الفيس بوك يقدر ثمنه بنفس قيمة شركة بوينج الامريكية للطائرات ليه يعنى!!

[hossam_elwani]

الفيس بوك يقدر ثمنه بنفس قيمة شركة بوينج الامريكية للطائرات بـ 50 مليار دولار ليه يعنى!!

وعايز اعرف ايه سر قيمة مواقع زى جوجل وياهو كمحركات بحث عشان يدفع فيهم كل المليارات دى خلال السنين الى فاتت عايز اعرف اللغز فين ؟؟

[mrwho1982]

انا برضو استغربت جدااا لما قريت الرقم ده

ده كده ياهو رخيص بقي

[aly_hosny]

قيمة اي حاجة بتحددها اصولها و ارباحها
شوف ارباح كل شركة من دول اد ايه و انت تعرف ليه تمنه كدا
انت مثلا بتشتري شقة ب 100 الف جنيه و تاجرها تجبلك 1000 جنيه في الشهر
نفس الكلام دا صاحبه اصغر ملياردير في العالم و دخله السنوي ارقام فلكي
فلازم لو حد هيشتريه يدفع لانه هيدخلك ارباح
وهتلاقي السعر دا سعر الدومين بس

[hossam_elwani]

قيمة اي حاجة بتحددها اصولها و ارباحها
شوف ارباح كل شركة من دول اد ايه و انت تعرف ليه تمنه كدا
انت مثلا بتشتري شقة ب 100 الف جنيه و تاجرها تجبلك 1000 جنيه في الشهر
نفس الكلام دا صاحبه اصغر ملياردير في العالم و دخله السنوي ارقام فلكي
فلازم لو حد هيشتريه يدفع لانه هيدخلك ارباح
وهتلاقي السعر دا سعر الدومين بس

وايه السلعه الى بيروجها عشان يجيب ارباح رهيبه تخلى قيمته توصل للرقم ده

[aly_hosny]

وايه السلعه الى بيروجها عشان يجيب ارباح رهيبه تخلى قيمته توصل للرقم ده

مفش سلعة
الفيس بوك عليه 500 مليون مشترك
لو انت حطيت اعلان شوف كام مليون هيشوفو
وهما اعلاناتهم زي جوجل يعني بيحاسبك بالضغطة و الكلام دا
ف لما انت يبقى تحت اديك 500 مليون عميل هتلاقي قيمة الاعلانات مرتفعة و كمان عدد المعلنين كبير

[fepsceasar]

أعتقد أن قيمته فى ان ناس كتير بتدخل عليه وبالتالى لو عملت عليه اى إعلان مدفوع شوف كام واحد هيشوفه، وعشان كده العوائد المستقبلية كبيرة، ولكن التقديرات دى لازم إعادة النظر فيها لأن الشركة ما فيهاش أصول ثابتة، وهى أكثر عرضة للتذبذب. وبالتالى لوحصلت ازمة والاعلانات قلت هتبقى ما تساويش،’ طبعا ده مجرد راى احنا مش عارفين الناس قيموها ازاى وبالمناسبة فى طرق كتير للتقييم يعنى ممكن بطريقة تساوى رقم ضخم وتقيمها بطريقة تانية تطلع قيمتها أقل بفرق كبير.

[hossam_elwani]

أعتقد أن قيمته فى ان ناس كتير بتدخل عليه وبالتالى لو عملت عليه اى إعلان مدفوع شوف كام واحد هيشوفه، وعشان كده العوائد المستقبلية كبيرة، ولكن التقديرات دى لازم إعادة النظر فيها لأن الشركة ما فيهاش أصول ثابتة، وهى أكثر عرضة للتذبذب. وبالتالى لوحصلت ازمة والاعلانات قلت هتبقى ما تساويش،’ طبعا ده مجرد راى احنا مش عارفين الناس قيموها ازاى وبالمناسبة فى طرق كتير للتقييم يعنى ممكن بطريقة تساوى رقم ضخم وتقيمها بطريقة تانية تطلع قيمتها أقل بفرق كبير.

طيب خلينا واقعيين مين فينا بيشترى من اعلانات على مواقع زى دى يعنى بمعنى اخر مش مهم الاعلان وبس لا المهم حجم الصفقات والمبيعات الى بتم من خلال الاعلان على هذه المواقع

كمان سؤال هل الشركات المعلنه بتدفع فلوس للمواقع دى زى الجرايد والتفزيونات مثلا؟؟

[mbluethunder]

البشر هي اللي بتحدد قيمة أي موقع على الإنترنت
لو الموقع - الناس اللي بتدخل عليه كتير
يبقى الموقع تمنه بيزيد أكتر وأكتر
لأنك وقتها هاتقدر تعمل إعلانات وهاتقدم خدمات وممكن تقدر تبيع من على الموقع ده
ومن هنا بيدخل الربح بتاع الموقع
مواقع زي ياهوو وجوجل وغيرها بتعتبر مواقع بحث - أي بني آدم على وجهه الأرض أول ما هايفكر يعمل بحث هايدخل علطول على جوجل وياهو
والفيس بوك نفس النظام - عدد الأعضاء اللي فيه كبير جدا وهما اللي عاملين تمن للموقع ده

بكرة لما نايل موتورز عدد أعضائه تزيد جدا جدا - قيمة المادية بتزيد معاه وبتكبر يوم ورا يوم

علشان كده أهم حاجه على الإطلاق لصاحب أي موقع على الإنترنت هو إن عدد زواره يبقى كتير ويبقى الترافك عالي على الموقع بتاعه - ساعتها هايقدر يحقق المكسب المرجو من الموقع بتاعه

ما لو شركة بوينج شركة فاشلة عمر ما كان الناس هاتحجز فيها - نفس النظام مع الفيس بوك - لو كان نظامه وحش أو مافيهوش تجديد مستمر أو أو أو - عمر ما الناس هاتفكر تدخل وتتفاعل معاه بشكل يومي وقوي

وأي حاجه في الدنيا كده - عرض وطلب - كل ما كان الطلب زياده قيمة الحاجه بتزيد وكل ما كان العرض زياده قيمة الحاجه بتقل

ده برتوكول حياه بشريه كامله واللي حط البروتوكول ده هم اللي بيستخدموه ذات نفسهم دلوقت واللي هما طبعا ( البشر )

[hossam_elwani]

البشر هي اللي بتحدد قيمة أي موقع على الإنترنت
لو الموقع - الناس اللي بتدخل عليه كتير
يبقى الموقع تمنه بيزيد أكتر وأكتر
لأنك وقتها هاتقدر تعمل إعلانات وهاتقدم خدمات وممكن تقدر تبيع من على الموقع ده
ومن هنا بيدخل الربح بتاع الموقع
مواقع زي ياهوو وجوجل وغيرها بتعتبر مواقع بحث - أي بني آدم على وجهه الأرض أول ما هايفكر يعمل بحث هايدخل علطول على جوجل وياهو
والفيس بوك نفس النظام - عدد الأعضاء اللي فيه كبير جدا وهما اللي عاملين تمن للموقع ده

بكرة لما نايل موتورز عدد أعضائه تزيد جدا جدا - قيمة المادية بتزيد معاه وبتكبر يوم ورا يوم

علشان كده أهم حاجه على الإطلاق لصاحب أي موقع على الإنترنت هو إن عدد زواره يبقى كتير ويبقى الترافك عالي على الموقع بتاعه - ساعتها هايقدر يحقق المكسب المرجو من الموقع بتاعه

ما لو شركة بوينج شركة فاشلة عمر ما كان الناس هاتحجز فيها - نفس النظام مع الفيس بوك - لو كان نظامه وحش أو مافيهوش تجديد مستمر أو أو أو - عمر ما الناس هاتفكر تدخل وتتفاعل معاه بشكل يومي وقوي

وأي حاجه في الدنيا كده - عرض وطلب - كل ما كان الطلب زياده قيمة الحاجه بتزيد وكل ما كان العرض زياده قيمة الحاجه بتقل

ده برتوكول حياه بشريه كامله واللي حط البروتوكول ده هم اللي بيستخدموه ذات نفسهم دلوقت واللي هما طبعا ( البشر )

كلام منطقى بس مع الفارق بين المقارتة بين موقع على الشبكة وبين شركة عملاقه مثل بوينج بنت نفسها على مر السنين وبها عقول جبارة وايدى عاملة ماهرة واصول لاحد لها

له فى خلقه شؤون سبحان الله

[hazemhany]

كلام منطقى بس مع الفارق بين المقارتة بين موقع على الشبكة وبين شركة عملاقه مثل بوينج بنت نفسها على مر السنين وبها عقول جبارة وايدى عاملة ماهرة واصول لاحد لها

له فى خلقه شؤون سبحان الله

والله موضوع محير فعلا ..بس هوا ده الحال فعلا الفكرة بتاعت الاخ زوكربرج فعلا تساوي اصول بوينج وقيمتها السوقية ...تخيلوا يا جماعة فكرة تساوي 50 مليار دولار !!!!..بس اعتقد ان قيمته برضه تتعدي انه مجرد موقع اجتماعي اكيد الموقع ده ليه قيمة استخباراتية عالية اوي اعتقد ده اللي مغلي قيمته اوي كده ..

[OilMan]

هو نفس اللى خللى محمد منير ياخد 7 مليون فى اعلان اتصالات وهو نفسه اللى خللى عادل امام ياخد 24 ملوين فى اعلان فودافون ونفسه بقى اللى خللى تامر حسنى ياخد 50 مليون فى مسلسل رمضان

ارجو ان يكون الراى شارح نفسه
عليه العوض ومنه العوض لله من قبل ومن بعد

[shaddadfalcon1]

احلي حاجه في مجالنا ده(البرمجه) ان ممكن فكره بسيطه تقلبك مليونير
وممكن مشروع واحد مع شركه كبيره من بره تحقق لك كل احلامك

ان حتي الان عايش علي امل اني يحيلي مشروع من دوول

مشروه اقل حاجه 2000 ساعه مثلا في 50 دولا في الساعه اقل واجب يعني 100 الف دولار يعني 680 الف جنيه مصري يعني شقه في سموحه وده مشروع يخلص في شهرين تلاته

ادعولي ياجماعه ربنا يكرمني ويكرمك جميعا

[venomixus]

يا باشا الموضوع كله وما فيه انك تعمل حاجة تجذب أكبر عدد من الناس سواء كان موقع اجتماعي زي Facebook أو موقع لعرض الفيديو زيYouTube وحاجات تانيه كتير . وهي دي نفس فكرة التجاره الرابحة انك تعرض سلعة وتروج لها حتى لو كانت سلعه الناس مش محتاجاها .. تقنعهم انهم محتاجنها ومينفعش يستغنوا عنها. زي الموبايلات مثلاً دلوقتي مفيش حد يقدر يستغنى عنها برغم ان الواحد كان عايش من غيرها عادي زمان. مصر سوق كبير واللي يعرف يتاجر في حاجة زي كده بيبقى مليونير.

[amir]

لو هشارك مشاركه مثمره في الموضوع ده

مشاركتي هتكون كالتالي:

the question in your point of view is why

while it should have been why not

thats is the difference between success and failure

[SkyBird]

ما اعتقدش ان الاعلانات هي السبب الاكبر لان اي واحد عايز منتج معين مش هيدور عليه في الفيس بوك
يعني لو عايز اشتري موبايل مش هدخل على فيس بوك علشان ادور
الظاهر الموضوع له علاقة بسرقة بيانات وهوايات ملايين المشتركيين وبيعها للشركات المستفيده من هذه البيانات
مثلا شوف انت لما تشترك في موقع اجتماعي وتسجل بالايميل بتاعك شوف بعديها كم الاعلانات اللي هتوصل لك من شركات كثيرة