ماكنة الاسترتش رول stretch roll حد يعرف ؟؟

[MRBEBO]

مساء الخير عليكم يا جماعة

انا محتاج المكنة بتاعت الاسترتش رول

فلو حد يعرف بتتباع فين او القيها فين بسعر كويس ياريت يقولي

انا شفت كذا مكنة بس تقفيلها وحش جدا والاسعار 25 و 50 جنيه

لان فيها احجام حسب حجم الرول نفسه

بس بصراحة خامات زبالة وشكلها سئ جدا ومتستهلش فلوسها

انا مش محتاجها لغرض تجاري لا هستخدمها في البيت

لاني بعد ما اشتريت الاسترتش الغذائي ده لقيت صعب جدا التحكم فيه بدون مكنة وهيهدر كتير من غيرها

المكنة ميزتها انها بتشده كويس علشان التغليف يبقى مظبوط زي محلات السوبر ماركت كده

اللي ميعرفش الاسترتش هو السولفان الغذائي اللي بيتم تغليف الجبن واللنشون بيه او لتغليف اي حاجة تاني

[نور القمر]

طيب الاسهل تسأل في اي سوبر ماركت هايدلك احسن

[MRBEBO]

يا نور الحاجات دي مش بتتباع في السوبر ماركت

والمكن اللي في السوبر ماركت بيكون غالي لانه عليه ضغط

انا عاوز حاجة تقضي الغرض بس في نفس الوقت متبقاش سيئه بالشكل اللي شفته النهاردة وانا بلف واسئل

[أشرف العدوي]

في مؤسسة في باب اللوق اسمها شديد بتاعة موازين و تجهيزات محلات
و ده الوصف و عنوتنهم من yellowpages
ظ…ط¤ط³ط³ط© ط´ط¯ظٹط¯ ط§ظ„ظ‡ظ†ط¯ط³ظٹط©, ط¨ط§ط¨ ط§ظ„ظ„ظˆظ‚, ط§ظ„ظ‚ط§ظ‡ط±ط©, ظ…طµط± | ظ…ظˆط§ط²ظٹظ† ظˆظ…ط¹ط¯ط§طھ ظˆط²ظ† | Yellow.com.eg | 33 ط´ ط§ظ„ط¨ط³طھط§ظ†
هما ليهم موقع على النت بس للأسف البرشور بتاعهم مش معايا دلوقتي

[MRBEBO]

معندكش فكرة يا استاذ اشرف عن جودة الحاجات اللي عندهم

والاسعار ايه اخبارها ؟

[أشرف العدوي]

هو شركتنا كانت طلبت عروض اسعار موازين الكترونية
فبعتونا البرشور مع عرض الأسعار
و كان في حاجات بتاعة تجهيز مطاعم و سوبر ماركت و متهيألي شوفت فيه مكنة الاستريتش دي

حضرتك ممكن تتصل بيهم تسألهم على السعر و بلد الصنع و تاخد الموقع بتاعهم على النت و تشوفها على الموقع