حد يفهمني ايه ده ؟؟؟؟

[sayed911]

السلام عليكم ورحمة الله وبركاته

اخواني في الله ...

تحية طيبة وبعد ...

بصوا بقى

انا عارف الناس كلها بتمر بي ايه اليومين دول ربنا يكون في عون الجميع ان شاء الله وحصل معايا موقف حبيت انكم تشوفوه على ارض الواقع الا وهو التالي :
المكان : مساكن شيراتون - مرور النزهة
الموعد : حوالي في تمام السابعة والنصف من صباح يوم الأربعاء الموافق 5\1\2011
الوصف :
بعد ما وصلت للمكان لقيت كشك فاتح في عز التلج الرهيب ده في المرتفع ده وفي الساعة دي وبقيت عامل زي العشطان اللي تايه في الصحراء بقالوا 52 يوم ولسة ملاقي الواحة ( ابله الآخر ) المهم ركنت لى جنب وفي امان الله باخد تلفوني ومحفظتي ونازل من العربية وبقفل باب العربية ونازل على الكشك لا بيا ولا عليا ولا اي حد له عليا اي حاجة مفيش وببص لقيت المنظر التالي وقد استرعى انتباهي لما يفوق الـ 5 دقائق بالكامل ......... والله والله كمان مرة ما لاقي تفسير للصورة دي :D :D :D
والله لو توكيل مرسيدس شم خبر بالصورة دي لا يسحبوا مننا التوكيل في مصر وعشان اشوف ها تفاجؤو زي ولا لأ كل واحد يقول شايف ايه غلط في الصورة دي ... ويلحقها بتعليقوا ..

[yoko]

ده عند المرور وحاشرين العجل بطوب على أساس العربيه فرامل اليد سايبه يعني!!!

[ganash]

ايه الى موقفهم دول هنا وايه الجرار الى ورا ده وهيه نازله من غير فرامل يد d:

[Eng.Geo]

عادي بقي
فاكر نفسه صف تاني :)

[moh.aboelkheir]

الطوب اللي مثبتين بيه المرسيدس .. على اساس انها بتجري و فيها عفريت ؟؟ :)
حاجه تانيه يرده .. مفيش ولا عربيه في الطريق ... اشمعنا ركنوها فوق الرصيف ... مالدنيا فاضيه !!

[sayed911]

هههههههههههههه والله ممتاز يا رجالة كلو لقطها يعني مش انا لوحدي اللي معقد ههه من امتى المرسيدس بتتحجر يا عالم يا ناس يا هووووووووو دي فيها كمية زراير تشغل كبينة ملاحة بوينج كاملة يحجروها ههه يمكن خايفين على التروس عشان سايبينها على الـ p تفتكروا لو شركة مرسيدس شمت خبر ايه اللي ها يحصل ..

[ganash]

هههههههههههههه والله ممتاز يا رجالة كلو لقطها يعني مش انا لوحدي اللي معقد ههه من امتى المرسيدس بتتحجر يا عالم يا ناس يا هووووووووو دي فيها كمية زراير تشغل كبينة ملاحة بوينج كاملة يحجروها ههه يمكن خايفين على التروس عشان سايبينها على الـ p تفتكروا لو شركة مرسيدس شمت خبر ايه اللي ها يحصل ..

ممكن تقوم حرب

[kamalsalem]

عربيتي يا عم الشيخ عليها جوووووست وبتجري لو سبتها في الشارع

هي العربيات دي زيرو ولا مسروقة؟ يمكن بيصوروا النسخة المصري من gone in 60 seconds واسمه راح في 10 دقايق (قالش انا ع الاخر النهاردة)

[sayed911]

دي يا معلم بس كلام في سرك ومحدش يعرف بيبقوا العربيات الخاصة بالوزارات يعني غالبا غالبا جاية ترخص لأنهم باين عليهم الفطانة وهية الـ e اعتقد اكتر فئة شغالة وزارات + شركات سياحة والمشكلة انه مهما كان مالك السيارة ده ميغفرلهوش المصيبة دي !!!!!!!!!!!!! امال يبقى احنا ننزل نعمل ايه في عربياتنا :d :d :d نحجرها ولا نعمل ايه ..

[moh.aboelkheir]

هههههههههههههه والله ممتاز يا رجالة كلو لقطها يعني مش انا لوحدي اللي معقد ههه من امتى المرسيدس بتتحجر يا عالم يا ناس يا هووووووووو دي فيها كمية زراير تشغل كبينة ملاحة بوينج كاملة يحجروها ههه يمكن خايفين على التروس عشان سايبينها على الـ p تفتكروا لو شركة مرسيدس شمت خبر ايه اللي ها يحصل ..

يا اي شركه عربيات لو اهتمت باللي بيحصل في عربيتها في مصر ... كانت قامت حرب على مصر

[sayed911]

والله يا اخي انا شايف انه احنا العربيات الأوروبي خسارة فينا ولينا كمان هههه ماله الأسيوي ماهو زي الفل وكمان تكنولوجيتو بتوصل الى مستوانا العاااااااااااااااالي ولكن مالنا احنا ومال الألماني هه المفروض الصورة دي تتحط ويتقال ادي آخرة الألماني في مصر ..

[misoalex]

اعتقد ان دى عربيات عرض
وهما حاطين الطوبه كده عشان العربيه واقفه فوق النجيله يعنى فى الطــــــــــــــــــــــــــــين واى حبه ميه او مطر او حتى الندى بتاع الصبح العربيه مع وزنها ممكن تتزحلق

هما تفكيرهم كده صدقنى بس العربيه مش حتتزحلق للدرجه الى حتعمل مصيبه او تخليها تنزل على الطريق يعنى بس مهما كان دى ملاين واقفه على الارض من حق صاحبها يحافظ عليها بطريقه تفكيره (حريه شخصيه )

[The_Last_Rebel]

يا جماعة الفئة دي من مرسيدس مشهورة بضعف الفرامل...

ثم الراجل أخد جركن فاضي وراح مشي لأقرب محطة فيها بنزين 80 (أو سولار) يجيب لتر يدور به العربية وركنها فوق الرصيف عشان ميعطلش الطريق...