8 مسلمين هيشيلوا قضية أحداث شغب مسرة بالنيابة عن إخوانهم الأقباط

[mostafabakry]

و بنستغرب لما تحصل كارثه زي اللي حصلت في اسكندرية


القانون لازم يسري علي الكل

من اول رئيس الجمهورية و الوزراء و المسؤوولين الكبار لغاية اصغر مواطن

مش يبقي يطبق علي الغلابة اللي له ضهر ماحدش يهوب ناحيته

و علي فكره لو الوضع ظل كما هو عليه بنفس السلبيات دون علاج المشاكل هتكتر و الإحتقان هزيد و ساعتها ربنا يستر علي البلد كلها

البلد عايزة تتغيير نسخة ويندوز احسن الفيروسات دمرت النسخة الحالية و ماعدتش بتشتغل صح و الفيروسات بدأت تضرب في الهاردوير نفسه و الجهاز كله هيدمر و يبقي خرده مالوش اي لازمة

[ahmedhossam86]

لو سمحت فيه أسلوب حوار أحسن من كدة
و كل سنة و انت طيب

هو قال ايه.. رجاء ابعتلي علي الخاص

[MASERATI]

السلام عليكم و رحمة الله و بركاته

و الله, بجد جهاز أمنى فى منتهى الذكاء اللى فى الدنيا و بصراحة قدروا أنهم يخلصوا الليلة بمنتهى الحرفنة و السرعة .

يعنى الشرطة عندها قضية تجمهر و تظاهر و اتلاف ممتلكات الغير و حاجات تانية كتير .............. , و القضية دى لازم تتقفل , مش هينفع يبقى فيه كل المتجمهرين دول و القضية تتقيد ضد مجهول يعنى -أنتوا عاوزين الناس تضحك علينا و لا ايه- و بالتالى لازم يتمسك حد و يتشنبر و أكيد فى الظروف اللى احنا فيها دى , مش هيقبضوا على أخواننا المسيحين لأنهم بيتظاهروا لسبب واضح جدا و عندهم مبرر قوى , يبقى لازم ناس تتمسك و مايكونوش مسيحين عشان مانكبش جاز على النار و كمان ماينفعش يتقبض على شخص واحد و يتقال أنه عمل كوووووووووووووووول الكلام ده -الظلم وحش برضه- , فالأفضل فعلا اللى اتعمل ده , شغل معلمين صحيح .

شوفتوا بأه, ليه الواحد المفروض يدور على جنسية تانية احتياطى !!!!!!!!!!!!

[dr-mohamed]

انا مسلم و انت راجل 100 100 , و كمان الاخ الابتدى الموضوع كلامة مش عاجبنى . يعنى اية المسلمين هيشيلو القضية عن المسيحيين , يا عم ارحمنا هى البلد ناقصة تفرقة

بغض النظر انت مسلم ولا مسيحي ايوة المسلمين اللى هايشيلوا القضية وبدل ما تعلق كنت قرات الاسماء الاول
لما يكون 90 % من المتظاهرين مسيحيين ولا يقبض على واحد منهم والمقبوض عليهم التمانية مسلمين يبقي ايوة المسلمين هايشيلوا القضية

[evram]

ايوة يا جماعه بس حتي لو ده حصل ليه و ايه السبب كسرو طيب ما اتحنا كسرنا نفسي اعرف ايه الي في دماغ الحكومه يعني يخرجو المسيحي ايل بيكسر و يمسكو المسلم المفروض يا اما كلوة يعد يا اما كلوة يتحاكم ولا انا كلامي غلط يا جماعه و بقول تاني اهوه البابا شنوده قال لشعب الكنيسه كلوة ممنوع التظاهر و قال مينفعش و ميلقش لينا حق بس مش راجع لما نكسر عربيات ناس ملهاش اي زنب و ناس مالهاش دعوة غير بانه معديه من الشارع الي في المظاهره فقط يا جماعه الي المسحين عملوة و المسلمين عملوة معاهم و شاركهم فيه غلط من الاول و الي هو التظاهر اه قلوب جميع المسلمين معنا بقلوبهم و روحهم بس في النهايه لا يصح الا الصحيح و التظاهر غلط و بردوة المفرود المسلمين المحتجزين يخرجوة زي المسحين ده كسرل و ده معه المفروض يا اما يتحاكمو سواء يا اما يخرجوة سواء

[slim_shika]

هي الحكومة عايزة إيه؟

ده كانهم بيقولوا: أنتم واقفين ايد واحدة مع اخواتكم؟ طيب احنا هنوريكم!

أظن كده المشكلة بانت إنها مش مسألة مسيحي ومسلم, لأ ديه مشكلة مصري وحكومة.

[magyver]

ونهاية الكلام دة اية

[otefa]

انتقدت صحيفة «واشنطن تايمز» الأمريكية تصريحات البيت الأبيض حول حادث «القديسين»، مشيرة إلى أن تجاهل الدوافع الجهادية وراء هذه الهجمات، «جزء من استراتيجية الرئيس باراك أوباما للتواصل مع المسلمين فى العالم».
وأضافت الصحيفة،أنه من خلال ترك بعض الشك حول هوية ودوافع المهاجمين، يترك البيت الأبيض مجالا للتفكير التآمرى.
وأشارت الصحيفة إلى وجود اعتقاد «واسع الانتشار» داخل الحكومة المصرية ووسائل الإعلام والمؤسسات الدينية، بأن حادث «القديسين» من تدبير المخابرات الإسرائيلية، مؤكدة أن «فشل» الولايات المتحدة فى اتخاذ موقف حيال مثل هذه النظريات، يمكن قراءته على أنه قبول ضمنى بها.
وفى سياق متصل، قالت صحيفة «جارديان» البريطانية إن النظام المصرى «المريض» لم يعد يهتم سوى ببقائه، مضيفة أن التوتر بين المسلمين والأقباط هو مجرد جانب واحد من اضطرابات أوسع ستتفاقم إذا لم يتم تحقيق ديمقراطية حقيقية.
وأضافت الصحيفة، فى تقرير لها أمس، أن الشرطة المصرية فشلت فى حماية المواطنين رغم تلقيها تهديداً من الفرع العراقى لتنظيم القاعدة قبل شهرين، مشيرة إلى أن توقيت الهجوم - حيث كان ينبغى أن يكون الأمن فى أشده - هو مظهر من مظاهر «فشل الدولة فى توفير السلامة لمواطنيها».
ولفتت الصحيفة إلى أن النظام المصرى ثبت أنه «غير قادر وغير راغب فى البحث عن حلول جديدة ومبتكرة للقضايا الحرجة فى مصر»، مشيرة إلى أن ذلك ليس فقط ما تسبب فى تفجير المشكلة القبطية، ولكن استراتيجية الإهمال أضافت مضاعفات أخرى كثيرة.

ولفتت الصحيفة إلى أن مصر بلغت الرقم القياسى لأعلى معدل فى فيروس أنفلونزا الطيور والالتهاب الكبدى الوبائى (سى) فى العالم، مؤكدة أنه علاوة على ذلك، شهدت مصر العديد من حوادث السكك الحديدية، وغرق السفن وحوادث الطرق التى تودى بحياة ١٢ ألف شخص سنوياً.
واعتبرت الصحيفة أن كل هذه الأعراض بمثابة علامات على تحول مصر إلى دولة فاشلة، فى إشارة إلى أنها جاءت فى فئة «التحذير» فى مؤشر الدول الفاشلة ٢٠٠٩، مؤكدة أن النظام الأمنى والقيادة السياسية ينأون بأنفسهم عن شؤون الناس والعمل فى كثير من الحالات ضد مصالحهم.

منقول

[Ahmed_lol2007]

والله بجد الواحد تعب من كتر الكلام اللى بيطلع من الإعلام

[misoalex]

ايوة يا جماعه بس حتي لو ده حصل ليه و ايه السبب كسرو طيب ما اتحنا كسرنا نفسي اعرف ايه الي في دماغ الحكومه يعني يخرجو المسيحي ايل بيكسر و يمسكو المسلم المفروض يا اما كلوة يعد يا اما كلوة يتحاكم ولا انا كلامي غلط يا جماعه و بقول تاني اهوه البابا شنوده قال لشعب الكنيسه كلوة ممنوع التظاهر و قال مينفعش و ميلقش لينا حق بس مش راجع لما نكسر عربيات ناس ملهاش اي زنب و ناس مالهاش دعوة غير بانه معديه من الشارع الي في المظاهره فقط يا جماعه الي المسحين عملوة و المسلمين عملوة معاهم و شاركهم فيه غلط من الاول و الي هو التظاهر اه قلوب جميع المسلمين معنا بقلوبهم و روحهم بس في النهايه لا يصح الا الصحيح و التظاهر غلط و بردوة المفرود المسلمين المحتجزين يخرجوة زي المسحين ده كسرل و ده معه المفروض يا اما يتحاكمو سواء يا اما يخرجوة سواء

احترم كلامك واؤيده فعلا معك حق

بس القبض على الشباب ده ملوش دعوه خاااااااااالص بالى بيحصل دلوقت واعتقد ان دول ولا كسرو ولا عملو حاجه كبيرهم وقفو فى المظاهرات مع اخوانهم المصرين المسحين

دول بتوع 6 ابريل واحنا داخلين على انتخابات يبقى اضرب عصفورين بحجر والحدق يفهم

وهما فعلا دلوقتى ورا الشمس

[dr-mohamed]

مشيرة إلى أن توقيت الهجوم - حيث كان ينبغى أن يكون الأمن فى أشده - هو مظهر من مظاهر «فشل الدولة فى توفير السلامة لمواطنيها».

يعني كانوا هما قدروا يحموا مواطنيهم
والنبي يتنيلوا على خيبتهم وينقطونا بسكاتهم هما واللى بيستنجدوا بيهم وياخدوا العبرة من العراق وغيرها من الدول اللى وفروا لها الحرية والديمقراطية على طريقتهم

[otefa]

[/center]

يعني كانوا هما قدروا يحموا مواطنيهم
والنبي يتنيلوا على خيبتهم وينقطونا بسكاتهم هما واللى بيستنجدوا بيهم وياخدوا العبرة من العراق وغيرها من الدول اللى وفروا لها الحرية والديمقراطية على طريقتهم

هههههههه........عندك حق سهل جدا تنشر قوات أمنية وبأعداد رهيبة بس ده عمره ماهيمنع أختراقها(أسهل بكتير) ده غير قوات الأمن هاتعمل أيه علي سبيل المثال في متعصب مختل الفكر أنتحاري!
الخبر لتوضيح نوايا الغرب ومن يرغب في الأستعانة بهم من تقليب ووقيعة لشعبنا وده مايمنعش من صحة جزئية لما جاء بالخبر ولكن الشك في الأهداف من وراء كاتبي الخبر

[mr_vampire]

اكيد ال 8 دلوقتي بيقولو كان مالنا احنا ومال الليلة ده.

احنا قولنا ننزل نشارك ونساهم ونتقاسم انما نحاسب عالليلة كلها لوحدنا ده اللي متفقناش علييييييييييييييييه

[human]

عشان الموساد هو اللى وزهم على كده

[بحري]

اكيد ال 8 دلوقتي بيقولو كان مالنا احنا ومال الليلة ده.

احنا قولنا ننزل نشارك ونساهم ونتقاسم انما نحاسب عالليلة كلها لوحدنا ده اللي متفقناش علييييييييييييييييه

الوحدة الوطنية تقتضي إنهم يحاسبوا على الليلة كلها ويدفعوا بقشيش كمان