جهاز أمنى سيادي يواصل التحقيقات مع المسيحي مالك السيارة الملغومة

[نور القمر]

من ناحيتها، طلبت السفارة الأمريكية بالقاهرة رسميا من الخارجية المصرية إشراك
خبراء تابعين لمكتب التحقيقات الفيدرالي في التحقيقات الجارية بشأن التفجير، مبررة طلبها بأن منفذي الحادث يمكنهم تنفيذ هجمات مماثلة ضد المصالح الأمريكية فى مصر فى حال عدم الوصول إليهم ، أو على الأقل معرفة تكتيكاتهم .

وهو ده اللي هم عايزين يوصلوله

[A7MED_PHARMA]

وجهة النظر الي بتقول إنه إحتمال يكون أقباط المهجر طرف أساسي في الحادثة
وجهة نظر معقولة....ومنطقية
لأكتر من سبب
1.أقباط المهجر بيغنوا كل دقيقة وكل ساعة وكل يوم عن الإضطهاد للأقباط في مصر..بدون دليل واضح
2.لما تحصل حادثة زي دي....هيبقا ده الدليل إلي هيغنوا عليه
3.نجاح فصل السودان لقسمين بعد معارك طويلة بالسلاح..يمكن ده إداهم أمل بإقامة دولة مسيحية في مصر..أو فصل جزء من مصر زي ماحصل في السودان
4.العلاقة الاسلامية المسيحية في مصر..بقالها عقود من الزمن في حالة إستقرار..بخلاف طبعا بعض الحالات مجهولة الفاعل والمصدر
5.لما نشوف مين المستفيد من إثبات عقدة الإضهاد...يكون واضح مين المسبب للحادثة دي

[Eng. Rafy Samy]

رجاء عدم الاقتباس من جريدة (المصريون) لانها جريدة سافلة وغير محايدة
ويعتمد كتبها على مبدأ خالف تعرف - يسود كتبها التطرف والجهل والكره الواضح جداُ للمسيحيين


فإذا كنت تأخذها كمصدر موثوق فيه - فقد عرفت اتجاهات تفكيرك - ويبقى السكوت اكرم (على الاقل ليا)

[FunnyMickey]

youtube - ‫ط¨ظٹط§ظ† ظ…ظپظٹط¯ ط´ظ‡ط§ط¨ ط£ظ…ط§ظ… ظ…ط¬ظ„ط³ ط§ظ„ط´ظˆط±ظ‰ ط¨ط´ط£ظ† ط.ط§ط¯ط« ظƒظ†ظٹط³ط© ط§ظ„ظ‚ط¯ظٹط³ظٹظ† ط¨ط§ظ„ط§ط³ظƒظ†ط¯ط±ظٹط©‬‎!




شبكة أنا المسلم للحوار الإسلامي

لو كل واحد فضل يحط روابط لمواضيع عن ناس بتحزق وتشخط وتنطر
يبقي اسهل حاجه

مكنش حد غلب

اول حاجه عملتها اما شفت الحادث
دخلت علي منتديات كنسيه ومسيحيه

وكلها اتهامات للمسلمين
والاسلام
وسيدنا محمد
والقرءان

ودخلت علي المنتدي اللي حضرتك بعته دلوقتي

لقيته كله شتايم في المسيحيين
والنصاري

وبعدين؟؟؟؟؟

هما دول اللي بيمثلونا؟؟؟
يعني احنا كدابين ؟؟؟
مشاعرنا دي ؟؟؟
كذب؟
نفاق؟

لو مشاعر المصرييين المسلمين فرح زي ما ناس كتير اوي بتقول
كان زمان الشوارع عامله زي كاس الامم الافريقيه كده

ونطلع بقي نقول الله اكبر ولا اله الا الله

ياجماعه احنا مش في غزوه
ولا حد اعتدي علينا فاحنا ردينا عليه وكانت حرب بالسلاح فانتصرنا عشان نفرح

اللي حصل زيه زي اي حادثه

اتوبيس فيه 50 واحد ماتوا
فيه حد بيسأل الحادثه كام واحد مسيحي مات وكام مسلم مات؟
ولا الناس بتزعل عالكل والله يرحم الكل ؟؟؟؟

مفيش حد من المسلمين المعتدلين فرحان باللي حصل
ولا يرضي اي حد في اي دين ان قلب انسان بشري يفرح لرئيه المصائب والدماء الا لو كان حيوان معندوش دم ولا احساس

ارجو عدم اخذ العاطل عالباطل
واثاره الفتنه بمواقع لا تعبر عن ما في صدور الناس

يوجد الكثير والكثير من المسلمين المتشددين المتعصبين لدين اصدروا اوامره وتعاليمه من داخلهم
ومصرين علي ما هم فيه

ويوجد المسيحيين المتذمتين والمتعصبين تعصبا اعمي
وكذلك مصرين علي ما هم فيه

وبين هولاء وهولاء

يوجد اناس طبيعيين
بينهم موده ورحمه

موجودين ومتعايشين في مكان واحد منذ الالاف السنين

واذكر بشئ واحد فقط
ارجو ان يفكر كل مسيحي فيه

ان كان الاسلام دين انتشر بحد السيف ودين ارهاب وسفك دماء
كيف ظل المسيحيين والاقباط في مصر بعد ان فتحها عمرو بن العاص ؟؟؟؟؟

عمرو بن العاص الذي استقي الدين الاسلامي من رسول الله صلي الله عليه وسلم مباشره
لو كان هناك رجل له القدره علي قتل كل المسيحيين والاقباط في مصر لكان عمرو بن العاص
لو كان دينه يأمره باراقه دماء اناس ابرياء لمجرد انهم علي ديانه اخري اوي علي مله اخري غير دينه لفعلها وقتها ؟؟

لم لم يفعلها ؟
من قام بمنعه ؟
اتريد ان تقنعني ان عمرو بن العاااااااااااااااااااص
الفاتح العظيم والمحارب الشجاع
يخالف امر من اوامر رسول الله ؟؟؟؟
لا والله لا يحدث
ولكن الحقيقه ان دين الاسلام ارحم واعلي واقدر من ان يقوم علي سفك الدماء

ارجو التحكم في اعصابنا
والتحدث بهدوء
ودون تعصب اعمي

سيؤدي بنا
كمصريين
اقباط قبل المسلمين
الي جحيم لن ينطفئ
تقبلوا احر التعازي في امواتكم

مواطن مصري مسلم

[FunnyMickey]

وده تعليق الشيخ ابو اسحق الحويني
محدث هذا الزمان
وعلي فكره الشيخ ده سلفي
ومتشدد جدا
معندوش يااما ارحميني في اي حاجه تخص الدين الاسلامي

تعليق الشيخ الحويني على تفجيرات الإسكندرية
السلام عليكم ورحمة الله وبركاته
هذا هو تعليق أبي علي ما حدث بالإسكندرية
:::
الحمد لله رب العالمين والصلاة والسلام علي نبينا سيد المرسلين وعلي آله وصحبه أجمعين وبعد :

فقد علمت اليوم بحادث تفجير مروع وقع في الأسكندرية أثناء احتفالات النصاري بعيد الميلاد ، وأن شاباً فجَّر نفسه في جموع الحاضرين مما أسفر عن مقتل أكثر من عشرين نفساً من النصاري والمسلمين ، وإصابة أكثر من مائةٍ ،إصابةُ بعضهم خطيرة .

وهذا الذي حدث لا يجوز شرعاً ، ومرتكبه آثم ، والقصد منه إشعال نار الفتنة في بلادنا ، لا سيما في الآونة الأخيرة ، والمشهد كله يحتاج إلي قراءة صحيحة وعاقلة ، فهذا التوتر الكائن بين المسلمين والنصاري خلفه مقصد رئيس لإعدائنا ، وهو إشاعة ما اصطلحوا علي تسميته ب " الفوضي الخلاقة " في بلاد المسلمين

ومقصدهم : الفوضي المنظمة التي تقوم علي أصول لإشاعة أكبر قدر من الفساد وليست الفوضي بمعناها العام ، كما لو قلت : إن المؤسسة الفلانية تحولت من الفساد إلي إدارة الفساد .

ومعلوم أن الفتنة إذا وقعت واتصل شرها بالعوام فلن يستطيع إطفاءها كل عقلاء الدنيا ، فالذي ينبغي أن يكون ولا يجوز غيره هو توعية الجماهير بالأحكام الشرعية والآداب المرعية ، وذلك بنشر العلم الصحيح بينهم ، وفتح الباب أمام جهود العلماء الربانيين الذين تثق الجماهير في علمهم ودينهم وجعل الله لهم لسان صدق في الناس ، فلن يرجع الناس إلي الحق والعدل إلا أن يعرفوا كلام الله ورسوله وتفسيره علي وجهه الصحيح الذي كان فاشيا في السلف الصالح ، وصار الآن غريباً كل الغربة .

فيجب علي الدولة أن تحشد كل طاقتها بالحق والعدل لوقف هذا النزيف .

ومعلوم لكل من يقرأ المشهد قراءة صحيحة – حتي ولو علي عجل – أن أعدائنا لا يريدون بمصر خيراً ، ولن ينجينا من هذا إلا أن نرجع إلي الله عز وجل ونطرح أنفسنا علي عتبة عبوديته ، ونستعين به حق الاستعانة بعد بذل الأسباب الصحيحة .

وعلماء الشريعة هم الجهاز المناعي للأمة فيجب تقويته والحرص عليه وما انتصر المسلمون علي أعدائهم كالتتار مثلا إلا لما قام العلماء بدورهم وساندهم الأمراء .

فالعلماء هم الملوك بغير تيجان ، وتنحيتهم عن المشهد خسارة جسيمة ، والله أسأل أن يحفظ مصر وسائر بلاد المسلمين مما يراد لهم من قبل أعدائهم ، إنه علي كل شيء قدير وبالإجابة جدير

وكتبه أبو اسحاق الحويني


حامدا الله تعالي ومصليا علي نبينا وأله وصحبه


28محرم 1432 ه
3 يناير 2011م

::::
والسلام عليكم ورحمة الله وبركاته
منقول عن نجل الشيخ حفظه الله

[Dr Ahmed]

رجاء عدم الاقتباس من جريدة (المصريون) لانها جريدة سافلة وغير محايدة
ويعتمد كتبها على مبدأ خالف تعرف - يسود كتبها التطرف والجهل والكره الواضح جداُ للمسيحيين


فإذا كنت تأخذها كمصدر موثوق فيه - فقد عرفت اتجاهات تفكيرك - ويبقى السكوت اكرم (على الاقل ليا)

طيب ممكن تقول لنا على الجرايد اللى مش سافلة ومحايدة اللى ممكن نقتبس منها اقتباسات ترضيك؟
أنا أول مرة أعرف إن المصريون كمان بقت إرهابية

وعلى فكرة .. عن نفسى لا يهمنى رأي أحد فى اتجاهات تفكيرى

--------------------
funnymicky: good post

[dr-mohamed]

رجاء عدم الاقتباس من جريدة (المصريون) لانها جريدة سافلة وغير محايدة
ويعتمد كتبها على مبدأ خالف تعرف - يسود كتبها التطرف والجهل والكره الواضح جداُ للمسيحيين


فإذا كنت تأخذها كمصدر موثوق فيه - فقد عرفت اتجاهات تفكيرك - ويبقى السكوت اكرم (على الاقل ليا)

رفيق انت تعلم معزتك عندي بالتاكيد
ولكن اذا كانت المصريون جريدة سافلة وغير محايدة ويعتمد كاتبها على مبدا خالف تعرف ويسدو كاتبها التطرف والجهل والكره الواضح للمسيحيين
فإن اليوم السابع التي نقلت منها او نقل منها اخرين لتاكيد ان هناك اضطهاد للمسيحيين في مصر هي اقذر من ان توضع في صفيحة القمامة في جهلها وكراهيتها للمسلمين واستهانة بكل المقدسات الاسلامية والاساءة لنبي الاسلام عليه السلام

ارجوك اهدا شوية والا هاخد فكرة عن تفكيرك هي غير حقيقية كما حدث من قبل

[Col. Eng. Khaled]

youtube - ‫ط¨ظٹط§ظ† ظ…ظپظٹط¯ ط´ظ‡ط§ط¨ ط£ظ…ط§ظ… ظ…ط¬ظ„ط³ ط§ظ„ط´ظˆط±ظ‰ ط¨ط´ط£ظ† ط.ط§ط¯ط« ظƒظ†ظٹط³ط© ط§ظ„ظ‚ط¯ظٹط³ظٹظ† ط¨ط§ظ„ط§ط³ظƒظ†ط¯ط±ظٹط©‬‎!




شبكة أنا المسلم للحوار الإسلامي

خنقعد نرد على بعض بروابط مواقع لا لها أصل و لا فصل من الطرفين

تفتكر حنوصل لحل يرضي الطرفين و لّا يرضي المستفيد الأوحد ؟

أُفَضّل التعبير عن نفسي عن أن أكون إمعة .

رجاء عدم الاقتباس من جريدة (المصريون) لانها جريدة سافلة وغير محايدة
ويعتمد كتبها على مبدأ خالف تعرف - يسود كتبها التطرف والجهل والكره الواضح جداُ للمسيحيين


فإذا كنت تأخذها كمصدر موثوق فيه - فقد عرفت اتجاهات تفكيرك - ويبقى السكوت اكرم (على الاقل ليا)

بلاش جرايد خالص و إتفضل "قزقز" دي و في منها كتير لو تحب :-

http://www.youtube.com/user/ChristisMuhmmadGod#p/u/8/IkC8VK3BTno

[dr-mohamed]

بلاش جرايد خالص و إتفضل "قزقز" دي و في منها كتير لو تحب :-

youtube - christismuhmmadgod's channel

يا ريت بلاش تورينا من الزبالة دي تاني يا خالد باشا
ويا ريت يا رفيق تقول رايك هل توافق على مثل هذا التخلف ؟؟؟؟؟؟؟؟؟؟؟
علشان محدش يقول ان المسلمين متطرفين

[medo_2060]

كامل الاحترام للاخوان المسيحين
كامل تعازينا لاخواننا المسيحين

لكن عمرها ما حتكون كامل كرامتنا لاخواتنا المسيحين

فالرجاء من زملائنا المسيحين و ايضا مسلمين و اخص بالذكر من يقوم بعدم مراعاة المشاعر فى كتابة المشاركات بان يعلم جيدا باننا بشر و ما اسهل الرد و لكن ما اصعب التحكم فى النفس

1+

[yoko]

بلاش جرايد خالص و إتفضل "قزقز" دي و في منها كتير لو تحب :-

YouTube - ChristisMuhmmadGod's Channel

ليه كده يا سيادة العقيد شوفت كام فيديو منهم بجد مش عارف النوعيه دي عايزة إيه (المتطرفيين)
هما عايزين يولعوها هنا وهما بره ولا فارقة معاهم وخلاص والمشكلة إنها لو ولعت هتيجي على الناس الغلابة الي ملهومش في حاجة من الطرفيين

[acceleration]

يا جماعة من الاخر كدا فى كلمتين تاعبينى لازم اقولهم
دلوقتى الانفجار اللى حصل وموت كتير طلع مسلمين ومسيحيين وقالوا ازاى ومينفعش نستنتج ايه من ده ؟
نستنتج ان فى ناس زى الفل من الطرفين ودول اللى بيسموهم فى نشرة الاخبار العقلاء من الطرفين ودايما تلاقيها مقترنة بجملة "حاولوا تهدئة الامور "
دى حاجة ...... تانى حاجة بقى هى ان زى ما طلعت ناس بعد الانفجار على طول بتقول الله اكبر وبالروح بالدم ادينا شايفين اللى بيحصل فى البلد دلوقتى من الطرف تانى من مظاهرات اذت ناس كتير ومن تصريحات مش قد كدا ...نستنتج ايه من ده ؟
نستنتج ان زى ما فيه ناس تمام وزى الفل من الطرفين فيه بردو ناس عايزة الحرق وهى اللى مولعة الدنيا كلها
__________________________________
ده كان كام حاجة عايز اوضحهم الاول نيجى بقى لكلامى انا
دلوقتى انا ضد حاجة اسمها اننا نحمل غلط الجزء للكل ده اذا كان غلط الجزء اصلا !!!! يعنى مينفعش حتى لو كان مسلم اللى عمل كدا انى احمل غلطه لكل المسلمين ده مينفعش ابدا (ده اذا كان مسلم اللى عمل كدا اصلا )

ثانيا ليا اصحاب مسلمين وهم كثر على فكرة الواحد منهم احسن من ناس كتير عرفتها ولو حصل ايه حتى لو البابا نفسه حصل عليه هجوم استحالة هتتغير نظرتى ليهم .....ليه ؟ لأن دول ناس نضاااااف وجدعااااان وهم اول ناس زعلوا من اللى حصل ده معايا وياما وقفوا معايا

ثالثا ودى حاجة مهمة (مع انى طبعا اظن الافضل دايما ) ان طبعا كل الناس اللى دخلت قالت انها حادثة بشعة وده حرام وزعلت على اللى حصل وقالت ده استحالة يكون مسلم لأن الاسلام بيقول كذا كذا دول ناس محترمة بجد وناس فاهمة انما الناس دى لأنهم اتعودوا على التفكير الراقى ده نسيت ان غيرهم كتير مش فاهمين الكلام ده (امثال اللى هتفوا فرحانين بالانفجار) وفاكرين ان ده حاجة كويسة يبقى مسؤولية العاقلين دول انهم يساعدوا اللى مش فاهمين يفهموا

رابعا بتأسف جدا لكل واحد مسلم كان نيته سليمة وكان نفسه يقف جنب اخوه المسيحى بس سمع كلام مش كويس او قابل صد وسلوك مش قد كدا وبقولوا معلش بس مش الكل كدا

خامسا الفيديوهات اللى اتحطت دى طبعا هحطهم فى نفس تصنيف الناس اللى كنت بتكلم عليها فى الاول فوق

[Col. Eng. Khaled]

إسمح لي أرفع لحضرتك القبعة على الكلام المتزن .

الفيديوهات اللى اتحطت دى طبعا هحطهم فى نفس تصنيف الناس اللى كنت بتكلم عليها فى الاول فوق

محتاجة شوية توضيح من فضلك لإن التصنيف عن صنفين ، حضرتك تقصد أنهو صنف ؟

[زهير فكري]

اللي اعرفه انه طالما جهاز المخابرات العامه بدأ ينزل يتعامل مع القضيه و تنحيه جهاز امن الدوله , فده يدل علي اصرار من القياده السياسيه العليا علي اكتشاف الحقائق الكامله وراء الحادث , و يدل ايضا علي خطوره الحدث و ان هناك تهديد خارجي حقيقي نظرا لتمتع هذا الجهاز كجهاز امني قوي استراتيجي بمهارات و تدريبات عاليه لأفراده , و نزاهتهم العاليه مما يعطي مصداقيه عاليه لما يجمعوه من معلومات .

[Fadi]

اقباط المهجر هم السبب

أوافق حضراتكم 100% ان اقباط المهجر المتطرفين هم وراء الحادث.

وسوابقهم الاجرامية تشهد على ذلك، وما حادث كنيسة سيدة النجاة الذى مات فيه 52 قتيلا (اصغرهم طفلة عمرها 3 سنوات ذبحوها بلا رحمة)
أقباط المهجر هم المسؤولين عن تفجيرات اسلام اباد، والانبار، وبغداد وكربلاء والصومال...
هم الذين قتلوا دكتور فرج فودة، وحاولوا قتل نجيب محفوظ.
هم الذين قتلوا السفير المصرى فى العراق، وقاموا بقتل السياح فى الأقصر...

حتى كتابهم المقدس المحرف يدعو لتكفير الآخرين وقتالهم وارهابهم...

فعلا هم قوم بلا دين ولا اخلاق ولا دم ولا قلب ولا حتى مخ...