محتاج دعواتكوا

[أبو إياد]

شرم الشيخ بالفيورا؟؟؟

شكلك هتروح تنام إسبوع ع الاقل يابوإياد
حمدالله ع السلامة..إوعى تكون نسيت تجيب حاجة للواد إياد وإنت راجع؟

اه بالفيورا ........... عرفت بقا كنت محتاج دعواتكوا اد ايه ده انا ظهرى اتقطم خلاص
وبعدين تفتكر هاجيب ايه لاياد من شرم يا دكتور ؟ عروسه ايطاليه !

[A7MED_PHARMA]

اه بالفيورا ........... عرفت بقا كنت محتاج دعواتكوا اد ايه ده انا ظهرى اتقطم خلاص
وبعدين تفتكر هاجيب ايه لاياد من شرم يا دكتور ؟ عروسه ايطاليه !

والله تبقا عملت فيه خير
يتعلم منك ..أحسن مايتعلم من عمه
هههههههههههههههههه
ياراجل أنا روحت مرة شرم بعربية دايو ...وتعبت على ماروحت
وإنت رايح بفيورا.

[أبو إياد]

مليون حمد لله على سلامة الوصول ......... و بلاش شقاوة تاني

الله ياسلمك يا معالى الباشا والله كنت سعيد جدا لما صوتك علشان ربنا يعلم معزتك عندى اد ايه
وبعدين يا سياده العقيد احنا مش بتوع شقاوه خالص الموضوع وما فيه ان كان فى جروب ايطالى عاوز يتفرج على العربيه

حمد لله علي سلامتك يا رايس

وانا بتاسف جدا والله لاني معرفتش اكلمك

a.yakout

الله يسلمك يا احمد وبعدين ايه الاعتذار ده وبعدين انا عارف مين هو احمد ياقوت وانت عارف انى باعتبرك اكتر من اخ وربنا يديم المحبه يارب دايما

حمد لله عالسلامه يا اخونا الغالي

تحياتي

الله يسلمك وبالتوفيق فى الامتحانات وباذن الله من الناجحين

[nabaster]

الله يسلمك يا احمد وبعدين ايه الاعتذار ده وبعدين انا عارف مين هو احمد ياقوت وانت عارف انى باعتبرك اكتر من اخ وربنا يديم المحبه يارب دايما

حبيبي ربنا يبارك فيك

وربنا يعلم بحترمك قد ايه يا محمد بيك

ربنا يديم المحبه يا صديقي

A.Yakout

[AhMeD EzZ]

الف حمدالله علي سلامتك يا ابو اياد

[Samah AbdAllah]

حمدالله على سلامتك ابو اياد
سلام خاص جدا للاسرة كريمة وخصوصا اياد :-)

[pro_samir]

حمد الله علي السلامه

هم عايزين يشتروها ولا ايه

الناس دي لما بتيجي مصر مبيصدقوش لما يلاقو عربياتهم لسه ماشيه بكفائه لحد دلوقتي .. تلاقي الألمان بيتصورو مع المرسيدس .. و الفرنساويين مع البيجو .. الايطاليين مع 127 دي جديده :)

[A7MED_PHARMA]

حمد الله علي السلامه

هم عايزين يشتروها ولا ايه

الناس دي لما بتيجي مصر مبيصدقوش لما يلاقو عربياتهم لسه ماشيه بكفائه لحد دلوقتي .. تلاقي الألمان بيتصورو مع المرسيدس .. و الفرنساويين مع البيجو .. الايطاليين مع 127 دي جديده :)

يعني محدش ياباني عاوز يتصور مع الستارليت يعني؟؟؟
كنت عندكو في طنطا النهاردة..وإحتمال أروح تاني بكره

[ahmed_mido1889]

تسافر وترجع بالسلامه ان شاء الله
وربنا يطمنا عليك

[pro_samir]

يعني محدش ياباني عاوز يتصور مع الستارليت يعني؟؟؟
كنت عندكو في طنطا النهاردة..وإحتمال أروح تاني بكره

ماهي كانت في نويبع بس مكانش في يابانيين

أعمل فيك إيه طيب ؟ متصلتش ليه ؟

[wael ahmed]

تروح وترجع بالسلامه ان شاء الله

[dr-mohamed]

حمد اله على السلامة يا ابو اياد
فيورا لشرم ؟؟؟؟؟؟؟؟؟؟؟؟؟
يا مفتري
وصد رد كمان
والله العظيم انك جبار
طب كنت روح بالجينا ولا اللانسر يا جبار
المهم حمد الله على سلامتك

[AhMeD EzZ]

حمد اله على السلامة يا ابو اياد
فيورا لشرم ؟؟؟؟؟؟؟؟؟؟؟؟؟
يا مفتري
وصد رد كمان
والله العظيم انك جبار
طب كنت روح بالجينا ولا اللانسر يا جبار
المهم حمد الله على سلامتك

رجع بالسلامة من شوية
=======================
تعجيل
رديت قبل تغير المشاركة

[أبو إياد]

بجد متشكر جدا ليكوا انا فعلا كنت فى اشد الحاجه لدعواتكوا لانى كنت مسافر بالفيورا والعربيه دى يعتبر انا عاملها على ايدى من الالف للياء وواحد صاحبى بيشتغل فى شرم شاف العربيه وطلب منى انى اوديها شرم ليه والميكانيكى اللى اشتغل فى العربيه اكدلى ان العربيه تمام وعلشان يطمنى صمم انه يسافر معايا بدون مقابل وسافر معايا محمود اخويا واحمد صاحبى اللى اشترى الجين 2 واحمد ده بطبيعته كوميدى جدا وانا وهو عشره عمر من ايام الجامعه واتقابلنا فى المهندسين واول لما وصلنا مصر الجديده لقيت احمد بيقولى اقف بقا علشان نريح العربيه من المشوار وموتنى من الضحك ودخلنا البنزينه وفولنا وهو عمال يهرج ويتريق على العربيه انا دافع 17ج وهو 40ج وبيقول لبتاع البنزينه حلطها بنزين كانز ونازل تريقه على العربيه واتحركنا وكله كان تمام الغريب ان كل كمين نقف فيه الامين يشوف الرخص ويسبنى اعدى
انما الجين كان لازم يتكلم معاه ورايح منين وجاى منين وافتح الشنطه والكلام ده كله لغايه لما احمد اكتشف السر (ليه الفيورا مش بتقف) لما سمع الظابط بيقول للامين اصلى لو قولتله افتح الشنطه هايبطل العربيه ولما يجى يدورها تانى ممكن ماتدورش وساعتها هانعطل الكمين
ووصلنا بالسلامه وقضينا اليوم هناك ورجعنا بالليل والحمد لله

هارفع ليكوا الصور

[أبو إياد]

..
..
..
..
..
..
..
..
..
..

..
..
..
..
..
..
..
..
..