تعبت بجد ومش عارف اعمل اية

[medo_sirion]

السلام عليكم

اخوتى فى الله كل عام وانتم بخير
كنت محتاج منكم نصيحة او ماشورة بسبب مشكلة تواجهنى وهية بالنسبالى مش مشكلة عدية لا دية طلعت كبيرة وعواقبها وحشة جدا فبجد متبخلوش عنى بالنصيحة

والمشكلة هية السرعة ايوة السرعة كل مبقول هبطل اجرى على الطرق دية تانى فمش عارف بيحصلى اية ولا اكن كنت بقول حاجة
انا بحب السواقة السريعة بس مش متهور يعنى مش بجرى وانا وحظى
بس للاسف مافيش طريق نظيف ولا مكان الواحد يقدر يجرى او يسوق سواقة رياضية
والمصيبة ان الناس ماشية مش عارفة بتعمل اية اللى بيمشى لمين واللى ماشى شمال واللى ماشى على 20 ك
بجد حرررررررررررام اوى كدة

انا عايز بس اعرف اعمل اية وتنصحونى باية علشان مبشيش بسرعة وابطل السواقة الرياضية
انا عارف موضوع مش مهم ولا هوة مفيد
بس بجد انا تعبت ونفسى ابطل

[زينة الله]

اقرأ الحواث كل يوم و أنت تعرف السرعة الجنونية بتعمل إية فى فى صاحبها و فى خلق الله و أنت و ضميرك بقى


محكمة : حبس"طالب الدائري" 4 سنوات بتهمة قتل 12 واصابة آخرين

الجيزة:- قررت محكمة جنح الوراق حبس طالب الجامعة الامريكية المعروف بـ" طالب الدائرى" 4 سنوات مع الشغل والنفاذ بتهمة مقتل 12 شخصًا واصابة 5 آخرين على الطريق الدائري بعد اصطدامه بالضحايا عن طريق الخطأ نتيجة السرعة الجنونية التى قاد بها سيارته.
تم إحاله الدعاوى المدنية للمحاكم المدنية المختصة.
وترجع القضية إلى شهر أكتوبر الاول 2010، عندما اصطدم الطالب المتهم بسيارته بالمجني عليهم أثناء وقوقفهم أعلى الطريق الدائري، وأسفر الحادث عن مصرع 12 شخصًا وإصابة 5 أخرين، وتمت إحالته إلى محاكمة جنائية عاجلة.

واستمرت وقائع محاكمته أكثر من 6 جلسات، شهدت خلالها تصالح المتهم مع 16 أسرة من المجني عليهم، ودفع مبالغ مالية علي سبيل التعويض لهم عدا أسرة واحدة، بحسب بوابة الاهرام السبت.

وكانت الحادثة جرت فصولها في شارع المطار (وهو من اهم شوارع القاهرة) في ساعة مبكرة من صباح الجمعة 30/9/2005، حيث كان الشيخ القطري يقود سيارة من نوع فورد بشكل غير قانوني، وتسبب بسرعته الزائدة بمقتل 5 مصريين واصابة 14 آخرين بجروح قبل أن يفر عن طريق مطار القاهرة بطائرة خاصة.

[MISS_MONA]

لازم تعود نفسك تقلل السرعة لحد لما تلاقى نفسك كدة الطبيعى بتاعك
اصل دة زى الادمان لازم شوية بشوية لحد لما تتعود وربنا يعينك

[nonetta]

المشكلة كمان انك ممكن تقتل نفسك او تصاب مدى الحياة
طيب ليه السرعة
فكر كدة ..بتستفيد ايه لما بتسوق بسرعة
فكر كمان انك ممكن تسبب أذي لنفسك وللي حواليك
كل واحد بيسوق بسرعة بيفتكر انه احسن سواق في العالم
وهي بس لحظة
فرق بين الموت والحياة
وافتكر ان بطل العالم في سباق السيارات مات في حادثة سيارة عادية مش في سباق كمان
اعتقد ان دة انتحار
وربنا عز وجل قال في كتابه " ولا تلقوا بأيديكم الى التهلكة "
انت كدة بتغامر بعمرك وبعمر غيرك
اكيد وانت سايق بتسمع موسيقى صاخبة
لو سمعت ايات الذكر الحكيم وانت سايق
يمكن الموضوع يختلف
ويديك هدوء نفسي
وربنا يستر طريقك ويحفظك ويهديك الى سبيل الرشاد

[medo_sirion]

اقرأ الحواث كل يوم و أنت تعرف السرعة الجنونية بتعمل إية فى فى صاحبها و فى خلق الله و أنت و ضميرك بقى


محكمة : حبس"طالب الدائري" 4 سنوات بتهمة قتل 12 واصابة آخرين

الجيزة:- قررت محكمة جنح الوراق حبس طالب الجامعة الامريكية المعروف بـ" طالب الدائرى" 4 سنوات مع الشغل والنفاذ بتهمة مقتل 12 شخصًا واصابة 5 آخرين على الطريق الدائري بعد اصطدامه بالضحايا عن طريق الخطأ نتيجة السرعة الجنونية التى قاد بها سيارته.
تم إحاله الدعاوى المدنية للمحاكم المدنية المختصة.
وترجع القضية إلى شهر أكتوبر الاول 2010، عندما اصطدم الطالب المتهم بسيارته بالمجني عليهم أثناء وقوقفهم أعلى الطريق الدائري، وأسفر الحادث عن مصرع 12 شخصًا وإصابة 5 أخرين، وتمت إحالته إلى محاكمة جنائية عاجلة.

واستمرت وقائع محاكمته أكثر من 6 جلسات، شهدت خلالها تصالح المتهم مع 16 أسرة من المجني عليهم، ودفع مبالغ مالية علي سبيل التعويض لهم عدا أسرة واحدة، بحسب بوابة الاهرام السبت.

الشر برة وبعيد
بجد حرام اللى قريتة دة

لا انا مش بتاع جرى واجرى وانا وحظى وكدة
بس للاسف اخطاء الاخرين بتخليكى تخلطى وربنا يبعد الشر بعيد
ومن اخطار الحوادث

لازم تعود نفسك تقلل السرعة لحد لما تلاقى نفسك كدة الطبيعى بتاعك
اصل دة زى الادمان لازم شوية بشوية لحد لما تتعود وربنا يعينك

المشكلة مش تعود
المشكلة مبدى وانت نازل تركب العربية

المشكلة كمان انه ممكن يقتل نفسه او يصاب بعجز مدى الحياة
طيب ليه بس السرعة
بتستفيد ايه لما بتسوق بسرعة و تسبب أذي لنفسك وللي حواليك
كل واحد بيسوق بسرعة بيفتكر انه احسن سواق في العالم
وافتكر ان بطل العالم في سباق السيارات مات في حادثة عربية عادية مش في سباق كمان
اعتقد ان دة انتحار
وربنا عز وجل قال في كتابه " ولا تلقوا بأيديكم الى التهلكة "
لان انت كدة بتغامر بعمرك وبعمر غيرك
اكيد وانت سايق بتسمع موسيقى صاخبة
لو سمعت ايات الذكر الحكيم وانت سايق
يمكن الموضوع يختلف
ويديك هدوء نفسي
وربنا يستر طريقك ويحفظك ويهديك الى سبيل الرشاد

والله صح بجد عندك حق
انا لما بسمع قران بمشى حلو اوى اوى كمان وهادى

ولما بسمع اغانى مش عارف اية اللى بيحصل
اكنى بسابق مع الاغنية
يارب الهدايا من عندك

[زينة الله]

حتىلو أنت سواق شاطر خلى بالك مع السرعة الزايدة ماتقدرش تتفادى خطأ الغير

واحد داخل من تفريعة أو عيل بيجرى فجأة قدام العربية

أو لو حصل حاجة غلط فى العربية ... عجلة فرقعت .. فرامل راحت .. وهكذا .. لا قدر الله

لأزم تخلى الحاجات دى فى بالك عشان تفكر ألف مرة قبل ما تتسرع

[nonetta]

والله صح بجد عندك حق
انا لما بسمع قران بمشى حلو اوى اوى كمان وهادى

ولما بسمع اغانى مش عارف اية اللى بيحصل
اكنى بسابق مع الاغنية
يارب الهدايا من عندك

الشيطان فعلا هوة اللي بيدفعك لكدة
بص
لما تكون سايق في الزحام في وسط المدينة اسمع يا سيدي الاغاني اللي انت عاوزها
مع ان الواحد بيتمنى انه يقلع عن سماعها نهائيا
ولما تسوق في طريق مفتوح بيساعد على الجري
اسمع قرآن او اي شيخ من الشيوخ اللي تفضل سماعها زي الشعراوي او محمد حسان
وطالما انت حاسس ان دي مشكلة يبقى علاجك لنفسك هيبقى اسهل بكتير

[Eng.Geo]

هقولك علي حاجة بسيطة قوييييييي
انا وصحابي بشهادة ناس كتير الحمد لله ... بنسوق بمهارة
بنجري
غرز .... لو قعدنا نحسبها ما هتطلع زي ما ساعتها بنظبطها
مفيش حاجة أسمها غلطة تحصل
في غرز بناخدها علي 180
بنبقي ممكن بال8 عربيات مع بعض وفي طريق سفر
واحد ممنا بيفتح غرزة ويعدي التانيين قدامه
الغلطة بخسارة كبيرة جدااااااا
مفيش حد فكر انه ممكن يغلط ... زي ما تقول من كتره أتعودنا
حاجات محفوظة والحمد لله فاهمين بعض
بس الحقيقة وقفت الموضوع ده
بس للأسف غصب عني
كلنا وقفناه
ليه ؟
أقرا الموضوع في توقيعي
عايز أقولك اني خلاص كرهت كل حاجة من بعد ده
كرهت كلللللللل حاجة
الحمد لله كل واحد عارف قدراته كويس
بس أحنا بشر .. هنغلط هنغلط
بس غلطة عن غلطة تفرق
غلطتنا كانت للأسف أوحش وأكتر حاجة كنت أتخيلها
خسرت كتييييييير
معملتش حاجة بالجري ولا الغرز
اللي حصل معايا أثاره لسة عليا وعلي ناس كتير مش هتروح
ربنا يستر طريقك
خد بالك

[medo_sirion]

حتىلو أنت سواق شاطر خلى بالك مع السرعة الزايدة ماتقدرش تتفادى خطأ الغير

واحد داخل من تفريعة أو عيل بيجرى فجأة قدام العربية

أو لو حصل حاجة غلط فى العربية ... عجلة فرقعت .. فرامل راحت .. وهكذا .. لا قدر الله

لأزم تخلى الحاجات دى فى بالك عشان تفكر ألف مرة قبل ما تتسرع

عندك حق والله
سعتها مش هتيجى تقول هوة اللى غلطان

[nonetta]

هقولك علي حاجة بسيطة قوييييييي
انا وصحابي بشهادة ناس كتير الحمد لله ... بنسوق بمهارة
بنجري
غرز .... لو قعدنا نحسبها ما هتطلع زي ما ساعتها بنظبطها
مفيش حاجة أسمها غلطة تحصل
في غرز بناخدها علي 180
بنبقي ممكن بال8 عربيات مع بعض وفي طريق سفر
واحد ممنا بيفتح غرزة ويعدي التانيين قدامه
الغلطة بخسارة كبيرة جدااااااا
مفيش حد فكر انه ممكن يغلط ... زي ما تقول من كتره أتعودنا
حاجات محفوظة والحمد لله فاهمين بعض
بس الحقيقة وقفت الموضوع ده
بس للأسف غصب عني
كلنا وقفناه
ليه ؟
أقرا الموضوع في توقيعي
عايز أقولك اني خلاص كرهت كل حاجة من بعد ده
كرهت كلللللللل حاجة
الحمد لله كل واحد عارف قدراته كويس
بس أحنا بشر .. هنغلط هنغلط
بس غلطة عن غلطة تفرق
غلطتنا كانت للأسف أوحش وأكتر حاجة كنت أتخيلها
خسرت كتييييييير
معملتش حاجة بالجري ولا الغرز
اللي حصل معايا أثاره لسة عليا وعلي ناس كتير مش هتروح
ربنا يستر طريقك
خد بالك

المفروض يا باشمهندس بعد كلامك دة ما يبقاش في كلام تاني
الله يرحمه ويستر طريقك وطريقنا جميعا

[medo_sirion]

الشيطان فعلا هوة اللي بيدفعك لكدة

بص
لما تكون سايق في الزحام في وسط المدينة اسمع يا سيدي الاغاني اللي انت عاوزها
مع ان الواحد بيتمنى انه يقلع عن سماعها نهائيا
ولما تسوق في طريق مفتوح بيساعد على الجري
اسمع قرآن او اي شيخ من الشيوخ اللي تفضل سماعها زي الشعراوي او محمد حسان

وطالما انت حاسس ان دي مشكلة يبقى علاجك لنفسك هيبقى اسهل بكتير

كلامك سليم مية فى المية والمشكلة انى بنفذة كمان
بس مش عارف لية الامور بترجع تانى واكن متعلمتش حاجة
ربنا يهدينا جميعا

المفروض يا باشمهندس بعد كلامك دة ما يبقاش في كلام تاني
الله يرحمه ويستر طريقك وطريقنا جميعا

انا لسة مقرتش الموضوع
ممكن الينك علشان مش ظاهر عندى

[nonetta]

http://www.nilemotors.net/Nile/166517-a.html

اهه اللينك بتاعه
بس مش عاوزين نقلب عليه المواجع

[medo_sirion]

ان شاءالله منقلبش المواجع
والحمدالله على كل شى

يااااااااااااااااااااااااااااه الواحد مش هيقول بجد الحمد الله وربنا يسترها معانا كلنا
سبحان الله بتكون لحظة وكل حاجة راحت
بجد لازم الواحد يتعلم من اخطاة ولازم يحس بالنعمة اللى هوة فيها

[م. حاتم السباعي]

اخي الكريم
بداية الكلام ان موضوعك من اهم المواضيع ازاي بتقول انه يمكن مش مهم و انا لا اجري عموما لا قبل الحادثة و لا بعدها
طبعا الكلام واضح
فأنا و الحمد لله كنت اعمل في هيئة حكومية و كان معي سائق من هذا النوع بتاع (( يا هندسة طول مانا حافظ الطريق ماتخفش ابدا انما المشكلة عندي في الطريق الجديد عليا و اول ما ادوسه اوعي و شك ))
المهم قدر الله ان نذهب لعملية في دمياط و هذا السائق من سكان هذا الطريق اصلا و حدث قضاء الله و لبسنا في مقطورة و انا نمت علي ظهري عام كامل و خرجت و الحمد لله بمسمار نخاعي في الرجل طوله 40 سم عافاك الله و هو ربنا يكرمه و يخفف عنه خرج منها بكسر في الحوض و تشوهات في الوجه من الزجاج الامامي و شوية شروخ في الذراع و الرجل
و لما تيجي تسأل ليه الحادث وقع لا تعلم هل هو المخطئ اشهد انه لم يكن مخطئ (( الا انه المخطئ لانه كان بيجري )) و يتحمل كل شئ مع المخطئ
ربنا يكرمك و يجب ان تكون فطن و تستمع لنا و تعتبر ان تجاربنا التي اثرت علينا و مر بها الاعضاء تكفيك للنصح و مش لازم تجرب النومة بعد الشر عنك علشان تؤمن بالذي نقوله لك

م.حاتم السباعي

[nonetta]

يااااااااااااااااااااااااااااه الواحد مش هيقول بجد الحمد الله وربنا يسترها معانا كلنا
سبحان الله بتكون لحظة وكل حاجة راحت
بجد لازم الواحد يتعلم من اخطاة ولازم يحس بالنعمة اللى هوة فيها

ربنا يسترها معاك يا ميدو
بجد خلي بالك من نفسك
وربنا يهدينا جميعا يا رب