شركة كويست نت او كيو نت

[mrbond88]

الحوار ده حرام اصلا لإنك عشان تكسب لازم غيرك يخسر و بتبيع سلعة غير تمنها الحقيقي وده بناء علي فتوي و علي فهم اكيد

بس انا اي presentation بروحها عشان بطلب مشاريب كتير و صاحب presentation بيشيل الليلة :)

[mxz911]

يعني كده المكسب قائم على ايه
مجرد ادخال اعضاء في الشركه !!!!!!

بص هجيبهالك من الاخر ..

اول كل ده اسمه N.M
Network Marketing

التسويق الهرمى .. ده بدل مثلا ما شركه معينه تعمل دعايه لحاجتها وتتكلف كتير بتخلى الناس هيه اللى تعمل الدعايه دى

بفرض انى انا دخلت ودخلت 6 معايه .. وكل واحد هيشترى المنتج ب 600 دولار .. انا هاخد من كل واحد منهم مثلا 10% ..

يعنى 6 اشتروا ب 600 دولار يبقى انا هاخد 60 دولار ف 6 ب 360 دولار .. الشركه مخسرتش حاجه ليه ؟؟
لانها اولا بتبيع المنتجات دى غاليه

انا كل اللى عملته كأنى سوقت المنتج بتاعها واخدت منه نسبه مش اكتر

وهكذا الحال مع باقى الحوار مع كل شخص من ال 6 الباقين

[Raul_7]

يا ريت يا جماعة الناس اللي بتفتي من غير علم ميقولوش الشركة نصابة وإن الموضوع حرام وإن وإن ولا فيه حد أصلا مجرب حاجة, واللي مجرب أكيد دخَل من غير مايفهم الموضوع كويس.

عايز أقول إن فيه كلام كتير قوي اتقال غلط في الصفحات اللي فاتت ده عايز اعلق على حاجات كتير فيه بس للأسف مفيش وقت عشان لازم أنزل الشغل.

عامة هي الشركة مش نصابة واللي فاهم الموضوع صح بيمشي في البزنس ده وبيعمل فلوس كويسة فعلا ومن غير لا نصب ولا احتيال.

آه ويا رت يا دكتور عَمر تروح بالساعة بتاعت صاحبك رضوان العجيل وتطلب إنه يقيمهالك, لو قال لك 100 جنيه, هاتهالي وهاخدها منك ب 200.

تحياتي

[aly_hosny]

انا اعرف واحد معاه زلموكة و الفئة التالتة و كمان بتاع عربيتين من الحوار دا
بس داخل فيه من ييجي 10 سنين

[Moe86]

المهم فتح معايا موضوع الامتياز وهقبض فيه كام وكده
فقلتله 250 جنيه فقعد يضحك ويتريق عليا

نفس اللى حصل معايا بالظبط

بص هجيبهالك من الاخر ..

اول كل ده اسمه N.M
Network Marketing

انا كل اللى عملته كأنى سوقت المنتج بتاعها واخدت منه نسبه مش اكتر

أيوا هى دى الفكرة ببساطة
فى ناس عارفها كتير كلمونى عنها بس انا مش فى دماغى, أنا ورايا مشاريع تانية أهم عايز أعملها
من الأخر اللى عنده شغل كويس أو لسة وراه دراسة ليها مستقبل مش محتاج وجع الدماغ دة

[dr.amr]

آه ويا رت يا دكتور عَمر تروح بالساعة بتاعت صاحبك رضوان العجيل وتطلب إنه يقيمهالك, لو قال لك 100 جنيه, هاتهالي وهاخدها منك ب 200.

تحياتي

اولا اسمي عمرو مش عمر

ثانيا انا مابروحش بساعات في حته ممكن سيادتك تاخدها وتروح بيها العجيل

ثالثا لو قريت الموضوع كويس هتلاقي بقول ان الموضوع ده استفسار وتحذير في نفس الوقت

والناس معظمها اجمع انها نصب

وانا شايف انها نصب ومش مربحه بالطريقه اللي بيقولوها للناس في خلال سنه هيبقي معاك مليون دولار ليه ؟؟

هما بيطبعوها في الشركه

ثانيا نصب لأنهم بيبيعوا الحاجه غاليه كتير عن تمنها

اذا كان اللي عملي بريزنتيشن بيقولي نا ندمان اني اشتريت الساعه ده

وبعدين يا استا\ي في منتج من اللي بيبيعوه بيقولك يخليك تشتغل 18 ساعه بدون ماتتعب ده كلام بالذمه ؟؟

وهفترض ان كلامهم صح

كان زمان دي اشهر سلعه في العالم كله

[dr.amr]

[QUOTE=Moe86;3873202549]نفس اللى حصل معايا بالظبط


هنعمل ايه بقي

قدرنا كده

[Mzeid]

يا جماعة
بخصوص أن سعر الحاجة غالية جدا
أنا فيه ساعات شوفتها في محلات ساعات كبيرة و انواع أول مرة أسمع عنها و مكتوب عليها أنها سويسري و 4 و 5 الاف جنيه
ثانيا هما مش محلين بنقارن بينهم و بنقول واحد أغلى على أساس أن احنا عارفين سعر المنتج

و كمان حكاية أن المنتجات بتباع عن طريق الشركة بس فدا بيعطيها قيمة
زي الفيراري انزو كانت بتباع عن طريق الشركة فقط غير لما تبقى حاجة موجودة عند كل تجار السيارات في العالم

اما سلاسل الطاقة دي فعلا أن مش قتنع بيها
هي نفس نظام اسورة سابونا
بس قيل لي من ناس اصحابي انهم جربوها و في بعض الأحيان حسوا بفرق فعلا

و بعدين يا شباب فيه ناس للأسف بتعمل ال presentation غلط و بتدي وعود لامور مش موجودة و للأسف بيكونوا حافظين الكلام اللي بيسمعوه مش فاهمين نظام الشركة ماشي ازاي
علشان كدة تلاقي كل الناس بتعمله باسطمبة واحدة بنفس البدايات و الارقام

على فكرة انا فيه واحد صاحبي دخل الموضوع دة و خلاص مبقاش ياخد فلوس من والده

[أحمد كمال]

شرعا لا يجوز الاشتراك في التسويق الهرمي او Pyramid schemes

[dr.amr]

شرعا لا يجوز الاشتراك في التسويق الهرمي او Pyramid schemes

تقول لمين بقي

[tamatemo]

يا ريت يا جماعة الناس اللي بتفتي من غير علم ميقولوش الشركة نصابة وإن الموضوع حرام وإن وإن ولا فيه حد أصلا مجرب حاجة, واللي مجرب أكيد دخَل من غير مايفهم الموضوع كويس.

عايز أقول إن فيه كلام كتير قوي اتقال غلط في الصفحات اللي فاتت ده عايز اعلق على حاجات كتير فيه بس للأسف مفيش وقت عشان لازم أنزل الشغل.

عامة هي الشركة مش نصابة واللي فاهم الموضوع صح بيمشي في البزنس ده وبيعمل فلوس كويسة فعلا ومن غير لا نصب ولا احتيال.

آه ويا رت يا دكتور عَمر تروح بالساعة بتاعت صاحبك رضوان العجيل وتطلب إنه يقيمهالك, لو قال لك 100 جنيه, هاتهالي وهاخدها منك ب 200.

تحياتي

حبيبي تعالالي :

انا في الموضوع دا من حوالي 10 سنين
الموضوع مش نصب

الموضوع انك بتغرر باللي قدامك وهوا بيكون مغفل كفاية علشان يشترك


تعالي معايا نشوف موضوع القصة الذيذة دي في مصر معايا من 10 سنين كان شكلها عامل ازاي؟؟

1- شركة بزناس
كنت بتشتري حاجات منهم علشان بحوالي 600 جنيه "دورات اوفيس" وبتشتغل علي التسويق الهرمي
وتجيب ناس تحتك وكل العدد ما وصل لرقم كام بتاخد نسبة علي كل واحد بيدخل

2- برايم جولد
كنت بتدفع فلوس في حصة من سبيكة دهب ونفس الكلام الفاضي ولو عاوز تخلع بتدفع كام دولار في امركيا علشان يصضرفوا الدهب وبيعتولك حخصتك

3- شركة سندات استثمارية في ايطاليا
نفس الموال

4- النصباية الكبري "شينال الصينية"

كانت واخدة مقر في ثكنات المعادي
وكانوا بيبعوا جهاز يعالج السكر والضغط والارهاق والكبد ويصحح النظر ويشيل الروماتيزوم وقصص كبيرة
والجهاز بالف جنيه واشتريه وتبدا المكاسب بتاعك بعد اول 10 تدخلهم معاك وتاخد مرتب يوصل ةفي الشهر ل 20 الف او اكتر

"جاري ركب عربية منها وابن خالي كان وصل ل 12 الف في الشهر"

طب وبعدين؟؟

ولا قابلين كل الناس اللي اعرفهم في كل الشركات دي خسروا فلوسهم واللي اترفع عليهم قضايا والي كل فلوسهم راحت في بدل وجزم وتاجير عربيات علشان يوهم الناس اللي تحته بحاجات كتير








انا مش هاقولك غير حاجة واحدة وللناس كلها

تحري الصدق والامانه في رزقك وليس سرعة الكسب
لان سرعة الكسب ممكن توصلك للسرقة او النصب وةالاحتيال

وشكرا

[amribrahim]

حبيبي:e_braces[1]: تعالالي :

انا في الموضوع دا من حوالي 10 سنين
الموضوع مش نصب

الموضوع انك بتغرر باللي قدامك وهوا بيكون مغفل كفاية علشان يشترك


تعالي معايا نشوف موضوع القصة الذيذة دي في مصر معايا من 10 سنين كان شكلها عامل ازاي؟؟

1- شركة بزناس
كنت بتشتري حاجات منهم علشان بحوالي 600 جنيه "دورات اوفيس" وبتشتغل علي التسويق الهرمي
وتجيب ناس تحتك وكل العدد ما وصل لرقم كام بتاخد نسبة علي كل واحد بيدخل

2- برايم جولد
كنت بتدفع فلوس في حصة من سبيكة دهب ونفس الكلام الفاضي ولو عاوز تخلع بتدفع كام دولار في امركيا علشان يصضرفوا الدهب وبيعتولك حخصتك

3- شركة سندات استثمارية في ايطاليا
نفس الموال

4- النصباية الكبري "شينال الصينية"

كانت واخدة مقر في ثكنات المعادي
وكانوا بيبعوا جهاز يعالج السكر والضغط والارهاق والكبد ويصحح النظر ويشيل الروماتيزوم وقصص كبيرة
والجهاز بالف جنيه واشتريه وتبدا المكاسب بتاعك بعد اول 10 تدخلهم معاك وتاخد مرتب يوصل ةفي الشهر ل 20 الف او اكتر

"جاري ركب عربية منها وابن خالي كان وصل ل 12 الف في الشهر"

طب وبعدين؟؟

ولا قابلين كل الناس اللي اعرفهم في كل الشركات دي خسروا فلوسهم واللي اترفع عليهم قضايا والي كل فلوسهم راحت في بدل وجزم وتاجير عربيات علشان يوهم الناس اللي تحته بحاجات كتير








انا مش هاقولك غير حاجة واحدة وللناس كلها

تحري الصدق والامانه في رزقك وليس سرعة الكسب
لان سرعة الكسب ممكن توصلك للسرقة او النصب وةالاحتيال

وشكرا

برنس والله ههههههة

أصل لو الموضوع دة كان فعلاً مربح كانت مصر كلها دخلت فيه هو فيه حد يقول لأ للنعمة ههههههة

[nourinho]

سلام عليكم

تقريبا ديه من أول المرات اللي اكتب تعليق في المنتدي,واحد صاحبي بعتلي الموضوع ده و أنا بس عايز اعلق على كام حاجة :

1. أنا اتعرض عليَّ البيزنس ده من 4 شهور و 9 أيام والحمدلله بفضل من عند ربنا عملت مبلغ محترم جدا جدا من الفلوس, الموضوع مش سهل وعايز وقت ومجهود بس العائد من وراه يستاهل في نظري. فا معتقدش إنه نصب زي ماحضرتك بتقول :)
2. البيزنس ده مش pyramid scheme المحرمة تماما للاسباب الاتية
ا
*الشخص في المستوى الاول دائما يحصل على عمولة أكثر من الاشخاص في المستويات اللاحقة
وده مش نظام Qnet لانها ماشية ب Binary System زي مالشخص اتكلم مع حضرتك وده واخد فتوى من الازهر ومن السعودية
3.كل منتجات Qnet بدون أي استثناء ارخص من تم السوق, حضرتك ممكن تخش تشوف المنتجات واسعارها وتنزل تستفسر بنفسك لو حابب, ده بيثبت إن مفيش أي فرد دخل الشركة واشترى منتج وخسر لانه ببساطة مدفعش فلوسه في شئ أغلى من تمنه
4. للأسف الشديد فيه أشخاص كتير بيعرضوا الموضوع بشكل مش سليم وفيه ناس بتدي وعود غلط فا أنا شايف إن حضرتك على الاقل تسمع الموضوع كذا مرة من كذا شخص عشان تعرف تحكم عليه

أنا شايف إن الموضوع حلال ومربح جدا ومفيش فيه المخاطرة الرهيبة, أنا كده كده دفعت فلوس في منتج كسبان فيه وكمان سوقت المنتج ده لو اخت عمولة عليه والشركة كسبانة وأنا كسبان, نفس الكلام بينطبق على اللي بيدخلوا معاك وهكذا

في نهاية الكلام أتمنى تكون الصورة وضحت ويا ريت بلاش نتهم الناس بالنصب من غير علم كافي
شكرا

[yasserelsayad]

YouTube - ‫طظƒظ… ط§ظ„طھط¹ط§ظ…ظ„ ظ…ط¹ ظƒظˆط³طھ ظ†طھ‬‎

[factorialx]

مجرد نصب بس بشياكه واحد صحبي عرض عليا و خلاني أقابل واحد تاني
رحت و حسست إن الموضوع نصب و إن فلوسي بكسبها من الناس مش من الشركه

يا جماعه الموضوع ده كان هيخلي إقتصاد ألبانيا ينهار في التسعينات

و كفاية منتجاتهم العقيمه و الإسورة الممغنطه اللي بتخلي الأكل صحي و كلام فارغ ميصدقوش عيل عنده 9 سنين

الشاب اللي صاحبي حايبه يقنعني بكويست زفت
يقولك إيه البيو ديسك bio disk
النانو تكنولوجي بتكسر جزيئات الماء عشان الخلية تمتص ماء أكتر
قلتله الللي عملة الديسك المفروووض ياخد جايزة نوبل وووووش

يا جماعه إعملوا حاجه تفيد بلدكوا و الناس مش تستثمروا فلوسك في نصب زي ده
آه إنت هتكسب و إنت فوق الهرم بس القاعده و الناس اللي تحتك هما اللي هيخسروا
90% من اللي هيحطوا فلوسهم هيخسروا
و أولا و أخيرا إنت بتشتري فكره مش منتج لأن منتجاتهم أي كلام و لو إتباعت بره في السوق مش هتجيب 3 مليم

كويست نت نصب حرااام تدفع 100 جنيه مش 800 أو 2000 دولار

النصاب دايما بيلعب على طمعك و جشعك و عروض الإستثمار الآمن و الإستقلالية المالية و الكلام الكبير اللي شوية الشباب دي بتثبتنا بيه مجرد أوهام

و المشكله الكبيره إن أغلب المروجين لكويست دي هما أصحابنا و قرايبنا و اللي أغلبهم من غير قصد فاكرين إن ده صح

لو لو خمسه إشتركوا تحت كل واحد منهم خمسه و فضلت ماشية على كده البلد اصلا هتخلص مش هيتبقى ناس