لعبه بشريه تباع فى المحلات(استغفر الله العظيم )

[Hacker5]

لا حوة ولا قوة الا بالله

شوفو اخر استهزائهم لعنة الله عليهم

الله يزلزل الارض من تحتهم


اثناء تصفحي في المواقع جزبني هالموضوع الكبير والخطير

لعبه ' بشرية ' غريبة تم صنعها في كندا ،، عبارة عن

مزج جينات بشرية وحيوانية أنتجت كائن يتغذى ويتألم

ويبكي ... نوع يعيش لمدة سنة وآخر لمدة ثلاثة سنوات ثم

يموت يباع في محلات الألعاب ( Toys R us ) نوع من اللعب

أو العبث بالجينات ...




للتفاصيل انظر في الرابط:

http://www.genpets.com/features_specs.php

رابط فيديو

http://youtube.com/watch?v=A3YTNtC5ieU

الموضوع منقول

[Dr_Mido]

:dمش مقتنع موصلوش للدرجه دى من التحكم فى الجينات ودة كلام انا واثق منه ولا يقدرو يتحكمو فى عمر خلايا تموت امتى او تموت بعد اد ايه لان حياة وموت اى كائن حى بايد الله سبحانه وتعالى
دة كبيرة روبوت ولو هو جه قلى غير كدة هكدبه برضه
ولو افترضنا جدلا ودة مش صح انه فعلا جينات ومتصنع دة بمنظرة دة يبقى لعبه اطفال ازاى لا ومن سن سنه ل 3
كلام غير منطقى اساسا
:dدة انا ممكن اخوف بيه رداله بشنبات مش اطفال
دة هيسرع العيال
ثم سبحانه وتعالى قال
قال تعالى : (يَا أَيُّهَا النَّاسُ ضُرِبَ مَثَلٌ فَاسْتَمِعُوا لَهُ إِنَّ الَّذِينَ تَدْعُونَ مِنْ دُونِ اللَّهِ لَنْ يَخْلُقُوا ذُبَاباً وَلَوِ اجْتَمَعُوا لَهُ وَإِنْ يَسْلُبْهُمُ الذُّبَابُ شَيْئاً لا يَسْتَنْقِذُوهُ مِنْهُ ضَعُفَ الطَّالِبُ وَالْمَطْلُوبُ) (الحج:73)
دى ذبابه مش شبيه بجنين بشرى
وقال تعالى: (وَهُوَ الَّذِى يَبْدَأُ الْخَلْقَ ثُمَّ يُعِيدُهُ وَهُوَ أَهْوَنُ عَلَيْه) الروم (27).

[aboalm]

ا يه التخريف اللى مكتوب فى الموقع ده معقوله فى حاجه اسمها كده فى الدنيا هما فاكرين لا هما مش فاكرين هما متأكدين انها دنيا بلا أخره. يا نهار اسود فاضل ايه تانى

[Chicco]

الاخوة الأفاضل الموضوع كله خدعة أو فبركة باسم الفن أو خلافه ...العبث بالجينات البشرية محرم و مجرم في أغلب الدول
على العموم برضه راجعوا الرابط ده

http://en.wikipedia.org/wiki/Genpets

[Dr_Mido]

الاخوة الأفاضل الموضوع كله خدعة أو فبركة باسم الفن أو خلافه ...العبث بالجينات البشرية محرم و مجرم في أغلب الدول
على العموم برضه راجعوا الرابط ده
http://en.wikipedia.org/wiki/Genpets

وحتى لو مسموح بيه وهو فعلا مسموح بشكل غير رسمى
موصولش للتقنيات القادرة على كدة اساسا
واساسا مش معروف الجينات المسئوله عن عمر الخلايا اصلا فكله من اوله لاخرة لعبه وشكلها مقرف اساسا انها تكون لعبه

[eng / AhmeD]

انا مش مصدق الخبر.......

[mody_halawa]

مش مقتنع بان دى خلايا بشرية حاسس ان دى لعبة زيها زى اى لعبة الكترونية مع انها فعلا لعبة تخوف رجالة مش يلعب بيها طفل
ولو الناس كلها اقتنعت وصدقت الكلام الفاضى دة وجابوا ميت دليل علشان اصدق برضة مش مصدق
وحسبى الله ونعم الوكيل

[mahamedaraby]

هو اتقدمنا كده

وانا مش حاسس

[Dr_Mido]

والله راى الشخصى لو اللعبه دى نطقت وقالتلى انها متصنعه من جينات مش هصدق لان زى ماقلت فى الردود علميا صعب لدرجه المستحيل
دينيا مستحيل لدرجه فوق المستحيل

[Chicco]

يا جماعة الخير القصة فبركة ....خدعة عملها "فنان " للدعاية... حاجة ذي كذبة إبريل كدة بس محبوكة و القصة كلها في لنك ويكيبيديا

وحتى لو مسموح بيه وهو فعلا مسموح بشكل غير رسمى
موصولش للتقنيات القادرة على كدة اساسا
واساسا مش معروف الجينات المسئوله عن عمر الخلايا اصلا فكله من اوله لاخرة لعبه وشكلها مقرف اساسا انها تكون لعبه

لو على التجارب على الاجنة البشرية أو خلايا جذع المخ فدول ممنوعين في أغلب الدول .....الهندسة الوراثية حاجة تانية و التقدم فيها مذهل ....قريب جدا حتزول الحاجة إلى نقل الاعضاء مثلا بفضل التقدم ده
أما بالنسبة لموت الخلية فيوجد ميكانيزمات عديدة موصوفة و يمكن التنبؤ بها ........

[Dr_Mido]

التكهن بمعاد نهيار الخليه تبعا لمعدلات الايض فيها دة ممكن تتابعه بس متقدرش تتحكم فيه:d

[Chicco]

لا يا دوك مش معدلات الايض...... في أبحاث مهولة في حكاية موت الخلية ديه ....Programmed cell death و Apoptosis و غيره
هو حضرتك طبيب بشري و لو كده تخصص إيه ؟

[Hacker5]

فهلا اللعبة شكلها مقرف

بس انا قولت انقل الخبر دة عشان اشوف رأيكوا ايه؟

[Dr_Mido]

لا مش بشرى صيدلى
وقصدى بالمعدلات دى معدل نشاط الخليه وانه سهل ملاحظه قله نشاطها فى الانقسام او فى نشاطها الحيوى
ودة طبعا فى نهايه عمر الخليه
Programed cell death
دة معدل عمر الخلايا و نظام موت الخلايا بعض الخلايا عمرها لمحدد يوم او اتنين او اكتر وبعدها تتكسر وتموت
وفى خلايا بتنقسم ودى نقدر نعتبرها مش بتموت بالمعنى المعروف هى بتتكاثر وخلايا تانيه لا زى خلايا المخ والاعصاب
وانظمه موت الخلايا موجودة فى كل خليه ودى بتدى الجسم القدرة على التخلص من الخلايا المصابه او اللى ممكن وجودها يضر الجسم
ودة مثاله خلايا المناعه
وفى حديث مامعناة على ما اتذكرتداووا يا عباد الله، فإن الله لم يضع داء إلا وضع له شفاءً إلا داءً واحداً الهرم

[Chicco]

أهلا بيك يا أخي الفاضل
Programmed cell death ده ببساطة إن كل خلية بتتولد و جواها برنامج بيحدد امتى حتموت ....سبحان الله
أول ما اكتشف كان في دراسة الخلايا السرطانية و ليه ما بتستجبش لنفس البرنامج بتاع الخلية العادية
تطورت الابحاث بعد كده و وجد العلماء إن فيه برامج تانية ممكن تكون مسؤولة على موت الخلية
تطبيقات الابحاث كانت على أمراض السرطان و "علاج " الشيخوخة و خلافه

قال تعالى : إنما مثل الحياة الدنيا كماء أنزلناه من السماء فأختلط به نبات الأرض مما يأكل الناس و الأنعام ، حتى إذا أخذت الأرض زخرفها و أزينت و ظن أهلها أنهم قادرون عليها ، أتاها أمرنا ليلاً أو نهارا فجعلناها حصيداً كأن لم تغن بالأمس.... سورة يونس ٢٤

يوم ما يظن الانسان إنه قادر و إنه مسيطر ..... يأتي أمر الله يوم لا ينفع إلا العمل الصالح