السادة أصحاب العضويات المدفوعة

[A7MED_PHARMA]

السلام عليكم



السادة الأعضاء أصحاب العضويات المشتركة
أنا لسه من شوية محول الرصيد(60)جنيه
وكانت النية بداخلي ..إنها دعم للمنتدى
والمنتدى بيقدم خدمات ..ومعلومات لناس كتير
وإحتسبتها لله ..صدقة جارية لكل فايدة واحد يحصل عليها من المنتدى
وطبعا الحساب سهل
لو واحد أخد معلومة من هنا نفعته ..كريم ياخد أجر ..وأنا هشاركه فيه
والواحد ده لو فاد غيره بالمعلومة إلي أخدها من هنا
هياخد أجر ..وكريم يشاركه الأجر ده ...وأنا أشاركهم الإتنين في الأجر
بدون نقص أجر كل واحد في السلسلة
والأعمال بالنيات
دي رسالة مني ..لكل الأعضاء
ودي مش دعوة للإشتراك بالعضويات المدفوعة
لا
دي توضيح إنها تكون صدقة جارية .تكون إنت شريك فيها
لو تحب

ولله قصد السبيل

[zago]

ليه كده يا ابو حميد بس
؟؟؟
خلاص بس متنساش لسه عليك 40 جنيه

ومش حجيب سيره الجمل
الا لو حد ابتدا

[A7MED_PHARMA]

ليه كده يا ابو حميد بس
؟؟؟
خلاص بس متنساش لسه عليك 40 جنيه

ومش حجيب سيره الجمل
الا لو حد ابتدا

ماهو فيه نوعين
أبو 60
وأم 100
وأم 100 ....أنا طبعا مؤدب ومحترم ..ومش بكلم بنات أو ستات
فأنا خلتني في أبو 60
هههههههههه
والله هما إلي كانوا في جيبي ساعتها ....كنت رايح أجيب دوا ..وكان فايض في جيبي 90 جنيه

[zago]

ههههههههههههه
ايوه كده انا فهمت خليك في ابو 60
والله انا برضو بفكر في ابو 60 دي

[ahmed-moga]

ربنا يجعلها في ميزان حسنات القائمين علي المنتدي ومن شارك فيها وبها واعلم جيدا ان استاذ كريم عندما اراد هذا الموضوع فأعلم جيدا انه في الأساس لعمل الخير وليس كدعم للمنتدي فهذا ليس غريب علي فارس شهم نبيل ندر به هذا الزمان يسعي دائما في الخير وللخير مثل استاذ كريم بارك الله لك استاذ كريم وجعل كل ماتفعله من خير في ميزان حسناتك انت وكل من شارك معك جزاك الله خيرا واكثر منك

[Dr Ahmed]

أنا ناوى برضه على أبو 60 إن شاء الله لكن الطاحونة فرمانى فى الوقت
مبروك يا دكتور أحمد وفى انتظار رؤية ازرقاق اسمك

[A7MED_PHARMA]

أنا ناوى برضه على أبو 60 إن شاء الله لكن الطاحونة فرمانى فى الوقت
مبروك يا دكتور أحمد وفى انتظار رؤية ازرقاق اسمك

ماهو أبو 60 ...أخضر فحلقي
الأزرق ..ده بتاع أم 100

[Dr Ahmed]

الأخضر البحلقى مميز أكتر من الأزرق لإن لون الأسماء العادية يميل للأزرق الزيزفونى

[ابو ليلى]

والله يا د / احمد دى اقل حاجه ممكن الواحد يعملها فى مكان بيقضى فيه اغلب اوقات يومه

وبالتالى حابب ان المكان ده يكون دائما فى احسن وضع واحلى صورة

الفكرة بالنسبة ليا هى الانتماء لمكان اعشقه ..

[أحمد كمال]

و ال 100 جنيه تدعم بيها المنتدى احسن ما تروح تركب بيهم جمل و تقع من عليه

و الجمل حيوان عشبي يحتمل العطش و الجوع

[A7MED_PHARMA]

+
'طبعا دافع الإنتماء للمكان
بخلاف إنه صدقة جارية زي مانا قلت
.................................................. .....
أنا لقيت الناس كلها عملت أزرق زيزفوني
قلت أخليني أنا مميز ...وأعمل أخضر فحلقي

[Col. Eng. Khaled]

العضوية المدفوعة ما هي إلّا "لَبِنَة في جدار المنتدى" بيتنا الكبير .

[Ahmed.Ali]

السلام عليكم

السادة الأعضاء أصحاب العضويات المشتركة
أنا لسه من شوية محول الرصيد(60)جنيه
وكانت النية بداخلي ..إنها دعم للمنتدى
والمنتدى بيقدم خدمات ..ومعلومات لناس كتير
وإحتسبتها لله ..صدقة جارية لكل فايدة واحد يحصل عليها من المنتدى
وطبعا الحساب سهل
لو واحد أخد معلومة من هنا نفعته ..كريم ياخد أجر ..وأنا هشاركه فيه
والواحد ده لو فاد غيره بالمعلومة إلي أخدها من هنا
هياخد أجر ..وكريم يشاركه الأجر ده ...وأنا أشاركهم الإتنين في الأجر
بدون نقص أجر كل واحد في السلسلة
والأعمال بالنيات
دي رسالة مني ..لكل الأعضاء
ودي مش دعوة للإشتراك بالعضويات المدفوعة
لا
دي توضيح إنها تكون صدقة جارية .تكون إنت شريك فيها
لو تحب

ولله قصد السبيل

متفق معاك في المبدا و مختلف اختلاف رهييييب في الكلام

اولا ايه الي خلا اشتراكي في مكان خدمي صدقه لا طبعا دا كيان اقتصادي و احنا مقابل خدمات هندفع فلوس و لو الخدمه متقدمتش يبقي اكيد مش هندفع و الدليل علي كلامي كريم منير رافض تماما فكره التبرعات ثم اساسا لو المبدا المشاركه في التكاليف يبقي للعضو حق الاعتراض علي السياسات بما انه من متحملي الاعباء و دا كمان مش حقيقي
حد فاهم انا عاوز اقول ايه؟؟؟؟؟ ولا انا بهس لوحدي

لو المنتدي تحول من عبئ علي صاحبه الي مكان بيجيب ايراد هل هتبطل تعمل العضويه؟اكيد لا انا مالي بيكسب ولا بيخسر مدام بيأدي الرساله بتاعته

من الاخر كريم منير مش محتاج صدقه من حد كريم محتاج شركاء في النجاح

[A.Saad]

على فكرة
الواحد لازم يقدر حاجة
هو استفاد من المنتدى بكام
وفر كام من اشتغالات الصنايعية
عرف معلومات عن عربيته والقيادة بكام
كل ده لازم الواحد ياخده فى اعتباره
بلاش جزئية انه عرفنا بناس متتقدرش بفلوس

[A7MED_PHARMA]

متفق معاك في المبدا و مختلف اختلاف رهييييب في الكلام

اولا ايه الي خلا اشتراكي في مكان خدمي صدقه لا طبعا دا كيان اقتصادي و احنا مقابل خدمات هندفع فلوس و لو الخدمه متقدمتش يبقي اكيد مش هندفع و الدليل علي كلامي كريم منير راض تماما فكره التبرعات ثم اساسا لو المبدا المشاركه في التكاليف يبقي للعضو حق الاعتراض علي السياسات بما انه من متحملي الاعباء و دا كمان مش حقيقي
حد فاهم انا عاوز اقول ايه؟؟؟؟؟ ولا انا بهس لوحدي

لو المنتدي تحول من عبئ علي صاحبه الي مكان بيجيب ايراد هل هتبطل تعمل العضويه؟اكيد لا انا مالي بيكسب ولا بيخسر مدام بيأدي الرساله بتاعته

من الاخر كريم منير مش محتاج صدقه من حد كريم محتاج شركاء في النجاح

ههههههههههههههههههههههههههه
فهمتني غلط
دي مش صدقة لكريم ههههههههههههههههههههههههههههههههههههههه
ياراجل
أنا دفعت مبلغ صغير لدعم المنتدى
وكانت نيتي ..إنها تكون صدقة جارية للخير
مش صدقة لكريم ههههههههههههههههههههههههههه
كل واحد ونيته
لو إنت إشتركت علشان تلاقي خدمة ...
أنا إشتركت علشان أنا عاوز حسنات ..والخدمة أنا أساسا أقدر أخدها وأنا عضو مجاني من غير إشتراك