الى شباب الامتحانات :(

[KHALED AYMAN]

السلام عليكم ...
ازيكو يا شباب ..
طبعا نسبه كبيره من الاعضاء هنا فى كليات وفى ناس فى ثانوى ...المهم يعنى فى نسبه كبيره
"عندها" امتحانات ...
فى طبعا ناس بتاكل الكتب اكل و بتبلع وراها بالملخصات ..
وفى ناس بتعمل كده مع الكتاب ...وده بقى الى انا عاوزه ..
الاسباب كتير ...من ضمن الاسباب ..ان الطالب فاشل اصلا هههههه او ملوش مزاج يبص فى الكتاب اصلا ...ككره للتعليم لانه عارف انه ملوش لازمه ...او...............
لانه مش فاهم حاجه و مش عارف يفهم و الوقت اتاخر وفقد الامل ده بقى الى هو انا ..
عاوز اعرف
انا دلوقت فى اداب قسم اجتماع ...وبعيد السنه ...
انا مش بفتح كتاب :( لدرجه ان بتلخبط فى اسامى المواد الى عندى !!
وسقطت ومفيش فايده ...مش فاهم حاجه ...والكلام صعب ومنفوخ اوى وفيه عتب وكساحات كمان :(
انا مثلا عندى امتحان يوم السبت ...لسه معرفش الماده بتتكلم عن ايه ...وموضوع الخوف من الامتحان منعدم تماما ...بدخل معرفش حاجه ..ويا اما اغش (مش ببرشم انا :) يا اما أألف اى كلام فى البتنجان و اسلم الورقه و امشى ...
مسأله التحويل من الكليه مرفوضه تماما لان انا دلوقت فى سنه 2 ..وعاوز اخلص الكليه بأسرع وقت ...
ملخص الموضوع
انا عاوز اعرف الناس بتعمل ايه لما تكون مكانى ..
كل واحد يتخيل نفسه كده :
عندك ماده مش فاهم فيها حاجه و حاولت ومش فاهم ووصلت لمرحله اليأس وبقيت رافض فكره انك تفتح الكتاب ..والدنيا كلها من حواليك بتقولك زاااااااااااااااااااااااااااااااااااااااااااااااكر .....
ومينفعش تحول من الكليه ..لابس لابس ...
مع العلم ...امتحانك يوم السبت ...والماده الى فاتت هشيلها ويمكن الدكتور لما يشوف الورقه يقولهم هاتو ابن ال...ده :(

[A7MED_PHARMA]

بتروح الكلية قبل الإمتحان بــ نص ساعة
هتلاقي زمايلك ..في المكاتب إلي جمب الجامعة بيصغروا ويظبطوا
ظبط معاهم
وحاول تبص في البراشيم قبل الإمتحان ..علشان تبقا تعرف تطلع الإجابة كويس
كان ليا واحد صاحبي
ملتحي ومتدين ..كان إستاذ في البراشيم دي..كان معلم في الغش
قولتله..هيا مش حرام
قالي لأ
ليه ياعم أحمد(كان إسمه أحمد)
قالي:ماهي لوهتفيد ..هذاكرها ..لكن دي مجرد شهادة أو ورقة بتاخدها علشان تتوظف بيها
وكل وجع الدماغ إلي إنت بتحرق نفسك فيه ...مالوش أي تلاتين لزمة
شوف أي دكتور بشري أو صيدلي مثلا..وإسأله على أي حاجة أخدها في الكلية ....مش هتلاقيه عارف..هتلاقيه بس عارف الحاجات إلي مارسها بحكم الخبرة...يعني الغش في المتحانات حلال حلال حلال
هههههههههههه
ده مش رأيي..ومش موافق عليه
بس بصراحة
كنت ببرشم في أخر سنتين في الجامعة...
وكانت بتنجيب نتيجة
هههههههههههههههههههههههههه

[Deshahcoka]

ههههههههههههههههه

مشكلة البراشيم انوا لما المادة تبقى كبيرة هتبقى ليلة :) يعني انتا حتبرشم ايه ولا ايه :) و حيكون معاك براشيم كتير و تتقفش :)

بالنسبة للمذاكرة بقى بصلك متحطش امل كبير :) يعني اصلاً الواحد نفسيته ادمرت و مبقاش ليه نفس يذاكر :) يعني و بعدين اخرتها ايه ! ادينا بنزق حبه بحبة لغاية ما ربنا يفرجها !

اموت و اعرف العيال ديه بتتخرج تبقى معيدة ازاي :(

[yoko]

بص من الأخر جيب ملزمة المراجعة وأقعد عليها مش هقولك إحفظها ولا الكلام ده ﻷ إقراها مرتين تلاتة والي تحس إنه مهم أوي أوي أوي إكتبه في ورقة بره يوم الإمتحان الصبح بص بصة في الورقة دي وخش وهتنجح ومجربها كتير ببقى أبيض في المادة وبعدي بالطريقة دي ده كده وانا في كليه عملي كمان!!!

[KHALED AYMAN]

بتروح الكلية قبل الإمتحان بــ نص ساعة
هتلاقي زمايلك ..في المكاتب إلي جمب الجامعة بيصغروا ويظبطوا
ظبط معاهم
وحاول تبص في البراشيم قبل الإمتحان ..علشان تبقا تعرف تطلع الإجابة كويس
كان ليا واحد صاحبي
ملتحي ومتدين ..كان إستاذ في البراشيم دي..كان معلم في الغش
قولتله..هيا مش حرام
قالي لأ
ليه ياعم أحمد(كان إسمه أحمد)
قالي:ماهي لوهتفيد ..هذاكرها ..لكن دي مجرد شهادة أو ورقة بتاخدها علشان تتوظف بيها
وكل وجع الدماغ إلي إنت بتحرق نفسك فيه ...مالوش أي تلاتين لزمة
شوف أي دكتور بشري أو صيدلي مثلا..وإسأله على أي حاجة أخدها في الكلية ....مش هتلاقيه عارف..هتلاقيه بس عارف الحاجات إلي مارسها بحكم الخبرة...يعني الغش في المتحانات حلال حلال حلال
هههههههههههه
ده مش رأيي..ومش موافق عليه
بس بصراحة
كنت ببرشم في أخر سنتين في الجامعة...
وكانت بتنجيب نتيجة
هههههههههههههههههههههههههه

منا ببص فى البراشيم بس مش بفهم حاجه بردو ,,, وانا مش بحب ابقى معايا برشام وانا فى اللجنه ..
انا اخلى حد معاه برشام يحل ..وانقل انا منه بقى ...عشان لو اتمسك ...ربنا يتولاه بقى
اللجنه الى فاتت (اول ماده) لقيت ورايا واحد
هو: عارف حاجه ؟؟
انا: انا اعرف ان عندنا امتحان :)
هو: انا مبرشم و هظبتك ..بس سلك ودنك معايا عشان تنقل اول بأول وانا بكتب
انا:يا عم ده انا هقطع ودنى احطها جنب بؤك ..اظبتنى انت بس :)
اللجنه بدأت
اول سطر قالهولى
التانى
التالت
هوووووووووووووووووووووووووووووووووووووووووب
المراقب قفش الواد بالبرشام و طلعه برا
ههههههههههههههههههههههه
ابص حواليا ...ولا اكنى فى الاسكيمو ...كله لابس الورقه فى دماغه و غطسان فيها ...
واللجنه كان فيها غياب 15 طالب فالدنيا واسعه :( ومفيش حد جمبى
مش هقول بقى انا عملت ايه عشان محدش يضرب ..بس هشيل الماده ..

ههههههههههههههههه

مشكلة البراشيم انوا لما المادة تبقى كبيرة هتبقى ليلة :) يعني انتا حتبرشم ايه ولا ايه :) و حيكون معاك براشيم كتير و تتقفش :)

بالنسبة للمذاكرة بقى بصلك متحطش امل كبير :) يعني اصلاً الواحد نفسيته ادمرت و مبقاش ليه نفس يذاكر :) يعني و بعدين اخرتها ايه ! ادينا بنزق حبه بحبة لغاية ما ربنا يفرجها !

اموت و اعرف العيال ديه بتتخرج تبقى معيدة ازاي :(

ههههههههه اه ..وكمان لما تبقى مش عارف حاجه خالص بتبقى تايه فى البرشام ..انا واحد صاحبى كان معاه برشام المنهج كله ..ومعرفش يحل ليه ؟
مش عارف الاسئله دى فى انهى فصول هههههههههههه فضل قاعد يدور طول اللجنه ههههههههههههههههه الجهل وحش بردو

بص من الأخر جيب ملزمة المراجعة وأقعد عليها مش هقولك إحفظها ولا الكلام ده ﻷ إقراها مرتين تلاتة والي تحس إنه مهم أوي أوي أوي إكتبه في ورقة بره يوم الإمتحان الصبح بص بصة في الورقة دي وخش وهتنجح ومجربها كتير ببقى أبيض في المادة وبعدي بالطريقة دي ده كده وانا في كليه عملي كمان!!!

اصل الكلام الى هو بقعد استهجى الكلمه اصلا عشان اعرف انطقها !!
وانا الحمد لله عندى كل الملازم ده بتجيلى هديه والله ههههههههههههههه اخويه الكبير الاقيه جايلى كل يوم يقولى ده ملخص الماده الى جايه بتاعك :) وناس اصحابى بردو هههههههه بفكر ابيع الملازم دى بقى :(
عموما هحاول بس المشكله والله انى بتعقد و اتقفل اول ما ابدأ اقرا !!

[ganash]

قوم ذاكر الى تقدر عليه احسن يعنى الوقت الى هتعمل فيه برشام ممكن تذاكره وربنا يوفقك

[A7MED_PHARMA]

هات سماعة بلوتوث وإخلص
وإبعد عن د.محمد..علشان مايعرفش أبوه
ههههههههههههههههه

[yoko]

يا إبني أنا بقولك ملزمة المراجعة النهائيه بتبقى ما بين 20 و60 ورقة مش الملازم بتاعت طول السنه لو قعدت عليها من دلوقتي قبل الفجر هتكون مخلص وكله في التمام

أنا بقى عندي ماده تقيله والمراجعة النهائيه بتاعنها لوحدها فوق ال120 صفحة!!!! (ده الملخص واخد بالك)

[KHALED AYMAN]

قوم ذاكر الى تقدر عليه احسن يعنى الوقت الى هتعمل فيه برشام ممكن تذاكره وربنا يوفقك

انا والله مش عامل الموضوع عشان اعرف ابرشم ازاى انا مش عاوز ابرشم ...انا مشكلتى انى مش عارف اتصرف ازاى فى الموقف ده ...كليه لبست فيها و مش فاهم فيها حاجه و بتشقلب فى الكتاب عشان افهم و مش بعرف (هنفرض انى غبى :) ...اعمل ايه طيب ؟؟

هات سماعة بلوتوث وإخلص
وإبعد عن د.محمد..علشان مايعرفش أبوه
ههههههههههههههههه

لا سماعه هاند فرى عادى ,,,والبس كم طويل ..واحطها مكان الساعه كده و ازلقها ...واقعد فى اللجنه ساند راسى على ايدى ...
ولما اتمسك اقولهم ايه بقى ؟؟ المشكله ان المراقب هيبقى مضايق طبعا ...وهيلخبط فى الكلام ..والنتيجه هتبقى حرمان من دخول الامتحان سنتين ...:(
الطيب احسن
بس مين
د.محمد ؟؟

[Mzeid]

بص يا خالد

اكيد عندك اصحابك مذاكرين و عارفين المنهج روح اقعد مع اي حد فيهم و خليه يحكيلك على المنهج يبدأ يحكي من اول فصل لحد أخر حاجة اخدتوها كأنها حكاية و اعرف هتكون فكرة عن المنهج و كمان صاحبك أو اصحابك اللي بيحكولك هتكون مراجعة بالنسبة لهم
و بعدين روح البيت و افتح الكتاب و اقعد اتسلى فيه و اقرأ و اكيد هتعدي على الكلام اللي اصحابك قالوه لك ( اه دة محمد كان بيحكيلي عن كذا ... )

يعني خد الموضوع كحكاية
جرب و قولي النتيجة و ربنا معاك و معانا و مع الكل

[KHALED AYMAN]

يا إبني أنا بقولك ملزمة المراجعة النهائيه بتبقى ما بين 20 و60 ورقة مش الملازم بتاعت طول السنه لو قعدت عليها من دلوقتي قبل الفجر هتكون مخلص وكله في التمام

أنا بقى عندي ماده تقيله والمراجعة النهائيه بتاعنها لوحدها فوق ال120 صفحة!!!! (ده الملخص واخد بالك)

ايوه منا فاهم ...انها ملازم المراجعه ودى الى عندى ...

[KHALED AYMAN]

بص يا خالد

اكيد عندك اصحابك مذاكرين و عارفين المنهج روح اقعد مع اي حد فيهم و خليه يحكيلك على المنهج يبدأ يحكي من اول فصل لحد أخر حاجة اخدتوها كأنها حكاية و اعرف هتكون فكرة عن المنهج و كمان صاحبك أو اصحابك اللي بيحكولك هتكون مراجعة بالنسبة لهم
و بعدين روح البيت و افتح الكتاب و اقعد اتسلى فيه و اقرأ و اكيد هتعدي على الكلام اللي اصحابك قالوه لك ( اه دة محمد كان بيحكيلي عن كذا ... )

يعني خد الموضوع كحكاية
جرب و قولي النتيجة و ربنا معاك و معانا و مع الكل

للاسف اصحابى الى معايا فى الكليه ...وصلو 3 وانا لزقت بغرا فى 2 :(
انا معرفش حد معايا خااااااالص خصوصا انى مش بنزل الكليه غير ايام الامتحانات ..حتى فى الامتحانات تلاقينى بوصل على الامتحان بالظبط ...وبخلص وامشى على طول ..مفيش فرصه انى اعرف حد اصلا :(
انا فاهم الفكره الى انت بتتكلم فيها ...كانت فين من السنه الى فاتت دى يا عم

[A7MED_PHARMA]

الطيب احسن
بس مين
د.محمد ؟؟

منت مش متابع بقالك فترة
dr.mohamed معانا في المنتدى ..أستاذ في بني سويف
بس راجل سكرة
بيراقب على الامتحانات ..وحسب كلامه
أبوه لو بيبرشم في الامتحان ...هيعمله محضر غش

[medomaster]

بص هو انا مش طالب دحاح أوي بس في نظام ماشي عندنا في الجامعة بيخليني أجيب جيد مرتاح أوي ..انا في العادي جيد جدا أو امتياز
مثلا مادة زي الإلكترونيكس دي قول مثلا انهم 4 chapters
اول ماخد اول chapter هوب الآقي المعيد بيقول في بكرة كويز ..بضطر اقعد اذاكر بيبقو كام ورقة كدة وحاجات بسيطة واروح اجيب درجة حلوة ...هووووب وكام يوم فريت ميد تيرم بيبقى 2 chapters وطبعا انا ذاكرت واحد منهم قبل كدة فبذاكر واحد بس وأخش الإمتحان أجيب درجة حلوة بفضل الله ...بعديها ب اسبوعين الىقى كويز تاني ف 3 chapters وانا كدة كدة مذاكر اتنين منهم هراجعهم بس واذاكر الثالث دا لوجدة ...برده بعديها بكام يوم ألاقي الsecond ميد تيرم في نفس التلت شباتر ..ف ببص عليهم بس ...وبهد كدة الفاينال في 4 chapters وطبعا انا مذاكر تلاتة قبل كدة فهذاكر واحد بس ..وبكدة أخش تكون الدنيا كلها لوووووز والحمد لله
لو جمعنا الايام اللي انا قولتها اني بذاكر فيها هتلاقيها حوالي 10 بالكتيــــر اوي في التيرم :) بس كدة ..فالفكرة هنا انك لو قدرت كدة في نص الترم بما انك كلية نظري تبص بس كدة على نص المنهج ولا حاجة كأن عندك امتحان قريب ..وبكدة لما تيجي تفتحها اخر السنة هتبقى قريت عنها قبل كدة وان شاء الله تفتكر ..... بالنسبة للغش بقى دا فأنا فيه غبي اوي ..مبعرفش اغش خالص وساعات بتبقى قدامي فرص بس مبعرفش تحس ان هو ليه ناسو بس الحمد لله عمري ما ندمت على سؤال انا نقصت فيه وكان ممكن أغشه ..بحس ان انا مكتوبلي الدرجة دي من قبل ما أدخل الغمتحان فا هوجع قلبي ليه بس :)

[Mzeid]

طيب متعرفش تجيب امتحانات السنين اللي فاتت و تعرف الدكاترة بيركزوا على ايه ؟
و تحاول تجمع النقط دي و تلمها في اسرع وقت بالتلخيص ؟

منت مش متابع بقالك فترة
dr.mohamed معانا في المنتدى ..أستاذ في بني سويف
بس راجل سكرة
بيراقب على الامتحانات ..وحسب كلامه
أبوه لو بيبرشم في الامتحان ...هيعمله محضر غش

الحمد لله أن انا ماشي في السليم

بص هو انا مش طالب دحاح أوي بس في نظام ماشي عندنا في الجامعة بيخليني أجيب جيد مرتاح أوي ..انا في العادي جيد جدا أو امتياز
مثلا مادة زي الإلكترونيكس دي قول مثلا انهم 4 chapters
اول ماخد اول chapter هوب الآقي المعيد بيقول في بكرة كويز ..بضطر اقعد اذاكر بيبقو كام ورقة كدة وحاجات بسيطة واروح اجيب درجة حلوة ...هووووب وكام يوم فريت ميد تيرم بيبقى 2 chapters وطبعا انا ذاكرت واحد منهم قبل كدة فبذاكر واحد بس وأخش الإمتحان أجيب درجة حلوة بفضل الله ...بعديها ب اسبوعين الىقى كويز تاني ف 3 chapters وانا كدة كدة مذاكر اتنين منهم هراجعهم بس واذاكر الثالث دا لوجدة ...برده بعديها بكام يوم ألاقي الsecond ميد تيرم في نفس التلت شباتر ..ف ببص عليهم بس ...وبهد كدة الفاينال في 4 chapters وطبعا انا مذاكر تلاتة قبل كدة فهذاكر واحد بس ..وبكدة أخش تكون الدنيا كلها لوووووز والحمد لله
لو جمعنا الايام اللي انا قولتها اني بذاكر فيها هتلاقيها حوالي 10 بالكتيــــر اوي في التيرم :) بس كدة ..فالفكرة هنا انك لو قدرت كدة في نص الترم بما انك كلية نظري تبص بس كدة على نص المنهج ولا حاجة كأن عندك امتحان قريب ..وبكدة لما تيجي تفتحها اخر السنة هتبقى قريت عنها قبل كدة وان شاء الله تفتكر ..... بالنسبة للغش بقى دا فأنا فيه غبي اوي ..مبعرفش اغش خالص وساعات بتبقى قدامي فرص بس مبعرفش تحس ان هو ليه ناسو بس الحمد لله عمري ما ندمت على سؤال انا نقصت فيه وكان ممكن أغشه ..بحس ان انا مكتوبلي الدرجة دي من قبل ما أدخل الغمتحان فا هوجع قلبي ليه بس :)

النظام دة عندي برضه
بس المشكلة انه دلوقتي عايز يلم علشان امتحانه كمان يوم