Tweet
المـنسي
)::::::::::::::::: المـنسي::::::::::::::::::(
سمعنا كثيراً عن المنسي وقد شاهده بعضنا !!
هو إنسان نظن جميعاً انه شخصية من الناس نساها الناس ..
نظنه انه الإنسان الي الناس التانيه مش بتهتم بيه وعل طول بتنساه ..
انسان منسي في وسط الناس ..
ولكن ده الفيلم ..
لكن لو دورنا على المنسي الأصلي !!
تعالوا نشوف كده ..
-
-
-
-
تخيل معايا ..
انت قاعد مع شوية ناس اصحابك ودخل واحد كل الناس بتحبه ..
راح سلم على أول واحد قاعد والي جنبه والي جنبه والي جنبه وجه عندك وراح فوّتك وسلم علي الي بعدك يعني بلغة الشباب كده ( نفضلك)
احم احم
ايه هيكون إحساسك ..
حتى ولو مكنش قصده وواحد تاني قاله انت نسيت تسلم علي فلان .. وقالك انا ااااااااااااااسف مكنش قصدي انا والله ما اخذتش بالي ..
بالرغم من انه مكنش واخد باله
هتكون من جواك متضايقك وتقول في نفسك ..
هو انا شفاف ولا ايه يعني ايه مخدش باله !!
طيب سيبك من دي ..
الموقف الي بعده :
اتكرر نفس الموقف تاني ولكن لما اتقاله ده انت نسيت تسلم على فلان ..
قالهم عارف ونظر ليك كده وقالهم سيبكم منه !!
أوباااااا دي جامده دي
طبعاً هتحس بإحساس غريب جداً ..
طيب لو اتقاله انت نسيت فلان ..
راح مكلفش نفسه انه ينظرلك وقالهم سيبكم منه !!
كل ده انسان منسي..
تعالوا نشوف نسيان من نوع تاني .. خالص
.
عارفين ياجماعه الموقف ده الي حكيناه بالرغم من انه كافي إن اي انسان عنده دم يتضايق ويزعل ..
إلا إننا لو جينا يوم القيامة :
"وَيَوْمَ يُنفَخُ فِي الصُّورِ فَفَزِعَ مَن فِي السَّمَاوَاتِ وَمَن فِي الْأَرْضِ إِلَّا مَن شَاء اللَّهُ "
_______________
"يَوْمَ يُنفَخُ فِي الصُّورِ وَنَحْشُرُ الْمُجْرِمِينَ يَوْمَئِذٍ زُرْقاً"
"يَوْمَ يُنفَخُ فِي الصُّورِ وَنَحْشُرُ الْمُجْرِمِينَ يَوْمَئِذٍ زُرْقاً"
الناس هتخرج من القبور يوم القيامة وقداجتمعت أجسادهم بعد أن أكلها الدود .. يخرجون وعليهم التراب ويجتمع تراب قبورهم مع عرق أجسادهم ( تخيل المنظر ) يخرجوا مفزوعين منهم من هم ألوانهم زرقاء تخيل ناس ماشيه جنبك لونهم ازرق من الأهوال وقد قيل أن لون عيونهم سيصبح أزرق من الأهوال التي يروها
! ..
كل الناس بتجري !
ليه ؟
طيب تعالوا نرجع تاني . للدنيا .
-
مين هوالمنسي..
نشوف كده
-
" فَذُوقُوا بِمَا نَسِيتُمْ لِقَاء يَوْمِكُمْ هَذَا إِنَّانَسِينَاكُمْ وَذُوقُوا عَذَابَ الْخُلْدِ بِمَا كُنتُمْ تَعْمَلُونَ " (السجدة : 14)
يعني جزاء انكم نسيتم يوم القيامة الي لسا متكلمين عليه وقلنا شيء بسيط عنه ..
الي ينسا اليوم ده هيكون منسي !!
بس منسي حقيقي ربنا سينساه..
وطبعاً نسيان ربنا ليس عن نقص منه سبحانه وتعالي منزّه عن كل نقص
..
فالله لا ينسى
" قَالَ عِلْمُهَا عِندَ رَبِّي فِي كِتَابٍ لَّا يَضِلُّ رَبِّي وَلَايَنسَى"(طه : 52)
" وَمَا نَتَنَزَّلُ إِلَّا بِأَمْرِرَبِّكَ لَهُ مَا بَيْنَ أَيْدِينَا وَمَا خَلْفَنَا وَمَا بَيْنَ ذَلِكَ وَمَاكَانَ رَبُّكَ نَسِيّا"(مريم : 64)
ولكن نسيان الله للعبد الي بنتكلم عنه النهارده .. بيكون نوع من انواع التعذيب للعبد العاصي الذي نسي هذا اليوم ( يوم القيامة)
فمعنىنَسِينَاكُمْهنا أي تركناكم في العذاب !! ( التفسير الميسر )
فاكرينصاحبنا الي صاحبه نفضله ومسلمش عليه !! شوفتوا الموقف وحش ازاي
..
تخيل بقا ان ربنا سبحانه وتعالى ينساك يوم القيامة ولكنه ليس نسيان وفقط ولكنه نسيان في العذاب !!
فالمنسي مش هو الانسان الي الناس نسيت تهنيه بيوم ميلاده ولا هو الانسان الناس نسيت تشكر فيه في الدنيا وتشاور عليه .. ليس هذا هو النسيان !!
النسيان الحقيقي انك تنسي يوم القيامة ومقابل ده ان ربنا ينساك في العذاب ويتركك !
اذا كان لو واحد في حفلة التخرج مثلاً واتنده علي كل اسماءالدفعه الي اتخرجت واتنسا اسمه ( شوف مدى غضبه هيكون ايه وإحراجه ) بالرغم انه في الاخر تكريم !!
فتخيل تنتظر وتكتشف انك المنسي يوم القيامة !
وليس منسي انك لن تحاسب .. ولكن منسي يعني لن يسمعك احد ولن يشفعك لك أحد ولن ينصت لصراخك أحد .
تعالوا نشوف تاني كده
ايه هو النسيان الحقيقي .. ؟
يقول الله عز وجل
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيراً *
قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى* وَكَذَلِكَ نَجْزِي مَنْ أَسْرَفَ وَلَمْ يُؤْمِن بِآيَاتِ رَبِّهِ وَلَعَذَابُ الْآخِرَةِ أَشَدُّ وَأَبْقَى( طه )
ربنا بيقول ان الي هيعرض عن ذكر الله وعن الصلاة وطاعة الله عز وجل هيعيش عيشه ضنك بؤس لا يرى يكون شغال في الساقيه عشان الفلوس وبيلف الدنيا وياكل من الحرام وفي الاخر مش هيتمتع وعيش الضنك ! ومش كده وبس ده كمان هيروح يوم القيامة أعمى ! متخيل الأعمي ده !!
اذا كان الي بيشوف يوم القيامه ممكن يداس عليه في يوم القيامة فما بالك واحد أعمى لا يرى !! هل الناس المفزوعين هيراعوا حد وهم بيجروا !!
في حديث في صحيح البخاريومسلم
"يحشر المتكبرون يوم القيامة أمثال الذر،تطؤهم الأرجل، يعلوهم الذل من كل مكان "
فكيف بالأعمى !
ويسأل ربنا ليه حشرتني أعمى !
فيكون الرد مثل ما جائتك اياتنا فنسيتها وكذلك اليوم في يوم القيامة تنسى !
وآيات ربنا ممكن تكون جاتلك عن طريق شريط او موقع في النت ممكن يكون واحد نصحك نصيحه وقلت له ياعم كبر دماغك ..
حد قالك يا اخي بلاش الشيءالفلاني عشان حرام وقلت له ياعم متوجعش دماغنا
ممكن آيات ربنا في اذان سمعته ومقفلتش الاغاني ومنزلتش تصلي !
ايات ربنا الي جاتلك واعرضت عنها بأي صورة من الصور ولم تتوب الي الله قبل الموت تاتي يوم القيامة !
وسينساك الله
ومش بس هتكون أعمى ومش بس ربناهينساك !
لاء ده كمان ربنا يقول في نهايه الآية..
" وَلَعَذَابُ الْآخِرَةِ أَشَدُّوَأَبْقَى"
يعني ضنك الدنيا مش كفايه سترى ما ينتظرك فيالآخرة !
كل هذا لمن لم يتوب في الدنيا ونسي الله في الدنيا وتأتيه الموعظة فيعرض عنها !
يبقي الي بيعرض عن آيات ربنا وذكره وينساه ينساه الله عز وجل ويحشره أعمى ..
نسيان من نوع خاص أشد من الالزهايمر
لو أن الانسان اذا نسي الله والآخرة وكان جزاءه ماعرفناه ..
فما رايك في ان يكون جزاء الانسان الذي ينسى الله فان الله يجعل هذ العبد ينسى نفسه
يااااا الله
" وَلاتَكُونُوا كَالَّذِينَ نَسُوا اللَّهَ فَأَنسَاهُمْ أَنفُسَهُمْ أُوْلَئِكَ هُمُ الْفَاسِقُونَ " [الحشر : 19]
ينسى نفسه !! ؟
نعم ينسى نفسه !
عارفين ذل الانسان المريض الي بيتبول علي نفسه !
أعزكم الله وشفى الله كل مريض مسلم !
عارفين بيكون قد ايه حاسس انه مش عارف يتحكم في نفسه!!
حاول تدور علي الصحبة الصالحة الي تعينك على طاعة ربنا وانك على طول تكون فاكر ربنا وتحاول تقرب منه وتذكر
من تقرب إليّ شبراً تقربت منه ذراعاً !!
وأختم بقول الله :
لاَ يُكَلِّفُ اللّهُ نَفْساً إِلاَّوُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَتُؤَاخِذْنَا إِن نَّسِينَا أَوْأَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ [البقرة : 286]
منقول
Comment