دمى محروق

[elmkaneeki]

أحتمال كبير جدااااا تلاقي مساعد مالركة تانية يركب عليه
ممكن كمان تشتريه من علي النت
لو شوية تفاصيل ممكن ندور مع بعض عليه

انا فعلا حاولت ابحث بس معرفتش
المشكلة ان العربية فى الضمان والتوكيل معندوش....بعتو يجيبو من االصين
والله مش اول مرة
قبل كدة مشيت من غير الكشاف الامامى اكتر من شهر واتبهدلت فى لجان المرور
انا شاكر لحضرتك جدا

[elmkaneeki]

ده على كده لو واحد جاب عربيه وباعها قطع غيار يكسب فيها اكتر من تمنها

يا باشا يكسب فيها اد تمنها 3 4 مرات بالميت وبدون هزار

[Khaled_Nowaihy]

المشكلة ان المساعد قفش
السؤال بقى
حماية المستهلك
لو عرضت عليهم حوار المساعد ابو 640 جنيه دة
هيساعدونى؟

الموضوع يستحق المحاولة ... ولو انهم ممكن يكرروا الاسطوانة المشروخة ويقولوا (سوء استعمال) وينكروا انها عيب صناعة
بس برضه لازم كل الناس تعرف انهم مايجيبوش العربية دى بسبب ان الوكيل منزل عربية ومش موفر قطع الغيار فى السوق.

وفعلاً .. هو مش ممكن تلاقى مساعدين مونرو مثلاُ ينفع يتركب عندك ؟؟

[nicegypt]

طيب مهو بدل الالغاز ميقولنا صاحب المشاركة عن نوع العربية ؟

[elmkaneeki]

الموضوع يستحق المحاولة ... ولو انهم ممكن يكرروا الاسطوانة المشروخة ويقولوا (سوء استعمال) وينكروا انها عيب صناعة
بس برضه لازم كل الناس تعرف انهم مايجيبوش العربية دى بسبب ان الوكيل منزل عربية ومش موفر قطع الغيار فى السوق.

وفعلاً .. هو مش ممكن تلاقى مساعدين مونرو مثلاُ ينفع يتركب عندك ؟؟

يا فندم انا مش بقول على انهم يغيروه ولا لا
انا بتكلم انهم يحمونا من الاسعار دى
لما يبقى مساعد اللانسر ب 300 جنيه او 350
والفيات بونتو ب 375
وانا ب640
يبقى دة كتير اوى اوى اوى والله
ينفى ابلغ حماية المستهلك بالاسعار دى
هيساعدونى؟
وحوار مونرو دة معرفش والله
اسأل فين
المشكلة انى لازم اروح افكه عند عفشجى واسرح بيه بقى واقول عاوز مساعد زى دة
عايز ترلوب عايز ترلوب
وانا مش هعمل كدة عشان الننوسة فى الضمان
التسرع وحش اوى اوى
انا اسف
بتأسف لنفسى بجد

[elmkaneeki]

طيب مهو بدل الالغاز ميقولنا صاحب المشاركة عن نوع العربية ؟

والله العظيم لا اقصد الغاز
بس مش حابب انى اكون بهاجم حد
او بشهر بحد
انا بس بشاركو عشان حرقة الدم الى فيها
والخلاصة محدش يجيب عربية قبل ما يعرف اسعار جميع قطع الغيار

[تامر.محمد]

طب انا لحد دلوقت ما اعرفش العربية المذكورة ايه
:)

[elmkaneeki]

طب انا لحد دلوقت ما اعرفش العربية المذكورة ايه
:)

تبدل ؟
تجيب اللانوس

[zago]

بص
انت تروح التوكيل وتزعق وتشتم وتعمل خناقه
وتشتم شتايم جامده
ولو د قالك مش عاجبك اعملنا محضر
قوله انا اللي حعمله فيك حيخليك انت تعمل محضر
وهو طبعا مش حيقدر يعملك حاجه لانه كده بيعمل اثبات حاله على نفسه
وفهما ان المساعد ييجي يعني ييجي
انت مش شاري عربيه عالزيرو علشان متلاقيش قطع غيار
صيني هندي عفريت ازرق دي مش مشكلتك
التوكيل لو معندوش مساعد يتصرف

[i_Am_Legend]

يا سيدى ما تقول نوعها أيه علشان نعرف نساعدك...

[aly_hosny]

يا سيدى ما تقول نوعها أيه علشان نعرف نساعدك...

+1
حضرتك لو كلامك صح يبقى محدش ليه عندك حاجة
التشهير دا لو بتتبلى عليهم لا سمح الله

[m_car]

ياجماعة لو حد نوع العربية يكسب المساعدين ويروح يوديهم للراجل صاحب العربية

ايه يابنرس ما تقول نوع العربية ايه يمكن واكيد حد يساعدك مننا ممكن يكون حد مر بنفس التجربة ويكون ليها حل

[elmkaneeki]

بص
انت تروح التوكيل وتزعق وتشتم وتعمل خناقه
وتشتم شتايم جامده
ولو د قالك مش عاجبك اعملنا محضر
قوله انا اللي حعمله فيك حيخليك انت تعمل محضر
وهو طبعا مش حيقدر يعملك حاجه لانه كده بيعمل اثبات حاله على نفسه
وفهما ان المساعد ييجي يعني ييجي
انت مش شاري عربيه عالزيرو علشان متلاقيش قطع غيار
صيني هندي عفريت ازرق دي مش مشكلتك
التوكيل لو معندوش مساعد يتصرف

لا ملوش لزوم
انا هبيعها قطع غيار ان شاء الله

[abogogo]

في عربية اسمها جريت وول مسروق تصميمها من فيات باند كانت مع واحد اعرفه كل مشكله فيها يحتار في موضوع قطعة الغيار مشكلة كبيرة ... العربية سعرها كويس ومش بطالة بس موضوع قطعة الغيار دي مشكلة فعلا ايضا في عربية اسمها هيما برضة كان موضوع قطعة الغيار بتعتها مشكلة ... انا شايف انك لما تقول نوع العربية ايه هاتفيد ناس كتير وممكن يكون في حد معاه او يعرف حد عنده نفس النوع يمكن يفيدك في ايجاد حل لمشكلتك

[elmkaneeki]

في عربية اسمها جريت وول مسروق تصميمها من فيات باند كانت مع واحد اعرفه كل مشكله فيها يحتار في موضوع قطعة الغيار مشكلة كبيرة ... العربية سعرها كويس ومش بطالة بس موضوع قطعة الغيار دي مشكلة فعلا ايضا في عربية اسمها هيما برضة كان موضوع قطعة الغيار بتعتها مشكلة ... انا شايف انك لما تقول نوع العربية ايه هاتفيد ناس كتير وممكن يكون في حد معاه او يعرف حد عنده نفس النوع يمكن يفيدك في ايجاد حل لمشكلتك

طاب وصاحبك كان بيعمل اية وبيجيب منين؟