جالي قط هديه

[zago]

الف شكر بس هو بيتجوز وهو عنده كام سنه ؟؟
علشان هو لسه مكونش نفسه ههههههههههههه

[heshamzaky]

بص يا باشا انا بري قطط من 3 سنيين
علي فكره لازم تخليه يحبك لانهم حساساين جدا
و هيجيليك ايم تحس انو فعلا طفل بيلعب معاك
بس اا مش بحب غير الشيرازي
و متاكلوش سمك فغير مره في الاسبوع و ياريت مشوي
انا باكله فرخ و روس فرخ مسلوقه بيحبوهم جدا
انا عندي القطه اسمها اوزي
و بقالها اسبوع عايزه تتجوز و عملالي فيها هند صبري هههههههه
جبتلها عاريس
و قله ادب بقي 24 ساعه
هههههههه
بس عندي الحمدلله القطه شعرها بيخليها مش باينه اصلا
هي شيرازي و شقيه جدا و الوناه ( ابيض مشمشي اسود و بني

ما شاء الله لو الالوان الى بتقول عليها دى زى القطة الى فى دماغى دى ممتازة و لو بيور ممكن تعمل 800 جنية يا باشا

[heshamzaky]

الف شكر بس هو بيتجوز وهو عنده كام سنه ؟؟
علشان هو لسه مكونش نفسه ههههههههههههه

لما يبقى سنة و نص كويس جدا تقريبا

[heshamzaky]

انت هتقللي علي صوته يا هشام باشا ده لما يكون عايز ياكل او يتجوز او عيان او عايز رمله نضيفة معرفش اي سبب صوته بحس ان راسي هتنفجر لما اكون بكلم واحد صاحبي بزعقلله يقللي في ايه يبني بتزعق ليه عشان عندي قطة ربنا يأجرنا علي تربيتهم وتعبنا

القط الرومى دة مزعج جدا جدا جدا بجد و لو ذكر بيتخانق صوتة غبى جدا جدا و على فكرة القط الرومى مش جبان ممكن يخربش جامد و بيعض هههههههههه بجد أول مرة اشوف قطط بتعض مش بتخربش من الرومى المهبب دة

[heshamzaky]

زاجو أنت مدلع القط ما تجيبلة مرتبة يانسن و لا هابيتات أحسن هههههههههههههههههه يا عمى سيبة يخشن شوية علشان ما يقرفكش و يكون سهل و ياكل و ينام فى اى مكان هو ممكن ينام على كرسى الانترية بس بلاش النوم على السرير لان نفس القط مش كويس ممكن يجيب حساسية و سمعت و الله اعلم أن لو سيدة حامل ممكن الحمل يسقط بسبب تربية القطط فى المنازل بس مش متاكد بص الافضل خلى نفسة بعيد عن وشك و نفسك دة افضل

[Memo_Lancer]

ما شاء الله لو الالوان الى بتقول عليها دى زى القطة الى فى دماغى دى ممتازة و لو بيور ممكن تعمل 800 جنية يا باشا

هي بيور الحمدلله
و شكلها جميله من الاخر انا بقولها دايما يا مزه
ههههههههه
يا عم كمان بتتجوز تقريبا من 10 شهور

[heshamzaky]

هي بيور الحمدلله
و شكلها جميله من الاخر انا بقولها دايما يا مزه
ههههههههه
يا عم كمان بتتجوز تقريبا من 10 شهور

حلو 10 شهور ممكن بس دة يعتبر اول بلوغ لمرحلة الجواز يفضل ما تجوزهاش أسأل الدكتور البيطرى كدة و شوف رأية حا تهلك صحة القطة بدرى بدرى ((( أسأل الدكتور البيطرى )))) أنا لما كان عندى كلاب كنت بخليها ما تتجوزشى من اول مرة و أفوت عليها فرصة اول مرة لانى كنت بحافظ على صحتها بعض الناس لو مش عارفة بيجوزها او الناس الى بتتاجر فى الحاجات دى طبعا بيجوزها لانة بيعامل الحيوان على أساس أنة مفرخة و تجيب فلوس و بس

[hossamhookman]

ما تسميهوش او متسميهاش
مشمش او مشمشة
عشان ده اسم مستفز

[Memo_Lancer]

انا مسميها اوزي

[Ahmed.TV]

بص بقا حجبلك الخلاصة ومن الاخر ده الكلام اللى تسمعه

بخصوص النظافة

تعود القط من على الاقل مرة كل اسبوعين على قص الظوافر ,ومتخفش مش صعبة ابدا , اضغط على صوابعه وحيبان الظوافر قصها
عشان بس يتعود من صغره

بخصوص الرمل حاول مش تعوده على رمل الاصفر وهات رمل طبى افضل , لان الرمل الاصفر اللى بتجيبه من الموان رمل مش نظيف ومرمى فى الشارع , والرمل الطبى بحوالى 30 جنيه الكيس وحيقعد عندك حوالى هرين على الاقل

بخصوص التسريح يفضل تسرحه مرتين فى الاسبوع على الاقل عشان خلايا الشعر تتجدد

بخصوص الاستحمام , بلاش تحممه فى الشتا , عشان البرد , وخصوصا لو كان سنه صغير , واكتفى بقطنة فيها خل ونظفه بيها

بخصوص التطيعم

يفضل تطعيمه حتى لو مش بتخرجه من البيت

بخصوص الاكل

اوعى تاكله لانشون ابدااااااااااااااااااااااااا عشان مرض التوكسوبلازما
وكمان لو حتاكله تونة اغسل التونة من الزيت بتعها كويس

نوع فى الاكل دايما , ولو عايز تعطيه سمك بلاش سمك مقلى والكلام ده , ومش تعطيله نوع ثابت , دايما نوع فى الاكل
مرة فراخ مرة لحمة , مرة رز مسلوق مع كبده , مرة خضار مشكل مع اى نوع من الطبيخ اللى انتوا طبخينه , وده اللى بعمله

بكون عامل حلة كبيرة من الخضار المشكل ,وبكون سلقه , واحطه فى الفريزر على اكياس وجبات , ووقت الغدا اطلع كيس وافكه واشوف اللى طبخينه واحطله منه على الخضار

الوجبات حوالى 4 وجبات فى اليوم

الصبح عوده على النستو عشان الكالسيوم , وممكن كل يومين زبادى وحبة لبن , المهم ميكنش عنده برد وتديله لبن وخصوصا وقت الاسهال , تقوم قاطع منتجات الالبان على طول , ده وقت الاسهال فقط

وبردوا البيض كويس ,اديله بيض

ولو عاوز تعطيله اللبن وهو مش عايزه بالحقنة من غير سرنجة طبعا

ودايما العب معاه بحبل او قلم ليزر واتفرج على الجنون اللى حيكون فيه

واهم حاجة بخصوص الدراى فود زى ما الناس بتحيلك عليه

اياك منه , لان القط اللى بيتعود عليه مش بياكل حاجة غيره وبيحبه زى الادمان بالظبط , وكتر الدراى فود غلط جدااا ,والدكتارة حذروا منه

ولكن جيب كيس عندك صغير من كات شو , وكل ما يعمل حاجة كل فترة وتكون مبسوط منه اعطهاله كامكافاة

او مثلا لو فى اكل عندك مش عاوز ياكله اطحن حبة حبوب من الدراى فود وحطله علي الاكل , حياكله

المهم القط اتعامل معاه زى الطفل بالظبط , وحتى الادوية لو عاوز تعطيله ادوية ادوية اطفال

ولو احتجت اى حاجة ابعتلى على الخاص , وانا تحت امرك

الكلام ده كله قولته عن خبرة فى تربية القطط من 2006 وتحت امرك فى اى استفسار

تحياتى

[zago]

مليوووووووووووووون شكر مش الف شكر بس
انا فعلا بلاعبه بخيط وشوفت الجنون خلاص ههههههههههههه

[osama.m]

قص الظوافر ,ومتخفش مش صعبة ابدا , اضغط على صوابعه وحيبان الظوافر قصها

بس خلي بالك و انت بتقص الظوافر عشان ميتعورش .. قصلة اول حته من الظوفر يعني بتاع 3-4 ميللي كدا عشان ميتعورش منك ... و ابقى اعملة حاجة يخربش فيها بدل ما يبوظلك الستاير و العفش بتاع البيت
على فكرة القطط بتحب السمك المسلوق جدا
و بلاش تكتر ي المعلبات زي ما قالوا عشان غلط علية
لو هتحمي القط خلي بالك عشان المية متدخلش جوا ودانه

[windofchange]

بس خلي بالك و انت بتقص الظوافر عشان ميتعورش .. قصلة اول حته من الظوفر يعني بتاع 3-4 ميللي كدا عشان ميتعورش منك ... و ابقى اعملة حاجة يخربش فيها بدل ما يبوظلك الستاير و العفش بتاع البيت
على فكرة القطط بتحب السمك المسلوق جدا
و بلاش تكتر ي المعلبات زي ما قالوا عشان غلط علية
لو هتحمي القط خلي بالك عشان المية متدخلش جوا ودانه

ممكن تقلب مشاية او سجادة علي ظهرها وتعلقا علي الحيطة ملفوفة كده حوالين نفسها وتخلي واحدة تانية مقلوبة علي ظهرها عالأرض وده عودة عليه من دلوقت طالما هو لسه صغير ففرصه مش هتتعوض تعوده ببسهوله بحيث ميتعبكش معاه........قص الظوافر اهم شيء ابعد عن المنطقة اللي لونها بمبي لأن دي لو قصتها هيتعور ويجيب دم قص من قبلها وبرده موضوع الرملة اللي ب30 جنيه تقعد شهرين ده كويس والله يااحمد باشا بس لو تحب توفر عوده علي بيبة الحمام وتشيل بجاروف بيباع عند الدكاترة ومحلات الحيوانات ب4 جنيه انا اشتريته والنبي صلي الله عليه وسلم قال"في كل كبد رطبة صدقة" في ميزان حسناتنا ان شاء الله

[AhMeD EzZ]

طيب بما ان الناس الخبرة هنا
انا القطة عندي سنها حوالي سنة و كانت في الاول بتاكل كل حاجة بس للاسف والدي عودها عالدراي فود و الويت فود بقت مش بتاكل اي حاجة غيرهم لدرجة مرة عاندت معاها قعدت يومين مكلتش حاجة
يا تري في امل تغير نظام اكلها
و هل في طريقة او مسكنة معينة و انا بقص اظافرها عشان بتبهدلني و انا بقصهملها

[windofchange]

طيب بما ان الناس الخبرة هنا
انا القطة عندي سنها حوالي سنة و كانت في الاول بتاكل كل حاجة بس للاسف والدي عودها عالدراي فود و الويت فود بقت مش بتاكل اي حاجة غيرهم لدرجة مرة عاندت معاها قعدت يومين مكلتش حاجة
يا تري في امل تغير نظام اكلها
و هل في طريقة او مسكنة معينة و انا بقص اظافرها عشان بتبهدلني و انا بقصهملها

حاول تخلي حد يساعدك وانت بتقصلها ضوافرها لحسن تعورها انا معرفش ابدا اقص لوحدي إلا لو علي خوانة كل يوم اقصله ضافر مينفعش فبخليهم يساعدوني يمسكو القط اكنهم شايلين عيل(شوف عالنت مثلا قص ظوافر القط هتلاقي صور) وانا امسك اول ايد اخلص وانزله لأنه بيكون زهق واتخنق مقلكش وبعد شويه اطلعه اقصلله ايده التانية (ملحوظة الدكتور البيطري قاللي عليها ايديه الاماميتين هما اللي يتقصوا لأنهم هم اللي بيبردهم ويخربش العفش لو مش مدرب الاقدام الخلفية لأ )........الدراي حطللها معاه اللي تحب انها تاكله بعد كده لغايه متعودها يعني حطللها نسايل الفراخ لو عايز تعودها وخلطها كويس مع الدراي عشان متاكلش الدراي وتسيب الباقي وهكذا الرز والخضار طولت عليك

برده الدكتور قاللي تجيب القصافة بتاعت الحيوانات (قطط كلاب عصافير) لأن العادية بتطلع الظفر ملتوي