فاكرين الايام دي؟

[pro_samir]

ايوة طبعا بس دة كان بندقية مش مسدس و الفتلة كان لونها دايما أحمر بالامارة ههههههههه و كان فية المسدس الى ب السهام البلاستيك و أخرها كاوتشة سوداء بتلزق فى الزجاج أنا بقى كنت بفك الكاوتشة دى و بجيب دبوس ابرة و أسخنة على النار و امسكة ب الزرطية (( النسة يعنى ))) و أدخل الدبوس و هو ساخن بعد ما اكون قطمت راس الدبوس طبعا فى البلاستيك بتاع السهم علشان لما اضرب على حاجة خشب يرشق فيها

ماهو كان في منها مسدس .. وبتاع السهام البلاستيك ده كنت بخلع منه الكاوتشه علشان يسخدم في الأغراض المؤذيه .. والدبوس برضو كنا ساعات بنعمله ونرسم دواير علي لوح فوم وننشن عليه .. مكانوش لسه اخترعو المسدسات الخرز

ولا الكاميرا السودا برضو اللي بترش ميه .. نظام تعالي اما اصورك فسس فسسس تطلع ميه .. مع ان العيال كلها عارفه انها بترش ميه بس كانو بيقفو برضو هههههه

[shaddadfalcon1]

فكرتوني بحاجه ..

كان في مسدس زمان اسود وشكله معفن كده وفيه حتت حديده من الجنب تشدها علشان تعمره ، ومن قدام حتة فله أو بلاستيكه مربوطه فيه بفتله علشان متضيعش تعمره وتحط البتاعه دي وتضرب تطير علي حسب طول الفتله ! ..

كان دايما في العيد اتنين قرايبي بيشتروه وكنت بتغاظ منه جدا علشان كان شكله غبي ومقرف والسوسته بتاعته تقيله جدا علينا كأطفال (المفروض) وغير كده ملوش أي لازمه من وجهة نظري كطفل يعني علشان اضرب واحد لازم اروح اقف جنبه هههه .. الحمد لله إنه انقرض

حد فاكره ؟

هو كان الميزه فيه انك تحط ظلطه صغيره في الماسوره و زوووو

فاكره بغباوته بشكله العكر
ده كان اساسي في العيد

طيب فاكر بدلة الظابط اللي كانت دايما تييجي مع الناس اللي جايه من الحج؟

انا كان لازم يجيلي بدلة الظابط دي وابقي محدش زيي بقي لما البسها

[nonetta]

ايه دة ايه دة
دة الموضوع دة طلع كل المستخبي كله
واضح ان مكانش فيه طفل هادي ابدا
وبنزعق لعيالنا دلوقتي
دول ملايكة جنبكوا

[shaddadfalcon1]

ايه دة ايه دة
دة الموضوع دة طلع كل المستخبي كله
واضح ان مكانش فيه طفل هادي ابدا
وبنزعق لعيالنا دلوقتي
دول ملايكة جنبكوا

انا فاكر وانا صغير كان يبقي الناس كلها في عز الصيف الظهريه كده قعده في بيوتها وانا اللي عمال الف في السكك زي اللي ملوش اهل
وكل ماابويا يقولي تعالي نام شويه زي كل البني ادميم اقوله لا واخد اللي فيه النصيب

دلوقتي اخويا الصغير 9 سنين بيعمل كل اللي انا كنت بعمله وكتيير اضربه وازعقله عشان يقعد في البيت بس لما بفتكر نفسي بضحك واسيبه

[No Comment]

وكان فيه كمان المسدس الرول ( البكرة ) ده الأسود اللى كان بيتحطله دائرة بلاستك فيها بارود لونها أحمر كدة .... وكنا احنا بنخترع بفى ونسد الفتحة بتاعت الفوهة بتاعته علشان لما يفرقع الشريط يضرب معاه كل السدة والحاجات اللى حطيناها قبل السدة أو الفلة دى .
بعدها أخترعوا المسدس الخرز.

[nonetta]

انا فاكر وانا صغير كان يبقي الناس كلها في عز الصيف الظهريه كده قعده في بيوتها وانا اللي عمال الف في السكك زي اللي ملوش اهل
وكل ماابويا يقولي تعالي نام شويه زي كل البني ادميم اقوله لا واخد اللي فيه النصيب

دلوقتي اخويا الصغير 9 سنين بيعمل كل اللي انا كنت بعمله وكتيير اضربه وازعقله عشان يقعد في البيت بس لما بفتكر نفسي بضحك واسيبه

دة علشان الاطفال كلهم زمان كانوا بيلعبوا في الشارع
وكان اللي ربنا فاتحها عليه بيلعب في مركز شباب
دلوقتي نسبة اللعب في الشارع قلت ( على ما اعتقد)
لان الاغلبية بيودي ولاده نوادي
عن نفسي مش ممكن انزل ولادي يلعبوا في الشارع

[heshamzaky]

ماهو كان في منها مسدس .. وبتاع السهام البلاستيك ده كنت بخلع منه الكاوتشه علشان يسخدم في الأغراض المؤذيه .. والدبوس برضو كنا ساعات بنعمله ونرسم دواير علي لوح فوم وننشن عليه .. مكانوش لسه اخترعو المسدسات الخرز

ولا الكاميرا السودا برضو اللي بترش ميه .. نظام تعالي اما اصورك فسس فسسس تطلع ميه .. مع ان العيال كلها عارفه انها بترش ميه بس كانو بيقفو برضو هههههه

هههههههههه فاكرها طبعا الكاميرا الى بتطلع مية و كان فية كاميرا شبهة النظارة المعظمة كبيرة كدة تبص فيها و ترفعها فى الضوء و بتقلب صور جواها

[heshamzaky]

وكان فيه كمان المسدس الرول ( البكرة ) ده الأسود اللى كان بيتحطله دائرة بلاستك فيها بارود لونها أحمر كدة .... وكنا احنا بنخترع بفى ونسد الفتحة بتاعت الفوهة بتاعته علشان لما يفرقع الشريط يضرب معاه كل السدة والحاجات اللى حطيناها قبل السدة أو الفلة دى .
بعدها أخترعوا المسدس الخرز.

فاكرو طبعا و لما كنت فى أعدادى اشتريت مسدس صوت و بندقية رش و مسدس الصوت دة مرة ضرب غصب عنى فى صباعى و عورنى و روحت المستشفى علشان يشيلو البارود الاسود من تحت الجلد و البندقية كانت طبعا رمسيس نمرة 1 فاكرها مكنتش فية وقتها نمرة 2 الا فى الانواع المستوردة

[abogogo]

فكرتوني بحاجه ..

كان في مسدس زمان اسود وشكله معفن كده وفيه حتت حديده من الجنب تشدها علشان تعمره ، ومن قدام حتة فله أو بلاستيكه مربوطه فيه بفتله علشان متضيعش تعمره وتحط البتاعه دي وتضرب تطير علي حسب طول الفتله ! ..

كان دايما في العيد اتنين قرايبي بيشتروه وكنت بتغاظ منه جدا علشان كان شكله غبي ومقرف والسوسته بتاعته تقيله جدا علينا كأطفال (المفروض) وغير كده ملوش أي لازمه من وجهة نظري كطفل يعني علشان اضرب واحد لازم اروح اقف جنبه هههه .. الحمد لله إنه انقرض

حد فاكره ؟

هو كان الميزه فيه انك تحط ظلطه صغيره في الماسوره و زوووو

لعبتي بتاعة العيد كنت بعمره بأني بحط الزناد اللى في الجنب في طرف الباب وبكل جسمي اضغط عشان يتعمر وكانت الفله مربوطة بخيط كنا بنقطعها عشان نحط الزلط .... بما انك كنت في نفس المرحلة تتفتكر كان في عربيات صغيرة مصنوعة من الصاج وكان ليها عجل بلاستيك ودايما تعور الاصوابع لما تلعب بيها كانت بقرشين صاغ والمسدس الي بيضرب بشريط حرب اطاليا

[abogogo]

كنت بعملها بورقه واقطعها والفها حته صغيره بدل الدبابس
والعيال المتشرده بتاعه الشارع كانو بيعملوها بالسبارس بتاعه السجاير
وكنا بنجيب حته عصايه وندق فيها مسمار ونربط فيه الاستك ونحط من الناحيه التانيه دبوس غسيل (الخشب) وتبقى نبله او بندقيه حسب خيالنا ساعتها

وحوار الانبوبه بتاع القلم البك والبرتقال دى ياااااااااما عملتها

هههههههههه الله يسامحك ده كان تخصصي افضي طفيات السجائر اللى في البيت والدي الله يرحمه كان من المدخنين والسبارس دي كانت الذخيرة المفضلة لي وقشر البرتقال وسلك الكابلات بتاع الكهرباء الالومنيوم .... وطبعا النبلة اللى كنت بصنعها من شماعات الهدوم الخشب والاسهم من عصيان الاقفاص ودي كانت بعد عرض فيلم عنتر ابن شداد ... القلم البيك وبرتقال وقشر اليوسفي مع المسطرة ونعمل غزل بنات .. والكازوز وبكرة الخيط البلاستيك وسلكه حديد كنا بنعملها عجله .... والنحل كنت بصتاد النحلة واربط رجليها بخيط وامسك الطرف التاني والعب بيها

[MISS_MONA]

ايه دة اللى انتم كنتم فيه وانا اللى بقول ان العيال بتوع اليومين دول ملهمش حل فى الشقارة
دة انتم كنتم يا ساتر عليكم

[MISS_MONA]

ده احنا كونا ملايكه على كدة
يا دوب كام عروسه
او القطر اللى بنركب عربياته فى بعض ونركبه فى القضيب بتاع القطار ونشوفه وهو بيطلع دخان ويلف

[أبو إياد]

احنا كنا بنعمل حرب بينا وبين اولاد عمتى فى الشقه اللى فوقينا من البلكونات

[nevozaky]

ايه الشقاوة دى يا جماعة .بس انا بحب الاولاد الاشقياء .يعنى كده عرفت ان الاولاد عندى طبيعيين

[salama_ahmad]

انا مش قادر امسك نفسىىىى من الضحك انا بعيط الحاجات دى فعلا كانت قمة التكنولوجيا وخصوصا المسطرة

والتلفون ابو قرص

بجد رجعتونا لايام زمان ايام المصروف 25 قرش
كانت البسكوتة ب5 قروش والببسى ب15 قرش
وكانت اقصى امانينا فى الوقت دا كيس شيبسى او كاراتة او كابوكى

وياسلام على ايام مازنجر وغرينديزر كانو بالنسبة لى قمة الخيال العلمى

بجد الواحد مش عارف كان عايش كدا ازاى