ايه افضل نوع سخان غاز للمنزل

[dramir1]

السخان عندي بدأ يلخبط ...ياريت اللي جرب نوع ممتاز يقولنا عليه واهو تبقى فايده للناس كلها :المطلوب
-سخان ممتاز - تعرف تضبط حرارة المياه بسهوله -يشتغل باى ضغط مياه -خدمة مابعد البيع مقبوله-

[mazagngi2010]

كان فيه احد الردود هنا بتتكلم عن الاباريزى الاسبانى جنب مصنع لادا وياريت اللى يعرف تفاصيل زياده يمدنا بيها

[ahmed1981]

إبعد عن منتجات شركة ينيفرسال فهي رديئة للغاية

[M!SHO]

احنا عندنا 2 ايديال ( الأتنين زى بعض )

بس منصحكش بيه خالص

أولاً مبيشتغلش الا لما ضغط المياه يكون كويس

ثانياً كل فتره يفصل ويعد يتكتك على الفاضى ....الأول كنا بنجيب حد يصلحه وكان بيغير قطعه معفنه كده ب 3 جنيه

ودلوقتى أنا اللى بقيت بصلحه من كتر مبيبوظ :)

[م. حاتم السباعي]

ناس بتشكر في سخان المصانع الحربيه س 8و انا جايب واحد ولسه هركبه بأذن الله
لو تنتظر حضرتك علي الشتا الجاي ان شاء الله اقولك رأيي
ههههههه

م.حاتم السباعي

[ahmed ismail]

انا بصراحة عندى سخان فايلنت المانى تقفيل اسبانى اكثر من رائع

[wassim_nasser]

السخان عندي بدأ يلخبط ...ياريت اللي جرب نوع ممتاز يقولنا عليه واهو تبقى فايده للناس كلها :المطلوب
-سخان ممتاز - تعرف تضبط حرارة المياه بسهوله -يشتغل باى ضغط مياه -خدمة مابعد البيع مقبوله-

خدمة مابعد البيع ! يانهار ازرق .. هو حضرتك بتتكلم عن سخان ولا عربية مرسيدس ؟ .. لا انسى خالص حكاية مابعد البيع .. اذا كانت العربيات اللي ب 100الف التوكيل بيطلع عنيك عشان يظبطلك الفرامل ولا العفشة واسمك دافع فيها أد كده .. شوف انت بأه السخان اللي ب 600 700 جنيه .. عامة انصحك بسخان مصانع الانتاج الحربي .. سعره معقول ؛ يخلي المية تغلي ؛ وتقدر تفكه وتركبه بنفسك وقطع غياره مالية الدنيا هو بس هايحتاج ضغط مية كويس

[lonedoctor]

تكنوجاز وانت مغمض شغال معايا ماشاء الله 4 سنين ولا الهوا ماشاء الله تبارك الله

[amribrahim]

ماتجيب كهربا أحسن بدل الغاز و أضمن و موضوع الإشتعال أسهل بدل بعد شوية تفضل تدوس على البطارية هههههة

[human]

ناس بتشكر في سخان المصانع الحربيه س 8و انا جايب واحد ولسه هركبه بأذن الله
لو تنتظر حضرتك علي الشتا الجاي ان شاء الله اقولك رأيي
ههههههه

م.حاتم السباعي

سخان المصانع الحربيه!!!!

حسبنا الله و نعم الوكيل فى اللى وصلونا لكده

اسف على المداخله مش فى الموضوع بس ماقدرتش امسك نفسى


بالنسبه للسخان انا عندى وايت ويل و هو مش كويس

ماتجيب كهربا أحسن بدل الغاز و أضمن و موضوع الإشتعال أسهل بدل بعد شوية تفضل تدوس على البطارية هههههة

الكهربا عندك ببلاش ولا ايه؟ :)

[amribrahim]

سخان المصانع الحربيه!!!!

حسبنا الله و نعم الوكيل فى اللى وصلونا لكده

اسف على المداخله مش فى الموضوع بس ماقدرتش امسك نفسى


بالنسبه للسخان انا عندى وايت ويل و هو مش كويس



الكهربا عندك ببلاش ولا ايه؟ :)

لأ بس أحسن من موضوع تسريب الغاز و الفيلم ده

[mohamed2002]

بس يا باشا ما تشوف الناشيونال

[eng_maged]

ناس بتشكر في سخان المصانع الحربيه س 8و انا جايب واحد ولسه هركبه بأذن الله
لو تنتظر حضرتك علي الشتا الجاي ان شاء الله اقولك رأيي
ههههههه

م.حاتم السباعي

انا السخان ده بالذات نفس الموديل خلاني اكره الغاز وسيرة الغاز وخلاني اغير السخان واجيب واحد كهربا

[walidmhafeez]

انا عندي سخان المصانع الحربية س8 من 19 سنة وشغال تمام هو بس بيحتاج جلدة و قرص طالع منه مسمار كل سنة ونص الي سنتين ودول تمنهم من 15 الي20 جنيه ومنتشرين عند كل بتوع الادوات الصحية
في الاول هتجيب سباك يغيرهم بس بعد هتتعلم تغيرهم بنفسك وتغيرهم مبياخدش اكتر من 5 دقائق ولا في بطارية ولا حاجة الشعلة شغالة علطول , تفتح المياه يشتغل
و طبعا هتقول الشعلة شغالة علطول ان دة استهلاك غاز جامد , هاقولك ان اكبر فاتورة غاز بتيجيلي في الشهر ب12 الي15 جنيه ودة بيبقي في الشتاء اما في الصيف علطول اقل من 10 جنيه

[husseinsalah]

بمناسبة انى اخى شغال فى شركة صيانكو فاقالى ان كل السخانات الجديدة زى بعض من الداخل واحسن سخان اللى بيعمر هو المصانع بس القديم مش الجديد وطبعا مش هتلاقية وبالنسبة لى انا معايا يونيفرسال من 4 سنين وشغال كويس معايا واكيد اخويا قايم بالواجب معايا فى صيانتة وعيبة ان فية Oil seal صغير اوى مش عارف فين بالظبط لما بيبوظ الشركة بتقولك غير مجموعة المية كلها لكن اخويا بيعرف يغيرة وعلم كل زملائة فى الشركة كيفية تغييرة لانه وضعة غريب اوى