اعزائى الطلبة والطالبات

[Dr_Mido]

السلام عليكم ورحمة الله وبركاته

اعزائى الطلبة والطالبات ... الاحياء منكم والاموات

ان مساحة الارض المنزرعة من اراضى مصر المقدسة حوالى 3.5% من المساحه الكلية


طبعا الجملتين اللى فاتوا دول .. من اول الابتدائى لحد الثانوية وبعضدها على ما اعتقد
دايما بيقولولنا كدا ... بالرغم ان هما برضوا بيقولولنا ان فى مشروعات عملاقة زراعية بتتعمل


انا عندى واحد استفسار صغير ... هى ليه المساحه المنزرعة دى مش بتزيد
يعنى مشاريع توشكى وسينا ووادى النطرون والحاجات دى كلها فيين مساحتها

ولا احنا شغالين فى الخسارة ولا ايه الكلام ؟؟؟
والنبى يا جدعان لو حد فيكم فاهم حاجه ... يقولى ؟ ربنا ينوبكم ثواب

بردو بيقولو لينا من واحنا صغيرين ان القطن المصرى اجود انواع القطن فى العالم

ويتميز بانه طويل التيله و100 100 و100 فل عليه

لكن دلوقتى الوضع غير الكلام دا خالص وسمعت ان انتاج مصر من القطن قل اوى

وخرجنا من المنافسه فى الاسواق العالميه ووصل حجم انتاجنا 2.5 %

بعكس امريكا اللى وصل حجم انتاجها 17% من الانتاج العالمى اى سدس الانتاج العالمى

يعنى الدنيا بتتغير من حوالينا وكل حاجه فى المناهج زى ماهى

ياريت يبقا فى تجديد للمعلومات اللى بتتميز من تغيرها من وقت للتانى عشان يكون فى مصداقيه
دة لسه فى اتىن معولمتا غريبه الاطوار فى كتب المدرسه اللى عندة معلومه غريبه تانى يحطها :D:D:D

[ams]

حكاية الزراعة دى بتفكرنى باستاذ الاقتصاد اللى خلانى اتفرج على جلسات المجلس الموقر قال لنا مره ان الحكومه كانت مديونه ب14 مليار دولار وقدروا يخفضوا 7 مليار فبقت مديونه ب10 ؟؟!!
انا مش واثق فى الحكايه بس بتفرج على البرنامج لما ابقى عاوز كوميديا سوداويه

القطن المصرى لا يزال اجود الاقطان لكن هما بياخدو القطن رخيص يعملولك منتج جيد واعلان فظيع لماركه مريعه و يبيعهولك بملغ كبيييييييييييير و انت تروح تشترى على اساس انك مش اقل من بيكهام او رونالدينهو وانهم فى نفس مستواك الاجتماعى بالضبط فى حين ان منتجات السنكحاوى المصري التى تكون جودتها عاليه بتبقى ارخص و ما بتتباعش:)

اما عن التعليم فحدث ولا حرج انا مواليد 88 وكتاب الجوغرافيا فى اولى ثانوى كان مواليد 88 برضو يعنى انا وهو قد بعض كان الاستاذ يقولنا المعلومة و بعدين يقولنا دى غلط والصح كذا و اوعى تتهور وتكتب الصح انت مطالب باللى موجود بالكتاب والا هتاخد الصفر الكبيييييييييييييير:D

[Dr_Mido]

اة وبنعلم العيال الغباء والكدب من طفولتهم كنا فى دروس العربى تقريبا الفطار بتاعك المفروض بيض ولبن وعسل ومش عارف ايه كل ويم الصبح
والعيال اساسا مبتفطرش واللى بيفطر بيفطر ايه مش مهم انت بتاكل ايه لازم الفطار اللى الوزارة محدداة
بيض لبن عسل مربى وحاجات كتير كدة انا مباكلهاش اساسا الصبح لانى مبفطرش لو كتب كدة يسقط
لو كتب انه فطر فول والكتاب قايل بيض ومربى بيسقط:d:d:d:d:d

[SEATLOVER]

بقولك اية يا دكتور .. انت نظامك اية الاحد اللى بعد اللى جاى ؟ هههه

[Dr_Mido]

نظامى ايه ازاى :D:D:D:D
هتخطفنى ولا ايه :p:p:p:p

[SEATLOVER]

الموضوع ببساطة اننا صادقين اوى مع الطلبة و الجيل الجديد و بنحب نقولوهم فى المناهج اللى هايطلعوا يلاقوة ..دة إذا فضل و مارجعش لورا اصلاً .. بس كدة

و لو عايز تتأكد ..... يوم الاحد اللى بعد اللى جاى ... هايوافق يوم كام ايريل ؟

[Dr_Mido]

6 ابريل يوم الاضراب