الفرق بين البنت والولد فى الكمين

[nour_nrc]

السلام عليـــــكم

الفرق بين البنت والولد فى الكمين


نـدخــل عـ الكمين



( سرعـة القيـادة )


البنـات

بابتسامة.. إيه مستعجله ليه ؟
مين سعيد الحظ ده اللي مزودة سرعتك عشانه
لو مش خايفـة على نفسك إحنا خايفين عليكي
من فضلك الرخصـة و البطاقة و رقم الموبايل


الشباب

اقف يا تيييييييت
ماشى بسرعـة ليه يا خويا
وراك الديوان
يلا ياض طلع رخصك ورخص العربية و إركنلى على جنب
ده أنا هسود عيشتك


( حزام الآمــان )


البنـات

اهلا بمواطنة بلدنا الغالي .. إربطي الحزام .. علشاني ..
وايه ذنب الحزام المسكين لو متربطش على الجسم الرشيق ..!!
لو سمحتي الرخصة و البطـاقـة و رقم الموبايل


الشباب

مش رابط الحزام ليه يا خويا
اجيبلك توكه يلا إقب ب 150 جنية غرامة


( قطع الإشــارة)


البنـات

ليه قاطعة الإشارة إللي زى خدودك الحمرا
اقفي عشان ما تحرميش الناس من انهم يشوفوكى في الأشارة
دى الإشارة الحمرا ما حطوهاش إلا عشـان الحلوين اللى زيك
لو سمحتي الرخصه و البطـاقـة و رقم الموبايل


الشباب

بتكسر الإشاره
هه هه اركنلى اركنلى
انزل واقب بـ 500 جنيـة ياما تتسحب انت والعربية


(السير في الإتجــاة المعاكس )


البنـات

تصدقي انك ماشيه عكس السير..
يا بخت الي واخد عقلك
خلي بالك ما تمشيش عكس السير.. بعدين ازعل ..
بصراحه ريحة برفانك حلوة
لو سمحتي الرخصه و البطـاقـة و الرقم


الشباب

هههههه فى المعاكس
هههههههه ده أنا هعكسلك عيونك
عالبوكس يا حلو ويلا يا ابنى إسحبلى العربية


( كسر بزجاج العربية )


البنـات

على فكرة يا قمر مش حلو انك تسوقى و زجاج السياره مكسووور
عارفه هيزيد وزنك 4 كيلووو
عندي ليكي فكرة.. أديكي رقمي و اتصلي وقت ما تحبي تغيري الإزاز
اعرف محل يضبطه
ممكن الرخصـة و البطـاقة و رقم الموبايل


الشبـاب

فين الإزاز ياض
فاتحها شاليــه يا حبيبى
إركنلى على جنب
إركـــن


( طفايــة الحريق )


البنــات

لازم يا قمر تحطي الطفايـة مش عشـان العربيـة
لاء.. عشـان أطفي قلبي
آه يا جمالك
ممكن الرخصــة .. و البطــاقـــة .. و رقم الموبايل


الشبــاب

الطفايـة فين
ولما العربية تنفجر بيك و تولعك و تتفحم
مين هيطفيك وللا هيطفي العربيـة
يللا 200 جنيــة غرامـة


( الوقوف في الممنوع )


البنــات

تصدقي مش حلوة وقفتك
الرصيف دا حاطينه و ناسيين يكتبوا تحته ممنوع الوقوف
و لو زعلانة حالاً
اروح اشتري بخاختين ..وارش على الرصيف
لو سمحتي الرخصه و البطـاقـة و رقم الموبايل


الشبــاب

انت فاكره طريق بابا.. تركن وقت ماتحب
وربنا لأكلبشهالك و تجيلى مشى لحد النقطة
تدفع الغرامة و أفوت عليك بكرة أفكهالك


محظوظين في كل حــاجــة

[nour_nrc]

نسيت
لو البت معاها ماتركس ومركبه حديد قدام وورا
* عدى ياجميل
* والله الحديد هايكل حته من العربيه
* اوعى تشيليه عشان تحافظى على عربيتك
* ولو حد وقفك ف كمين تانى ابقى اتصلى بيا ع الرقم ده
لو الشباب
* اركن على جنب ياروح خالتك
* انت فاكر نافسك راكب هامر
* ده انت امك داعيه عليك انهارده
* قب ياض برخصك

[AmatoALLAH]

دا علي اساس انت بنات مصر ملكات جمال و اللي بيشوفهم بيدوخ من جمالهم:)

و لا علي اساس ان ضباط الشرطة قمة في الاحترام و الادب و اخر ذوووووووق :)

[tamertamer]

مش اوى كدة بالعكس فى ظبات بيوقفوهم عشان المنظرة

[mahmoud_afifi]

هههههههههههههههههههههههههههههههههههههههههههههههههه هههه

ايوه ايوه انا مجرب بتاعت السرعه الزائده دي كذا مره وفعلا معاك حق ده الي بيحصل

[sarawe511]

هههههههههههههه و فعلا الحاجات دي بتحصل حقيقي

[Eng_Mostafa_89]

ههههههههههههه
كل حاجة فيها تفرقة

[medo_2060]

ههههههههههههههههههههه
احنا مضطهدين فى البلد دى.. بس تصدق شغل ضابط المرور كدا جامد هههههههههههههه

[amribrahim]

[MOUSTAFA_SAAD]

ههههههههههههههههههههههه

[tawfic]

[shaddadfalcon1]

المفروض بقي يكتبو رقم الموبايل جنب رقم الرخصه عشان يسهل

وعلي فكره مش البنات بس
ولاد عمو وخالو - فهمني ؟؟؟
بتكسر الاشاره ليه حماده - عموما اكيد مخدش بالك

فكرتني بحلقه من مسلسل عايزه اتجوز لما احمد السقه كان واخد خطيبته وقاعد في الكمين ومرسيدس sl كسر اللجنه وجري وراه بالنوبيرا وفضل يشتم فيه ولما طلعله الكارنيه قاله بس ايه رايك ؟ جرينا شويه وهزرنا بالعربيه
عموما سلملي علي الباشا الكبير وقله تلميذك بيسلم عليك

[nonetta]

مين قالكوا انه بيحصل كدة
انا عمري ما سمحت عن الكلام دة اصلا
شكلك كدة انت ضابط مرور وانت اللي بتعمل كدة

[P_R_I_N_C_E]

هههههههههههههههههههههههههههههه

[SonaSteel]

ههههههههههههههههههههههههههههههههههه
جميل جميل ..... موضوع تحفة والله