عمليه نصب جديده ( انا حولت لك رصيد غلط ممكن ترجعه لى ؟)

[noon_eg]

من كام يوم وانا فى طريق العوده للمنزل فوجئت برساله عجيبه على الموبيل تقول لقد تم تحويل 50 جنيه رصيد لك من رقم 0169696232

بعدها مباشره لقيت النمره دى بتتصل بى

قال لى المتحدث : انت جت لك رساله بتحويل مبلغ 50 جنيه
قلت له : اه حصل
قال لى : انا بالغلط بعتها لك ممكن ترحول لى الرصيد تانى لو سمحت
قلت له : يا اخى انا رقمى مش كارت ده فاتوره وما ينفعش انك تحول لى رصيد لقيته اخته العصبيه
قال لى : خلاص يا عم اقبلهم على نفسك حسبى الله ونعم الوكيل وقفل السكه

طبعا انا حسيت ان فيه حاجه غلط و كلمت خدمه العملاء فى فوادفون قالو لى انت اتصرفت صح ودى عمليه نصب وممكن تعمل محضر فى القسم واحنا ناخد اجراءات قانونيه ضد الشخص ده

المهم لما رجعت البيت بصيت تانى على الرساله لقيتها من رقم النصاب ومش من فودافون وهى دى الخدعه اللى ممكن اى حد منا ما يخدش باله منها وخصوصا لو كان سايق عربيه زى ما حصل معايا

طبعا ان ما عملتش محضر بس قلت انشر الموضوع هنا وهذا اضعف الايمان

[oshy]

الموضوع ده اتعمل معايا بس من واحد صحبى على سبيل الضحك مش أكتر
بس مكنتش أتصور ان الموضوع ممكن يوصل للقذاره دى خالص
عموما دى حاجه طبيعيه لانك أكيد أكيد فى مصر

[mazgangy]

حصلت معايا قبل كده ههههههههههههههههههههه قولتلوا فاتروه انا يا عم قالى طيب وايه يعنى انا عايز رصيدى انت بتقبل المال الحرام على نفسك
قفلت فى وشه السكه وبتامل لقيت الرساله من رقمه هو
بجد حسبى الله ونعم الوكيل

[sasasony]

ده غبي جدا لأن اكيد عملية التحويل هتفشل لأن أغلبنا معندوش رصيد ب 50 كان ممكن يلعب في 10
10
يلا مش عارفين ناخد حق ولا باطل من الحكومة عاملين ناكل في بعض ولسه........

[fahd_628]

دة فعلا غبى اوى مش كل الناس معاها 50 جنية على رأى sasasony

و شكرا ليك على التنبية

[mazen86]

خمسين جنية دا العشم مبهدله اوي دا الواحد لو شحن كارت ب25 بيعمل فرح

وبيحس انه عامل حاجة غلط

[Noha.M]

خمسين جنية دا العشم مبهدله اوي دا الواحد لو شحن كارت ب25 بيعمل فرح

وبيحس انه عامل حاجة غلط

:D:D:D:D:D:D:D:D:D:D:D:D:D:D:D

والله عندك حق

انا الكارت اللى بخمسين دة مبدخلو ش البييت:D واللى بخمسة و عشرية تفاريح كدة لما بيقي معايا

فلوس ...كل فين و فين:p

[cpt_shawky]

طبعا ان ما عملتش محضر بس قلت انشر الموضوع هنا وهذا اضعف الايمان

واجب تعمل محضر وتمنع الأذى عن باقى اللى هيتصل بيهم وعلى فكرة قبضوا على النصابين اللى عملوا النصبة القديمة فعليك تساهم فاستكمال القبض على الجداد وجزاك الله خيراً.:)

[marsguy]

جزاك الله خيراً على التنبيه

[Powert]

انا اكبر كارت بشحن بيه دلوقتي 10 جنية وبيخلص في نفس اليوم

"انا حصلت معايا واحد حول ليا 5 جنية ولما اتصلت بيه محدش رد عليا

بس فعلاً لقت التليفون شغال وانا مكانش معايا رصيد نهائي"

[khalid_adel]

انا حصلت معايا بجد ولقيت رقم غريب حولي 20 جنيه فعلا
اتصلت بيه وبقوله انت حولتلي رصيد بكذا غلط لقيته اخويا الكبير وبيقولي كل سنه وانت طيب بمناسبه عيد ميلادي وده رقمه الجديد

[theking2690]

انا لو مكانك كنت بعتله نفس الرساله و اقوله لقد تم تحويل مبلغ 50 جنيها الى رصيدك

[جمال]

انا لو مكانك كنت بعتله نفس الرساله و اقوله لقد تم تحويل مبلغ 50 جنيها الى رصيدك

حلوووووووووه

فكرة برضه

[mahamedaraby]

استغفر الله العظيم

وكمان شوفوا موقع مصراوى اللى مليان بالرسايل دى الناس معرفش حصلها ايه وسبحان الله شوف اللى بيكلمك ده ويقولك تقبل الحرام على نفسك امال هو بيعمل ايه

[yasserayad]

:D

خمسين جنية دا العشم مبهدله اوي دا الواحد لو شحن كارت ب25 بيعمل فرح

وبيحس انه عامل حاجة غلط

:D
:D:D:D:D:D:D:D:D:D:D
والله تستاهل جايزه اجمل تعليق