نفق العباسية وقع !!!

[Eng.Geo]

إنهيار أرضي جديد في نفق مترو العباسية والوضع مأسوى
فى كارثة جديدة بسبب الحفر لمترو الإنفاق بطريقة خاطئة وفى أماكن غير صالحة لذلك حدث اليوم الثلاثاء الموافق 28 - 12 - 2010 ومنذ قليل إنهيار كبير فى نفق العباسية مما أدى إلى سقوط العديد من السيارات ومن المؤسف أن هذه السيارات بها العديد من المواطنين


الخبر ده غير أكيد
منقول من واحد صاحبي علي ال face
كدة خلاص
بوظوا كتييييييييير
غير سنترال الأبرا ... مصروف عليه ملايين وظهر فيه شروخ !!

[wesam_salom]

الكلام ده مش اكيد

انا ليا قريب شغال فى المترو وكان فى مبنى وزاره النقل لحد الساعه 4 ومكنش فيه اى حاجه

ولو فيه جديد كانوا اتصلوا بيه

[Moh.Abdelbaset]

انا لسة جاي من جامعة عين شمس
الحفر اللي عند ميدان العباسية نفسه اللي جنب موقف الاتوبيس
المنطقة طبيعية جداً

لكن جنب موقف أتوبيسات شرق الدلتا
كان فيه أفراد شرطة مش كتير أوي (أمناء) عادي يعني و عربية إسعاف
لكن الدنيا ماشية

خلينا نتابع البرامج الحوارية يمكن نعرف ايه اللي حصل

[Eng.Geo]

يا رب تكون أشاعة
لحسان الحتة ده غرقانة عربيات وبني أدمين

[wesam_salom]

قريت خبر عن الموضوع ده

بس شكله متفبرك

http://www.akhbarak.net/articleview.php?id=2258291

وجارى التأكد

[chato_eg]

معدى من ميدان العباسية و تحت النفق صبح و ليل..مافيش انهيارات

[yehia]

موقع اليوم السابع ذكر الخبر ......


اليوم السابع | هبوط أرضى بعمق 3 أمتار بالعباسية نتيجة حفر الخط الثالث للمترو

[Eng.Geo]

كدة الكلام بقي أكيد للأسف

[wesam_salom]

http://www.akhbarak.net/articleview.php?id=2258438

[Sh_sunsea]

هو إيه الحكاية - كل خبر يقولك بالصور بالصور - وادخل مالقيش صور ولا حاجة - حد اتأكد من حاجة يا جماعة

[Moh.Abdelbaset]

حتى لو الخبر أكيد
فهو بعيد عن نفق العباسية

زي ما قلت كان فيه أمن ملحوظ جداً و عربية اسعاف جنب موقف أتوبيسات الدلتا
بس أنا ماشي من هناك الساعة سبعة إلا ربع تقريباً و الخبر بيقول 7 و نص

[mohamed_selim]

الخبر بيقول: مشيرة إلى أن الهبوط وقع حوالى الساعة السابعة والنصف من مساء اليوم الأربعاء.
هو الحاجه المؤكده ان هبوط عند المحطه الدوليه (ربنا يستر على كوبرى اكتوبر) بس خبر بيقول 3 و خبر 5 و محدش عارف ايه الصح !!!

[Eng.Geo]

مش عارف الحقيقة
أهي البرامج شغالة وهنعرف