بدون تجريح و بموضوعية شديدة

[m_elkhishin]

اعذرونى فى رأيى الصريح زيادة عن اللزوم بس احنا خلاص فتحنا كل الأبواب المغلقة:
من وجهة نظرى سبب الاحتقان الرئيسى بين المسلمين والمسيحيين هو عدم اعتراف المسيحيين بالرسول محمد عليه الصلاة والسلام واعتبار المسلمين ليسوا أتباع نبى ومحتلين للأرض المصرية وكبارهم بيتصرفوا على الأساس ده فى التخطيط لحاضر ومستقبل مصر

تصدق يا دكتور أحمد انك راجل زي العسل. هو يعني ايه أشهد ألا اله الا الله وأن محمدا رسول الله ؟؟

[Dr Ahmed]

ا

إحنا مختلفين في العقيدة

مفيهاش جدال ،،، و مفهاش اكتشاف و مفهاش مفاوضات

و كل واحد حر في عقيدته و ربنا يحكم ما بين الجميع

إحنا هنا بنتكلم عن صيغة للتعايش بين المختلفين في العقيدة

الوصف مش اختلاف فى العقيدة
دا نقيض ونقيض
كل عقيدة بتنقض وتهدم الأخرى
والشعب المصرى متدين بطبعه
فسيستمر الرفض ما بقيت العقيدة مع الإختلاف فى طريقة تشريع كل دين للتعامل مع الآخر

[Egyzizo]

يعني لو بلدي امرتني اخالف ديني هاسمع كلامها ؟؟؟؟؟ سواء انا مسلم او مسيحي !!!

مستحيل طبعا ..... مش مقتنع ابدا ان فيه اي مؤمن باي دين انتماؤه هيكون لبلده ثم لدينه ابدا

أنا فاهم قصدك ومتفق معاك ..
حضرتك ممكن تفهمها على ان دى حاجة ودى حاجة وان الانتماء للبلد هو الانتماء العام والظاهر فى مجتمع متعدد الأديان كغالبية المجتمعات. أما الانتماء للدين فده شئ شخصى على الأقل فى المسيحية.

[Dr Ahmed]

هو يعني ايه أشهد ألا اله الا الله وأن محمدا رسول الله ؟؟

يعنى انك مسلم

[otefa]

أستاذ Egyzizo قولنا نقط 1-2-3 الأضطهاد محسوس في أي من مجالات الحياة علشان نوصل لنقاش معقول لأن دينيا كلنا عارفين أننا مختلفين تماما
نتكلم في الخطوط العريضة الرغبة في المعيشة بهدؤ وسلام أجتماعي لجميع مواطني البلد

[Egyzizo]

أولا أنا أتمنى إن المناقشات فى الجزئية دى تستمر هادئة لإن أبواب النقاش عمرها ما كانت مفتوحة لهذا الحد

وجود الاختلافات العقائدية الجوهرية دى فى رفض كل طرف للأخر ستجعل الاحتقان موجود دائما وستجعل قبول كل طرف للآخر قبول ظاهرى اضطرارى دافعه إما دينى عند المسلمين بالإلزام بحماية أهل الذمة وحسن معاملتهم والإحسان إليهم أو بدافع المصلحة الوطنية الحالية عن المسيحيين

وأنا أيضاً أتمنى ان تستمر هادئة ..
بالنسبة لدوافع قبول الطرف الآخر عند المسيحيين فهى تختلف عن كونها مصلحة وطنية وإنما هى دوافع دينية بالأساس تنبع من تعاليم الإنجيل الذى يؤمنون به.

بس أنا عايز اسأل حضرتك، طالما الدافع عن المسلمين هو ان الدين يأمر بحسن المعاملة والإحسان والحماية .. فما معنى ان الدافع يكون (ظاهرى اضطرارى)؟؟ ما هو أوامر الدين صريحة ومافيش أحسن من كده وما بتقولش ظاهرى ولا حاجة ، واللا حضرتك تقصد أن الدين يأمر بحسن المعاملة والإحسان مع الحفاظ على بغضة وكراهية داخلية؟

[acceleration]

الخلاصة

فيه مسلمين كويسين و فيه مسيحيين كويسين ...... و فيه مسلمين عايزين الحرق و فيه مسيحيين عايزين الحرق ...... و فيه رجال دين مسلمين كويسين و فيه رجال دين مسيحيين كويسين ..... و فيه رجال دين مسلمين عايزين الحرق و فيه رجال دين مسيحيين عايزين الحرق .....


و للاسف ..... انا مش عارف ليه ..... الاسفين المرة دي اتدق صح و الناس - من الطرفين - بقت بتعمم تعميمات مالهاش تلاتين لازمة ..... :(

فعلا دى الخلاصة وعلى فكرة معظم المسيحيين اللى بيشغلوا دماغهم فاهمين كدا كويس جدا جدا بس للأسف الشديد مش كلهم :(

ومتخافش حضرتك على فكرة .... لا اسفين اتدق صح ولا حاجة انا مسيحى واشايف ان ايجابيات اللى حصل ده اكتر من سلبياته وده عن تجربة شخصية

بس بلاش عايزين الحرق احسن انا قلتها فى موضوع مشابه ونفس السياق وناس زعلت ههههههههه

[m_elkhishin]

يعنى انك مسلم

طب عاوزهم ازاي بقى يشهدوا ان محمد رسول من الله

[Egyzizo]

أستاذ egyzizo قولنا نقط 1-2-3 الأضطهاد محسوس في أي من مجالات الحياة علشان نوصل لنقاش معقول لأن دينيا كلنا عارفين أننا مختلفين تماما
نتكلم في الخطوط العريضة الرغبة في المعيشة بهدؤ وسلام أجتماعي لجميع مواطني البلد

هو الحقيقة كلمة اضطهاد دى كلمة كبيرة وتحتمل احتمالات سيئة مش موجودة زى التطهير العرقى وماشابه .. فبلاش نستخدم الكلمة دى ..

ولى عودة غداً ان شاء الله بالنسبة لتساؤلك
تصبحوا على خير

[dr-mohamed]

من الناحية المسيحية ، فده مش مبرر ان يكون فيه احتقان
ليه يكون ده مبرر للاحتقان من الناحية الإسلامية ؟؟
هل هناك فى جوهر الدين الإسلامى ما يمنع من التعايش السلمى والبر والتعاطف مع حالة عقيدية كحالة أقباط مصر؟

وبالنسبة لنقطة (واعتبار المسلمين محتلين للأرض المصرية وكبارهم بيتصرفوا على الأساس ده فى التخطيط لحاضر ومستقبل مصر) .. فالكلام ده صدقنى مش مظبوط خالص ونقطة ان كبارهم بيخططوا على الأساس ده ، فده ادعاء من المتطرفين اللى عايزين يشعللوها لأنى عارف كبارهم وعارف بيتكلموا ازاى وبيفكروا ازاى وضميرى شاهد قدام ربنا ان مافيش حاجة من الكلام ده خالص.

طبعاً احنا كلامنا مش داخل فيه خالص مهووسى البالتوك من بعض أقباط المهجر اللى كلامهم أحيانا بيضحك من الهبل اللى بيقولوه.

من الناحية الاسلامية لا يوجد ما يمنع اطلاقا من حياة غير المسلمين في الدول الاسلامية وقد امر الاسلام بحسن معاملة غير المسلمين والاخوة افاضوا في حسن معاملة الاسلام لاهل الذمة وفي ازهي عصور الدولة الاسلامية تمتع غير المسلمين من مسيحيين ويهود بما لم يتمتعوا به في نفس الوقت في اوربا من حرية علم وعقيدة وكان منهم العلماء والمفكرين

بالنسبة لنقطة اعتبار المسلمين محتلين للارض المصرية وتصرف كبارهم على هذا الاساس
فهذا ما لم نكن نفكر فيه ولم نصدق ان احد من المسيحيين المصريين يفكر فيه حتي قيلت صريحة من الرجل الثاني في الكنيسة الارثوذكسية المصرية وحتي بعد ان ثارت الضجة على مقولته لم يخرج لينفي بشكل صريح لا هو ولا راس الكنيسة الارثوذكسية بل حدث لف ودوران ولم تقل كلمة صريحة واضحة فحفرت جرح عميق في قلب كل متماسك بالاخوة في الوطن

وبردو ده كله بعيد عن مهاويس البالتوك والمتنصرين الجدد مثل نجلاء الامام والهبل اللى بيقولوه

[evram]

أحييك على المقال

و
يعني انا مثلا في خامسة ابتدائي كنت في مدرسة كاثوليكية

القسيس كان بيجبر الطلبة المسلمين انهم يقولوا له يا أبونا

مرة "غلطت" و قلت له "يا أستاذ"

سفخني قلم عنيف على وشي كان هيطير عينيا او يفقدني السمع




3التعليم الراهبان و الراهبات في مصر صعب ايو ايو اوي لازم انضباط و عايز اقولك حاجه انا كنت في مدرسه القديس ميخائيل كانو في مدرسه كان بيتعامل بصعوبه هما تعليمهم كده احنا في مصر مش بنحبه لا مسلم ولا مسيحي

:(

انا معاكم ان في مسيحين ملهوش لازمه و عار علي المسيحيه و زيهم مسلمين المسلمين الكويسين موجودين و كتير و المسحين شرحو و في المسال الكويس و المسال الوحش و الموضوع ده عجبني لانوة هادي و يتناقش براحه

[Dr Ahmed]

طب عاوزهم ازاي بقى يشهدوا ان محمد رسول من الله

:e_braces[1]:

أنا نفسى الناس كلها تشهد
بس أنا مقلتش قبل كده إنى عايزهم يشهدوا جبت الكلام ده منين؟

[wassim_nasser]

باشمهندس حاتم جزيل الشكر لاهتمامك بفتح موضوع شائك زي الاحتقان الطائفى ده ومناقشته بهدوء .. والحكاية مش احتقان أد ما هى شبيهة بمرض اسمه متتابعة الحكاك - الهرش .. يعنى ايه؟ .. يعنى حصلت مشكلة بين واحد مسلم و واحد مسيحى كلمة من هنا كلمة من هنا والكلام بيجيب كلام والعنف بيجيب عنف تمام زي واحد رجله واكلاه دعكها عشان الاحساس ده يروح راحت واكلاه اكتر ابتدا يهرش بعنف حصل التهاب أدى لمزيد من الهرش (اعتذر للتشبيه بس ال جه ف دماغى ساعتها) .. طيب ليه بيحصل كل ده وليه الناس تشيل فى نفسها لحد ماتفرقع ؟ .. انا هقولكم .. زي ماحنا متفقين ان فى أي دين فيه الكويس وفيه الوحش ومش معنى ان حد من المتعصبين (تبع أي دين) ارتكب خطأ فى حق الاخر يبقا اتباع الدين ده متعصبين بس فى نفس الوقت اللي غلط لازم يتحاسب بوضوح وبسرعه لإمتصاص غضب الناس .. الدولة بأه مش بتعمل كده .. ومثال علي كده موضوع نجع حمادي بتاع الراجل البلطجى اللي سحب مدفع رشاش وراح قتل ناس قدام الكنيسة .. دي طبعا حادثه فردية من واحد متعصب كان مفروض يتعاقب من زمان (قتل مسيحين و 2 عساكر مسلمين) لكن للاسف بقاله سنة ماخدش حكم واسمع انهم قرروا يخفضوا تهمته لقتل خطأ ! .. طبعا جه بعدها السنة دي موضوع الاسكندرية واحنا لسة مانسيناش موضوع نجع حمادي ومع ان موضوع الاسكندرية مخطط ارهابي واضح الا ان الناس خلطت الورق ببعضه وقالوا ده فيه اضطهاد نتيجة لعدم ثقتهم فى الامن واحساسهم انه مش هايجبلهم حقهم .. طيب ايه الحل ؟ .. الحل ان الدولة تعلن موقفها بوضوح .. ان كان فيه سبب يمنع بناء كنايس نعرفه وان ماكانش فيه سبب يبقا القرارات تتنفذ .. والاهم من كده ان المخطئ يتحاسب بغض النظر عن ديانته .. واحنا كمان لازم نبطل نجرح فى بعض .. مش معنى ان فيه قناه عاملاها امريكا عشان تهين المسلمين يبقا النصارى هدفهم زعزعة ايمان المسلمين ..هنا استعير كلمة البابا شنودة "أرفض تماما كل مايجرح الاخوة المسلمين فى دينهم" .. انا عن نفسى كمسيحى مش حاسس بإضطهاد من اللي بيقولوا عليه اقباط المهجر وان كان فيه احيانا مواقف بيبان فيها تعصب إلا انى باعتبرها حالات فردية وباتجنبها بالنقاش بموضوعية وبهدوء أو بالسكوت إذا كان النقاش غير ذي فائدة وفيه ناس كتير بتنصحنى بالهجرة إلا ان موقفي ثابت دي بلدي واصحابي وجيرانى المسلمين دول اهلي ولو اتدبحت هنا هاتدفن هنا

[alymonir]

السلام عليكم
يسعدني أن تكون هذه أول مشاركاتي معكم في القسم الاجتماعي
بدون الدخول في نقاش كثير مع بعض التعليقات التي أتفق أو اختلف معها أحب أوضح بعض النقاط التالية :
1- جميع تشريعات الدين الاسلامي الحنيف لا يوجد فيها بل و يحرم ايذاء المعاهد و المؤتمن في بلدنا على نفسه و دينه و عرضه
2- كون ان الدين عند الله الاسلام , فهو ايضا لا اكراه في الدين , و ليس معنى ذلك أن العقيدة واحدة ولا يوجد اختلاف و لكن لا يجبر أحد بقوة السيف على الدخول في الدين
3- الأمر في الدين هو البر بهم و القسط كما ذكر في القران ولكن لا يصل الى حد التولي و هو موافقتهم على دينهم أو الحرب معهم ضد المسلمين
4- من المؤكد و الواضح للجميع أن المصلحة في هذا الأمر لأصابع خارجية تريد تهديد الاستقرار في هذا البلد الامن ( إدخلوا مصر إن شاء الله امنين ) , سواء كانت الصهيونية أو المخابرات الأمريكية أو أقباط المهجر أيا كانت فلابد أن نتكاتف بيننا على التعايش السلمي و نبذ الاحتقان حتى لا نسمح لأعدائنا بالتسلط علينا و خراب الديار
أتمنى أن يكون قولى هادئا , هذا و إن كان من صواب فهو من الله و إن كان من خطأ فمن نفسي و من الشيطان و الله و رسوله من براء , و استغفر الله العظيم

وأنا أيضاً أتمنى ان تستمر هادئة ..
بالنسبة لدوافع قبول الطرف الآخر عند المسيحيين فهى تختلف عن كونها مصلحة وطنية وإنما هى دوافع دينية بالأساس تنبع من تعاليم الإنجيل الذى يؤمنون به.

بس أنا عايز اسأل حضرتك، طالما الدافع عن المسلمين هو ان الدين يأمر بحسن المعاملة والإحسان والحماية .. فما معنى ان الدافع يكون (ظاهرى اضطرارى)؟؟ ما هو أوامر الدين صريحة ومافيش أحسن من كده وما بتقولش ظاهرى ولا حاجة ، واللا حضرتك تقصد أن الدين يأمر بحسن المعاملة والإحسان مع الحفاظ على بغضة وكراهية داخلية؟

أوامر الدين هو البر و القسط بغير المسلمين طالما لم يؤذوهم , و عدم التولي لا ينافي إرادتي للخير لغير المسلم بل أتمنى أن يعبد كل الناس الله و الدخول في الاسلام , و الدعوة إليه بالحكمة و الموعظة الحسنة

[Dr Ahmed]

وأنا أيضاً أتمنى ان تستمر هادئة ..
بالنسبة لدوافع قبول الطرف الآخر عند المسيحيين فهى تختلف عن كونها مصلحة وطنية وإنما هى دوافع دينية بالأساس تنبع من تعاليم الإنجيل الذى يؤمنون به.

بس أنا عايز اسأل حضرتك، طالما الدافع عن المسلمين هو ان الدين يأمر بحسن المعاملة والإحسان والحماية .. فما معنى ان الدافع يكون (ظاهرى اضطرارى)؟؟ ما هو أوامر الدين صريحة ومافيش أحسن من كده وما بتقولش ظاهرى ولا حاجة ، واللا حضرتك تقصد أن الدين يأمر بحسن المعاملة والإحسان مع الحفاظ على بغضة وكراهية داخلية؟

أولا بطلب إنى أعرف شئ من تعاليم الإنجيل اللى ممكن تساهم فى التعامل مع المسلمين خصوصا مش مع الناس عموما
ثانيا: الإسلام لم يدع شئ فى حياة المسلم إلا ونظمه حتى قلب المؤمن ... المؤمن يحب أخيه المؤمن بالله