جالي قط هديه

[zago]

شيتوس يشكركم هههههههه
بس عايز اعرف حاجه لو انا خليته ينام في البلكونه يجيله برد ولا حاجه ولا عادي؟؟ وحفرشله بطانيه طبعا
ينفع ولا لا ؟؟

[zago]

ما تسميهوش او متسميهاش
مشمش او مشمشة
عشان ده اسم مستفز

مش كل قط يتقاله يا مشمش
ههههههههههههههههه

[Memo_Lancer]

شيتوس يشكركم هههههههه
بس عايز اعرف حاجه لو انا خليته ينام في البلكونه يجيله برد ولا حاجه ولا عادي؟؟ وحفرشله بطانيه طبعا
ينفع ولا لا ؟؟

متايلي حرام يعني الا لو عملتله حاجه زي اوضه بتاع كلب توم و جيري كده و افرشها جوه
لان الجو رهيب برده
انا امله بيت علي السلم و كاوتش عربيع قديم في سجاده بينام جواها
و بينام في اي مكان

[heshamzaky]

شيتوس يشكركم هههههههه
بس عايز اعرف حاجه لو انا خليته ينام في البلكونه يجيله برد ولا حاجه ولا عادي؟؟ وحفرشله بطانيه طبعا
ينفع ولا لا ؟؟

لآ القط المنزلى مش بيستحمل الكلام دة خا يجيلة برد و ينام فى الصالة و على فكرة القطط بتتعود على المكان اكثر من الكلاب الكلب بيتعلق بصاجبة جدا أكثر من المكان القطط بتتعود على المكان بصورة اكبر

[zago]

هو عموما بينام عالسرير ماعدا بالليل بحطله بطانيه على كرسي الانتريه وبينام عليها
بس انا حطيط اكله والرمله بتاعته في البلكونه ولما يحب يطلع بيقف على باب البلكونه وينونو بروح فاتحهاله

[Dr.kordy90]

انا كنت حابب اقول حاجه بخصوص القطط انها بتبقي حامله لطفيل توكسوبلازما فاكشف عليه عشان تعرف لان الطفيل ده بياثر علي الانجاب بالنسبه للسيدات ويسبب تشوهات جنينيه وربنا يحفظنا ويحفظكم من كل شر

[micromoud]

ههههههههههه ياباشا انت مدلعه اوى .. انا اللى عنده بعامله معاملة ميرى وبسيبه الصبح يلعب فى الجنينه وسعات بيدخل يبات فى البيت بالليل عشان السقعه وبينام نوم غريب عامل زى القتيل لو اتهدت حيطة جمبه ما بيقومش مالنوم



Uploaded with ImageShack.us

[windofchange]

انا كنت حابب اقول حاجه بخصوص القطط انها بتبقي حامله لطفيل توكسوبلازما فاكشف عليه عشان تعرف لان الطفيل ده بياثر علي الانجاب بالنسبه للسيدات ويسبب تشوهات جنينيه وربنا يحفظنا ويحفظكم من كل شر

Toxoplasmosis
داء القطط


ميكروب اولي يصيب اغلب الحيوانات والانسان ايضا
يصيب العائله القططيه دون اعراض للمرض وتكون العائله الحيوانيه الوحيده القادره على تكاثر المرض بداخل امعاءها وانتشاره
تشفى القطط تلقائيا خلال ثلاثة اسابيع من تعرضها للمرض وتكتسب مناعة مدى الحياة ضد المرض فلن يصيبها بعد ذلك
عند اصابته لأي حيوان اخر او الانسان فان الميكروب يتركز في انسجة الحيوان مثل العضلات والمخ والخلايا العصبيه
وبالتالي لا فرصه لنقل المرض منها الا بتناول انسجة هذه الحيوانات غير مطهيه


طريقة العدوى منه:
ينتقل المرض عن طريق تناول الاطعمه الملوثه بالميكروب الموجود في فضلات القطط المصابه
وينتقل بشكل اوسع عن طريق تناول اللحوم ومنتجات الألبان الغير ناضجه او نصف سواء
ايضا تنقله ادوات المطبخ المستخدمه في تقطيع اللحوم ان لم يتم غسلها جيدا بالصابون قبل استعمالها في تقطيع الخضروات والخبز وغيره

علاجه في القطط:
لا يوجد علاج مؤكد للقطط حيث تشفى القطط تلقائيا من المرض وتكتسب منه مناعه دائمه مدى الحياه
كما انه لا يظهر اي اعراض للمرض سوى في بعض الحالات بعض الاسهال البسيط

القطط بريئه:
أظهرت الكثير من الدراسات ان المرض يصيب نسبة كبيره من الأشخاص الذين لم يخالطوا قططا في حياتهم
وانما تعرضوا للعدوى عن طريق صورة اخري من الميكروب لا تنتقل هذه الصوره من القطط
فالقطط تنقل صورة الخليه البويضيه
Oocyst
هذه الصوره نشبهها ببيض الميكروب وهي معديه جدا للانسان ولكل الحيوانات حتى القطط
ولكن النسبة العالبه ان المصابين تعرضوا لصورة اخري وهي
Tackyzoite
و
Bradyzoite
وهذه صوره تتواجد في لحوم الحيوانات المصابه مثل الماعز والماشيه واللاغنام
وتتواجد في البانها
لذا فاتهام القطه برئه العلم الحديث من المسؤوليه عن المرض الذي تنقله لنا كل الكائنات ولكنه في القطط يتكاثر فقط ولفتره محدوده وتشفى بعدها


خطورته على الانسان:
تعرض الانسان للمرض سواء من اللحوم او من القطط يؤدي الى الأتى:-
1- ان تمت الاصابه لأنثي في اول 3 أسابيع من الحمل
فان المرض يسبب حالة من الاجهاض المبكر ولا تظهر اي مشاكل اخرى
وطبعا لا يتم اكتشاف الاجهاض نظرا لعدم اكتشاف الحمل في هذا الوقت المبكر
وبالتالي يتم الاعتقاد بأن الحاله مصابه بالعقم خطأ 2- ان تعرضت الام للعدوى في اخر اشهر للحمل قد يسبب المرض مشاكل بالجنين وتشوهات دائمه
3- تعرض الرجال والسيدات في غير فترات الحمل غالبا لا مشاكل صحيه له
وفي بعض الحالات قد يسبب مشكله مرتبطه بمكان الميكروب
فان كان متركز في العضلات فالاعراض بعض الالم وارتفاع في درجة الحراره وتورم في العقد الليمفاويه في الجسم كله
وان تركز في المخ او العصب البصري فانه يسبب فقد البصر
وهذه حالة نادرة الحدوث

الوقايه من المرض:
عدم تناول الأطعمه الغير كاملة الطهي
غسيل الأيدي جيدا وادوات المطبخ بعد التعامل مع اللحوم النيه
تغيير رمال الفضلات مره يوميا على الأقل لمنع انتشار العدوى
اجراء فحص دوري كل عام على الأقل بعمل تحليل
Toxoplasma IgM

[meero_boy2000]

اول ميطلع علمكتب بل ايدك مية ورشها عليه مش هيطلع تاني

اولا الف مبروك ثانيا اوعي ترش عليه مياه اكيد صاحب التعليق بيهرج طبعا لانك لو رشيت عليه مياه هيفضل علي طول خايف منك زي بالظبط لو ضربته هيفضل خايف منك ومش هييجي جنبك هو بيطلع ع المكتب عشان يلعب معاك او حاسس ان ده أامن مكان في الشقه لحد دلوقتي فبينام عليه لحد ماياخد علي باقي المكان وعلي فكره بيشرب لبن عادي + الرمل بيتباع في السوبر ماركت مش شرط تغييره كل يوم بس ممكن لما تلاقيه اتبل خالص او الريحه مش كويسه او هو مش عايز يعمل فيه تغيره فممكن نقول كل يومين مثلا طالما قط واحد اما بالنسبه للاكل فعندك جميع انواع السمك ويفضل الماكريل لرائحته القويه ويكون مسلوق وممكن تأكله علب جاهزه من السوبر ماركت زي ( سنابي توم+فرسكس.+ سيمبا....) سنابي توم ب 8.75 والفرسكس 12.50 وسيمبا ب 10 جنيه ودي اغلب الانواع المفضله للقطط ولكن نصيحه مني القط لو عمره صغير فألاكل اللي هتأكلهوله دلوقتي هيتعود عليه مدي الحياه يعني مثلا انا عندي قطه اتعودت تأكل كبده مسلوقه وسمك وقطه بتاكل فول وارز وقط بيأكل سمك وعلب جاهزه فقط فهو حسب ماتربيه وحاول دايما تلاعبه بكره صغيره او اي شئ عشان ميطلعش بالبلدي بروطه ولو احتجت اي حاجه انا عيني ليك اخوك خبره من 10 سنين

[ياسر مصطفي]

أنا مليش في القطط أنا بحب الكلاب موت و بعدين القطة غدارة مش وافية زي الكلب كدة و لما تقول للكلب bad boy أو أي كلمة بيسمع الكلام لكن القطط أعوذ بالله شياطين

+1 . ههههههههه كلام زي الفل وحاجة تانيه اوعي تفتكر ان القطط وافيه اوي وتحب الاشخاص القطط بترتبط اكتر بالمكان يعني لو جيت تمشيها مثلا وقفشت متقلش دي حبتنا وكدة لا هي ارتبط بالمكان عكس الكلاب يعيني على الكلاب هههه وافيه بجد وبترتبط بالشخص نفسه مش بالمكان . وده ميمنعش ان القطط رقيقه وليها ميزة بجد انها بتمتص الاكتئاب من الاشخاص لو ضمتها ليك ومحدش يشتم هههههه دي معلومة بجد حقيقية . وممكن تسميه (سكــيبر)

[windofchange]

القطط مش غدارة لا القطط لها شخصية مستقلة مش زي الكلب تابع لصاحبه ومايرضي صاحبه وكده فاحنا بنقول غدارة لان تخيل لو جوعت واحد وقعدت تاكل قدامه هيقوم يخطف الاكل من الطبق كذلك القطط انت عايزه يموت من الجوع الحقيقة ان الغدار هو الانسان