مصرع وإصابة 5 فى حادث إطلاق نار بقطار 979 فى سمالوط

[Egyzizo]

هدوء بعد أذنكوا
انا ما قلتش ان في حد مسيحي مات !!
الموضوع وما فيه اني كنت لسة قاري كام موضوع سرقة عربيات وكنت متضايق !!
وحسيت اننا في بلد مفيهاش أي قواعد أو أي حاجة تحميها
ممكن هدوء

عندك حق يا باشمهندس ، أنا نفسى استغربت الناس بتعلق على ايه لأن مش باين من مشاركتك سيرة أديــان، بس معلش الموضع محتقن وأكيد فيه ناس كتير هيلصقوه فى الطائفية سواء دفاعاً أو هجوماً.

أنا عن نفسى أتمنى من كل قلبى انه ما يطلعش حادث طائفى علشان كفاية الاحساس بعدم الأمان اللى احنا عايشينه أساساً بعد حادث اسكندرية ،
يا رب ما يطلع طائفى. ياااااا رب

[نور القمر]

بيقولوا ان الجاني من 3 سنين كان ممنوع من حمل السلاح لمدة سنة
يعني اكيد له سابقة في سوء استخدام السلاح
ومن تداعيات الحادث مظاهرات للاقباط امام مستشفى سمالوط لدخول المستشفى واستخدام الامن لقنابل مسيلة للدموع داخل المستشفى مما اثر على اداء الاطباء لعملهم
وتم نقل المصابين لمستشفى الراعي الصالح بناء على طلبهم

[Ralliart]

خلاص شويه وهنتحبس في بيوتنا بسبب الناس اللي فاكره نفسها في لعبة gta

[mahfouz1983]

ازيكو يا جماعه
الي انا شايفو ان البلد مفيهاش ادني نوع من الامان ولا فيها اي نوع من انواع النظام البلد اطبحت في لا نظام ولا وعي عند البشر البلد بتقرب من مجموعه من الاضرابات واعمال الشغب زي الي حصل في الجزائر وتونس ودا بسبب الخنقه الي كل يوم بيخنقو بيها الشعب النهاردا كان فيه مناقشه النهاردا في مجلس الشعب عاوزين يلغو دعم الطاقه البلد هتولع وربنا يستر

[mohamed2002]

ربنا يستر بجد اوضاع غريبة كفاية

[م. حاتم السباعي]

هذا حادث اليم
و ربنا يصبر اهالي المصابين
الحال مشتعل حولنا يا ساده يا افاضل
السودان (( بينقسم ))
الجزائر و تونس (( النار مشتعله بهما من اسبوع )) بسبب الجوع و سوء توزيع الثروة ان كان بهما ثروة
لبنان علي شفا حرب اهلية
كل و احد فينا عليه الحذر
الحذر من ان نترك بلدنا لنار الفتنة علينا التكاتف امام ما نحن ذاهبون اليه من خطر ظهرت علاماته من فترة
كفانا ما نتعرض له من سوء الحالة الاقتصادية عموما
نصيحتي للكل
و هذا رأيي و اللهم الموفق

م.حاتم السباعي

[د.أبونضال]

خالص العزاء للمصريين في بلد كان اسمها مصر.

[medo_2060]

يظهر ان الايام السودا الى كنا بنقول البلد رايحالها مستقبلا وصلت بدرى اوى ...
ربنا يستر ربنا يستر

[MaZaGAngeE]

أنا لسه معدي من سمالوط من ساعة و كانت البلد زي ما تكون فيها منع تجول و عربيات أمن عند الكوبري و المستشفى و سمعت ان فيه مظاهرات من المسيحين .....

اليوم السابع | مصرع وإصابة 6 فى حادث إطلاق نار بالقطار 979 فى سمالوط


اليوم السابع | مصدر أمنى: مرتكب حادث قطار المنيا "مريض نفسى"

اليوم السابع | الداخلية: مرتكب حادث قطار سمالوط مندوب شرطة أطلق الرصاص عشوائيا

[أحمد كمال]

ممكن افهم ليه مظاهرات قدام المطرانية؟ ده قطر ماشي ..... ده لو sniper مش هيعرف ينشن على شخص بعينه اصلا !!!!!!!!

و لا دي كمان اضطهاد !!!!!!

[MaZaGAngeE]

اليوم السابع | أهالى ضحايا مندوب الشرطة يتظاهرون أمام مستشفى سمالوط

اليوم السابع | شاهد عيان: إطلاق النار على قطار أسيوط كان "عشوائى"

اليوم السابع | "الصحة" ترسل طائرة إسعاف وفريقاً طبياً لمتابعة مصابى حادث سمالوط

يا ترى لو كانوا مسلمين كانت برضه هتروح طيارة الصحة ليهم ؟

[SeiffoZ]

أنا لما كنت بسافر المنيا كان دايما فى طوب بيتحدف على القطر .. و أيام أحمد رشدى كان فى ضرب نار على القطارات .

متهيألى الموضوع كده صدفة فى مسيحيين ..

بس عامة ...

الموضوع ده كده مش لازم يعدى ... ده ليه تداعيات خطيرة بعد كده ..

[otefa]

هذا حادث اليم
و ربنا يصبر اهالي المصابين
الحال مشتعل حولنا يا ساده يا افاضل
السودان (( بينقسم ))
الجزائر و تونس (( النار مشتعله بهما من اسبوع )) بسبب الجوع و سوء توزيع الثروة ان كان بهما ثروة
لبنان علي شفا حرب اهلية
كل و احد فينا عليه الحذر
الحذر من ان نترك بلدنا لنار الفتنة علينا التكاتف امام ما نحن ذاهبون اليه من خطر ظهرت علاماته من فترة
كفانا ما نتعرض له من سوء الحالة الاقتصادية عموما
نصيحتي للكل
و هذا رأيي و اللهم الموفق

م.حاتم السباعي

ممكن افهم ليه مظاهرات قدام المطرانية؟ ده قطر ماشي ..... ده لو sniper مش هيعرف ينشن على شخص بعينه اصلا !!!!!!!!

و لا دي كمان اضطهاد !!!!!!

+1

[نور القمر]

الجزائر و تونس (( النار مشتعله بهما من اسبوع )) بسبب الجوع و سوء توزيع الثروة ان كان بهما ثروة

والاردن كمان
والدور علينا

[أحمد كمال]

والاردن كمان
والدور علينا

يا رب نطلع غلطانين