أحذر من شراء نوكيا n8 او c7

[som3aa]

نسبة كبيرة جدا من النوكيا ال n8 و ال c7 معيوبين و التليفون بيسخن و يعد يقفل لوحده و يفتح تانى و فى ساعات مع ناس قفل و مفتحش تانى

المهم الموضوع لملوش حل لحد دلوقتى تقريبا و فى ناس بيغيرولها الmotherboard بتاعت التليفون و بيرجع يبوظ تانى و فى ناس غيرولها التليفون كله و الجديد طلع معيوب.

الموضوع دا حصل مع والدى و التليفون كل دقيقة بيقفل و يفتح تانى لوحده!!!


Lowyat.NET : Malaysia's Largest Online Community - The curious case of the dying Nokia N8

Nokia Support Discussions - C7 keeps restarting - Nokia Support Discussions

[zidaneelwaly]

اي جهاز اكيد فيه مشاكل انتا و حظك
فيه ناس شغال معاها كويس و ناس اشتكت من الc7 عشان حوار الريستارت بس طالما معاك ضمان كويس خلاص

[msafa]

الاجهزة دي فعلا اول دفعة فيها مشكلة و نوكيا اعترفت بكده خصوصا لما تحمل على الجهاز

لك ان تتخيل ان بعض الشباب بيحطوه في كيس و يحطوه في الفريزير لمدة 5 دقايق يرجع يشتغل حلاوة :)

[som3aa]

لك ان تتخيل ان بعض الشباب بيحطوه في كيس و يحطوه في الفريزير لمدة 5 دقايق يرجع يشتغل حلاوة :)

ايوه لسه قارى على site بتاع نوكيا ان المشكلة اللى بيخليه يقفل انه بيسخن فالحل هو الفريزر!!!!

معنى كدا انها مشكلة hardware و بالتالى ملهاش لحل دلوقتى

[nab!l]

ياخبر
طب c 6 ظروفه ايه

[Ralliart]

المشاكل دي كانت في الدفعات الاولى فقط

[kamalsalem]

شكراً على التحذير وربنا يستر على المال الحلال

[sleepyhammer]

ايه طيب انا كنت حشتري ال n8

اعمل ايه دلوقتى

[zidaneelwaly]

و انا كنت بفكر اشتري ال c7
طيب هل الدفعات الاولي دي خلصت خلاص بره
و لا دي في الخارج بس و عقبال ماجالنا كانت من الدفعات التانيه

[som3aa]

يا جماعة مفيش حاجة اسمها دفعات اولى و دفعات اخيرة
اللى فهمته ان نوكيا كانت عايزة تعمل تليفونات فيها كل حاجة و رخيصة فاسترخصت فى الخامات (اللى تمنه 3700 بيتباع فى الخليج ب 3000 و ال2900 ب 2200 فى الخليج , احنا بس اللى بنتسرق مع ان الجمرك فى مصر 10% و فى الخليج 5% يعنى مفروض التليفونات فى مصر تكون تقريبا نفس تمن الخليج, التليفونات دى رخيصة بره) المهم استرخصوا فى المواد اللى صنعوا منها التليفون فادى ان التليفون بيسخن بسهولة و لما بيسخن بيقفل و يفتح تانى لوحده و لو شغلت حاجات كتير هيسخن اوى و مش هيفتح تانى غير لما يسقع بعد مدة او لو حطيته فى الثلاجة (الفريزر) , المهم لحد انهردة مفيش حل و نوكيا لسه شغالين على الحل و متوقع ينزل شهر فبراير او ابريل , المهم محدش يشتري التليفونات دى خالص الفترة دى.

على فكرة الموضوع باين فى الأسيا و افرقيا اكتر من اوروبا بسبب ارتفاع درجة الحرارة اساسا

[د.محمود صلاح]

حلوة حكاية الفريزر دي ...

[Ralliart]

يا جماعة مفيش حاجة اسمها دفعات اولى و دفعات اخيرة
اللى فهمته ان نوكيا كانت عايزة تعمل تليفونات فيها كل حاجة و رخيصة فاسترخصت فى الخامات (اللى تمنه 3700 بيتباع فى الخليج ب 3000 و ال2900 ب 2200 فى الخليج , احنا بس اللى بنتسرق مع ان الجمرك فى مصر 10% و فى الخليج 5% يعنى مفروض التليفونات فى مصر تكون تقريبا نفس تمن الخليج, التليفونات دى رخيصة بره) المهم استرخصوا فى المواد اللى صنعوا منها التليفون فادى ان التليفون بيسخن بسهولة و لما بيسخن بيقفل و يفتح تانى لوحده و لو شغلت حاجات كتير هيسخن اوى و مش هيفتح تانى غير لما يسقع بعد مدة او لو حطيته فى الثلاجة (الفريزر) , المهم لحد انهردة مفيش حل و نوكيا لسه شغالين على الحل و متوقع ينزل شهر فبراير او ابريل , المهم محدش يشتري التليفونات دى خالص الفترة دى.

على فكرة الموضوع باين فى الأسيا و افرقيا اكتر من اوروبا بسبب ارتفاع درجة الحرارة اساسا

يا ريت بلاش كلام من غير دليل والاحساس بالمؤامره والنصب والخداع

طبعاً في دفعات والدفعه الاولى المصنوعه في الربع الاول من 2010 كان فيها المشكله ونوكيا تعهدو باستبدال الاجهزه المعيوبه واعرف ناس بدلته من غير ولا كلمه بجهاز جديد طبعاً مفيهوش المشكله تاني دي نوكيا مش مصر تيل

[sleepyhammer]

يا جماعه مفيش حد تانى معاه الموبايلات دى فى المنتدى يقولنا عامل ايه معاه ولا كلهم بيسخنو ولا ايه
دا انا كنت خلاص حجيبة وبصراحة مش لاقى اى تليفون تانى بالمواصفات الى فى النوكيا n8

[msafa]

أكيد في حاجة اسمها دفعات
يعني مثلا ال 5800 نزل بمكلة مشهورة ن السماعة بتبوظ مع الرطوبة ولازم تتفك و تتظبط
الدفعات الجديدة صلحو الموضوع ده و نزلو سماعات جديدة كقطع غيار و التلفون شغال معايا زي القرد بسم الله ما شاء الله

[Ralliart]

يا جماعه مفيش حد تانى معاه الموبايلات دى فى المنتدى يقولنا عامل ايه معاه ولا كلهم بيسخنو ولا ايه
دا انا كنت خلاص حجيبة وبصراحة مش لاقى اى تليفون تانى بالمواصفات الى فى النوكيا n8

اشتري الموبايل وطالما عليه ضمان حتى لو حصلت مشكله لاقدر الله هيغيروه من غير ما ينطقو والدفعات الجديده مفيهاش مشاكل
الـn8 هيجيلي بكره ان شاء الله