حتعلم ابنك السواقه امتي؟؟؟؟؟

[Jato.33]

إنتوا ليه كلكوا بتتكلموا على العيال الصغيرة كأنهم ولاد شوارع
أنا شايف إن الإحترام والأدب وإدراك المسئولية مش بالسن خالص
وبالعكس تماماً الولد إذا مكانش يسوق وهوا صغير عمره ما هيعقل وهوا كبير في سواقته
الكبت إلي بيبقى عند كثير من الشباب من عدم سواقته وحرمانه من السواقة في سن مبكرة بيدفعة بصورة شبة عفوية للإنحراف في السواقة بالذات لما بيكبر
بيقعد يحلم باليوم ده لحد ما دماغه تتعب وأول ما يحط رجله فيها بيبقى عايز ينطلق كما المجانين
أنا كده بتكلم عن نفسي
وطبعاً عشرات الأمثلة من أصدقائي وأقربائي وكل من عرفتهم
أنا شوفت إلي بيسوقوا من وهما صغيرين أعقل من العقل لما كبروا لأن خلاص الفرحة وقتها خلص
وأنا مش هنسى أبداً إني قعدت مرة مع جوز بنت خالي وإتكلمت معاه فبقوله هتعلم العيال أمتى السواقة رد عليا رد مش هنساه أبداً

قالي : "علموا أولادكم السباحة والرماية وركوب الخيل"
يعني مقالش شبابكوا ولا رجالكوا

وهذا القول منسوب للفذ العبقري عمر بن الخطاب رضي الله عنه


حرام عليكوا بأه سيبوا العيال تنطلق هييجي اليوم إلي يشبع فيه ويعقل لوحده
ربنا يهدي الجميع

[جمال]

طبعا اعلمه السواقة لما يوصل 18 سنة و يقدر يطلع رخصة قيادة ويقدر المسئولية

[احمدعبدالعزيز]

انا ابنى بيسوق العربيه من دلوقتى وعمره ( 5 ) سنوات بس طبعا انا بكون معاه ...

[aif]

انا ح اعلمه السواقة الساعة 5 ونص هاهاهاها

لأ بجد في حدود 16 سنة ويمكن قبل كده .. حسب ما اشوف انه يقدر يتحمل مسئولية سيارة ماشية وسط الناس

[دموع الثلج]

لما يطلع رخصه قياده
لسبب واحد عشان لو عمل حادثه لقد رالله يتحبس هو مش انا

[osama_alam]

ان شاء الله في اول سن احس بيه انها ممكن تسوق وبيتهئلي من اول 12 سنة كده وجه على فكرة من وصاية سيدنا عمر "علموا ابنائكم السباحة والرماية وركوب الخيل" ركوب الخيل == ركوب السيارات في وقتنا وكمان لما تتعلم من بدري احسن من بعد كده ان شاء الله

انا لما بروح السعودية بلاقي بسم الله ما شاء الله العيال مقريض وبيسوقوا من 10 و11 سنة وعربيات ايه Gmc زي المشروع كده فالحجم وبيسوقوا زي الفل ولينا كمان ابن واحد قريبنا فالسعودية عنده حوالي 15 سنة وبقاله 6 سنين بيسوق وبيفهم فالمكيكانيكا بتاعت العربية كانه اسطي والله

[Powert]

بص يا حازم الموضوع بسيط

الأول أعلمه يلعب كل أنواع ال games إللى فيها عربيات و يتمكن و يتحكم كويس

تانى نقطة يتعلم السواقة بالملاحظه عند سن 14 سنة لحد 16

ثالث حاجة يتعلم سواقة بالممارسة و التعليم عند 16 لحد 18

كده تضمن إنه هايطلع بيسوق كويس أوى

ايوة واهم لعبة GTA واعلمه كل لما يخبط حد ياخد Point :D:D:D:D

[fahd_628]

لما احسة عاقل و يقدر يسوق

انا الحمد لله ابويا شايفنى عاقل جدا و علمنى و انا عندى 12 سنة و اول طلعة عند 11 سنة و دة لأنى كان شايفنى عاقل و فاهم و مش متهور و بحب العربيات بطريقة مش طبيعية يعنى من الأخر اى موضوع اتكلم فية مع اى حد كان على العربيات :) لحاد ما ازهقة :d :d :d

بصراحة بيسبلى العربية من دلوقتى و انا 17 سنة و نص و انا عارف انة غلط بس صدقونى يا جماعة انا بسوق بهدؤ شديد مش زى الشباب المتهور و كل الى بيركب و بيركبو معايا واثقين فيها 100 % الحمد لله و لو واثقين فيا 99 فى المية مش حيركبو و اصحابى بيقولولى انى بسوق سواقة اوروبى :d الى هية يعنى بمشى على الخطوط و اسيب مسافة كافية قدامى و لازم استخدام الأشارات و الحزام قبل ما ادور العربية و الكلام دة

و الحمد لله الحمد لله عمرى ما حكيت العربية ابدا عمرى بجد الحمد لله و ان شاء الله مش ححكها خالص

[dr_3eshoo]

لو اتجوزت و جبت عيل لما اموت اوصي مراتي تعلمه السواقه لاني مش حمل اني اقلق عليه

[crazylambada]

حعمل زي ما والدي الله يرحمه ما عمل
دخلني مدرسة سواقة قبل ما اتم 18 سنة بسنة و نص
و بعد كده طوال هذه الفترة كان بيخليني اسوق و هو قاعد جنبي علشان يديني الخبرة بتاعته في السواقة
و مسمحش ليا و لا مرة اني اخد العربية لوحدي حتى وافته المنية
علشان كده الحمد لله كل اللي بيركب معايا بيقول ان انا بسوق كويس جدا و احسن حاجة
ان انا معنديش حتة التهور دي

[محمد السكري]

والله شوفوا الجيل ده سريع التعلم جدا وده طبعا نتيجه الفيديو جيم وما الي ذلك وأنا عندي تجربه السنه اللي فاتت مع عبد الله ابني انا فجأه لقيت الواد طول كده وبقي طولي رفم ان عنده 13 سنه المهم في مره طلب مني انه يسوق بنفسه وكنا في منطقه مستودعات يعني فاضيه والمنطقه كلها مرصوفه كويس وركب عبدالله واندهشت من عدم ارتباكه بل وقاد كالمحترف يمكن لان العربيه كورولا 2007 واتوماتيك فكانت مسعداه بس هو غلط غلطه بسيطه جدا لما قلت له بس خلاص اركن باه ووش العربيه للجدار ده وبالفعل اتجه للجدار بس بدل ما يدوس فرامل داس بنزين وخلاص بأه انتو عارفين الباقي وشه اصفر واخضر طبعا انا قعدت اهدي فيه واقول له ولا يهمك كلنا غلطنا وبنتعلم المهم بطل يسوق شويه بس شجعته يسوق تاني وبقي ميت فل ..... شجعوا ولادكم وازرعوا فيهم الثقه هتلاقوا نتائج هايله
تحياتي

[analyzer]

فى الحقيقه هو محمد باشا ابنى بدء فعلا يتعلم السواقه من عمر سنة ونص يعنى من حوالى ستة اشهر
اصل هو الان عمرة سنتين .
حد يقولى ازاى يعنى عنده 1.6 سنة وبيتعلم اقوله اصل كل ما يركب معايا لازن يقعد على رجلى ويمسك الدركسيون معايا وحاليا لما بيركب معايا بيقولى باب اسوق اقوله سوق يا محمد يقوم ملفف الدركسيون يمين وشمال .

ان شاء الله قول ما يشد حيله ويطول الدواسات كويس هبدء اعلمه بس مش هسيبله العربية الا لما يطلع رخصه .

[emadno1]

كدة يبقي تمام

لله لحد دلوقتى عمر ما عملت حادثة ........

احم احم ...

بس كنت بخبط فى الارصفة و العواميد القصيرة دى :D:D

احب الصراحه

[badblood]

اول ما يجي ويكبر يبقى يحلها الحلال

[cobco]

والله انا ان شاء الله حعلم ابني السواقه من وهوا عنده 9 او 10 سنين بالكتير جدا عشان اولا انا اتعلمت السواقه وانا عندي 11 سنه ثانيا وده الاهم اني بجد نفسي يحقق الحلم اللي انا معرفتش احققه وان هوا يبقي محترف بمعني اني كان حلمي اني اكون اقدر اشترك في سباقات الرالي وان شاء الله ابني يطلع زيي بس عشان كده لازم اعلمه من بدري اما اني اسيبله العربيه ف دي حاجه تانيه خالص ده ان شاء الله لما يبقي يطلع رخصه