كارير ولا سامسونج ولا شارب

[mailo]

أنا عايز أجيب تكيفين ومحتار مابين 3 أنواع دول كارير ولا سامسونج ولا شارب

أولا أنا عارف إن السامسونج كويس أنا مجربتوش بس بثق فاسمه واكيد كويس وعشان هو لسة جديد فالسوق فحيبقى كويس بس ممكن قطاع الغيار بتاعته تبقى غالية

الكارير المفروض إنه أعلى حاجة فالسوق بس أسمع إن صيانته غالية شوية

الشارب كل الناس بتشكر فيه و بيقولوا الشباك بتاعه تحفة ومفيش زيه

مش عارف اقرر أجيب إيه فيهم
بس الأكيد إني هجيب واحد سبلت وممكن التاني شباك أو سبلت على حسب بقى عشان ناس بتقول ال الشباك بيزن وبيبوظ بسرعة

أنا عايز التكيف 2.25 hp

لو حد يعرف يفيدني فالنوع ولمركة ياريت

ولو فيه شرح عن الفروق بين الشباك والسبلت والمعركة يبقى تمام قوي
وشكرا

[Amrrr]

انا مجرب كارير كتير
السبليت هايل وصوته طبعا مفيش لأنه بيبقى برة
الشباك حلو بس صوته عالي بطريقة ملحوظة
ماشاء الله مفيش ولا واحد منهم عطل !!! بتاع اوضتي بس عطلان وهاصلحه ان شاء الله في الشتاء دا & ودا راكب بقاله اربع مواسم صيف وشغال طول الصيف بارد طبعا وفي الشتاء مروحة عشان كنت بادخن في الاوضة على طول فــ تقريبا الجهاز ماكانشي بيتطفي بقاله تلات او اربع سنين ومن غير ولا مرة صيانة ودا طبعا استهلاك مش عادي

الماركات التانية اللي انت قلت عليها انا مجربتهاش ولا سمعت عنها حاجة

[elmkaneeki]

Sharp والله ممتاز عندنا فى البيت

[Hussein_Emara]

ميزة شارب انة بضمان العربي

ناس محترمة جدا

[eng.m7md.ali]

عن تجربة للكارير والشارب اقدر اقولك ان الكارير ملوش اي لازمة لو قدرتو قليلة لكن الشارب جامد اوي

[shooter123]

الكارير طبعا عن تجربة بيستحمل وقوي جدا وعلي فكرة صيانته زي ما انت قلت غالية ولكنها قليلة الحدوث

[م.محمد علاء]

شوف يا فندم
أول االفرق بين السبليت و الشباك.
إن الأول وحدتين منفصلتين..الأولي الخارجيه تحتوي على الكباس و الكوندينسور و مروحة تبريد الكوندينسر.
أما الثانيه الداخليه تحتوي على المبخر و مراوح تقليب وسحب الهواء حتي يمر على المبخر(السربنتينه) منخفضه الحراره..عشان تديك هواء بارد في الصيف.
لو الكتييف مزود بدائره عكسيه(يعني التكييف بارد وساخن)بيكون فيه صمام بيعكس إتجاه الدائره و يخلي السخن بارد والعكس (بالبلدي كده.)
طبعا الشباك رخيص مقارنة بالسبليت.بس صوته عالي و مزعج جدا.وإن كانت صيانة سهله مقارنة بالتاني.
الإسبليت غالي و صيانته معقده نوعا ما..بس ممتاز من ناحية القدره و الكفاءه و إنخفاض صوته و تكلفة تشغيله.
من ناحية الأنواع.
أنا أرشح كاريير..و ويستنجهاوس و شارب بالترتيب.
صيانة الأجهزه مش مكلفه زي محضرتك متصور ولا تختلف بإختلاف أنواعه إلا قليلا

[eldell]

شارب ياباشا عندنا بقاله 3 سنين بجد ملوش

[age]

Sharp ممتاز

[amribrahim]

شارب حلو بس غالي

سامسونج جامد بصراحة و سعره حلو يعني متوسط

كرير مش قوي زي الاتنين التانيين بس برضو مش بطال

أنا عندي 3 سامسونج في البيت و بجد تلاجة بمعنى الكلمة

[gebreel]

عندنا شارب و كارير في البيت و سامسونج في الشغل

شارب
كارير
سامسنج

[ahmed_mido1889]

انا عندي اتنين شارب واحد سبيليت والتاني شاك الصراحه روعه وتبريد عالي
وميزه السبيلت انه فيه تبريد تيربو وده بقلب الاوضه تلاجه

[stormboy]

انا ملاحظ انتشار شارب جامد و جربتو فى المصيف و كان ممتاز

[roky]

بصرحة احنا صعايدة و فـ عُرفنا التكييف ده عيب ... لكن عندنا شفاط في المطبخ

كان عندنا في الشغل في أوضة الاجهزة (السيرفر) كان فيه كذا تكيف و عطلم و في الاخر جابو شارب سبليت ( و أتركب علي أيدي) و شغال زي الحلاوة و الاجهزة متكيفة و السرافر عملت دماغ عال العال ..

بالنسبة للفرق مابينهم .. زي مالاخ العزيز Eng:Mohamed وضح الفرق بطريقة وافية هندسية .. أسمحلي اشرح بعض الفروق بطريقة "منزلية"

بالنسبة للشباك .. ف من أسمه شباك .. يعني أسهر طريقة لتركيبه يتركب في شباك عندك في الاوضة.. و طبعا بتحتاج تعمل تقيفلة للشباك عشان يبقي مقاس التكييف بالظبط .. و بكده بتخسر الشباك و مش بستعمله .. و في نفس الوقت شكل التقفيلة مابيكونش حلو قوي ... ده غير أنك لو معندكش شباك مناسب بتضطر تكسر في الحيطة عشان تعمله فتحة مناسبة .. و لو جيت في يوم شيلته بيسيب طبعا فراغ في الحيطة و تضطر يأما تحشر طوب و تمحرها و تدهنها .. أو زي مالبعض بيعملو تركب خشبة ابلكاش مكانه (بيبقي شكلها عرّه) و برضك في الحالة دي التقفيلة شكلها مش بيبقي حلو قوي
و دي نفس المشكلة اللي واجهت الحاجة في تركيب شفاط المطبخ حدانا في البلد و لكن اسقرينا علي تقفيل حتة من شباك المطبخ عشان تبقي علي قد الشفاط
طبعا التكييف الشباك ده صوته بيبقي واضح جداً عندك في الاوضة لان كله علي بعضه كتله واحدة بس نصها جوة و نصها بره .



أما الآسبليت ف كل اللي بتحتاك تفتحة في الحيطة هو فتحة صغيرة علي قد ماسورة الهواء اللي بتوصل ما بين الكومبرسور و بين وش التكييف .. و اللي بيبقي حجمة اصغر جوه الاوضة .. و الصوت بيبقي كله بره و مش مزعج زي الشباك .. لكن طبعاً كله بتمنه










و طبعا هنا لا يفوتنا سهولة تركيب الشباك عن السبليت بالنسبة للصنايعي .. و الحكم لحضرتك طبعا

[mailo]

انا مجرب كارير كتير
السبليت هايل وصوته طبعا مفيش لأنه بيبقى برة
الشباك حلو بس صوته عالي بطريقة ملحوظة
ماشاء الله مفيش ولا واحد منهم عطل !!! بتاع اوضتي بس عطلان وهاصلحه ان شاء الله في الشتاء دا & ودا راكب بقاله اربع مواسم صيف وشغال طول الصيف بارد طبعا وفي الشتاء مروحة عشان كنت بادخن في الاوضة على طول فــ تقريبا الجهاز ماكانشي بيتطفي بقاله تلات او اربع سنين ومن غير ولا مرة صيانة ودا طبعا استهلاك مش عادي

الماركات التانية اللي انت قلت عليها انا مجربتهاش ولا سمعت عنها حاجة

أنا عندي فالشركة كارير وطبعا شغال ليل مع نهار وال كومنت الوحيد إن فيه كمبرسور عامل صوت زنة شوية بس شكله من 5000 سنة مثلا

sharp والله ممتاز عندنا فى البيت

شكرا ياباشا

عن تجربة للكارير والشارب اقدر اقولك ان الكارير ملوش اي لازمة لو قدرتو قليلة لكن الشارب جامد اوي

مش فاهم قدرته قليلا دي يعني إيه
يعني 2.25 كارير ضعيف ؟

الكارير طبعا عن تجربة بيستحمل وقوي جدا وعلي فكرة صيانته زي ما انت قلت غالية ولكنها قليلة الحدوث

شكرا عالمعلومة

شوف يا فندم
أول االفرق بين السبليت و الشباك.
إن الأول وحدتين منفصلتين..الأولي الخارجيه تحتوي على الكباس و الكوندينسور و مروحة تبريد الكوندينسر.
أما الثانيه الداخليه تحتوي على المبخر و مراوح تقليب وسحب الهواء حتي يمر على المبخر(السربنتينه) منخفضه الحراره..عشان تديك هواء بارد في الصيف.
لو الكتييف مزود بدائره عكسيه(يعني التكييف بارد وساخن)بيكون فيه صمام بيعكس إتجاه الدائره و يخلي السخن بارد والعكس (بالبلدي كده.)
طبعا الشباك رخيص مقارنة بالسبليت.بس صوته عالي و مزعج جدا.وإن كانت صيانة سهله مقارنة بالتاني.
الإسبليت غالي و صيانته معقده نوعا ما..بس ممتاز من ناحية القدره و الكفاءه و إنخفاض صوته و تكلفة تشغيله.
من ناحية الأنواع.
أنا أرشح كاريير..و ويستنجهاوس و شارب بالترتيب.
صيانة الأجهزه مش مكلفه زي محضرتك متصور ولا تختلف بإختلاف أنواعه إلا قليلا

شكرا جدا على المعلومات بتاعتك
أنا سمعت عن الويستنجهاوس بس مشفتوش عند حد عشان كده أنا حطيت مكانه السامسونج