اريد حلا من بنك جريدى اجريكول

[dr_asaos]

السلام عليكم ورحمة الله وبركاته...
انا احد عملاء بنك كريدى اجريكول... قامت والدتى بشراء جهاز ثمنه 5 الاق جنيه عن طريق الفيزا...وعندما قمت بتسديد مديونية الفيزا الخاصة بها قمت خطا بوضع الاموال فى الفيزا الخاصة بى... والفيزا بتاعتى حدها الاقصى 5000 جنيه واصبح ال"outstanding balance"-5000 "يعنى اصبح ليا 5000 جنيه عند البنك وفى نفس الوقت الفيزا الخاصة بوالدتى مديونة بنفس المبلغ... فأريد حلا لتصحيح هذا الخطأ الغير مقصود بدون اى تعقيدات او محاولة من البنك لكسب اى رسوم خصوصا كرسوم سحب مال نقدى مثلا وانى صاحب الفيزا التى اريد تحويل الاموال منها وللعلم معى جميع وصولات الشراء والايداع فجزاكم الله خير على معاونتى....

[tareket]

السلام عليكم ورحمة الله وبركاته...
انا احد عملاء بنك كريدى اجريكول... قامت والدتى بشراء جهاز ثمنه 5 الاق جنيه عن طريق الفيزا...وعندما قمت بتسديد مديونية الفيزا الخاصة بها قمت خطا بوضع الاموال فى الفيزا الخاصة بى... والفيزا بتاعتى حدها الاقصى 5000 جنيه واصبح ال"outstanding balance"-5000 "يعنى اصبح ليا 5000 جنيه عند البنك وفى نفس الوقت الفيزا الخاصة بوالدتى مديونة بنفس المبلغ... فأريد حلا لتصحيح هذا الخطأ الغير مقصود بدون اى تعقيدات او محاولة من البنك لكسب اى رسوم خصوصا كرسوم سحب مال نقدى مثلا وانى صاحب الفيزا التى اريد تحويل الاموال منها وللعلم معى جميع وصولات الشراء والايداع فجزاكم الله خير على معاونتى....

جرب تكلم خدمة العملاء
ولو ينفع تروح البنك وتحول الفلوس على رصيدك
و من حسابك تسحب الفلوس او تحولها على حساب والدتك

[Ahmed Sharaf]

حضرتك انا بشتغل في البنك
الحل الوحيد إن حضرتك تسحب كاش الـ 5000 جنية من الفيزا الخاصة بك ( هناك عمولة سحب 3 % اي مبلغ 150 جنية ) ثم تقوم بالايداع في حساب اللفيزا الخاص بوالدة حضرتك.
ودة في حالة لو حضرتك كتبت في حافظة الايداع أسمك مع رقم حسابك.
لكن لو حصل انك كتبت اسم والدتك وكتابة رقم حسابك ( ولا اعتقد ان دة يكون حصل لانة صعب جداً انها تعدي على الصراف و المراجع ) لو حصل كدة يبقى غلطتهم أرجو من حضرتك تبعتلي على الخاص رقم موبايلك وانا إن شاء الله هشوف نحلها إزاي.

[dr_asaos]

لا ده خطأى انا...ومعنى الكلام ده ان لازم ادفع ال 150 جنيه عقوبة خطاى انا..ماشى الكلام بس حد السحب الكاش بتاعى 3000 جنيه...هل ده هيأثر برغم ان حسابى فى زيادة 5000 جنيه؟ ولا عادى هيبقى عادى انى اسحب ال 5000 جنيه؟ وشكرا جزيلا لحضرتك مقدما

[Ahmed Sharaf]

مفيش مشكلة , ممكن حضرتك تسحب في يوم 2000 جنية الاول ( الزيادة عن الحد الائتماني بتاعك ) وتاني يوم تسحب 3000 جنية
أو
تسحب 2000 جنية الساعة 12 إلا ربع بالليل وبعدين تسحب الـ 3000 جنية الساعة 12 و ربع ( يبقى كدة سحبت على يومين )

[dr_asaos]

معلشى يا استاذ احمد...انا هتقل عليك شوية لانى بصراحة قلقان..دلوقتى هو حد السحب النقدى معناه انك تحسب فى يوم؟ ولو رصيدك يسمح بالسحب فى يوم تانى ممكن اسحب برضه مبلغ السحب النقدى بس طبعا فى حدود المسموح؟ ولو معناه انى اسحب 3000 ج من حسابى مرة واحدة فقط؟ وتانى حاجة هو رسوم 3% هتتحصل ازاى هل هتبقى مديونية عليا؟ ولا ازاى؟ معلشى اصلى مش عاوز اغلط تانى...
وطرات فى دماغى فكرة...فى خدمة العملاء قالولى انه ممكن الواحد يحول من فيزا لحساب..هل مثلا لو والدتى فتحت حساب فى البنك عشان تحويل مرتبها واعتقد انه كدة هيبقى حساب جارى هل ممكن احول من الفيزا بتاعتى لحسابها؟ ولو ينفع هل فى رسوم للتحويل ولا لاء؟ يا ريت تصححلى اى حاجة غلط فى السؤال الاخير ده..وكمان رسوم فتح حساب لتحويل المرتب ايه الاجراءات والرسوم...