الى اصحاب الجنسيات التانيه...........

[Mohamed_Ayman]

انا شايف ان مش صح ان يبقي معايا جنسيه تانيه لمجرد اني اتنطط علي خلق ربنا - طيب كده سبت ايه للظباط الصغيرين اللي كلنا مخنوقين منهم؟

انا لو معايا جنسيه تانيه اكيد هبقي مبسوط بس استخدمها وقت اللزوم فقط لما الاقي اني هتظلم او حد هيتنطط عليا
لكن في مطار وانا ماشي واتكلم انجليزي وبتاع شايفها صعبه شويه

الله ينور عليك ،
كنت عايز أقول كدا بالظبط ، هو ليه كل واحد بيدور على حاجة يتنطط بيها على خلق الله ، والناسش دى بتنسى ان الكبرياء لله واحده والتواضع صفه جميلة يا ريت نتحلى بيها ، مش ننتقد الناس اللى بتتكبر بس فى نفس الوقت يبقى نفسنا نعمل زيهم!!!

يمكن يجى فرج ربنا ويكون المصرى ((محترم)) فى بلده عن أى حد تانى وهو ده الطبيعى ولحد ما يجى اليوم ده ، كل واحد عليه انه يحسن أخلاقه ويحسن تربية أولاده والله هتفرق كتير...

[samo9992003]

المسأله مش مسأله فلوس وكده لان لو فلوس يبقى الخليج موجود اهو
بس مسأله انك لما تتجوز تبقى مطمن على عيالك وانك تقدر تمشى من هنا بسهوله فى اى وقت
وحاجات كتير اوى مش اهمها الفلوس خالص

طب هو اللى يتولد فى امريكا حاليا ياخد الجنسيه علطول زى زمان ولا لا
بعدين هو ينفع واحده تسافر وهيا حامل كده انا اسمع ان شركه الطيران مش بترضى
وازاى تسافر هناك سياحه مثلا وبتبقى اد ايه وهل لو خلصت المده بتاعت التاشيره هناك ايه اللى يحصل

[amribrahim]

طب هو اللى يتولد فى امريكا حاليا ياخد الجنسيه علطول زى زمان ولا لا
بعدين هو ينفع واحده تسافر وهيا حامل كده انا اسمع ان شركه الطيران مش بترضى
وازاى تسافر هناك سياحه مثلا وبتبقى اد ايه وهل لو خلصت المده بتاعت التاشيره هناك ايه اللى يحصل

لأ مش زي زمان دلوقتي بنتك هي بس اللي بتاخد الجنسية بس بشرط إن تكون الأم قاعدت في أمريكا ٦ شهور قبل الحمل يعني مش يكون فاضل ٢٠ يوم مثلاً و تخلف

الأب و الأم بياخدو الجنسية بعد لما البنت تتم ١٢ أو ١٣ سنة حاجة زي كدة

[newuser2009]

موضوع مهم جدا

[أحمد كمال]

لأ مش زي زمان دلوقتي بنتك هي بس اللي بتاخد الجنسية بس بشرط إن تكون الأم قاعدت في أمريكا 6 شهور قبل الحمل يعني مش يكون فاضل 20 يوم مثلاً و تخلف

الأب و الأم بياخدو الجنسية بعد لما البنت تتم 12 أو 13 سنة حاجة زي كدة

تصحيح بسيط

كل من يولد في امريكا و لو حتى كان مولود في طائرة تعبر خلال المجال الجوي الأمريكي (لانها تعتبر ارض امريكية) هو مواطن امريكي (حتى لو ابوه و امه الاتنين داخلين امريكا غير قانوني و مهاجرين غير شرعيين !) .... باستثناء أبناء الدبلوماسيين العاملين في امريكا ....

و الاب و الام ما بياخدوش الجنسية و لا حاجة ...... مفيش طريقة لاخذ الجنسية عن طريق الابناء .... ممكن عن طريق الآباء و الأمهات, الزوجات و الأزواج, الأخوة و الأخوات فقط .... مفيش حد بياخد الجنسية من عياله ....

[amribrahim]

تصحيح بسيط

كل من يولد في امريكا و لو حتى كان مولود في طائرة تعبر خلال المجال الجوي الأمريكي (لانها تعتبر ارض امريكية) هو مواطن امريكي (حتى لو ابوه و امه الاتنين داخلين امريكا غير قانوني و مهاجرين غير شرعيين !) .... باستثناء أبناء الدبلوماسيين العاملين في امريكا ....

و الاب و الام ما بياخدوش الجنسية و لا حاجة ...... مفيش طريقة لاخذ الجنسية عن طريق الابناء .... ممكن عن طريق الآباء و الأمهات, الزوجات و الأزواج, الأخوة و الأخوات فقط .... مفيش حد بياخد الجنسية من عياله ....

يا باشا البنت أو الولد ممكن يدو الجنسية بس بعد لما يتموا 12 أو 13 سنة و أنا واثق من الكلام دة

[أحمد كمال]

يا باشا البنت أو الولد ممكن يدو الجنسية بس بعد لما يتموا 12 أو 13 سنة و أنا واثق من الكلام دة

انا متاكد اكتر منك لاني مشيت في ال process من اولها لاخرها

الجنسية بتمشي من فوق لتحت بس او بالعرض (زوجات .... اخوات .....الخ) .. عمرها ما تطلع لفوق

و غير كده ان عشان حد يقدم لحد على الجنسية (هو بيقدم على جرين كارد الاول في الواقع) لازم سنة ما يقلش عن 18 سنة

انا متاكد لان اسرة اختي هناك بقالهم اكتر من 11 سنة

نسيت اضيف ان مش لازم الام يبقى بقالها 6 شهور و لا حاجة

[dr.amr]

بص ياباشا

م الاخر

هاتلك مثلا واحده المانيه واقعه من شارم

واكتب عليها هنا في بلدك هيكون تقريبا مقابل 5 الاف يورو

وسيبها تتكل علي الله

وبعد 3 سنين بالتمام هتحصل علي الاقامه

والباسبور الاحمر الرهيب بتاع المانيا

وطلقها هنا برضو في بلدك

ومبروك حصلت علي الجنسيه

الكلام ده لسه عارفه بقالي ساعه ونص بس

من واحد مهندس مصري عايش في المانيا 30 سنه

الطريق الاخر انك تروح تشتغل هناك لو مطلوب

وبعد فتره مش فاكر كام سنه تقدم وتاخد الجنسيه

بس في نقطه

لازم تتنازل عن الجنسيه المصريه !!!!!!!!!!!!!!!!!!!!!!!


بس طبعا مافيش مشكله بترجع قبل سنه من التنازل عن الجنسيه وتقدم طلب هنا في مصر وبيرجعهوهالك

بس طبعا ده غير قانوني بس ماحدش بيعرف ومفيش مشكله خالص

المهم محدش في المانيا يعرف

انا اتكلمت عن المانيا لأني بفكر في الموضوع بس

[amribrahim]

بص ياباشا

م الاخر

هاتلك مثلا واحده المانيه واقعه من شارم

واكتب عليها هنا في بلدك هيكون تقريبا مقابل 5 الاف يورو

وسيبها تتكل علي الله

وبعد 3 سنين بالتمام هتحصل علي الاقامه

والباسبور الاحمر الرهيب بتاع المانيا

وطلقها هنا برضو في بلدك

ومبروك حصلت علي الجنسيه

الكلام ده لسه عارفه بقالي ساعه ونص بس

من واحد مهندس مصري عايش في المانيا 30 سنه

الطريق الاخر انك تروح تشتغل هناك لو مطلوب

وبعد فتره مش فاكر كام سنه تقدم وتاخد الجنسيه

بس في نقطه

لازم تتنازل عن الجنسيه المصريه !!!!!!!!!!!!!!!!!!!!!!!


بس طبعا مافيش مشكله بترجع قبل سنه من التنازل عن الجنسيه وتقدم طلب هنا في مصر وبيرجعهوهالك

بس طبعا ده غير قانوني بس ماحدش بيعرف ومفيش مشكله خالص

المهم محدش في المانيا يعرف

انا اتكلمت عن المانيا لأني بفكر في الموضوع بس

أنا سمعت إن الجنسية المصرية بتوقع لو إنت معاك جنسية تانية لو مصر عرفت علشان كدة في نموذج اسمو مزدوج الجنسية و موجود في المجمع و بيطلع قرار جمهوري .. أنا طلعت النموذج ده و فيه موحضر جالي البيت و معاه الورقة ديه علشان كنت محتاجها علشان أطلع الرقم القومي علشان هي مكتوب فيها طالب بالخارج

[dr.amr]

أنا سمعت إن الجنسية المصرية بتوقع لو إنت معاك جنسية تانية لو مصر عرفت علشان كدة في نموذج اسمو مزدوج الجنسية و موجود في المجمع و بيطلع قرار جمهوري .. أنا طلعت النموذج ده و فيه موحضر جالي البيت و معاه الورقة ديه علشان كنت محتاجها علشان أطلع الرقم القومي علشان هي مكتوب فيها طالب بالخارج

مش عارف ؟؟

انا هقولك علي اللي متأكد منه

في خلال سنه من التنازل عن جنسيتك

ممكن ترجعها بدون اي شيء

اما لو فات اكتر من سنه

بتدفع 55 جنيه

ومش عارف في نموذج معين بتملاه

وبعد كده بينزلك قرار رسمي في جريده رسميه

يبقي الافضل في خلال سنه

بصراحه الواحد مستحيل يتنازل عن جنسيته المصريه للابد

اذا كان الواحد مضطر مؤقتا مفيش مشكله

لكن للابد ده شيء مستحيل

[أحمد كمال]

أنا سمعت إن الجنسية المصرية بتوقع لو إنت معاك جنسية تانية لو مصر عرفت علشان كدة في نموذج اسمو مزدوج الجنسية و موجود في المجمع و بيطلع قرار جمهوري .. أنا طلعت النموذج ده و فيه موحضر جالي البيت و معاه الورقة ديه علشان كنت محتاجها علشان أطلع الرقم القومي علشان هي مكتوب فيها طالب بالخارج

هي مش بتقع و لا حاجة

فيه حاجة اسمها طلب التجنس بجنسية اجنبية مع الاحتفاظ بالمصرية

و طلب تجنس بجنسية اجنبية مع اسقاط المصرية

و لازم تعمل واحد من الاتنين عشان تعمل شهادة الجيش (اعفاء مؤقت لتعدد الجنسيات)

ايوة بيبقى مؤقت لحين "سقوط" الجنسية الاخرى او اتمام سن ال 30 !!!

غباء ما بعده غباء

[AkramArafa]

لأ مش زي زمان دلوقتي بنتك هي بس اللي بتاخد الجنسية بس بشرط إن تكون الأم قاعدت في أمريكا ٦ شهور قبل الحمل يعني مش يكون فاضل ٢٠ يوم مثلاً و تخلف

الأب و الأم بياخدو الجنسية بعد لما البنت تتم ١٢ أو ١٣ سنة حاجة زي كدة

احنا عندنا كل يوم بتيجي مضيفه مصريه شكل تيجي وي
هيا حامل ومفيش يومين بعد الولاده وتكون رجعت مصر وكل فتره اقامتهم هنا لا تتعدي
العشره خمستاشر يوم

[amribrahim]

احنا عندنا كل يوم بتيجي مضيفه مصريه شكل تيجي وي
هيا حامل ومفيش يومين بعد الولاده وتكون رجعت مصر وكل فتره اقامتهم هنا لا تتعدي
العشره خمستاشر يوم

غريبة أصل من فترة كنت سمعت إن فيه فنانة مشهورة إتمنعت انها تولد في أمريكا علشان انها كان خلاص فاضل كلام فاضي و تولد و ساعتها الناس كتير قالت إن أمريكا بتمنع الناس اللي بتسافر مخصوص علشان الموضوع ده

[MASERATI]

السلام عليكم و رحمة الله و بركاته

اللى أنا أعرفه بالنسبة للجنسية الأميركية , أن اللى بيتولد فى أميركا -ان شالله يكون داخل قبل الولادة بساعة- بياخد الجنسية الأميركية و نفس الكلام فى كندا و أنا متأكد من الكلام ده لأنى قتلته بحثا أيام ماكنت مقدم على هجرة كندا .

بالنسبة للحصول على جنسية تانية فهى مش عشان التنطيط على خلق الله و لا حاجة , بس عشان تدفع ظلم ممكن جدا يقع عليك, أو على الأقل عشان تاخد حقك فى البلد دى اللى ماحدش بياخد حقه فيها الا بالواسطة و الكوسة و المحسوبية .

أنا عمرى ماكنت بفكر فى الهجرة , أنا طول عمرى بهدف أنى أكون مبسوط ماديا و أعيش فى بلدى , فى مستوى عالى و خلاص و أنى ماكونش محروم من حاجة و لا ناقصنى شئ, لكن لما سافرت السعودية و شوفت العنصرية هناك على أصولها من أول ماتوصل مطار الملك عبد العزيز فى جدة و فى كل تعاملاتك هناك و بتضطر أنك تبلعها و تطنش عشان أنت مش ابن البلد و أنك أكيد هتبقى الغلطان عالطول -مش لأنك أجنبى, لكن لأنك مصرى و الحكومة بتاعتك عمرها ماهتدور عليك هناك و لا عمرها هتحللك مشاكلك اللى أنت أكيد مش السبب فيها- و كمان لأن ببساطة جواز سفرك مش معاك و مع الكفيل بتاعك رغم أنك ماتقدرش تغادر السعودية الا لو معاك تأشيرة خروج, و بعد ماشفت المستشفى اللى كنت شغال فيها بتتقلب ازاى لو جالنا مصاب أو مريض أجنبى معاه جنسية تقيلة, قررت أنى آخد جنسية غير المصرية, مهما كلفنى الموضوع ده, و بالفعل كنت بقدم على الهجرة العشوائية بتاع أميركا كل سنة و ماكانتش بتجيلى , لحد ماربنا يسر و قدمت على هجرة كندا فى 6-2008 و من ساعتها حسيت أن الدنيا فعلا ضحكتلى أخيرا بعد سنوات طويلة من اليأس و أيام سودة كتير عدت عليا لأنى كنت ببقى مش عارف أروح فين , فى السعودية , ماليش تمن و فى مصر انسان متهان و ماليش سعر , طاب أروح فين .

الموضوع مش مستحيل و لاحاجة و فيه أكتر من أسلوب و طريقة , زى أنك تكسب فى الهجرة العشوائية بتاع أميركا أو أنك تكون معاك فلوس و تروح تدرس على حسابك هناك و تستغل الفرصة دى أنك توفق أوضاعك , أو أنك تقدم لبلد زى كندا و لا استراليا و دى بتحتاج أن وظيفتك تكون مطلوبة عندهم , الموضوع مش مستحيل لكنه محتاج نفس طويل و استعداد لتحمل المشاق .

الأخ الفاضل اللى راح أميركا عشان ابنه يتولد هناك و ياخد الجنسية , ده اتصرف تصرف سليم جدا و عين العقل و ربنا يباركله فى ذريته و يحافظله عليهم و ان شاء الله هتلاقى ثمرة الموضوع ده لما ابنك يكبر و يلاقى بلد زى أميركا بتديله فرص ممتازة للتعليم و الرعاية الصحية الفائقة و العمل, غير أنه انسان محترم على مستوى العالم كله و كرامته محفوظة على مستوى العالم كله .

أنا هقولكم حكاية بسيطة عشان نعرف قيمة الجنسية التانية , عندنا هنا فى مساكن الجامعة فى المنصورة , فيه أستاذ دكتور اسمه ا د / يحيى عزب , فى كلية العلوم , المهم الراجل ده ابنه كان بيساعد فى جمع مساعدات أيام حرب غزة و ده طالب برئ جدا -أنا بقول كده لأنى جاره من 20 سنة و عارف كويس أوى- فى كلية الصيدلة, المهم, أمن الدولة مسكه و رماه من حوالى سنتين و نص فى المعتقل لحد اليوم و كمان بدأ يلم معاه شوية من أصحابه و يرميهم فى المعتقل هما كمان و من ضمن أصحابه , واحد شاب كان من حسن حظه أنه اتولد فى أميركا لما كانت والدته الأستاذة الدكتورة بكلية تجارة المنصورة بتاخد الدكتوراة من أميركا , طبعا و لا لمسوا شعرة منه و هو الوحيد اللى نفد و الباقى شباب زى الورد كان أمامهم مستقبل مبهر لأنهم كلهم كانوا ملتزمين و متفوقين و لكن للأسف مستقبلهم ضاع , هى دى احدى المزايا الكتييييييييييييير أوى بتاع الجنسية التانية .

شكرا و آسف جدا للاطالة .

[amribrahim]

السلام عليكم و رحمة الله و بركاته

اللى أنا أعرفه بالنسبة للجنسية الأميركية , أن اللى بيتولد فى أميركا -ان شالله يكون داخل قبل الولادة بساعة- بياخد الجنسية الأميركية و نفس الكلام فى كندا و أنا متأكد من الكلام ده لأنى قتلته بحثا أيام ماكنت مقدم على هجرة كندا .

بالنسبة للحصول على جنسية تانية فهى مش عشان التنطيط على خلق الله و لا حاجة , بس عشان تدفع ظلم ممكن جدا يقع عليك, أو على الأقل عشان تاخد حقك فى البلد دى اللى ماحدش بياخد حقه فيها الا بالواسطة و الكوسة و المحسوبية .

أنا عمرى ماكنت بفكر فى الهجرة , أنا طول عمرى بهدف أنى أكون مبسوط ماديا و أعيش فى بلدى , فى مستوى عالى و خلاص و أنى ماكونش محروم من حاجة و لا ناقصنى شئ, لكن لما سافرت السعودية و شوفت العنصرية هناك على أصولها من أول ماتوصل مطار الملك عبد العزيز فى جدة و فى كل تعاملاتك هناك و بتضطر أنك تبلعها و تطنش عشان أنت مش ابن البلد و أنك أكيد هتبقى الغلطان عالطول -مش لأنك أجنبى, لكن لأنك مصرى و الحكومة بتاعتك عمرها ماهتدور عليك هناك و لا عمرها هتحللك مشاكلك اللى أنت أكيد مش السبب فيها- و كمان لأن ببساطة جواز سفرك مش معاك و مع الكفيل بتاعك رغم أنك ماتقدرش تغادر السعودية الا لو معاك تأشيرة خروج, و بعد ماشفت المستشفى اللى كنت شغال فيها بتتقلب ازاى لو جالنا مصاب أو مريض أجنبى معاه جنسية تقيلة, قررت أنى آخد جنسية غير المصرية, مهما كلفنى الموضوع ده, و بالفعل كنت بقدم على الهجرة العشوائية بتاع أميركا كل سنة و ماكانتش بتجيلى , لحد ماربنا يسر و قدمت على هجرة كندا فى 6-2008 و من ساعتها حسيت أن الدنيا فعلا ضحكتلى أخيرا بعد سنوات طويلة من اليأس و أيام سودة كتير عدت عليا لأنى كنت ببقى مش عارف أروح فين , فى السعودية , ماليش تمن و فى مصر انسان متهان و ماليش سعر , طاب أروح فين .

الموضوع مش مستحيل و لاحاجة و فيه أكتر من أسلوب و طريقة , زى أنك تكسب فى الهجرة العشوائية بتاع أميركا أو أنك تكون معاك فلوس و تروح تدرس على حسابك هناك و تستغل الفرصة دى أنك توفق أوضاعك , أو أنك تقدم لبلد زى كندا و لا استراليا و دى بتحتاج أن وظيفتك تكون مطلوبة عندهم , الموضوع مش مستحيل لكنه محتاج نفس طويل و استعداد لتحمل المشاق .

الأخ الفاضل اللى راح أميركا عشان ابنه يتولد هناك و ياخد الجنسية , ده اتصرف تصرف سليم جدا و عين العقل و ربنا يباركله فى ذريته و يحافظله عليهم و ان شاء الله هتلاقى ثمرة الموضوع ده لما ابنك يكبر و يلاقى بلد زى أميركا بتديله فرص ممتازة للتعليم و الرعاية الصحية الفائقة و العمل, غير أنه انسان محترم على مستوى العالم كله و كرامته محفوظة على مستوى العالم كله .

أنا هقولكم حكاية بسيطة عشان نعرف قيمة الجنسية التانية , عندنا هنا فى مساكن الجامعة فى المنصورة , فيه أستاذ دكتور اسمه ا د / يحيى عزب , فى كلية العلوم , المهم الراجل ده ابنه كان بيساعد فى جمع مساعدات أيام حرب غزة و ده طالب برئ جدا -أنا بقول كده لأنى جاره من 20 سنة و عارف كويس أوى- فى كلية الصيدلة, المهم, أمن الدولة مسكه و رماه من حوالى سنتين و نص فى المعتقل لحد اليوم و كمان بدأ يلم معاه شوية من أصحابه و يرميهم فى المعتقل هما كمان و من ضمن أصحابه , واحد شاب كان من حسن حظه أنه اتولد فى أميركا لما كانت والدته الأستاذة الدكتورة بكلية تجارة المنصورة بتاخد الدكتوراة من أميركا , طبعا و لا لمسوا شعرة منه و هو الوحيد اللى نفد و الباقى شباب زى الورد كان أمامهم مستقبل مبهر لأنهم كلهم كانوا ملتزمين و متفوقين و لكن للأسف مستقبلهم ضاع , هى دى احدى المزايا الكتييييييييييييير أوى بتاع الجنسية التانية .

شكرا و آسف جدا للاطالة .

إيه ده زميل ههههههة حضرتك ساكن فين في كندا أو كنت ساكن فين .. أنا ساكن في تورنتو و كنت ساكن زمان في ميسيساجا