لو الظابط دايقك...إشتكيه

[zago]

ارى ان هذا تصرف سليم و عاقل منك خصوصا انكم كنتم فى الصحرا و مفيش شهود او عامة ممكن يردعوا هؤلاء بس اتمنى تكون شكوتك مدعومة برقم السيارة اللى طاردتك ووصت عليك اللجنة و اسم هذا الامين اللى مش امين على عمله و دينه و اتمنى لك التوفيق و ادعولك بالثبات على اخذ حقك

هو فعلا تصرف عاقل
لكن عايز اعرف لو كان فيه شهود كان استفاد ايه ؟؟؟؟
بالعكس انا لو حبيت اكبر الموضوع تبقى ميزه ليا اننا نكون في الصحرا



دفاع عن النفس

[A7MED_PHARMA]

هو فعلا تصرف عاقل
لكن عايز اعرف لو كان فيه شهود كان استفاد ايه ؟؟؟؟
بالعكس انا لو حبيت اكبر الموضوع تبقى ميزه ليا اننا نكون في الصحرا



دفاع عن النفس

بص يازاجو
تعرف المقولة الأمريكية إلي بتقول
not important what you...it's what you can proof
يعني مش مهم إلي حصل أو إلي تعرفه...المهم إلي تعرف تثبته
يعني لو حد فيهم كان مد إيده
طبعا ماكناش هنسكت...طبعا كنا هنضرب وننضرب
بس المشكلة في إلي بعد كده
إلي بعد كده...كنا طبيعي هنروح القسم..والظابط إلي أكيد هيطوله شلوت أو جوز أقلام من حد فينا
هيوصي علينا توصية جامدة في القسم...وهناك
هيشيلونا من على الأرض شيل..لحد مانجيب حد أو نشوف محامي يطلعنا
وكنا إحنا هنلبس قضية إعتداء على أفراد أمن..ومش بعيد يتعمل تقارير طبية..وتبقا جنحة
وناخد كام سنة حبس
فاهمني
أنا ماكنتش خايف ننضرب...يعني ناخد على قفانتا ونعيط
ههههههههههههه
أكيد مش كده...إحنا رجالة برضوو ..وإلي هيديني قلم هديهوله 50 على قفاه
بس المشكلة في التوابع إلي بعد كده
مع إن الواحد هادي...وشكله أساسا مش بتاع خناقات
بس الحمد لله..أنا إتخانقت في حياتي بتاع 4 أو 5 مرات
وكل مرة مع واحد أكبر حجما....وكنت بروقه

[Karim_Mohy]

صح يا احمد في اللي عملته والله اعلم لو الموضوع كنت كبرته كان ايه اللي حصل.........

ما الواحد كل يوم بيقابل حاجات وبيبلعها غصب عنه.............بس في حاجات ماتتبلعش والحمد لله انها ماحصلتش معاك عشان الموضوع مايكبرش وساعتها هاتكون انت اللي غلطان

[zago]

طيب
وانا صغير لما كنت في اولى حضانه
كنت بتضرب في المدرسه
ارجع البيت اشتكي لماما تقوللي اللي يضربك قوله ( الله يسامحك )
كل يوم انضرب واقول الله يسامحك وهكذا اروح للميس اقولها فلان ضربني تقولي ( قوله الله يسامحك )
في اولى ابتدائي رجعت البيت بعيط
ماما طبعا بتطبطب عليا وتقولي مالك قولتلها فلان ضربني وقلت للميس قالتلي قوله الله يسامحك
ماما ساعتها قالتلي اللي يضربك بعد كده اضربه
تاني يوم واحد ضربني رحت ضاربه في وشه فتحت شفته
طبعا أخدت استدعاء ولي امر
وهكذا
لحاد ما ضربت نص الفصل في اول اسبوع ونص المدرسه في اول شهر
افتريت يعني
بعد كده بقت الدنيا زي العسل
ولا بضرب حد ولا حد بيضربني
علشان عرفو اني حاخد حقي

خلاصه المعركه اللي فوق دي
هي انك تاخد حقك
انت مش غلطان
مش شايل حشيش في العربيه
ولا تاجر مخدرات ولا بتاع دعاره ومعاك رقاصه في العربيه
بمنتهى البساطه كنت سألت الظابط ( هو علشان انا ساكت تفكر انك تعرف تعملي حاجه ؟؟)
الموضوع لو وصل معاك انك تضرب يبقى متوصلش الموضوع للقسم لانك زي ما قلت ساعتها حتحتاج محامي وبلا ازرق وحوارات والله اعلم حتطلع ولا مش حتطلع ولو ربنا كرمك ساعتها حتحل الموضوع ودي مع الباشا الظابط

بجد مش عايز اقولك انكم في الصحرا
يعني اللي ييبدأ في الصحرا يخلص في الصحرا

لا حقولك المره الجايه تديله اختيار
قوله عايز تكبر الموضوع ولا تلمه ؟؟

لكن انت كده رايح تشتكيه للميس بتاعت الفصل
حتقولك قوله الله يسامحك

[kamal_adly]

هو فعلا تصرف عاقل
لكن عايز اعرف لو كان فيه شهود كان استفاد ايه ؟؟؟؟
بالعكس انا لو حبيت اكبر الموضوع تبقى ميزه ليا اننا نكون في الصحرا



دفاع عن النفس

مع احترامى اى دفاع عن النفس فى هذا الموقف هم اكثر عددا كما ذكر د/احمد 6-8 افراد و مسلحين بغض النظر ان الواحد فيهم عرض الحيطة ..الميزة لهم طبعا خصوصا ان مافيش شهود او عامة ممكن تشهد فى حالة لو المشادة تطورت و حطوهم فى دماغهم و ممكن يدسوا لهم اى ممنو3 فى السيارة و تبقى قضية و عواقب وخيمة و دوامة بلا نهاية

[zago]

خلاص يا شباب خلونا نفرفش
حقولكم نكته حلوه

ندل عينوه مدير عام الأمن العام غير رقم الدوريات من 122 إلى2594638547592565

[Eslam.Elrefaey]

خلاص يا شباب خلونا نفرفش
حقولكم نكته حلوه

ندل عينوه مدير عام الأمن العام غير رقم الدوريات من 122 إلى2594638547592565

حلوه

[Eng.Sameh]

للأسف أنا عملت زيك قبل كده .. وبردو كلموني وعملوا محضر ، واللي كان قاعد معايا كان عميد وقعد يقولي متزعلش وحقك هتاخده ، وانا ماشي سلم عليه بمنتهى الذوق وقالي انتظر مني تليفون قريب ... وشكراً على كده .. الموضوع ده من رمضان ولا اكن حصل حاجة... جهاز الشرطة اصلا جهاز فاشل من اوله لأخره ... البلد محتاجه حل جزري مش صحك على الدقون

[heshamzaky]

طيب يا احمد باشا بعد ما ادليت بأقوالك فى موضوع الشكوى قالو لك أية

[heshamzaky]

زاجو انت يا ابنى مشكلة هههههههههههههههههههه بص أنت مؤدب و الله دى حقيقة لاننى أعرفك شخصيا بس لما حد بينرفزك ممكن تقلب مجنون علية و بسم الله ما شاء الله قوتك البدنية تسمح بذلك أنا عارف دة

[A7MED_PHARMA]

طيب يا احمد باشا بعد ما ادليت بأقوالك فى موضوع الشكوى قالو لك أية

أنا صاحي من النوم النهاردة
لقيت بابا ف وشي وقلقان.....بيقولي تعالى عاوزك
خير ياحج
قالي جالك إستدعاء من القسم
قعدت حكيت له الموضوع...وبرضو فضل مدايق وزعلان إني إشتكيت
وقالي
بلاش مشاكل مع الاشكال دي ياحبيبي..خلينا ماشيين جمب الحيط أحسن
وإن شاء الله رايح الصبح..وكلمت أصحابي إلي كانوا معايا ساعتها .. وهييجوا معايا

[heshamzaky]

طيب قولنا الاخبار بعد ما ترجع و على فكرة لو أصدتة صح يعنى كنت عارف و محدد فى كلامك أنت و أصدقائك ممكن تعرف تزعلة بجد بص نصيحتى لك أنت و اصدقائك يكون كلامكم واحد و مفيش تضارب فى الاقوال و الاحداث يعنى افهمك بالبلدى الضابط كان واقف شمالك و لا يمينك و و صاحبك كان واقف فين و قالك أية بالظبط و أنتى قولت لة اية و أصحابك الى كانو معاك نفس الحوار بالظبط دون أدعاء او افتراء علية ههههههههههههههههههه عاوز أنت تزود أنا ما قولتش كدة ههههههههههههههه و صاحبك الثالث الى بتاع الجيش لا اظن أنة سيدخل فى الموضوع معاكم أنت كدة جمعت أفكارك و فهمت قصدى و لا لآ

[heshamzaky]

بالبلدى اقوالكم زى بعض علشان الشكوى ما تبقاش كيدية فهمتنى و لو حاول يثبتك بالادب و الذوق ما تبقاش ذوق و تتكسف خلى وشك خشب لا تبتسم و لا تعطى أنطباع أنك مسامح و معلش حا أقولك حاجة غريبة بس و أنت رايح ما تلبسش هدوم كاجوال خليك فورمال افضل المظهر بيفرق شوية يعنى مش بنطلون جينز و كدة فاهمنى

[Mostafa.Ismail]

معلش انت ازاي سبته اصلاً يقول كده وسمعت كلامه ؟؟
الكلام دايماً يبقى مع الظابط والامين ده تتجاهله تماماً
وهو ولا يقدر يعملك حاجه قالك انزل قوله انت تسكت خالص والظابط بتاعك هو اللي يتكلم معايا
90% من مشاكل الشرطه بتكون بسبب الامناء والمخبرين لانهم الجهل والغباء والسلطه مجتمعين مع بعض
على الاقل الظابط ممكن تتكلم معاه لان اللي معدي ال50% ثانويه احسن من اللي مدخلهاش

يا جدعان مفيش قاعدة بتقول ان اللى جاب 50% فى ثانوى يبقى قليل الادب او جاهل او العكس.
ارجوكم طلعوا الثانوية العامة من الموضوع.


---

[A7MED_PHARMA]

ماعتقدش إن الظابط محل الشكوى هيكون موجود
أنا رايح أثبت كلامي في محضر رسمي ..وهمضي عليه