فقت امتى

[Dr_Mido]

هو عنوان غريب بس انا قعدت ربع ساعه افكر فى عنوان

ايه هو اكتر موقف فوقك خلاك تعيد نظر فى حياتك واسلوبك واللى بتعمله سوا كان صح او غلط وخلاك تحس انك لاشئ فى ثانيه موجود وثانيه ممكن تكون مش موجود اساسا

انا اكتر حاجه فوقتنى لنفسى فعلا حادثه عملتها من سنتين الحادثه بالظبط حصلت فى حوالى 20 ثانيه او اكثر شويه واللى قلى كدة اللى كنت بكلمه فى التليفون ساعه الحادثه
وكنت واعى لكل حاجه حصلت فى الفترة دى وبامناسبه حسيت انها ساعه
اما فقت سئلت نفسى لو انا مت كنت هتحاسب على ايه وانا بعمل ايه صح وايه غلط
20 ثانيه قعدت بسببهم شهر بتعالج وشهر تانى برة المستشفى مبقدرش اتحرك زى الاول
بجد بجد حسيت ان الانسان دة ضعيف 20 ثانيه حولت عربيه زيرو لكومه حديد وكانت هتحول واحد من عايش لميت انتو بقى اللى حصل معاكم:)

[noni67]

انا فقت يوم وفاة اخى الصغير
لأننا كنا فى فرح احد اصدقائنا ليلا وروحته لحد باب البيت
والصبح وانا رايح شغلى فوجأت بأمى بتتصل بيا على المحمول بتقولى انها بتصحيه علشان يروح كليتة مش عايز يصحى
الموضوع ما استغرقش معايا اكتر من ربع ساعه لحد ما وصلت وجدت عربية اسعاف تحت البيت
طلعت طبعا جرى فوجأت بأمى مرمية على الأرض ووالدى بيبكى بمرارة ورجل الاسعاف بيقولى البقاء لله
ما صدقتش وجريت جبت دكتور اكد لى كلام المسعفين
طيب ليه وازاى قالى فشل تنفسى ادى الى فشل فى الجهاز الدورى ووفاة
من ايه ده اصلا جته وبيلعب كمال اجسام ولا بيدخن ولا حتى بيشرب شاى او قهوه
قالى قضاء الله
عايز اقول كلم الكام ده بقالة 7 سنين
ولحد اللحظة دى باحلم بيه داخل عليا زى عادته
او وهو بيتحدان يرفع عربيتة الجولف من على الارض
او وهو بيسبح زى الانش فى مطروح
كتير باحس انى مش مصدق وان هوه جى تانى
من يومها جالى السكر من الزعل وما بقتش مهتم باى شىء فى الدنيا لانى عرفت ان احنا كبنى ادمين ولا حاجه ممكن نموت فى ثوانى وكأننا لم نكن اصلا

[sab3aawy]

اعتقد انى فقت تماما على قصة الرسومات المسيئة للرسول يوم نشرت اول مرة من سنتين

كانت بالنسبة لى سببا فى التعمق فى دراسة امور كثيرة جدا فى شتى شئون الحياه، وادت الى تغير رؤيتى لأشياء كثيرة جدا كنت آخدها على انها مسلمات(بفتح السين وتشديد وفتح اللام) غير قابلة للنقاش

[Noha.M]

انا فقت يوم وفاة اخى الصغير
لأننا كنا فى فرح احد اصدقائنا ليلا وروحته لحد باب البيت
والصبح وانا رايح شغلى فوجأت بأمى بتتصل بيا على المحمول بتقولى انها بتصحيه علشان يروح كليتة مش عايز يصحى
الموضوع ما استغرقش معايا اكتر من ربع ساعه لحد ما وصلت وجدت عربية اسعاف تحت البيت
طلعت طبعا جرى فوجأت بأمى مرمية على الأرض ووالدى بيبكى بمرارة ورجل الاسعاف بيقولى البقاء لله
ما صدقتش وجريت جبت دكتور اكد لى كلام المسعفين
طيب ليه وازاى قالى فشل تنفسى ادى الى فشل فى الجهاز الدورى ووفاة
من ايه ده اصلا جته وبيلعب كمال اجسام ولا بيدخن ولا حتى بيشرب شاى او قهوه
قالى قضاء الله
عايز اقول كلم الكام ده بقالة 7 سنين
ولحد اللحظة دى باحلم بيه داخل عليا زى عادته
او وهو بيتحدان يرفع عربيتة الجولف من على الارض
او وهو بيسبح زى الانش فى مطروح
كتير باحس انى مش مصدق وان هوه جى تانى
من يومها جالى السكر من الزعل وما بقتش مهتم باى شىء فى الدنيا لانى عرفت ان احنا كبنى ادمين ولا حاجه ممكن نموت فى ثوانى وكأننا لم نكن اصلا

you made my cry ...

[Karim_Monir]

كنت لسه جايب العربية الاكسيل من حوالي 4 سنين ورايح بيها الشغل
وعلى الدائري لقيت تريلا دخلت فيا من الجنب وعوجت العربية قدامها وبقت بتزق العربية بالعرض
والاربع عجلات بتوع العربية بيسرخوا والصاج بيطبق عليا ومستعد في اي لحظة اني اتعجن جوة العربية
لانها كانت متجهة ناحية السور الاسمنتي
وكان معايا في العربية 2 امناء شرطة كنت بوصلهم في طريقي وباخد فيهم صدقة الطريق
لا تتخيلو كمية الرعب والفزع وحياتك اللي عدت بتمر قدام عينك في لحظات وكل الحو والوحش في حياتك
لغاية ما النقل وقفت وطلعونا من العربية
ساعتها فقت ان الدنيا ولا حاجة وفي لحظة مش هاتلاقي نفسك
بس كان اختبار قاسى قوي قوي

[Noha.M]

كنت لسه جايب العربية الاكسيل من حوالي 4 سنين ورايح بيها الشغل
وعلى الدائري لقيت تريلا دخلت فيا من الجنب وعوجت العربية قدامها وبقت بتزق العربية بالعرض
والاربع عجلات بتوع العربية بيسرخوا والصاج بيطبق عليا ومستعد في اي لحظة اني اتعجن جوة العربية
لانها كانت متجهة ناحية السور الاسمنتي
وكان معايا في العربية 2 امناء شرطة كنت بوصلهم في طريقي وباخد فيهم صدقة الطريق
لا تتخيلو كمية الرعب والفزع وحياتك اللي عدت بتمر قدام عينك في لحظات وكل الحو والوحش في حياتك
لغاية ما النقل وقفت وطلعونا من العربية
ساعتها فقت ان الدنيا ولا حاجة وفي لحظة مش هاتلاقي نفسك
بس كان اختبار قاسى قوي قوي

يا خبرررررررررررر

والله وجعت قلبى:(:(:(

يظهر الموضوع دة كل ما هدخل عليه هيوجع قلبي :p

[cpt_shawky]

كنت طاير أنا وواحد صحبي فطيارة تانية وعلى 4500 قدم كنت بفرجه على حركه وبدأت افقد الإرتفاع فانهيار حلزونى (Spin) وفضلت مطول عشان اخليه يتفرج ومطلعتش غير فاخر لحظة على 850 قدم فوق جبل ارتفاعه 800 قدم فأسيوط وطبعاً كانت لحظة لا توصف بعد معديت اقصى سرعة للطيارة مع منظر الارض وهى بتقرب بعنف وانا شادد الكنترول على الأخر ومفيش استجابة بسبب القصور الذاتى (inertia) مع قوى الجاذبية (G Force)ساعتها بس فقت أووووووووووى .:D

الظريف بقا اللى أستلم منى الطيارة بعد مخلص طلعته جاي يقلى الطيارة مالها ريحتها شياط كده ليه! هو أنت كنت بتعمل ايه :D:D:D:D:D:D

[أبو عبدالله]

انا طول عمري كنت عايش زي اي شاب عايش حياته الثانوية ثم الجامعيه
رحلات فسح تنطيط مش عارف ايه كل حاجه

ولكن كان دائما ليا نظرة تأملية في كل شئ البشر الكون الجمادات كل شئ
وكان ممكن اقف بالساعات علشان اتفرج على حاجه معينه وبتأمل فيها او في موقف معين

عالعموم

كان في خال صديق ليه ربنا كرمه وملتزم دينيا وهو برضه بسبب خادثة حصلتله كان في سالم اكسبريس وشاف الموت امامه

المهم سمعني شريط للشيخ محمد حسين يعقوب في وصف الجنه
سمعت الشريط
بقيت مستغرب
الكلام اللي فيه ده صح
طيب انا عارف انه صح
طيب انا مبفكرشي فيه ليه
طيب هيا الناس بتجري ورا الدنيا ليه
هما مش عارفين الجنه دي فيها ايه ولا عارفين ومش مهم عندهم

حسيت ان في حاجه غلط
وان اللي احنا فيه ده غلط
وكده مش هينفع وبما اني من متخذي القرارات الحاسمة والحمد لله
قررت اغيير ومكنش بإيدي خالص

كل ما في الامر اني كل شويه انزل اشتري كام شريط وقبل ما انام اسمعلي شريطين تلاته
وبدأ التغيير والله هو الهادي طبعا قبل كل شئ

لقيت نفسي بعمل حاجات انا مكنتش اتغيل اني اقدر اعملها من اساسه
وهو ده اللي اسمه يهدي الله من يشاء فعلا
لأن الواحد مكنششي مخطط لشئ خالص ولا بأيده ولا بقوته
انما انت ما عليك الا النيه السليمة مدعمه طبعا بفعل حتى لو صغير جدا وهذا يجعلك لا تستصغر اي شئ فيه نية صالحة ولا يوجد ما يسمى بقشور ولب في الدين

وعلى فكره السبب الرئيسي في الأستجابة ان الواحد انعزل عن المؤثرات الخارجيه من مفسدات وحاجات زي كده وتفرغ لشئ واحد وهو تنمية الدين والمعلومات فيه
وبدأ التغيير لأن لا يوجد ما يعوقه من مؤثرات خارجية

والله الهادي والحمد لله على نعمة الأسلام

[أبومعاذ]

شريط أسمه (الجد يا شباب) للشيخ محمد حسين يعقوب أسأل الله أن يجزيه خير الجزاء و أدعو كل الأخوة إنهم يسمعو الشريط ده

[أبو عبدالله]

هنا الجنة ( وصف الجنة )

الجد يا شباب

[tmz9111]

انا فقت يوم وفاة اخى الصغير
لأننا كنا فى فرح احد اصدقائنا ليلا وروحته لحد باب البيت
والصبح وانا رايح شغلى فوجأت بأمى بتتصل بيا على المحمول بتقولى انها بتصحيه علشان يروح كليتة مش عايز يصحى
الموضوع ما استغرقش معايا اكتر من ربع ساعه لحد ما وصلت وجدت عربية اسعاف تحت البيت
طلعت طبعا جرى فوجأت بأمى مرمية على الأرض ووالدى بيبكى بمرارة ورجل الاسعاف بيقولى البقاء لله
ما صدقتش وجريت جبت دكتور اكد لى كلام المسعفين
طيب ليه وازاى قالى فشل تنفسى ادى الى فشل فى الجهاز الدورى ووفاة
من ايه ده اصلا جته وبيلعب كمال اجسام ولا بيدخن ولا حتى بيشرب شاى او قهوه
قالى قضاء الله
عايز اقول كلم الكام ده بقالة 7 سنين
ولحد اللحظة دى باحلم بيه داخل عليا زى عادته
او وهو بيتحدان يرفع عربيتة الجولف من على الارض
او وهو بيسبح زى الانش فى مطروح
كتير باحس انى مش مصدق وان هوه جى تانى
من يومها جالى السكر من الزعل وما بقتش مهتم باى شىء فى الدنيا لانى عرفت ان احنا كبنى ادمين ولا حاجه ممكن نموت فى ثوانى وكأننا لم نكن اصلا

ربنا يصبرك

[hamdy]

كنت وحيد امي وابويا ولا فيه بنات ولا صبيان اتجوزت في 2007/2/6 واتعينت يوم 2007/4/30 وقلت خلاص انا هريح امي اللي تعبت سلف من هنا و من هنا عشان اتعلم وقلت خلاص ولسه مكملتش 3 شهور في عقد التدريب لقيت بيقولولي الحق امك في مستشفي الدعاء
تعبانة شوية
ولان امي اسال الله العظيم لها الرحمة و المغفرة كانت تعبانة بقالها سنين كتير تعب التهاب في الاعصاب علي حاجات في الهرمونات علي ضغط و انزلاق غضروفي بس كانت عايشة الحمد لله عادي بينا مكناش بنحس قوي بتعب جامد
ولا رحت المستشفي عرفت فجؤني و من نظارتهم ليا فهمت انها في ساعاتها الاخيرة ساعتها مملكتش غير اني غرقان في دموعي اللي نازلة مني دلوقتي وكان الموقف بيحصل دلوقتي
ولما التربي نزل امي قال كنت انا تحت بستنا اللحظة اللي مكنتش عايزها تيجي ابدا قالي ياريت تدخل ايدك في الكفن وطلع ايديا من جنبها تحطها علي صدرها مقدرتش اعمل كده خالص
وفضلت يا تري يا حمدي انت هتتباع البيعة دي الكل هيرميك هنا ويسيبك ولا تقولي عربية ولا شغل ولا وزجة ولا اي حجاة
عارفين يا جماعة فيه عزاب متهيالي نوع محدش حاسس بيه قوي الا اللي هيكونو مرفهين في الدنيا -طبعا انا مش منهم قوي - في اية في القران الكريم تقول((و حيل بينهم و بين ما يشتهون))(سبأ:54).
يعني خلاص كل اللي نفسك فيه انقطع من ملزات و متع
اسالكم الدعاء لامي
اللهم ارحم موتانا و موتا المسلمين

[Akram]

انا بدأت أتغير لما لقيت أغلى ناس في حياتي هيضيعوا منى ,
يمكن بسبب سلوك مبالغ فيه معاهم أو بسبب جهلي بغلاوتهم ,
و بعد فترة بدأت أحس إن المشكلة مش في علاقتي بيهم و لكن في علاقتي بربي ,
لأني لو علاقتي بربي كويسة مكنش هيحصل ده أساساً ,
المهم اني بجاهد نفسي و بحاول أقرب من ربنا علشان ربنا يهديني و يفرج همي ,
اسألكم الدعاء

[fahd_628]

حادثة صديق لية

كانت حادثة جامدة بجد و الى راكب جمبة توفى و دية صورة الحادثة ساعتها قعدت افكر فى حاجات كتيير



و هوة دلوقتى ادعولة ربنا يشفية

[Goodle]

اعتقد انى فقت تماما على قصة الرسومات المسيئة للرسول يوم نشرت اول مرة من سنتين

كانت بالنسبة لى سببا فى التعمق فى دراسة امور كثيرة جدا فى شتى شئون الحياه، وادت الى تغير رؤيتى لأشياء كثيرة جدا كنت آخدها على انها مسلمات(بفتح السين وتشديد وفتح اللام) غير قابلة للنقاش

يا ترى ممكن توضح اكتر ؟؟ وللا دي اسرار شخصية يا سبعاوي؟