي كافة الوثائق اللازمة و مدي ملاءمتها للقوانين المنظمة لبيع الاراضي

اصدروا حكما
و الحكم له حيثيات و الرابط بالاعلي به بعض منها

ما رأيك حضرتك فيه ؟

لا تعليق على احكام القضاء ولكن هل القضاء عنده القدرة على تحديد قيمة عادلة للارض؟ لكن حكمه اعتمد على مخالفة قانون مناقصات وليس على السعر نفسه...اى ان الامر يصنف على انه خطا ادارى وليس فساد

لو انا الحكومة -وده اللى انت بتطالبوا بيه فعلا- حدى الارض لاى حد ببلاش بشرط يبنيها ويعمرها ويشغل ناس

فمبالك لو عملت كده وخدت 14 مليار جنيه تمنها؟ والراجل اللى جوا الوزارة اللى رفض مقابل مادى وطلب مقابل عينى يستحق التكريم لانه لو كان باعها نقدى كان خدله بالكتير 7 مليار جنيه وكان حيبقى تمن عادل ليه...لكن اصراره على انه ياخد عينى حيخلى الدولة تستفيد من الارتفاع المستمر فى اسعار العقارات وبالتالى الحصيلة تزيد (على فكرة طلعت مصطفى كانوا حيموتوا ويدفعوا مقابل مادى وهو ما يعنى ان المقابل المادى افضل لهم)

انا عارف انى خرجت على الموضوع الاساسى لكن كله بيدور فى سياق واحد ان الناس بتحكم فى الاقتصاد مع انهم مش متخصصين ودى كانى بالظبط عديت قدام عمارة وقلت ايه المهندس الغبى اللى بناها كان المفروض يعمل كذا وكذا ويعدل كذا ويعمل دى بالطريقة كذا وانا اصلا معرفش حاجةف ى الهندسة

[ahmed4000]

خد عندك قضايا كتير بالنوعية دى زى رفع المرتبات إلى 1200 جنيه ودى صدر بيها حكم قضائى لكن هل حد حاول يفكر حيحصل ايه لو اطبق الموضوع ده؟ الاسعار حتقفز عشر مرات ارتفاعها المعتاد، اللى بيقبض 5 الاف جنيه دلوقتى حيبقوا كانه بيقبض 700 جنيه بمعايير دلوقتى...ساعتها كل صاحب مصنع حيروح يجب الهنود والبنجلاديش ويديهم 500 جنيه وحيبقوا طايرين من الفرحة وبيشتغلوا احسن مننا مليون مرة

وحنرجع نلاقى اللى بيبقبض 1200 يعتبر تحت خط الفقر بالمقاييس الجديدة لكن كل اللى حيكون عمله انه ضرب كل الفئات التانية فى مقتل

وقيس على كده قضايا كتير بنحكم عليها بعاطفية شديدة وشايفين اننا اللى فاهمين كل حاجة وان اللى بياخدوا قرارات طبيعى يكونوا جهلة ومش فاهمين حاجة